تيانشان تورى   ›   ۇيرەنۋ   ›   شولۋ

100 جىلدىق شۇعىلالى تابىس جاراتىپ، ماڭگىلىك ۇلى ءىستى جازدى

  − جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قىزۋ قۇتتىقتايمىز

حالىق گازەتى باسماقالاسى 

  ءبىر عاسىر بوران - شاشىندا ۇدەرە العا تارتتى، 90 مىڭ شاقىرىمدىق اسپاندا سامۇرىق سامعاپ بارادى. جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارى ءساتتى باستالعان ماڭىزدى ساتتە، ءبىز جۇڭگو كوممۋنيستىك پارتياسىنىڭ 100 جىلدىق مەرەيتويىن قارسى الىپ وتىرمىز. وسى ەلەۋلى تاريحي كەزەڭدە، بۇرىنعى كۇرەس جولىنا قايىرىلا قاراساق، الدىمىزداعى ەكپىندەي ىلگەرىلەۋ جولىنا كوز سالساق، ءبىزدىڭ كوڭىلىمىز تاسىپ، جىگەرىمىز اسقاقتاي تۇسەدى!

   2021 − 1921، 100 جىلدا شۇعىلالى تابىس جاراتىلدى. پارتيا قۇرىلىپ سونى ءورىس اشۋدان، جاڭا جۇڭگو قۇرىلىپ تىڭ تىنىس اكەلۋگە دەيىن، رەفورما جاساپ، ەسىك اشىپ جويقىن وزگەرىس تۋدىرعانعا دەيىن، ونان پارتيا 18 - قۇرىلتايىنان بەرگى پارتيا مەن مەملەكەت ىستەرىندە قول جەتكەن تاريحي تابىستارعا، تۋىلعان تاريحي وزگەرىستەرگە دەيىن، جۇڭگو كوممۋنيستىك پارتياسى اۋەلگى ماقساتتان، بورىشتان اينىماي، حالىقتى ىنتىماقتاستىرىپ، باستاپ، ”دۇنيە ءجۇزىن تاڭ قالدىرعان ەرەكشە“ دامۋ تابىسىن جاراتىپ، ادامزاتتىڭ دامۋ تاريحىنداعى ۇلى كەرەمەتتى جازدى، سوتسياليستىك جۇڭگو اناعۇرلىم ايبىندى بەينەمەن دۇنيەنىڭ شىعىسىندا اسقاق بوي كوتەرىپ، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى.

  2021 − 1921، 100 جىلدىق داڭقتى شاقتار. شىكۋمىننەن تيان - انمىنعا دەيىن، شيڭيە جولىنان فۋشيڭ جولىنا دەيىن، كىشكەنە قىزىل قايىقتان الىپ كەمەگە دەيىن، جۇڭگو كوممۋنيستىك پارتياسى ماشاقاتتى دا شۇعىلالى وتكەن كۇندەردى باستان كەشىرىپ، بۇگىنگى تاڭدا كۇن سايىن جاڭارىپ، اي سايىن تۇلەجىپ، جارقىن دا كەڭ بولاشاققا قادام تاستاپ، دامي كەلە ەڭ ءىرى سوتسياليستىك مەملەكەتتە 70 نەشە جىل بيلىك جۇرگىزگەن، 95 ميلليوننان استام پارتيا مۇشەسى بار دۇنيە جۇزىندەگى ەڭ ۇلكەن ماركسيزمدىك بيلىك باسىنداعى ساياسي پارتياعا اينالىپ، ءبىر ميلليارد 400 ميلليوننان استام جۇڭگو حالقىنىڭ ەڭ كەڭ قولداۋى مەن جاقتاۋىنا يە بولدى.

