تيانشان تورى
تيانشان تورى   ›   جاڭالىقتار   ›   ماڭىزدى حابارلار

اناعۇرلىم كوركەم دۇنيە ءجۇزى ءۇشىن

  − شي جينپيڭنىڭ كۇللى الەمگە ىقىلاسى

  شينحۋا اگەنتتىگىنىڭ تىلشىلەرى حان مو، جىڭ حانگىن، حان لياڭ

  ”جۇڭگو كوممۋنيستىك پارتياسىنىڭ ىستەگەندەرىنىڭ بارلىعى جۇڭگو حالقىن باقىتقا كەنەلتۋ ءۇشىن، جۇڭحۋا ۇلتىنىڭ گۇلدەنۋىن جۇزەگە اسىرۋ ءۇشىن، ادامزاتتىڭ بەيبىتشىلىگى مەن دامۋىن كوزدەۋ ءۇشىن بولىپ تابىلادى“.

  باس شۋجي شي جينپيڭ وسى 100 جىلدىق ءىرى پارتيانىڭ كۇللى الەمگە ىقىلاسى مەن جاۋاپكەرشىلىگىن وسىلايشا باياندادى.

  ۇلى مۇرات ورناتىپ، ۇلى بىرلىكتى كوزدەدى. پارتيا 18 - قۇرىلتايىنان بەرى باس شۋجي شي جينپيڭ ”الەمنىڭ ءىسى ءوز ءىسىمىز“ دەيتىن ىنتا - ىقىلاسپەن ءداۋىر تىنىسىن يگەرىپ، حالىقارالىق اۋقىمدى انىق اڭعارىپ، جۇڭگونى ءوزىنىڭ بولاشاعىن، تاعدىرىن دۇنيە ءجۇزى حالقىنىڭ بولاشاعىمەن، تاعدىرىمەن تىعىز بايلانىستىرىپ، دۇنيە ءجۇزىنىڭ بەيبىتشىلىگىن باتىل قورعاپ، ءار ەلدىڭ بىرگە دامۋىن جەبەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، اناعۇرلىم كوركەم دۇنيە ءجۇزى ءۇشىن ۇزدىكسىز العا باسۋعا جەتەكتەدى.

  كۇللى الەمدى كوكەيدە ساقتاپ، دۇنيە ءجۇزىنىڭ بەيبىتشىلىگىن، دامۋىن قورعادى

  ”جۇڭگو كوممۋنيستىك پارتياسى مەن جۇڭگو حالقى بۇرىننان - اق ادامزاتقا ۇزدىكسىز تىڭ دا اناعۇرلىم زور ۇلەس قوسۋعا ايبىندى ۋادە بەرگەن. نەبىر ماشاقاتتى كۇندەردى باستان كەشىرگەن جۇڭگو كوممۋنيستىك پارتياسى مەن جۇڭگو حالقى بەيبىتشىلىكتىڭ قادىرىن، دامۋدىڭ قۇنىن ابدەن بىلەدى، دۇنيە ءجۇزىنىڭ بەيبىتشىلىگى مەن دامۋىن جەبەۋدى ءوزىنىڭ قاسيەتتى بورىشى دەپ سانادى“. 5 جىلدىڭ الدىندا شي جينپيڭ جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن قۇتتىقتاۋ جينالىسىندا وسىلاي دەگەن بولاتىن.

  بۇكىل ادامزات ءۇشىن اناعۇرلىم زور ۇلەس قوسۋ جۇڭگو كوممۋنيستەرىنىڭ رۋحاني تالپىنىسى جانە سانالى امالياتى. 1956 - جىلى ماۋ زىدۇڭ جولداس ”جۇڭگو ادامزاتقا ءبىرشاما زور ۇلەس قوسۋى كەرەك“ دەگەن بولاتىن.

  جەر مەن اسپان اينالاد، كۇن - ءتۇن وتەر قىستالاپ. 100 جىلدان بەرى جۇڭگو كوممۋنيستىك پارتياسى بۇكىل ەلدەگى ءار ۇلت حالقىن ىنتىماقتاستىرىپ، باستاپ، قان كەشە كۇرەس جۇرگىزىپ، جان قيارلىقپەن شايقاسىپ، تاريحتىڭ العا باسۋ لوگيكاسى بارىسىندا العا باسىپ، ءداۋىردىڭ دامۋ اعىنى بارىسىندا دامىپ، الەمدى جالت قاراتقان ۇلى تابىستارعا قول جەتكىزدى. جۇڭگو ءوزىن دامىتىپ عانا قويماي، ءوزىنىڭ دامۋى ارقىلى دۇنيە ءجۇزىنىڭ بەيبىتشىلىگىن قورعايتىن، دۇنيە ءجۇزى ەكونوميكاسىنىڭ ارتۋىن ىلگەرىلەتەتىن، بىرگە دامۋدى جەبەيتىن ماڭىزدى كۇشكە اينالىپ، اعا بۋىنداردىڭ جانە ءداۋىردىڭ قالاۋىنان شىعاتىن ايتا قالسىن جاۋاپناما تاپسىردى.

  ”ماركسيزمنىڭ باي مازمۇنى مەن تەرەڭ ءمانىن، تۇپتەپ كەلگەندە، ادامزاتتىڭ ازاتتىعىنا ۇمتىلۋ دەگەن ءبىر اۋىز سوزگە جيناقتاۋعا بولادى“، - دەدى شي جينپيڭ. دۇنيە جۇزىندەگى ەڭ ۇلكەن ماركسيزمدىك ساياسي پارتيا ساناتىندا جۇڭگو كوممۋنيستىك پارتياسى ادامزات قوعامىنىڭ ادىلدىگى مەن تۋراشىلدىعىنا تالپىنۋدى باستان - اياق ءوزىنىڭ رۋحاني تۇپكى قاسيەتى ەتتى، سونىمەن بىرگە ”جاراسىمدى، قاتار ءومىر ءسۇرۋ“، ”الەمنىڭ ۇلى بىرلىگى“ سىندى جۇڭحۋانىڭ ءداستۇرلى اقىل - پاراساتى مەن قۇنىن دا جالعاستىردى، ساۋلەلەندىردى.

