جۇڭحۋا ۇلتىنىڭ نەشە مىڭ جىلدىق تاريحىنداعى ەڭ ايبىندى تاريحي ەپوس جازدى

− باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

□ حالىق گازەتىنىڭ شولۋشىسى

　　بۇل جۇڭگو كوممۋنيستىك پارتياسىنىڭ تاريحىندا، جۇڭحۋا ۇلتىنىڭ تاريحىندا توتەنشە كەلەلى ءارى سالتاناتتى ءبىر كۇن بولىپ وتىر. 2021 - جىلى 7 - ايدىڭ 1 - كۇنى جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسى بەيجيڭ تيان - انمىن الاڭىندا سالتاناتپەن ءوتتى.

　　2021 - 1921، 100 جىلدىق داڭقتى شاقتار، جۇڭگو كوممۋنيستىك پارتياسى توقتاۋسىز كۇرەس جۇرگىزۋ بارىسىندا 100 جىلدىق مەرەيتويىن قارسى الدى. شىكۋمىننان تيان - انمىنعا، شيڭيە جولىنان فۋشيڭ جولىنا دەيىن ماشاقاتتى دا شۇعىلالى وتكەن كۇندەردى باستان كەشىرگەن، كۇن سايىن جاڭارىپ، اي سايىن تۇلەجىگەن بۇگىنگى تاڭعا اياق باسقان، جارقىن دا كەڭ بولاشاققا قادام تاستاعان جۇڭگو كوممۋنيستىك پارتياسى جۇڭحۋا ۇلتىنىڭ ماڭگىلىك ۇلى ءىسىن مۇرات ەتىپ، 100 جىلدىق كەمەل شاعىنا كەلدى!

　　باس شۋجي شي جينپيڭ قۇتتىقتاۋ جينالىسىندا ماڭىزدى ءسوز سويلەپ، جۇڭگو كوممۋنيستىك پارتياسىنىڭ 100 جىلدىق كۇرەسىنىڭ شۇعىلالى بەلەسىن تەرەڭ سۇيىسپەنشىلىكپەن ەسكە الدى، 100 جىلدان بەرى، جۇڭگو كوممۋنيستىك پارتياسىنىڭ جۇڭگو حالقىن ىنتىماقتاستىرىپ، باستاپ جاراتقان ۇلى تابىسىن ايرىقشا باعالادى، ”ءبىز ءبىرىنشى 100 جىلدىق كۇرەس نىساناسىن ىسكە اسىردىق، جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام قۇرىپ شىقتىق“ دەپ سالتاناتپەن جاريالادى، ”اقيقاتتان جازبايتىن، مۇراتتان اينىمايتىن، اۋەلگى ماقساتتى امالياتتا ايگىلەيتىن، بورىش ارقالايتىن، قۇربان بەرۋدەن قورىقپايتىن، ەرلىكپەن كۇرەس جۇرگىزەتىن، پارتياعا ادال بولاتىن، حالىقتىڭ ءۇمىتىن اقتايتىن ۇلى پارتيا قۇرۋ رۋحىن“ ەگجەي - تەگجەيلى جيناقتادى، تاريحتى اينا ەتىپ، بولاشاق اشۋداعى ”توعىز ءسوز جوقتى“ جاپپاي قورىتىندىلادى، بارلىق جۇڭگو كوممۋنيستىك پارتياسى مۇشەلەرىن جاڭا ەمتيحان تاپسىرۋ جولىندا پارتيا مەن حالىق ءۇشىن اناعۇرلىم زور داڭق اپەرۋگە قۇلشىنۋعا ۇندەدى. باس شۋجي شي جينپيڭنىڭ ماڭىزدى ءسوزىنىڭ ويى ورەلى، يدەياسى تەرەڭ، مازمۇنى باي، اسا كۇشتى ساياسي سيپاتقا، يدەيالىق سيپاتقا، نازاريالىق سيپاتقا يە بولىپ، تەرەڭ ستراتەگيالىق وي جەلىسىن، كۇشتى تاريحي جاۋاپكەرشىلىكتى، شىنايى حالىقتىق سۇيىسپەنشىلىكتى ايگىلەدى، ول ماركسيزمنىڭ تۇعىرنامالىق حۇجاتى، بۇكىل پارتياداعى، بۇكىل ەلدەگى ءار ۇلت حالقىنىڭ ەكىنشى 100 جىلدىق كۇرەس نىساناسىنا قاراي ارشىندى قادام تاستاۋىنا ايقىن العا باسۋ بەتالىسىن كورسەتتى، ءتۇبىرلى بويسۇنۋ ولشەمىن ازىرلەدى.