  2021 − 1921، 100 جىلدىق قۇلاشىن كەڭ جايعان بارىس. جۇڭگو حالقىن باقىتقا كەنەلتۋ جولىندا ءارى ادامزاتتىڭ العا باسۋ ىستەرىن جەبەۋ جولىندا كۇرەس جۇرگىزگەن جۇڭگو كوممۋنيستىك پارتياسى دۇنيە ءجۇزىنىڭ ۇلى بىرلىگىن كوزدەگەن الەمدىك ىنتا - ىقىلاسىنان اينىماي، بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى تۇتاس ادامزاتتىڭ ورتاق قۇنىنان اينىماي، ادامزاتتىڭ تاعدىرلاس ورتاق تۇلعاسىن قۇرۋدى بەلسەندىلىكپەن ىلگەرىلەتىپ، باستان - اياق دۇنيە ءجۇزى بەيبىتشىلىگىنىڭ قۇرۋشىسى، الەمدىك دامۋدىڭ ۇلەسكەرى، حالىقارالىق ءتارتىپتىڭ قورعاۋشىسى بولىپ، ادامزاتتىڭ ماسەلەلەرىن شەشۋگە جۇڭگو پاراساتى مەن جۇڭگو جوباسىن ارناپ، ادامزات وركەنيەتى مەن العا باسۋ ىستەرىنە ەرەن ۇلەستەر قوستى.

  باس شۋجي شي جينپيڭ بىلاي دەپ تەرەڭ اتاپ كورسەتتى: ”پارتيامىزدىڭ تاريحى جۇڭگونىڭ تاياۋ زاماننان، وسى زاماننان بەرگى تاريحىنداعى ەڭ جىر ەتەرلىك تاراۋ، تاريح حالىقتىڭ ىزدەنىس جاساۋى مەن كۇرەسى بارىسىندا جۇڭگو كوممۋنيستىك پارتياسىن تۋدىردى، ال پارتيامىز حالىقتى ىنتىماقتاستىرىپ، باستاپ، تاريحى ۇزاق جۇڭحۋا وركەنيەتىنىڭ جاڭا تاريحي شۇعىلاسىن جاراتتى“. 100 جىلدىق ۇزدىكسىز كۇرەس بارىسىندا جۇڭگو كوممۋنيستىك پارتياسى حالىقتى ىنتىماقتاستىرىپ، باستاپ، ۇلى جول اشىپ، ۇلى ەڭبەك ءسىڭىرىپ، ۇلى رۋح سومداپ، باعالى تاجىريبەلەر توپتاپ، جۇڭحۋا ۇلتىنىڭ دامۋ تاريحىندا، ادامزات قوعامىنىڭ العا باسۋ تاريحىندا ادامدى ءتانتى ەتەرلىك كەرەمەتتەر جاراتتى.