  بۇگىنگى تاڭداعى دۇنيە جۇزىندە ەكونوميكانىڭ جاھاندانۋى مەن عىلىم - تەحنيكا العاباسارلىعى ۇزدىكسىز بىرتە - بىرتە ىلگەرىلەدى، ادامزات تۇرمىسى بۇرىن بولىپ كورىلمەگەن دارەجەدە ءوزارا تىعىز بايلانىستى بولدى، ءدوپ كەلىپ وتىرعان الەمدىك ماسەلەلەردىڭ سانىنىڭ سونشاما كوپ، كولەمىنىڭ سونشاما زور، دەڭگەيىنىڭ سونشاما تەرەڭ بولۋى دا بۇرىن بولىپ كورىلمەگەن دارەجەگە جەتتى. وڭىرلىك قاقتىعىستا قارۋلى كۇش جۇمسالدى، زورەكەرلىككە سۇيەنىپ، ءالدى السىزگە تىزە باتىردى، كەدەي مەن بايعا جىكتەلۋ ازايعاننىڭ ەسەسىنە كوبەيدى، اۋرۋ - ىندەت ءالى دە ءورشىدى. بۇل الەم ءالى تىنىش بولا قويعانى جوق، بۇل الەمنىڭ تىنىشتىقتان اۋىلى ءالى الىستا!

  ادامزات قايدا بارادى؟ الەم قالاي”ۇلى بىرلىككە كەلەدى“؟ ءداۋىر سۇراعى الدىندا، شي جينپيڭ ادامزات قوعامىنىڭ تۇتاس تۇلعالىق كوزقاراسى مەن ورتاق تاعدىرىن تياناق ەتىپ، الەمدىك كوز ايا ورناتۋدى، تاريح زاڭدىلىعىن يگەرۋدى، دامۋ اۋقىمىن جىعا تانۋدى دارىپتەدى.

   − ”قازىرگى تاڭداعى دۇنيە ءجۇزىنىڭ اۋقىمى نە؟ ونىڭ جاۋابى بىرەۋ عانا، ول بەيبىتشىلىك، دامۋ، سەلبەسۋ، بىرگە يگىلىككە كەنەلۋ“.

  − ”مەملەكەت مەيلى ۇلكەن - كىشى، كۇشتى - ءالسىز، كەدەي - باي بولسىن، بارلىعى دا بەيبىتشىلىكتىڭ قورعاۋشىسى جانە جەبەۋشىسى بولۋ كەرەك، مىنا جاقتان ساحنا قۇرىپ، انا جاقتان ساحنانى قۇلاتۋعا بولمايدى، قايتا ءوزارا ساحنانى تولىقتاپ، ويىن نومىرلەرىن ۇزدىكسىز قويۋ كەرەك“.

  − ”سىڭار جاقتىلىق پەن كەمسىتۋشىلىك، وشپەندىلىك پەن سوعىس تەك اپات پەن ازاپ الا كەلەدى. ءوزارا قۇرمەت ەتۋ، تەرەزەسى تەڭ تۇرعىدا بىرگە ءومىر ءسۇرۋ، بەيبىت دامۋ، بىرگە گۇلدەنۋ عانا ءومىردىڭ دۇرىس جولى“.

  2015 - جىلى 9 - ايدىڭ 27 - كۇنى سارتىلداعان اپپارات داۋىسىنا ىلەسە، شي جينپيڭ سول كەزدەگى بىرلەسكەن مەملەكەتتەر ۇيىمىنىڭ باس حاتشىسى پان جي - ۋىنمەن بىرگە قىزىل لەنتانى باياۋ ءتۇسىردى. ادامنىڭ بويىنداي بيىكتىكتەگى، كوركەم دە قۇندى ”بەيبىتشىلىك ساۋىتىنىڭ“ ناعىز بەينەسى بوي كورسەتتى، بۇل بىرلەسكەن مەملەكەتتەر ۇيىمى قۇرىلعاندىعىنىڭ 70 جىلدىعىن قۇتتىقتاۋ ءۇشىن جۇڭگونىڭ بىرلەسكەن مەملەكەتتەر ۇيىمىنا ۇسىنعان تارتۋى ەدى.

  ”’بەيبىتشىلىك ساۋىتى‘ جۇڭگو مەن جۇڭگو حالقىنىڭ بەيبىتشىلىككە ۇمتىلۋ، دامۋدى كوزدەۋ، سەلبەسۋدى جەبەۋ، بىرگە يگىلىككە كەنەلۋگە تالپىنۋ تىلەگى مەن سەنىمىن جەتكىزدى، بۇل دا بىرلەسكەن مەملەكەتتەر ۇيىمى ۋستاۆىنىڭ رۋحى“، - دەدى شي جينپيڭ.

  تارتۋ ەتۋ سالتىنان كەيىنگى ەكىنشى كۇنى شي جينپيڭ 70 - كەزەكتى بىرلەسكەن مەملەكەتتەر ۇيىمى جينالىسىنىڭ جاي تالقىسىندا ءسوز سويلەپ، بىرلەسكەن مەملەكەتتەر ۇيىمىنىڭ دامۋ بارىسىنا كوز جىبەرىپ، ”بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك بۇكىل ادامزاتتىڭ ورتاق قۇنى“ دەگەندى العا قويىپ، ”بەستى ءبىر تۇلعالاندىرۋ“ سىندى ادامزاتتىڭ تاعدىرلاس ورتاق تۇلعاسىن قۇرۋدىڭ جالپىلىق ورنالاستىرۋىن، باس جولىن تەرەڭدەي باياندادى. 20 مينۋتتىق سوزدە 15 رەت قىزۋ شاپالاق سوعىلدى!

  بەيبىتشىلىكتى ”اۋا مەن كۇن نۇرىنا“ تەڭەپ، دامۋدى ”بارلىق ماسەلەنى شەشۋدىڭ باس كىلتى“ رەتىندە قاراپ، قارسىلاسۋدىڭ ادامزاتتى ”تىعىرىققا“ تىرەيتىندىگىن باسا دارىپتەدى، ”دۇنيە ءجۇزىنىڭ ءىسىن ءار ەل اقىلداسىپ ىستەۋ كەرەك“ دەگەندى قۋاتتادى... شي جينپيڭ ەل ءىشى - سىرتىنداعى ماڭىزدى ورىنداردا جۇڭگونىڭ بەيبىت دامۋ جولىمەن باستان - اياق جازباي جۇرگەن تاريحي لوگيكاسى مەن مادەنيەت ءتۇپ تامىرىن تالاي رەت باياندادى، ورتاق، جالپىلىق، سەلبەسىمدى، باياندى حاۋىپسىزدىك كوزقاراسىن بايىمداپ، جۇڭگونىڭ ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە كۇش سالعان بەكىمى مەن تىلەگىن بەينەلەپ، كۇننەن - كۇنگە كەڭ كولەمدى شىنايى مويىنداۋ مەن قولداۋعا يە بولدى.

