اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى باس شۋجي شي جينپيڭنىڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 31 - رەتكى توپتىق ۇيرەنۋىندەگى، ”1 - شىلدە وردەنىن“ بەرۋ سالتىنداعى ماڭىزدى سوزدەرىنىڭ رۋحىن جەتكىزدى، ۇيرەندى
باستان - اياق قىزىل قان تامىردى ۇزدىكسىز جالعاستىرىپ، اۋەلگى ماقسات پەن بورىشتى تاباندىلىقپەن امالياتتا ايگىلەپ، ورنىقتىلىقتىڭ، دامۋدىڭ ۇزدىك ناتيجەلەرىمەن پارتيا قۇرىلعاندىعىنىڭ 100 جىلدىعىن قۇتتىقتاۋ كەرەك
چىن چۋانگو ءماجىلىستى باسقاردى
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 6 - ايدىڭ 30 - كۇنى ۇرىمجىدەن حابارلايدى. 6 - ايدىڭ 29 - كۇنى اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 31 - رەتكى توپتىق ۇيرەنۋىندەگى، ”1 - شىلدە وردەنىن“ بەرۋ سالتىنداعى ماڭىزدى سوزدەرىنىڭ رۋحىن جەتكىزدى، ۇيرەندى، رايونىمىزدىڭ دايەكتىلەندىرۋ، تياناقتاندىرۋ پىكىرىن اقىلداستى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.
ءماجىلىس مىنالاردى اتاپ كورسەتتى: باس شۋجي شي جينپيڭنىڭ ماڭىزدى سوزدەرىنىڭ رۋحىن مۇقيات ۇيرەنىپ، دايەكتىلەندىرىپ، باستان - اياق قىزىل قان تامىردى ۇزدىكسىز جالعاستىرىپ، ايقىن قاسيەتتى ۇزدىكسىز ايگىلەپ، ”1 - شىلدە وردەنى“ يەگەرلەرىنىڭ اسقاق قاسيەتى مەن ارداقتى رۋحىن زور كۇشپەن اسقاقتاتىپ، تاريح پەن حالىقتىڭ قالاۋىنان شىعاتىن جاڭا ناتيجەلەر جاراتۋعا قۇلشىنۋ كەرەك. يدەيالىق تانىمدى ۇزدىكسىز تەرەڭدەتىپ، قىزىل ءتۇستىڭ جۇڭگو كوممۋنيستىك پارتياسىنىڭ، جۇڭحۋا حالىق رەسپۋبليكاسىنىڭ ەڭ ايقىن قاسيەتى ەكەندىگىن جىعا تانىپ، پارتيانىڭ كۇرەس تاريحى جانە ۇلى تابىستارى ارقىلى كۇرەس جىگەرىن تاسقىنداتىپ، بەتالىس نۇسقاپ، پارتيانىڭ داڭقتى ءداستۇرى مەن تاڭداۋلى ستيلى ارقىلى سەنىمدى بەكەمدەپ، كۇش - قۋات ۇيىستىرىپ، پارتيانىڭ تاريحي تاجىريبەلەرى مەن امالياتتىق جاسامپازدىعى ارقىلى اقىل - پاراساتتى وياتىپ، ءمورالدىق قۇلىقتى شىڭداۋ كەرەك. مۇرات - سەنىمدى شىنايى بەكەمدەپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىمەن يدەيادا، ساياسيدا، ارەكەتتە وسكەلەڭ ءبىر اۋىزدىلىقتى ساقتاپ، پارتياعا بۇلجىماي ىلەسىپ، العان بەتىنەن قايتپاي، تاباندى تۇردە كوممۋنيزم ۇلى مۇراتى مەن جۇڭگوشا سوتسياليزم ورتاق مۇراتىنىڭ باتىل سەنۋشىلەرى، ادال امالياتشىلارى بولۋ كەرەك. عىلمي نازاريامەن قارۋلانۋدى كۇشەيتىپ، پارتيانىڭ 100 جىلدىق كۇرەس تاريحىنان اقيقاتتىڭ كۇشىن سەزىنىپ، شي جينپيڭ جاڭا ءداۋىر جۇڭگوشا سوتسياليزم يدەياسىن مىزعىماس تاباندىلىقپەن جەتە ۇيرەنىپ، جەتە ءتۇسىنىپ، مىزعىماس تاباندىلىقپەن وسى ماڭىزدى يدەيامەن وي - سانانى قارۋلاندىرۋ، امالياتقا جەتەكشىلىك ەتۋ، قىزمەتتەردى ىلگەرىلەتۋ كەرەك. مىعىم پارتيالىلىق شىڭدالۋعا تاباندى بولىپ، اۋەلگى ماقسات پەن بورىشتى ەستە بەرىك ساقتاپ جانە امالياتتا ايگىلەپ، حالىقتى وزەك ەتۋگە تاباندى بولىپ، پارتيانىڭ ۇلى رۋحى مەن داڭقتى ءداستۇرىن ۇزدىكسىز اسقاقتاتىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، وزىنە توڭكەرىس جاساۋ رۋحىن زور كۇشپەن اسقاقتاتىپ، باستان - اياق تولىمدى پارتيا مۇشەسى بولىپ، مۇراتتان اينىماي قۇلشىنا كۇرەس جۇرگىزۋ كەرەك. قاھارماندار رۋحىن زور كۇشپەن اسقاقتاتىپ، ماداقتالىپ سيلانعان ”1 - شىلدە وردەنى“ يەگەرلەرىن ۇلگى تۇتىپ، جۇڭگو