  بۇل − جاپالى دا ەرەسەن، اسقاق تا ايبىندى كوركەم تاريحي داستان. دۇنيە جۇزىندە ەشقانداي پارتيا ءبىز سياقتى وسىنشاما كوپ جاپا - ماشاقاتقا، قيىنشىلىققا، حاۋىپ - قاتەرگە، كەدەرگىگە كەزدەسىپ، وسىنشاما كوپ ءولىم - ءومىر سىناعىن باستان كەشىرىپ، وسىنشاما كوپ اۋىر قۇرباندىق بەرگەن جوق. 100 جىلدان بەرى ءار ءتۇرلى قيىنشىلىقتار مەن سىن - سايىستارعا توتەپ بەرۋ بارىسىندا، پارتيامىز ازۋلى جاۋدان قورىقپاي، حاۋىپ - قاتەردەن جاسقانباي، باتىلدىقپەن كۇرەس جۇرگىزىپ، ەرلىكپەن جەڭىسكە جەتىپ، حالىقتى ىنتىماقتاستىرىپ، باستاپ، تالاي - تالاي سىرتتاي قاراعاندا بويسۇندىرۋ مۇمكىن ەمەس سياقتى كورىنگەن قيىن وتكەلدەردى بويسۇندىرىپ، تالاي - تالاي سىرتتاي قاراعاندا قول جەتكىزۋ مۇمكىن ەمەس سياقتى كورىنگەن ۇلى جەڭىستەرگە قول جەتكىزدى. 100 جىلدىق كۇرەس ارقىلى ءبىز نەشە مىڭ جىلدىق فەودالدىق قوعام تاريحى بار ەلدە ەڭ كەڭ حالىق دەموكراتياسىن جۇزەگە اسىرىپ، حالىق شىن مانىندە مەملەكەتتىڭ، قوعامنىڭ جانە ءوز تاعدىرىنىڭ قوجايىنىنا اينالدى؛ ءبىز بىرىنشىدەن كەدەي، ەكىنشىدەن اق نەگىزدە ەكونوميكاسى، قوعامى تەز قارقىنمەن دامىعان كەرەمەتتى جاراتىپ، وركەندەگەن ەلدەر نەشە 100 جىل باسقان ونەركاسىپتەنۋ بەلەسىن نەشە 10 جىلدا باسىپ ءوتىپ، دۇنيە جۇزىندەگى ەكىنشى ءىرى ەكونوميكالىق تۇلعالىق ورىنعا كوتەرىلىپ، جالپىلىق مەملەكەت قۋاتىمىز، عىلىم - تەحنيكالىق ناقتى قۋاتىمىز، مەملەكەت قورعانىسىنداعى ناقتى قۋاتىمىز، مادەنيەت ىقپال قۋاتىمىز، حالىقاراداعى ىقپال قۋاتىمىز كورنەكتى جوعارىلادى؛ ەلىمىز حالقىنىڭ تۇرمىسى ىشەر اس، كيەر كيىمگە جارىماۋدان جاپپاي دوڭگەلەك داۋلەتتىلىككە جەتىپ، تۇتاس تۇلعالىق جاقتان مۇلدە كەدەيلىكتەن تۇبەگەيلى ارىلىپ، دۇنيە جۇزىندەگى ورتاشا كىرىستەگى جان سانى ەڭ كوپ ەلگە اينالدى؛ ەلىمىز قوعامنىڭ ۇزاق ۋاقىت ورنىقتى بولۋىنداي كەرەمەتتى جاراتىپ، قوعامنىڭ جاراسىمدىلىعىن، ورنىقتىلىعىن ۇزاق ۋاقىت ساقتاپ، حالىق تىنىش ءومىر، شات - شادىمان تىرشىلىك كەشىرىپ، حالىقارالىق قوعام جالپى بەتتىك مويىنداعان ەڭ حاۋىپسىزدىك سەزىمگە يە ەلدەردىڭ بىرىنە اينالدى. بۇگىن پارتيانىڭ بەت - بەينەسىندە، مەملەكەتتىڭ بەت - بەينەسىندە، حالىقتىڭ بەت - بەينەسىندە، ارميانىڭ بەت - بەينەسىندە، جۇڭحۋا ۇلتىنىڭ بەت - بەينەسىندە بۇرىن بولماعان وزگەرىستەر تۋىلدى، ەشقانداي كۇش ءبىزدىڭ ۇلى وتانىمىزدىڭ ورنىن مىزعىتا المايدى، ەشقانداي كۇش جۇڭگو حالقى مەن جۇڭحۋا ۇلتىنىڭ العا ىلگەرىلەۋ قادامىن توسا المايدى.