  ”باستان - اياق دۇنيە ءجۇزى بەيبىتشىلىگىنىڭ قۇرۋشىسى جانە قورعاۋشىسى بولۋ كەرەك“، جۇڭگو دارىپتەۋشى، تىپتەن ارەكەتتەنۋشى. قازىرگە دەيىن جۇڭگو دەرلىكتەي بارلىق ۇكىمەت ارالىق حالىقارالىق ۇيىمدارعا جانە 500 نەشە ءتۇرلى حالىقارالىق شارتقا قاتىناستى، بىرلەسكەن مەملەكەتتەر ۇيىمىنا مۇشەلىك جارنا تاپسىراتىن 2 - ءىرى ەل؛ بىرلەسكەن مەملەكەتتەر ۇيىمىنىڭ 30عا جۋىق بەيبىتشىلىكتى قورعاۋ ارەكەتىنە ات سالىستى، حاۋىپسىزدىك القالار كەڭەسىنە تۇراقتى القا ەلدەر اراسىنداعى بەيبىتشىلىكتى قورعاۋعا ەڭ كوپ اسكەر شىعارعان ەل؛ جۇڭگو - بىرلەسكەن مەملەكەتتەر ۇيىمىنىڭ بەيبىتشىلىك جانە دامۋ قورىن، تۇستىك ەلدەر سەلبەستىگى كومەك قورىن قۇردى؛ يران يادرو ماسەلەسى، سيريا، اۋعانستان، چاۋشيان تۇبەگى يادرو ماسەلەسى، پالەستينا - يزرايل قاقتىعىسى سياقتى كەلەلى وڭىرلىك قولامتالى ماسەلەلەردى شەشۋ اياق الىسىنا ات سالىسىپ، كوپ جاقتى راقايلاستىرۋدا سىندارلى رول اتقاردى؛ 20 ەل توبىنىڭ قارىزدى كەشەۋىلدەتۋ دارىپتەمەسىن تياناقتاندىرۋدى ىلگەرىلەتىپ، افريكا ەلدەرىنىڭ قارىز اۋىرتپالىعىن جەڭىلدەتتى؛ كىليمات وزگەرىسىنە توتەپ بەرۋ، ينتەرنەت حاۋىپسىزدىگى، لاڭكەستىككە قارسى تۇرۋ سياقتى سالالارداعى حالىقارالىق سەلبەستىكتى ىلگەرىلەتتى... جۇڭگو كوپ جاقتىلىق پرينسيبىنە باستان - اياق تاباندى بولىپ، بەيبىت دامۋ ۇستانىمىنان جازباي، بىرگە اقىلداساتىن، بىرگە قۇراتىن، بىرگە يگىلىككە كەنەلەتىن الەمدىك جونگە سالۋ كوزقاراسىن امالياتتا ايگىلەپ، ادامزاتتىڭ بەيبىتشىلىگى مەن العاباسارلىق ىستەرىنە كۇش - قۋاتىن ارنادى.

  ەجەلدەن بولماعان جاڭا تيپتى ايدارشا ۆيرۋس وكپە قابىنۋ ىندەتى الدىندا، جۇڭگو جاپالى قۇلشىنىس جاساۋىنىڭ ارقاسىندا ەل ىشىندەگى ىندەت جاعدايىن ءونىمدى تىزگىندەدى، سونداي - اق الەمدىك ىندەتكە قارسى اتتانۋ سەلبەستىگىنە جىلدام ات سالىستى. 2020 - جىلى شي جينپيڭ ”بۇلت ديپلوماتيا“ ءتاسىلى ارقىلى شەتەل باسشىلارىمەن جانە حالىقارالىق ۇيىمداردىڭ جاۋاپتىلارىمەن كەڭەسىپ، 87 رەت تەلەفوندا سويلەسىپ، ماڭىزدى ەكى جاقتى، كوپ جاقتى قيمىلدارعا 22 رەت قاتىناسىپ، حالىقارالىق ىندەتكە قارسى اتتانۋ سەلبەستىگى جونىندە جۇڭگو باستاماسىن العا قويدى.

  ”جۇڭگونىڭ ۆاكسيناسى الەمدىك الەۋمەتتىك ونىمگە اينالادى“، 2020 - جىلى 5 - ايدىڭ 18 - كۇنى بۇل حاباردى ءار ەلدىڭ اقپارات قۇرالدارى كەڭ كولەمدە حابارلادى. بۇل سول كۇنى وتكىزىلگەن 73 - كەزەكتى دۇنيە جۇزىلىك دەنساۋلىق ساقتاۋ جينالىسى بەينە ەكران ءماجىلىسىنىڭ اشىلۋ سالتىندا شي جينپيڭنىڭ جۇڭگو اتىنان بەرگەن ايبىندى ۋادەسى ەدى. 2021 - جىلى 2 - ايدا جۇڭگو دۇنيە جۇزىلىك دەنساۋلىق ساقتاۋ ۇيىمى جەتەكشىلىك ەتكەن جاڭا تيپتى ايدارشا ۆيرۋس ۆاكسيناسىن اتقارۋ جوسپارى بويىنشا العاشقى توپتا 10 ميلليون ۆاكسينامەن قامدايتىندىعىن، باستىسى، وركەندەپ كەلە جاتقان ەلدەردىڭ شۇعىل قاجەتىنە پايدالانىلاتىندىعىن جاريالادى. كەزەكتە جۇڭگو 80 نەشە مەملەكەتتى ۆاكسينا جاعىنان كومەكپەن قامداپ، 40 نەشە ەلگە ۆاكسينا ەكسپورت ەتىپ، ”الەم ءبىر شاڭىراق“ ۇستانىمىن ءىس جۇزىندىك ارەكەتىمەن تاعى ءبىر رەت ءتۇسىندىرىپ، سوتسياليستىك ءىرى ەلدىڭ دۇنيە ءجۇزى الدىنداعى دارقاندىعى مەن جاۋاپكەرشىلىگىن كورسەتتى.