كوممۋنيستەرىنىڭ سەنىمدى بەكەمدەپ، باس ماقساتتى امالياتتا ايگىلەپ، ايانباي ۇلەس قوسىپ، پاك، كوپشىل بولعان اسقاق قاسيەتى مەن ارداقتى رۋحىن امالياتتا ايگىلەپ، جايشىلىقتا كوزگە ءتۇسىپ، شەشۋشى ساتتە كەۋدە كەرە العا شىعۋدى، قاتەرلى، قيىن وتكەلدە باسىن ءباي تىگۋدى شىنايى ورىنداۋ كەرەك. قىزىل بايلىقتان ويداعىداي، جاندى پايدالانىپ، قىزىل بايلىقتى دەن قويا، سۇيىسپەنشىلىكپەن، كۇش سالا ويداعىداي قورعاۋ، ويداعىداي باسقارۋ، ويداعىداي پايدالانىپ، عىلمي قورعاۋدى كۇشەيتىپ، تاربيەلەۋ فۋنكتسياسىن كۇشەيتىپ، تاريحتى دۇرىس ۇيرەنىپ، تاريحتان دۇرىس پايدالانىپ، پارتيا حيكايالارىن، توڭكەرىس حيكايالارىن، قاھارمان حيكايالارىن جاندى، ويداعىداي بايانداپ، قىزىل مادەنيەتتىڭ كەڭ تارالۋىن، ساناعا ءسىڭىپ، جۇرەككە ۇيالاۋىن ىلگەرىلەتىپ، پارتيا تاريحىن ۇيرەنۋ تاربيەسىنىڭ تەرەڭدەۋىن، ناقتىلانۋىن ىلگەرىلەتۋ كەرەك. ءتۇرلى قىزمەتتەردى تىڭعىلىقتى، ويداعىداي ىستەپ، پارتيا تاريحىن ۇيرەنۋ تاربيەسىنەن قاۋلاپ شىققان قۋاتتى قوزعاۋشى كۇشتى شىنايى تۇردە شينجياڭنىڭ ورنىقتىلىعىن، دامۋىن ىلگەرىلەتۋدىڭ ناقتى ارەكەتىنە اينالدىرىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، دامۋ مەن حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، قوعام ورنىقتىلىعىنىڭ، ىندەتتەن ساقتانۋ - تىزگىندەۋدى ۇدايىلاندىرۋدىڭ، ءوندىرىس حاۋىپسىزدىگىنىڭ جانە ەكونوميكانى جوعارى ساپالى دامىتۋدىڭ ءتۇرلى قىزمەتتەرىن تىڭعىلىقتى، ويداعىداي ىستەپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قۇتتىقتاۋ كەرەك.
ءماجىلىس بۇكىل رايوننىڭ ءوندىرىس حاۋىپسىزدىگى قىزمەتىن ورنالاستىرىپ، قاتىستى حۇجاتتى قاراپ ماقۇلدادى. ءماجىلىس مىنالاردى اتاپ كورسەتتى: باس شۋجي شي جينپيڭنىڭ ءوندىرىس حاۋىپسىزدىگى جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، حاۋىپسىز دامۋ ۇستانىمىن بەرىك ورناتىپ، ءوندىرىس حاۋىپسىزدىگى سىندى ارقاۋدى ءارقاشان مىقتاپ شيراتىپ، حالىق بۇقاراسىنىڭ ءومىرىنىڭ حاۋىپسىزدىگىن قاي - قاشان دا ءبىرىنشى ورىنعا قويۋ كەرەك. ءوندىرىس حاۋىپسىزدىگىن ارناۋلى رەتتەۋ - جونگە سالۋ جانە كۇندەلىكتى ءوندىرىس حاۋىپسىزدىگىن باسقارۋدى ناقتى، ەگجەي - تەگجەيلى يگەرىپ، ءتۇيىندى سالالارداعى ءوندىرىس حاۋىپسىزدىگىندەگى كومەسكى قاتەرلەردى اداقتاپ تەكسەرۋ، رەتتەۋ - جونگە سالۋ جۇمىسىن ۇدايىلاندىرىپ ورىستەتىپ، اۋىر، ەرەكشە، ءىرى وقيعالاردىڭ تۋىلۋىن باتىل تەجەۋ كەرەك. حاۋىپسىزدىكتى جونگە سالۋ ونىمدىلىگىن ۇزدىكسىز جوعارىلاتىپ، ءوندىرىس حاۋىپسىزدىگىنىڭ جالپى تۇلعالىق دەڭگەيىن شىنايى جوعارىلاتۋ كەرەك. ءوندىرىس حاۋىپسىزدىگى جاۋاپكەرشىلىگى ءتۇزىمىن قاتاڭ تياناقتاندىرىپ، پارتيا مەن ۇكىمەت ورىندارى تەڭ جاۋاپكەرشىلىك ارقالاۋعا ،ءبىر قىزمەت ورنىندا قوس جاۋاپكەرشىلىك وتەۋگە، تەڭ يگەرىپ، بىرگە باسقارۋعا، قىزمەت وتەمەگەندەردىڭ جاۋاپكەرشىلىگىن قۋزاۋعا تاباندى بولىپ، جاۋاپكەرشىلىك جۇيەسىن ۇزدىكسىز اقاۋسىزداندىرىپ، كەمەلدەندىرىپ، ءوندىرىس حاۋىپسىزدىگىنىڭ جوعارى ساپالى دامۋىن ىلگەرىلەتۋ كەرەك.
ءماجىلىس باسقا دا ىستەردى اقىلداستى.
شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ، جاڭ چۇنلين، ياڭ چىڭ، ەركىن تۇنياز، تيان ۋىن، سارقىت اقان، تيان شياڭلي، چىن ۋيجۇن، ۋاڭ ميڭشان قاتارلىلار ماجىلىسكە قاتىناستى.