  بۇل − پارتيانىڭ اۋەلگى ماقساتىن، بورىشىن امالياتتا ايگىلەگەن شۇعىلالى تاريح. جۇڭگونىڭ ساياسي ساحناسىنا شىققان ساتتەن باستاپ، پارتيامىز باستان - اياق جۇڭگو حالقىنىڭ باقىتىن كوزدەدى، جۇڭحۋا ۇلتىنىڭ گۇلدەنۋىن كوزدەدى. وسىدان باستاپ جۇڭگو حالقى رۋحاني جاقتا ىرىقسىزدىقتان ىرىقتىلىققا ءوتىپ، جۇڭحۋا ۇلتى ماشاقاتتىلىقپەن، الايدا بوگەۋ بەرمەيتىن ارىنمەن ۇلى گۇلدەنۋدى بەتكە الدى. 100 جىلدان بەرى جاعداي مەن مىندەت مەيلى قالاي وزگەرسىن، مەيلى قانداي تار جول، تايعاق كەشۋ كەزدەسسىن، پارتيامىز باستان - اياق تاريحي ىرىقتىلىقتى يگەرىپ، كۇرەس نىساناسىنان كوز جازباي، دۇرىس بەتالىسقا قاراي تاباندىلىقپەن العا ىلگەرىلەدى. حالىق دەگەنىمىز بيلىك، پارتيامىز بيلىككە قول جەتكىزۋدە، بيلىكتى قورعاۋدا حالىقتىڭ تىلەگىن قورعادى، حالىقتىڭ جاقسى تۇرمىس كەشىرۋىن ماقسات ەتتى. مەيلى قانشاما زور سىن - سايىس پەن قىسىمعا ءدوپ كەلسە دە، مەيلى قانشاما زور قۇرباندىق پەن بوداۋ بەرسە دە، بۇل جاعىندا تيتتەي دە اۋىتقىمادى. 100 جىلدىق كۇرەس ارقىلى پارتيامىز حالىققا سۇيەنىپ تاريحي ۇلى ەڭبەكتى جاراتىپ، جۇڭحۋا ۇلتى ۇلى گۇلدەنۋىنىڭ جارقىن كەلەشەگىن قارسى الىپ، ءجۇز ميلليونداعان حالىقتى باستاپ ءتىپتى دە باقىتتى، تاماشا تۇرمىستى ۇزدىكسىز جاراتتى. بەينە باس شۋجي شي جينپيڭ تەرەڭ اتاپ كورسەتكەندەي: ”پارتيا تاريحىنا قايىرىلا قارايتىن بولساق، نە ءۇشىن پارتيامىز سونشاما ءالسىز جاعدايدا بىرتىندەپ دامىپ، زورايا الدى، قان سۋداي اققان كەزدەردە تالاي رەت مۇشكىل حالدەن قايتا تىرشىلىككە يە بولا الدى، قيىندىقتان قامال الۋ بارىسىندا جەڭىستەن - جەڭىسكە قول جەتكىزە الدى، مۇنداعى ءتۇبىرلى سەبەپ مەيلى قولايلى جاعدايدا، الدە قولايسىز جاعدايدا بولسىن، پارتيامىز قاشاندا جۇڭگو حالقىنىڭ باقىتىن كوزدەۋدەي، جۇڭحۋا ۇلتىنىڭ گۇلدەنۋىن كوزدەۋدەي اۋەلگى ماقساتتان، بورىشتان اينىماي، وسى نىسانانى بەتكە الىپ ادىلەت جولىندا ەشتەڭەدەن تايىنباي العا باسقاندىعىندا، وسى ارقىلى حالىقتىڭ شىن جۇرەكتەن جاقتاۋى مەن باتىل قولداۋىنا يە بولدى“. 100 جىلدا سان وقيعانى باستان كەشىرگەن جۇڭگو كوممۋنيستەرى اۋەلگى ماقساتتا بولاتتاي بەرىك تۇرىپ، بورىشتى ارقالاپ، جاڭا ۇلى ساپاردا اسقاق بەينەمەن ەكپىندەي ىلگەرىلەدى!