  ”ءبىز سەلبەستىك ورناتۋعا ءزارۋمىز ءارى، ءسوز جوق، سەلبەسۋىمىز كەرەك“. پاكيستاننىڭ زۇڭتۇڭى اريف الۆي بىلاي دەدى: ”ءتوراعا شي جينپيڭنىڭ بىزگە جەتكىزگەنىندەي، ادامزاتتا ءتىپتى دە ويداعىداي سەلبەستىك بولۋى، ءتىپتى دە تەرەڭ ءوزارا ءتۇسىنىسۋ جانە اناعۇرلىم كەڭ كولەمدى بەيبىتشىلىك بولۋ كەرەك“.

  شار تاراپتى شاقىرىپ، ءار ەلدىڭ ورتاق ىرىس - قۇتىن ارتتىردى

  2017 - جىلى جانە 2019 - جىلى جۇڭگو ەكى كەزەكتى ”ءبىر بەلدەۋ، ءبىر جول“حالىقارالىق سەلبەستىك جوعارى دارەجەلى باسشىلار تالقى مىنبەرىن وتكىزدى. ءماجىلىس كەزىندە شي جينپيڭ حالىق سارايىنداعى الىپ قابىرعا سۋرەت «وتانىمىز وسىنشاما كورىكتى» الدىندا شەتەل جاقتىڭ نەشە ونداعان باسشىلارىمەن توپتىق سۋرەتكە ءتۇسىپ ەستەلىك قالدىردى.

  مەكەننىڭ بۇلىنۋىنەن وتاننىڭ وسىنشاما كوركەم تۇسكە ەنۋىنە دەيىن 100 جىلدان بەرى جۇڭگو كوممۋنيستىك پارتياسى جۇڭگو حالقىن باستاپ بوران - شاشىندى باستان كەشىرىپ، قايسارلىقپەن كۇرەس جۇرگىزىپ، 9 ميلليون 600 مىڭ شارشى كيلومەتردەن اساتىن جۇڭگونىڭ ۇلان - قايىر دالاسىندا جالىندى تىرشىلىك تىنىسىن قاۋلاتتى. شي جينپيڭ بىلاي دەگەن بولاتىن: ”جۇڭگو حالقى وزدەرى جاقسى تۇرمىس كەشىرۋدى ءۇمىت ەتىپ عانا قالماي، ءار ەل حالقىنىڭ دا جاقسى تۇرمىس كەشىرۋىن ءۇمىت ەتەدى“. جۇڭگو كوممۋنيستىك پارتياسى باستان - اياق ءار ەلدىڭ ءوزارا پايدا جەتكىزىپ سەلبەسۋىن، بىرگە دامۋىن ىلگەرىلەتۋگە كۇش سالدى.

  تانزانيا شي جينپيڭنىڭ 2013 - جىلى مەملەكەت ءتوراعاسى مىندەتىن اتقارعاننان كەيىن تۇڭعىش ساپارلاي بارعان افريكا ەلى. سول رەتكى ساپاردا ول شىنايى، ەتەنە، ادال بولۋ ۇستانىمىن العا قويدى، بۇل بۇگىنگى تاڭدا جۇڭگونىڭ وركەندەپ كەلە جاتقان ەلدەرمەن ىنتىماعىنىڭ، سەلبەستىگىنىڭ نەگىزگى ساياساتتىق ۇستانىمىنا اينالدى.

  بيىل 6 - ايدىڭ ورتا شەنىندە جۇڭگو كاسىپورىندارى ۇستىنە العان تانزانيا ورتالىق جەلىسى ولشەمدى رەليس تەمىر جولىنىڭ يساكادان مۇۋانزاعا دەيىنگى بولىگىندە جۇمىس باستاۋ سالتى وتكىزىلدى. تانزانيانىڭ زۇڭتۇڭى حاسان نىساننىڭ ىرگە تاسىن قالادى. بۇل تەمىر جول نىسانى سالىنىپ بىتكەننەن كەيىن، تانزانيانى جانە ۋگاندا، رۋاندا، بۋرۋندي سياقتى ەلدەردى تۇتاستىراتىن ءارى يندى مۇحيتىنا قاتىنايتىن ماڭىزدى ارناعا اينالادى، وڭىردەگى ەلدەردىڭ ەكونوميكالىق دامۋىن جەبەۋ، حالىق تۇرمىسىن جاقسارتۋ جونىنەن كەلەلى ءمان الادى.

  20 - عاسىردىڭ 70 - جىلدارىندا سالىنعان تانزانيا - زامبيا تەمىر جولىنان تارتىپ تاياۋ جىلداردا اشىلىپ جۇمىس باستاعان ادديس ابەبا - جيبۋتي تەمىر جولى، مومباسا - نايروبي تەمىر جولىنا دەيىن ونان سوڭ تانزانيا ورتالىق جەلىسى ولشەمدى رەليس تەمىر جولىنا دەيىن جۇڭگو - افريكا ەكى جاقتىڭ بىرگە قۇلشىنۋىنىڭ ارقاسىندا افريكانىڭ بايتاق دالاسىندا دامۋ ”جولى“ ۇزدىكسىز ۇزارىپ، جۇڭگونىڭ دۇنيە جۇزىمەن دامۋدى بىرگە كوزدەۋ شىن پەيىلىنىڭ باستان - اياق وزگەرمەيتىندىگىنە، ارەكەتتە بۇلجىمايتىندىعىنا كۋا بولدى.

  جۇڭگونىڭ دۇنيە جۇزىندەگى ءار ەلمەن بىرگە دامۋىن ىلگەرىلەتۋدى شي جينپيڭ باستان - اياق ءوزى باس بولىپ ورىنداپ، قۇلشىنا اتقاردى. 2000 - جىل فۋجيان ولكەسىنىڭ باستىعى بولىپ مىندەت اتقارعان شي جينپيڭ فۋجيان ولكەسى پاپۋا - جاڭا گۆينەيانىڭ دۇڭگاۋدي ولكەسىنە كومەكتەسىپ جۇنساۋ، ءشول كۇرىش ەگۋ تەحنيكاسىنان ۇلگى كورسەتۋ نىسانىن اتقارۋدى ىلگەرىلەتتى. 2018 - جىلى 11 - ايدا شي جينپيڭ وسى تىنىق مۇحيتتاعى ارال ەلدە مەملەكەتتىك ساپاردا بولىپ، جۇڭگونىڭ پاپۋا - جاڭا گۆينەيانىڭ جۇنساۋ، ءشول كۇرىش ەگۋ تەحنيكاسىنا كومەكتەسۋ سياقتى ءبىر قىدىرۋ نىساندار كەلىسىمىنە رەسمي قول قويۋىنا تاعى دا كۋا بولدى. بۇگىنگى تاڭدا جۇڭگونىڭ سىرتقا كومەكتەسۋ تەحنيكاسى رەتىندە جۇنساۋ نىسانى 100 نەشە ەلگە جانە وڭىرگە جەتكىزىلىپ، افريكا، ازيا جانە وڭتۇستىك تىنىق مۇحيت سياقتى وڭىرلەردەگى وركەندەپ كەلە جاتقان ەلدەردىڭ كەدەيلىكتى ازايتۋ ىسىنە كۇش ۇستەدى.