　　پارتيامىز دۇنيەگە كەلگەن كۇننەن باستاپ، جۇڭگو حالقىمەن جانە جۇڭحۋا ۇلتىمەن بولاشاعى، تاعدىرى تىعىز بايلانىستى بولدى. اپيىن سوعىسىنان كەيىن جۇڭگو حالقىنىڭ تۇرمىسى جاپا - ماشاقات ىشىندە ءوتتى، جۇڭحۋا ۇلتى بۇرىن بولماعان ناۋبەتكە ۇشىرادى. سول كەزدەن باستاپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جۇڭگو حالقى مەن جۇڭحۋا ۇلتىنىڭ ەڭ ۇلى ارمانىنا اينالدى. وتاندى جويىلۋدان قۇتقارۋداعى جاپالى ىزدەنىس بارىسىندا ءار ءتۇرلى ”يزمدەردىڭ“، ءار ءتۇرلى ”جوبالاردىڭ“ بارلىعىن سىناپ كوردى، الايدا بارلىعى ساتسىزدىككە ۇشىرادى، ”400 ميلليون ادامنىڭ جاناردان جاسى سورعالاپ، وتانىم جۇڭگو قالدىڭ - اۋ كۇيسىز قورعالاپ“ دەگەن ولەڭدە سانسىز ارداگەر ازاماتتاردىڭ وتاندى ءسۇيۋ سۇيىسپەنشىلىگى، وتان قامىن ويلاۋ ىنتا - ىقىلاسى بەينەلەندى. جۇڭگودا كوممۋنيستىك پارتيا دۇنيەگە كەلدى، بۇل تىڭعا تۇرەن سالعان ۇلكەن ۋاقيعا، جۇڭگونىڭ ساياسي ساحناسىنا شىققان سول ساتتەن باستاپ، پارتيامىز جۇڭگو حالقىن باقىتقا كەنەلتۋدەن، جۇڭحۋا ۇلتىن گۇلدەندىرۋدەن باستان - اياق جازبادى، وسىدان باستاپ جۇڭگو حالقى رۋحاني جاقتان ىرىقسىزدىقتان ىرىقتىلىققا بۇرىلىس جاساي باستادى!

　　باس شۋجي شي جينپيڭ بىلاي دەپ باسا دارىپتەدى: ”100 جىلدان بەرى، جۇڭگو كوممۋنيستىك پارتياسىنىڭ جۇڭگو حالقىن ىنتىماقتاستىرىپ، باستاپ جۇرگىزگەن بارلىق كۇرەسىن، بارلىق قۇرباندىعىن، بارلىق جاسامپازدىعىن ءبىر نەگىزگى تاقىرىپقا: جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ دەپ جيناقتاۋعا بولادى“. وسى نەگىزگى تاقىرىپ ءۇشىن مەيلى ءالسىز، الدە قۋاتتى بولسىن، مەيلى ءتيىمدى جاعدايدا، الدە ءتيىمسىز جاعدايدا بولسىن، پارتيامىز بارلىعىندا اۋەلگى ماقساتىن وزگەرتپەي، مۇراتىنان جازباي، حالىقتى ىنتىماقتاستىرىپ، باستاپ، ازۋلى جاۋلاردان جاسقانباي، حاۋىپ - قاتەردەن قورىقپاي، ايانباي كۇرەس جۇرگىزىپ، باتىلدىقپەن جەڭىسكە جەتتى. وسى نەگىزگى تاقىرىپ ءۇشىن، مەيلى جاعداي مەن مىندەت قالاي وزگەرسىن، مەيلى قانداي تار جول، تايعاق كەشۋلەر بولسىن، پارتيامىز بارلىعىندا باستان - اياق تاريح ىرىقتىلىعىن يگەرىپ، كۇرەس نىساناسىنان جازباي، دۇرىس بەتالىستى بويلاپ باتىل العا باستى. وسى نەگىزگى تاقىرىپ ءۇشىن، ءار ۇرپاق جۇڭگو كوممۋنيستەرى الدىڭعىلارى جىعىلسا سوڭعىلارى ءىزىن باسىپ، قان كەشە شايقاسىپ، جاپالى كۇرەس جۇرگىزىپ، قالتقىسىز ۇلەس قوسىپ، اسقاق قاھارماندىق ايبىندى جىر جازدى. جۇڭگو حالقىن باقىتقا كەنەلتۋ، جۇڭحۋا ۇلتىن گۇلدەندىرۋ اۋەلگى ماقساتىن، بورىشىن ەستە بەرىك ساقتاۋ جانە امالياتتا ايگىلەۋ پارتيامىزدىڭ 100 جىلدىق كۇرەس تاريحىنا ساباقتاسقان قىزىل سىزىققا اينالدى.