  بۇل − ماركسيزمدى جۇڭگوشالاندىرۋدى، داۋىرگە ۇيلەستىرۋدى، جالپىعا بەيىمدەۋدى ىلگەرىلەتكەن ۇلى ءۇردىس. تاياۋ زامانعى جۇڭگونىڭ ەڭ قىسىلتاياڭ شاعىندا، جۇڭگو كوممۋنيستەرى ماركسيزم - لەنينيزمدى تاپتى ءارى ماركسيزم - لەنينيزمدى جۇڭگونىڭ ءىس جۇزىندىك جاعدايىمەن ۇشتاستىرۋعا تاباندى بولىپ، ماركسيزم اقيقاتىنىڭ كۇشىمەن جۇڭحۋا ۇلتىنىڭ نەشە مىڭ جىل ۋاقىتتى باستان كەشىرىپ جاراتقان ۇلى وركەنيەتىن جانداندىرىپ، جۇڭحۋا وركەنيەتىنىڭ قۇدىرەتتى رۋحاني كۇشىن تاعى دا تاسقىنداتتى. 100 جىلدان بەرى ماركسيزم جۇڭگوعا تەرەڭ وزگەرىس اكەلدى، جۇڭگو دا ماركسيزمدى بارىنشا بايىتتى. پارتيامىز يدەيانى ازات ەتۋ مەن شىندىقتى ءىس جۇزىنەن ىزدەۋدىڭ بىرلىگىنە، قاينارىن جەتىلدىرىپ، نەگىزىن بەكەمدەۋ مەن تۋراشىلدىقتى ساقتاپ، جاڭالىق اشۋدىڭ بىرلىگىنە تاباندى بولىپ، ماركسيزمنىڭ جاڭا ءورىسىن ۇزدىكسىز اشىپ، ماۋ زىدۇڭ يدەياسىن، دىڭ شياۋپيڭ نازارياسىن ورناتىپ، ”ۇشكە ۋاكىلدىك ەتۋ“ ماڭىزدى يدەياسىن، عىلمي دامۋ كوزقاراسىن قالىپتاستىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ورناتىپ، پارتيا مەن حالىق ىستەرىنىڭ دامۋىنا عىلمي نازاريا جەتەكشىلىگىن ازىرلەدى. پارتيامىزدىڭ تاريحى ماركسيزمدى جۇڭگوشالاندىرۋدى ۇزدىكسىز ىلگەرىلەتۋ تاريحى، نازاريادا جاڭالىق اشۋدى ۇزدىكسىز ىلگەرىلەتكەن، نازاريالىق جاسامپازدىق تۋدىرعان تاريح. بۇگىن ماركسيزم 21 - عاسىرداعى جۇڭگودا جاڭا جالىندى ومىرشەڭدىك كۇش قاۋلاتتى، 21 - عاسىرداعى جۇڭگونىڭ ماركسيزمى ءتىپتى دە قۇدىرەتتى، ءتىپتى دە يلاندىرۋ كۇشىنە يە اقيقات كۇشىن كورسەتۋدە!

  بۇل − نەگىز قالاپ، سۇرلەۋ سالعان، كەلەشەككە جول اشقان ايبىندى ساپار. ۇلتتىڭ تاۋەلسىزدىگى مەن حالىقتىڭ ازاتتىعىن، مەملەكەتتىڭ بايۋى، قۇدىرەتتەنۋى مەن حالىقتىڭ باقىتىن جۇزەگە اسىرۋ ءۇشىن، جۇڭگو كوممۋنيستەرى ادىلەت جولىندا ەشتەڭەدەن تايىنباي، مۇراتتان اينىماي، ۇزدىكسىز كۇرەس جۇرگىزدى. 100 جىلدان بەرى پارتيامىز حالىقتى ىنتىماقتاستىرىپ، باستاپ، 30 جىلعا تاياۋ ۋاقىتتا جاڭا دەموكراتيالىق توڭكەرىستى ورىنداپ، جاڭا جۇڭگونى قۇرىپ، جۇڭگو حالقى وسىدان باستاپ ەڭسە كوتەردى؛ پارتيامىز حالىقتى ىنتىماقتاستىرىپ، باستاپ، سوتسياليستىك توڭكەرىس پەن قۇرىلىس نەگىزىندە 40 نەشە جىل ۋاقىت جۇمساپ رەفورما جاساۋدى، ەسىك اشۋدى جۇرگىزىپ، جاپپاي دوڭگەلەك داۋلەتتى قوعام ورناتۋدا ۇلى تاريحي تابىسقا قول جەتكىزىپ، كەدەيلىكتەن ارىلتۋدان قامال الۋ شايقاسىندا جالپى بەتتىك جەڭىسكە قول جەتكىزىپ، ءبىرىنشى 100 جىلدىق كۇرەس نىساناسىن جۇزەگە اسىردى. كەلەشەككە كوز سالعاندا، 2035 - جىلعا بارعاندا پارتيامىز حالىقتى ىنتىماقتاستىرىپ، باستاپ، سوتسياليستىك وسىزامانداندىرۋدى نەگىزىنەن جۇزەگە اسىرادى ءارى وسى نەگىزدە تاعى 15 جىل كۇرەس جۇرگىزىپ، وسى عاسىردىڭ ورتاسىنا بارعاندا جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعادى. قازىر ەكىنشى 100 جىلدىق كۇرەس نىساناسىنا قاراي شەرۋ تارتۋدىڭ دابىلى قاعىلدى، بۇكىل پارتيا، بۇكىل ەلدەگى ءار ۇلت حالقى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جاڭا داۋىردەگى ۇلى ساپاردا بوران - شاشىندا بوگەلمەي، قايسارلىقپەن العا ىلگەرىلەپ، جاپپاي سوتسياليستىك وسىزاماندانعان مەملەكەت قۇرۋدىڭ تاريحي ۇلى ارمانى ءۇشىن كۇرەس جۇرگىزۋدە.