  امەريكانىڭ حالىقارالىق ماسەلەلەر مامانى ۆيليام جونس بىلاي دەدى: ”جۇڭگو وركەندەپ كەلە جاتقان ەلدەردىڭ كەدەيلىكتى ازايتۋ ءىسىن ىلگەرىلەتۋگە كۇش سالىپ، ماڭىزدى رول اتقاردى، جۇڭگونىڭ ءىس جۇزىندىك ارەكەتى دە وسى ەلدەر حالىقتارىنىڭ قۇرمەتىنە بولەندى“.

  بۇگىنگى تاڭدا جۇڭگو كوممۋنيستىك پارتياسى جۇڭگو حالقىن باستاپ ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ساپارىن باستادى. جاڭا دامۋ ۇستانىمىن ۇستانعان جۇڭگو جاڭا دامۋ ارناسىن جەدەل قالىپتاستىرىپ، جوعارى ساپالى دامۋ نىساناسىنا قاراي ۇمتىلۋدا.

  كەنيانىڭ بيلىك باسىنداعى پارتياسى جۋبيلە پارتياسىنىڭ باس شۋجيى رافايل تۋجۋ بىلاي دەدى: جۇڭگونىڭ دامۋى دۇنيە جۇزىندە كەڭىنەن قارسى الۋعا يە بولدى، جۇڭگو ءوزىنىڭ العا باسۋىنا تالپىنۋمەن بىرگە، دۇنيە جۇزىندەگى باسقا وڭىرلەردىڭ دە دامۋىن ىلگەرىلەتتى.

  جاعداي جاقسى كەزدە باقىتتان بىرگە يگىلىكتەنۋ قيىن ەمەس، ال، جاعداي قيىن كەزدە قيىندىقتى بىلەك بىرىكتىرە جەڭۋ اناعۇرلىم باعالى. ونىسىزدا تۇرالاپ تۇرعان دۇنيە ءجۇزى ەكونوميكاسىنا جاڭا تيپتى ايدارشا ۆيرۋس وكپە قابىنۋ ىندەتى قات - قابات قيىنشىلىق اكەلدى. الدىمەن جۇمىستى، ءوندىرىستى قالپىنا كەلتىرگەن جۇڭگو ءوز باسىن كۇيتتەۋمەن بولماي، بار كۇشىن سالىپ، دۇنيە ءجۇزى ەكونوميكاسىنىڭ قايتا جاندانۋىنا قوزعاۋشى كۇش ۇستەدى.

  2021 - جىلى 5 - ايدا تۇڭعىش كەزەكتى جۇڭگو حالىقارالىق تۇتىنۋ بۇيىمدارى كورمەسى جۇڭگونىڭ حايكوۋىندا وتكىزىلدى، شامامەن 70 مەملەكەت پەن رايون، 1500دەن استام كاسىپورىن، 2600 نەشە تۇتىنۋ بۇيىمدارى ماركاسى كورمەگە قاتىناستى.

  گۋاڭجوۋ ساۋدا جارمەڭكەسى، كيىم - كەشەك ساۋدا جارمەڭكەسى، يمپورت كورمەسى، تۇتىنۋ بۇيىمدارى كورمەسى سياقتى ەكونوميكا - ساۋدا سالتاناتتى جينالىستارى ىركەس - تىركەس وتكىزىلدى، جۇڭگو - افريكا سەلبەستىك تالقى مىنبەرى، جۇڭگو - اراب ەلدەرى سەلبەستىك تالقى مىنبەرى مەحانيزمى ماۋەلى جەمىس بەردى، جۇڭگو - ورتا شىعىس ەۆروپا ەلدەرى سەلبەستىك مەحانيزمى ۇزدىكسىز تەرەڭدەتىلىپ، ”ءبىر بەلدەۋ، ءبىر جول“ حالىقارالىق سەلبەستىگى ”نوبايدان“ ”ناقتى جوباعا“ ويىسىپ، سالاماتتىق، جاسىلدىق، سيفر سياقتى جاڭا مازمۇندارمەن ونان ارى تولىقتاندى...

  ”جۇڭگو ەسىك اشۋ، سەلبەسۋ، ىنتىماقتاسۋ، بىرگە يگىلىكتەنۋ سەنىمىن بەرىك ۇستانىپ، ەسىك اشۋدى تاباندىلىقپەن جالپى بەتتىك كەڭەيتىپ، ىشكى - سىرتقى بازارلاردى ۇلاستىرۋدى، فاكتور بايلىعىن ورتاقتاسۋدى اناعۇرلىم ءونىمدى جۇزەگە اسىرىپ، جۇڭگونىڭ بازارىن دۇنيە ءجۇزىنىڭ بازارىنا، بىرگە يگىلىكتەنەتىن بازارعا، كوپشىلىكتىڭ بازارىنا اينالدىرىپ، حالىقارالىق قوعامعا اناعۇرلىم كوپ وڭ ەنەرگيا ۇستەيدى“. شي جينپيڭ 2020 - جىلى 11 - ايدا وتكىزىلگەن 3 - كەزەكتى يمپورت كورمەسىنىڭ اشىلۋ سالتىندا سويلەگەن ارقاۋ سوزىندە وسىنى ءبىلدىردى.