  جۇڭگو كوممۋنيستىك پارتياسى قۇرىلعاننان بەرگى 100 جىل جۇڭگو حالقىنىڭ تاريحي تاعدىرىن تۇبىرىنەن وزگەرتكەن 100 جىل، جۇڭحۋا ۇلتى ۇلى گۇلدەنۋدى بەتكە العان 100 جىل، جۇڭگو بۇكىل ادامزاتتىڭ دامۋىنا ەرەن ۇلەس قوسقان 100 جىل. جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ، باستاپ، ءجۇرىپ وتكەن شۇعىلالى بەلەستەرى ىستىق قانمەن، ماڭداي تەرمەن، كوز جاسىمەن جازىلعان، جاپا - ماشاقات پەن شۇعىلاعا، بۇراڭدىق پەن جەڭىسكە، بوداۋ مەن تابىسقا تولى، ول جۇڭحۋا ۇلتىنىڭ دامۋ تاريحىنداعى ايبىندى تاراۋ. جۇڭگو كوممۋنيستىك پارتياسىنىڭ جۇڭگو حالقىنا باسشىلىق ەتىپ قول جەتكىزگەن ۇلى جەڭىسى، جۇڭحۋا وركەنيەتىنىڭ وسىزاماندانۋ ۇردىسىندە تىڭ جالىندى ومىرشەڭدىك تاسقىنداتۋىنا مۇمكىندىك جاسادى، عىلمي سوتسياليزمنىڭ 21 - عاسىردا تىڭ جالىندى ومىرشەڭدىك تاسقىنداتۋىنا مۇمكىندىك جاسادى، جۇڭحۋا ۇلتىنىڭ تىڭ جالىندى ومىرشەڭدىك تاسقىنداتۋىنا مۇمكىندىك جاسادى، ول جۇڭگو حالقى مەن جۇڭحۋا ۇلتىنىڭ الدىڭعىلاردىڭ ءىزىن باسىپ، بولاشاققا جول اشۋىنىڭ، ەرلىكپەن العا ىلگەرىلەۋىنىڭ رەال نەگىزى.

  اماليات مىنانى تولىق دالەلدەدى: جۇڭگو كوممۋنيستىك پارتياسى جۇڭگو حالقى مەن جۇڭحۋا ۇلتىنىڭ سۇيەنىشى، تەك جۇڭگو كوممۋنيستىك پارتياسى عانا جۇڭگوعا باسشىلىق ەتە الادى، تەك سوتسياليزم عانا جۇڭگونى قۇتقارا الادى، تەك رەفورما جاساۋ، ەسىك اشۋ عانا جۇڭگونى دامىتا الادى، سوتسياليزمدى دامىتا الادى، ماركسيزمدى دامىتا الادى، تەك جۇڭگوشا سوتسياليزم جولى عانا جۇڭگونى گۇلدەنۋگە، بايۋعا، قۇدىرەتتەنۋگە بەت الۋعا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا باستاي الادى.

  قازىر دۇنيە ءجۇزى 100 جىلدا بولماعان زور وزگەرىستى باستان كەشىرۋدە، ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى كەزەڭىندە تۇر، پارتيامىز حالىقتى باستاپ كوپتەگەن جاڭا تاريحي ەرەكشەلىكتەرگە يە ۇلى كۇرەستەر جۇرگىزۋدە، جاعدايدىڭ، ورتانىڭ وزگەرۋىنىڭ تەزدىگى، رەفورما، دامۋ، ورنىقتىلىق مىندەتىنىڭ اۋىرلىعى، قايشىلىقتىڭ، حاۋىپ - قاتەردىڭ، سىن - سايىستىڭ كوپتىگى پارتيامىزدىڭ ەل باسقارۋىنا بۇرىن بولىپ كورمەگەن اۋىر سىن اكەلدى. ءبىز مىنانى تەرەڭ تۇسىنەمىز: جۇڭحۋا ۇلتىنىڭ ۇلى گۇلدەنۋىنىڭ شۇعىلاسى الدا، كەلەشەك جارقىن، ءبىراق ول وڭاي - وسپاق، ايعاي - سۇرەنمەن ىسكە اسا سالمايدى، ءبىز وڭاي قولعا كەلمەيتىن ورايعا ءدوپ كەلۋمەن بىرگە، قاتاڭ سىن - سايىسقا دا ءدوپ كەلۋدەمىز. ”قوس 100 جىلدىق“ كۇرەس نىساناسىنىڭ تاريحي توعىسۋ تۇيىنىندە 100 جىلدىق كۇرەس بەلەسىنە قايىرىلا قاراساق، ۇلى گۇلدەنۋ كەلەشەگىنە كوز جىبەرسەك، وراي مەن اۋقىم ءبىز جاقتا، بۇل ءبىزدىڭ تاباندىلىعىمىز بەن كۇش - قايراتىمىزدىڭ تياناعى ءارى ءبىزدىڭ بەكىمىمىز بەن سەنىمىمىزدىڭ تياناعى.