  ”’ءبىر بەلدەۋ، ءبىر جولدى‘ بىرگە قۇرۋدا بىرگە اقىلداسۋ، بىرگە قۇرۋ، بىرگە يگىلىكتەنۋ سەلبەستىگى پرينسيبىن ۇستانىپ، اشىق، جاسىل، كىرشىكسىز بولۋ، سەلبەسۋ ۇستانىمىنا تاباندى بولىپ، جوعارى ولشەمدى، حالىق تۇرمىسىنا ءتيىمدى، باياندى سەلبەستىك نىساناسىنا كۇش سالدى. جۇڭگونىڭ جاڭا دامۋ كەزەڭىنە ءوتۋى، جاڭا دامۋ ۇستانىمىن دايەكتىلەندىرۋى، جاڭا دامۋ ارناسىن قالىپتاستىرۋى ’ءبىر بەلدەۋ، ءبىر جول‘ سەلبەستىك سەرىكتەرىنە ءتىپتى دە كوپ بازار ورايىن، قارجى قوسۋ ورايىن، ارتۋ ورايىن ازىرلەدى“. بيىل 6 - ايدىڭ 23 - كۇنى شي جينپيڭ ”ءبىر بەلدەۋ، ءبىر جول“ ازيا - تىنىق مۇحيت ءوڭىرى حالىقارالىق سەلبەستىك جوعارى دارەجەلىلەر ماجىلىسىندە سويلەگەن جازباشا سوزىندە جۇڭگونىڭ ەسىك اشۋ، سەلبەستىگىندە ۇستانعان نەگىزگى رۋحى قامتىلدى − ەجەلدەن ءوزىنىڭ ارتقى گۇل باقشاسىن قۇرۋ ەمەس، قايتا ءار ەل تەڭ يگىلىكتەنەتىن الۋان گۇلدەر باقشاسىن قۇرۋ كەرەك.

  شي جينپيڭنىڭ كەلەشەك دامۋ جونىندەگى كارتيناسىندا ”ادام مەن تابيعاتتىڭ جاراسىمدىلىعى“ باستان - اياق ماڭىزدى تاراۋ بولىپ كەلدى. 2019 - جىلى 4 - ايدا ايبىندى ۇلى قورعاننىڭ ەتەگىندە، كورىكتى گۇيشۇي وزەنىنىڭ جاعاسىندا شي جينپيڭ جانە شەتەل جاقتىڭ باسشىلارى جۇڭگو بەيجيڭ دۇنيە جۇزىلىك باۋ - باقشا كورمەسىنىڭ اشىلۋ سالتىنا قاتىناستى. ”ءبىز جەر شارى ەكولوگياسىنىڭ تۇتاس تۇلعالىق تەپە - تەڭدىگىن ساقتاپ، ۇرپاقتارىمىزدىڭ باي زاتتىق بايلىقتان يگىلىكتەنۋمەن بىرگە، جۇلدىزدى اسپانعا كوز جىبەرۋىنە، جاسىل تاۋلاردى كورە الۋىنا، گۇلدەردىڭ حوش ءيىسىن يىسكەي الۋىنا مۇمكىندىك تۋدىرۋىمىز كەرەك“. شي جينپيڭنىڭ تارتىمدى ءسوزى جۇڭگونىڭ الەمدىك باياندى دامۋدى ىلگەرىلەتۋدەگى تىلەگى مەن بەكىمىن بەينەلەدى.

  جاڭا داۋىردەگى جۇڭگو كليمات وزگەرىسىنە توتەپ بەرۋدى مەملەكەتتىڭ ەكونوميكالىق، قوعامدىق دامۋىنىڭ جالپى ستراتەگياسىنا جاپپاي ەنگىزىپ عانا قالماستان، جاسىل دامۋدىڭ حالىقارالىق سەلبەستىگىنە دە بەلسەندىلىكپەن ات سالىستى. ”جۇڭگو مەملەكەتتىڭ ءوز كۇشىمەن ۇلەس قوسۋ سەرپىنىن ارتتىرىپ، اناعۇرلىم پارمەندى ساياسات پەن شارالار قولدانىپ، كومىر قىشقىل گازىن ىعىستىرۋدى 2030 - جىلدان بۇرىن ەڭ جوعارى ماننەن اسىرماۋعا، 2060 - جىلدان بۇرىن كومىر قىشقىل گازىن بەيتاراپتاندىرۋدى جۇزەگە اسىرۋعا كۇش سالادى“. 2020 - جىلى 9 - ايدا شي جينپيڭ 75 - كەزەكتى بىرلەسكەن مەملەكەتتەر ۇيىمى جينالىسىنىڭ جاي تالقىسىندا سويلەگەن سوزىندە دۇنيە جۇزىنە جۇڭگو ۋادەسىن بەردى.

  100 جىلدىق وزگەرىس پەن عاسىرلىق ىندەت جاعدايى قاباتتاسقان جاعدايدا بىرگە دامۋدى جەبەۋدىڭ مىندەتى اۋىر، بارىسى ۇزاق. الەمدى كوكەيىندە ساقتاعان جۇڭگو كوممۋنيستەرى جاڭا داۋىردەگى جۇڭگونى باستاپ، ءار ەلمەن بولعان مۇددەلىك توعىسۋ ءتۇيىنىن ۇزدىكسىز كەڭەيتىپ، دامۋ جەتىستىكتەرىنەن ءار جاقتىڭ يگىلىكتەنۋىنە مۇمكىندىك جاساي بەرەدى.

  كەلەشەككە جول اشىپ، ادامزاتتىڭ تاعدىرلاس بولۋىن ىلگەرىلەتتى

  كۇن نۇرى پارسەنون عيباداتحاناسىنىڭ الۋان رەڭدى دىڭگەگىن التىن تۇسكە بوياعان. 2019 - جىلى 11 - ايدىڭ 12 - كۇنى شي جينپيڭ مەن حانىمى گرەتسيانىڭ سول كەزدەگى زۇڭتۇڭى پاۆلوپوۋلوس پەن حانىمىنىڭ سەرىك بولۋىندا قاسيەتتى عيباداتحانانىڭ ەتەگىندەگى افينانىڭ قالا قامالى مۇراجايىن ەكسكۋرسيالادى.

  شي جينپيڭ ءتۇسىندىرۋدى مۇقيات تىڭداپ، تاريحي نازىك بۋىنداردى ءالسىن - ءالى ۇعىستى. پارسەنون عيباداتحاناسىنىڭ ءۇشبۇرىشتى ماڭدايشالىعىنداعى قالىڭ اۋليە ءمۇسىنىن كورگەندە ول يۋمەرلى تۇردە: ”بۇل گرەتسيانىڭ ’جەر - سۋ شەجىرەسى‘ ەكەن“، - دەدى.

  ”ءتوراعا شي جينپيڭ بەلگىلى ءبىر مادەني مۇراعا ىقىلاس اۋدارىپ قانا قويماي، بايىرعى گرەتسيا وركەنيەتى مەن تاريحىنا دا تۇگەلدەي ەرەكشە ىقىلاس اۋداردى، بايىرعى گرەتسيانىڭ كوركەمونەرى مەن قۇرىلىستارى جونىندە اسا جوعارى تانۋ قابىلەتىن كورسەتتى“، - دەدى ەكسكۋرسيادا، تۇسىندىرۋدە سەرىك بولعان مۇراجاي باستىعى پاند ماريس.

  اۋىس - كۇيىس جاساپ، ءوزارا ۇلگى الۋ − وركەنيەت دامۋىنىڭ ماندىك تالابى. تۇرلىشە وركەنيەتتەردىڭ، سونداي - اق ءار ەل حالىقتارىنىڭ جاراسىمدى قاتار تۇرۋ جولىن قايتكەندە تابۋعا بولادى، بۇل شي جينپيڭ باستان - اياق نازار اۋدارىپ كەلە جاتقان ماسەلە.

  ۇزاق ۋاقىتتان بەرى حالىقارالىق قوعامدىق پىكىر ورىندارىندا ”وركەنيەتتە وزىنىكىن ابزال ساناۋ نازارياسى“، ”وركەنيەتتەر قاقتىعىسى نازارياسى“ بوگدە ءۇنى توقتاۋسىز قاپتادى. جاڭا تيپتى ايدارشا ۆيرۋس وكپە قابىنۋ ىندەتى تۇتقيل تۋىلعاننان بەرى باتىستىڭ كەيبىر ساياسي الاياقتارى مەن اقپارات قۇرالدارى سياقتىلار يدەولوگيا سالاسىنداعى قارسىلىقتى قاساقانا قوزعاپ، ساياسي ءوزارا سەنىمدىلىككە جانە حالىقارالىق سەلبەستىكتىڭ اياق الىسىنا كەدەرگىلىك جاسادى.

  شي جينپيڭ تەڭ، ءبىر - بىرىنەن ۇلگى الاتىن، پىكىرلەسەتىن، سيىسىمدى وركەنيەت كوزقاراسىن ورناتىپ، وركەنيەتتەگى ارازدىقتان گورى وركەنيەتتەگى بارىس - كەلىسكە ءمان بەرۋگە، وركەنيەتتەگى قاقتىعىستان گورى وركەنيەتتە ءبىر - بىرىنەن ۇلگى الۋعا ءمان بەرۋگە، وركەنيەتتە وزىنىكىن ابزال ساناۋدان وركەنيەتتىڭ قاتار ءومىر سۇرۋىنە ءمان بەرۋگە تالاي رەت ۇندەدى. بۇل جۇڭگو كوممۋنيستىك پارتياسىنىڭ وزىندىك كۇرەسى مەن نازاريالىق تولعانىسى نەگىزىندە شىعارعان قورىتىندىسى بولىپ، ادامزات وركەنيەتىنىڭ دامۋىنا ايقىن بەتالىس نۇسقادى.

  شي جينپيڭنىڭ باستاماسىندا جۇڭگو جاقىنعى جىلداردان بەرى ازيا وركەنيەتتەر تىلدەسۋ جينالىسى، ”ءبىر بەلدەۋ، ءبىر جول“ حالىقارالىق سەلبەستىك باسشىلار تالقى مىنبەرى، جۇڭگو كوممۋنيستىك پارتياسى مەن دۇنيە ءجۇزى ساياسي پارتيالارىنىڭ جوعارى جىكتەگىلەر كەڭەسى قاتارلى ماڭىزدى كوپ جاقتى ماجىلىستەردى وتكىزىپ، ءار ەل وركەنيەتتەرىنىڭ اۋىس - كۇيىسىن، بىرگە دامۋىن جەبەۋگە جاڭا تۇعىر ازىرلەپ، حالىقارالىق قوعامنىڭ جالپى بەتتىك قارسى الۋىنا يە بولدى.

  ”دۇنيە جۇزىندە تەڭىز - مۇحيت ەڭ كەڭ، اسپان تەڭىز - مۇحيتتان دا كەڭ، ادامنىڭ پەيىلى اسپاننان دا كەڭ“. ەگيپەتتەگى لۋكسور عيباداتحاناسىنان چەحياداعى ستراحوۆ كىتاپحاناسىنا دەيىن، مەكسيكاداعى مايا وركەنيەتى جۇرتىنان وزبەكستان بۇقارا بايىرعى قالاسىنا دەيىن جۇڭگونىڭ مەملەكەت باسشىسىنىڭ ديپلوماتيالىق ىزدەرى تۇرلىشە وركەنيەتتەردىڭ ۇندەسىپ، ءوزارا ۇيرەنىپ، ءوزارا ونەگە قابىلداعان كورىنىسىن كەسكىندەدى.

  تىلشىلەردى قابىلداعاندا رەسەيدىڭ جازۋشىلارى مەن ادەبي تۋىندىلارىن بەس ساۋساعىنداي ءبىلدى؛ ەۆروپاعا ساپارلاعاندا فرانسيا مەن گەرمانيانىڭ مادەنيەتتەگى كوپتەگەن ايگىلى ادامدارىن تىلگە الۋىنان جەرگىلىكتى بۇقارا بارىنشا جاقىندىق سەزىندى؛ جاندى مىسالدار ارقىلى جۇڭگو جولىن بايانداپ، شەتەلدىڭ ماقال - ماتەلدەرىنەن پايدالانىپ ءومىر جانە قوعام جونىندەگى كوزقاراستارىن ءبىلدىردى... شي جينپيڭ دۇنيە جۇزىنە جۇڭگو كوممۋنيستىك پارتياسى باسشىسىنىڭ جانە ءىرى ەل ساياساتكەرىنىڭ اشىق كوز اياسى مەن مادەنيەت قورىن كورسەتىپ، بىرتىندەپ ءسىڭىرۋ بارىسىندا وركەنيەتتەر تىلدەسۋىنىڭ كوپىرلەرىن سالدى.