  باس شۋجي شي جينپيڭ بىلاي دەپ اتاپ كورسەتتى: ”جاپپاي دوڭگەلەك داۋلەتتى قوعام ورناتۋ، ءبىرىنشى 100 جىلدىق كۇرەس نىساناسىن جۇزەگە اسىرۋ جۇڭگو كوممۋنيستىك پارتياسىنىڭ كۇرەس تاريحىندا، جاڭا جۇڭگونىڭ دامۋ تاريحىندا، جۇڭحۋا ۇلتىنىڭ وركەنيەت تاريحىندا بەلەستىك مانگە يە. سونىمەن بىرگە ءبىز، ءسوز جوق، مىنانى جىعا تانۋىمىز كەرەك: بۇل تەك ءبىزدىڭ جۇڭحۋا ۇلتىنىڭ ۇلى گۇلدەنۋىنە قاراي تاستاعان شەشۋشى ءبىر قادامىمىز عانا، ءبىز، استە، داندايسىپ، توقمەيىلسىمەۋىمىز، العا باسپاي توقىراپ قالماۋىمىز، ۇزدىكسىز تۇردە كىشى پەيىل، بايسالدى بولىپ، داندايسۋدان، ۇشقالاقتىقتان اۋلاق بولۋىمىز، ۇزدىكسىز تۇردە قاجىرلىلىقپەن كۇرەس جۇرگىزىپ، قايتپاس جىگەرمەن العا ۇمتىلىپ، ەكىنشى 100 جىلدىق كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن قايراتتانا، ايانباي ىستەپ، ادامزاتتىڭ بەيبىتشىلىگى مەن دامۋى سىندى اسقاق ءىس ءۇشىن ۇزدىكسىز تىڭ، اناعۇرلىم كەسەك ۇلەس قوسۋىمىز كەرەك!“. جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا ءورىس اشا العا ىلگەرىلەگەندە، ءسوز جوق، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ماركسيزمگە، كوممۋنيزمگە دەگەن نانىمدى كۇشەيتىپ، جۇڭگوشا سوتسياليزمگە دەگەن ۇستانىمدى كۇشەيتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا دەگەن سەنىمدى كۇشەيتىپ، اۋەلگى ماقساتتى، بورىشتى ەستە بەرىك ساقتاپ، ”ەكى بولسىنعا“ تاباندى بولىپ، ستراتەگيالىق تاباندىلىقتى ساقتاپ، تاۋقىمەت تانىمىن كۇشەيتىپ، كۇرەس جۇرگىزۋ رۋحىن ساقتاپ، جۇمىلدىرۋعا بولاتىن بارلىق بەلسەندى فاكتورلاردى جۇمىلدىرىپ، ىنتىماقتاسۋعا بولاتىن بارلىق كۇشتەرمەن ىنتىماقتاسىپ، داعدارىس ىشىندە وراي جەتىلدىرىپ، وزگەرىس بارىسىندا جاڭا جاعداي اشىپ، ءوز ءىسىمىزدى بار كۇشپەن جاقسى ىستەپ، تاريحتىڭ دۇرىس جاعىندا تۇرىپ، قاجىماي - تالماي ەكىنشى 100 جىلدىق كۇرەس نىساناسىن بەتكە الىپ جەڭىسپەن شەرۋ تارتىپ، ”ەمتيحان تاپسىراتىن“ سەرگەكتىكپەن جانە تاباندىلىقپەن جاڭا ءداۋىر جاۋاپناماسىن جاقسى جازىپ، دۇنيە ءجۇزىنىڭ اۋقىمىنا ۇيلەسۋ بارىسىندا جۇڭحۋا ۇلتىنىڭ ماڭگىلىك ۇلى ءىسىن جازۋىمىز كەرەك.

  ساپار الىس، ماقساتقا تەك كۇرەسپەن عانا جەتەمىز. ءبىز كۇرەس ارقىلى توسقاۋىلداردى تالقانداپ، اسقار تاۋلار مەن اساۋ وزەندەردەن وتتىك. ءبىز تاعى ۇزدىكسىز كۇرەس جۇرگىزىپ، ەرلىكپەن العا تارتىپ، ءتىپتى دە كوز تارتار شۇعىلالاردى جاراتامىز. ماڭگىلىك ۇلى ءىس مۇراتى ءدال 100 جىلدىق كەمەل شاققا تۋرا كەلدى. پارتيامىز باستان - اياق ءداۋىر اعىنىنىڭ ەڭ الدىڭعى لەگىندە تۇرسا، قامال الىپ، قيىنشىلىقتاردى جەڭۋدىڭ ەڭ الدىڭعى جاعىندا تۇرسا، ەڭ كەڭ حالىقتىڭ اراسىندا تۇرسا بولعانى، ءسوز جوق، جەڭىمپاز ورىندا ماڭگى قاسقايىپ تۇراتىن بولادى. جاڭا ۇلى ساپاردا بۇكىل پارتيا، بۇكىل ەلدەگى ءار ۇلت حالقى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە ونان ارى تىعىز ىنتىماقتاسىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، قولايلى جاعدايدان ۇتىمدى پايدالانىپ، ءورىس اشا العا ىلگەرىلەپ، ەكىنشى 100 جىلدىق كۇرەس نىساناسىن جۇزەگە اسىرۋ جولىندا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا قاجىماي - تالماي كۇرەس جۇرگىزۋ كەرەك!

  (شينحۋا اگەنتتىگىنىڭ 6 - ايدىڭ 30 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.