  شاڭحاي سەلبەستىك ۇيىمى باسشىلار باس قوسۋىندا، گۋمانيتارلىك اۋىس - كۇيىستىڭ، سەلبەستىكتىڭ ورتاق دانەكەرىن بەكەمدەۋدى ورتاعا قويدى؛ بريكس سەلبەستىك مەحانيزمىندە، ساياسي، ەكونوميكا، گۋمانيتار ”3 قوزعالتقىشىن“ ىلگەرىلەتۋدى باسا دارىپتەدى؛ ”ءبىر بەلدەۋ، ءبىر جولدى“ ”وركەنيەت جولى“ ەتىپ قۇرىپ شىعۋدى دارىپتەپ، ەلدەردىڭ ءوزارا ءتۇسىنۋىن، ءوزارا قۇرمەت ەتۋىن، ءوزارا سەنىم ارتۋىن ىلگەرىلەتتى... شي جينپيڭ ادامزات وركەنيەتىنىڭ دامۋىن تەرەڭ يگەرۋىمەن، تۇرلىشە وركەنيەتتەردىڭ ”ءارقايسى ءوز كوركىن اسىرىپ، كوركەمدىكتى ورتاقتاسۋ“ يدەيا شىراعىن جاقتى ءارى جۇڭگوشا ەرەكشەلىككە يە ءىرى ەل ديپلوماتياسى ءۇشىن بوياۋى قانىق وركەنيەت تاراۋىن جازدى.

  يدەولوگيا بويىنشا شەكارا سىزبادى، ۇلكەن - كىشىلىك، ءالسىز - كۇشتىلىك بويىنشا جاقىندىق پەن الىستىقتى بەلگىلەمەدى، جۇڭگو كوممۋنيستىك پارتياسى الەمدەگى 600 نەشە ساياسي پارتيامەن جانە ساياسي ۇيىممەن ”ءوزارا دوستىق ورناتىپ“، ەل باسقارۋ تاجىريبەسىنەن تولىق اۋىس - كۇيىس جاساپ، كەدەيلىكتى ازايتۋ، شىرىكتەسۋگە قارسى تۇرۋ، ىندەتكە قارسى اتتانۋ سياقتى جاقتارداعى ءادىس - امالداردى دەر كەزىندە ورتاقتاستى.

  رەسەيلىك وقىمىستى يۋري تراۆروۆسكي بىلاي دەدى: جۇڭگو كوممۋنيستىك پارتياسى جۇڭگوعا ەڭ ۇيلەسەتىن دامۋ جولىن تاۋىپ، كاپيتاليزمنەن تىسقارى ”تىرشىلىك كۇشىنە تولى تالعام“ جاراتتى. بۋرۋنديدىڭ جۇڭگودا تۇراتىن باس ەلشىسى مارتين مبازۇمۇتيما بىلاي دەدى: جۇڭگو كوممۋنيستىك پارتياسى ۇزاق تاريحقا جانە باي تاجىريبە قورىنا يە، ”ءبىر ءتۇرلى جاڭا وركەنيەت كۇيىنە ۋاكىلدىك ەتتى“.

  الەمدە ادىلدىك ورناتىپ، دۇرىس جولمەن الىسقا باردى. ادامزاتتىڭ تاعدىرلاس ورتاق تۇلعاسىن قۇرۋ ۇستانىمى − ورتاق سىن - سايىسقا توتەپ بەرۋدەگى شىت جاڭا شەشۋ جوباسى ءارى الەمدى بەتكە العان جاڭاشا وركەنيەت كوزقاراسى. جۋىرداعى جىلداردان بەرى بۇل ۇستانىم كوپ رەت ەكى جاقتى، كوپ جاقتى ماجىلىستەرگە جانە بىرلەسكەن مەملەكەتتەر ۇيىمىنىڭ حۇجاتىنا جازىلىپ، ءداۋىر اعىنىنا جانە ادامزات وركەنيەتىنىڭ العا باسۋ بەتالىسىنا جەتەكشىلىك ەتەتىن ايقىن تۋعا اينالدى. شي جينپيڭ الدىمەن دارىپتەگەن باياندى بەيبىت، جالپى بەتتىك حاۋىپسىز، بىرگە گۇلدەنەتىن، اشىق، سيىسىمدى، كىرشىكسىز، كورىكتى دۇنيە ءجۇزىن قۇرۋ ادامزات قوعامىنىڭ ورتاق قۇن تالپىنىسىن بەينەلەپ، ءار ەل حالىقتارىنىڭ بەيبىتشىلىككە، دامۋعا، گۇلدەنۋگە دەگەن تالپىنىسىنىڭ ەڭ زور ورتاق بولگىشىن ۇيىستىردى.

  ”دۇنيە جۇزىندەگى ءار ەل اراسىندا اناداي، مىناداي الاۋىزدىقتار مەن قايشىلىقتار بولسا دا، اناداي، مىناداي قاجالىس تۋىلۋىنان ساقتانۋ قيىن بولسا دا، دۇنيە جۇزىندەگى ءار ەل حالىقتارى ءبىر كوك اسپاننىڭ استىندا جاساپ جاتىر، ءبىر ورتاق مەكەنگە يە، بارلىعى ءبىر ءۇيلى جان بولۋى ءتيىس. دۇنيە جۇزىندەگى ءار ەل حالىقتارى ’الەم اياسى ءبىر شاڭىراق‘ ۇستانىمىن ۇستانىپ، كەڭ قۇشاق اشىپ، ءوزارا ءتۇسىنىسىپ، پارىقتاردى ساقتاپ، ورتاقتىققا ۇمتىلىپ، ادامزاتتىڭ تاعدىرلاس ورتاق تۇلعاسىن قۇرۋ جولىندا تىزە قوسا قۇلشىنۋ كەرەك“.

  شي جينپيڭنىڭ شىنايى دا ناقتى سوزدەرى دۇنيە جۇزىنە ادامزاتتا تەك ءبىر عانا جەر شارى بار، ادامزات تەك قانا ورتاق كەلەشەككە يە دەگەن ويدى تاعى سالدى. 100 جىلدىق سان وزگەرىستى باستان كەشىرگەن جۇڭگو كوممۋنيستىك پارتياسى مەن جۇڭگو حالقى دۇنيە جۇزىندەگى ءار ەلمەن بىرگە بەيبىتشىلىكتى قورعاپ، دامۋدى جەبەپ، تۇتاس ادامزاتتىڭ ورتاق ىرىس - قۇتى ءۇشىن ءتىپتى دە تاماشا دۇنيە ءجۇزىن قۇرۋ ءۇشىن، تىڭ دا اناعۇرلىم زور ۇلەس قوسادى.

  (شينحۋا اگەنتتىگىنىڭ 6 - ايدىڭ 30 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.