　　باس شۋجي شي جينپيڭ بىلاي دەپ اتاپ كورسەتتى: ”100 جىلدان بەرى، جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ، باستاپ، ’قۇربان بەرۋ بولعانى ءۇشىن ءوستى جىگەر ۇلعايىپ، اي - كۇنگە ءامىر شاشا الامىز جاڭارتۋعا كوك ءجۇزىن‘ دەيتىن تايسالماس اسقاق جىگەر ارقىلى جۇڭحۋا ۇلتىنىڭ نەشە مىڭ جىلدىق تاريحىنداعى ەڭ ايبىندى تاريحي ەپوس جازدى“. 100 جىلدىق كۇرەس جۇرگىزۋ بارىسىنا قايىرىلا قاراساق، ءبىز قان كەشە شايقاس جۇرگىزىپ، قايىسپاس قايسارلىق كورسەتىپ، جاڭا دەموكراتيالىق توڭكەرىستىڭ ۇلى تابىسىن جاراتتىق، ەرلىكپەن، قايسارلىقپەن كۇرەس جۇرگىزۋ ارقىلى دۇنيە جۇزىنە سالتاناتتى تۇردە جۇڭگو حالقى ورنىنان تۇردى، جۇڭحۋا ۇلتىنىڭ كىم كورىنگەن تالان - تاراجىعا سالعان، ابدەن قورلىق كورگەن زامانى ەندىگارى كەلمەسكە كەتتى دەپ جاريالادىق! ءبىز ءوز كۇشىمىزگە سۇيەنىپ ءومىر ءسۇرىپ، كۇشەيۋ ءۇشىن قايراتتانىپ، سوتسياليستىك توڭكەرىس پەن قۇرىلىستىڭ ۇلى تابىستارىن جاراتتىق، ەرلىكپەن، قايسارلىقپەن كۇرەس جۇرگىزۋ ارقىلى دۇنيە جۇزىنە سالتاناتتى تۇردە جۇڭگو حالقى ەسكى دۇنيەنى قيراتۋعا شەبەر بولىپ قانا قويماي، جاڭا دۇنيە ورناتۋعا دا شەبەر، تەك سوتسياليزم عانا جۇڭگونى قۇتقارا الادى، تەك سوتسياليزم عانا جۇڭگونى دامىتا الادى دەپ جاريالادىق! ءبىز يدەيانى ازات ەتىپ، جىگەرلەنە العا ۇمتىلىپ، رەفورما جاساۋدىڭ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ ۇلى تابىستارىن جاراتتىق، ەرلىكپەن، قايسارلىقپەن كۇرەس جۇرگىزۋ ارقىلى دۇنيە جۇزىنە سالتاناتتى تۇردە رەفورما جاساۋ، ەسىك اشۋ − زامانىمىزداعى جۇڭگونىڭ بولاشاعى مەن تاعدىرىن بەلگىلەيتىن شەشۋشى شارا، جۇڭگو ارشىندى قاداممەن ءداۋىر كوشىن قۋىپ جەتتى دەپ جاريالادىق! ءبىز وزىمىزگە سەنىپ، ءوزىمىزدى الۋەتتەندىرىپ، تۋراشىلدىقتى ساقتاپ، جاڭالىق اشىپ، ۇلى كۇرەستى، ۇلى ينجەنەريانى، ۇلى ءىستى، ۇلى ارماندى ءبىر تۇتاس مەڭگەرىپ، جاڭا داۋىردەگى جۇڭگوشا سوتسياليزمنىڭ ۇلى تابىستارىن جاراتتىق، ءبىز ەرلىكپەن، قايسارلىقپەن كۇرەس جۇرگىزۋ ارقىلى دۇنيە جۇزىنە سالتاناتتى تۇردە جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ بوگەۋ بەرمەس تاريحي ۇدەرىسكە قادام تاستادى دەپ جاريالادىق! 100 جىلدان بەرى، اشىلعان وسى ۇلى جول، جاسالعان ۇلى ىستەر، قول جەتكەن ۇلى تابىستار، ءسوز جوق، جۇڭحۋا ۇلتىنىڭ دامۋ تاريحىنا، ادامزات وركەنيەتىنىڭ دامۋ تاريحىنا جازىلادى!

　　جۇڭحۋا ۇلتىنىڭ تاياۋ زاماننان بەرگى 180 نەشە جىلدىق تاريحى، جۇڭگو كوممۋنيستىك پارتياسى قۇرىلعاننان بەرگى 100 جىلدىق تاريح، جۇڭحۋا حالىق رەسپۋبليكاسى قۇرىلعاننان بەرگى 70 نەشە جىلدىق تاريح جۇڭگو كوممۋنيستىك پارتياسى بولماسا، جاڭا جۇڭگو بولماق ەمەستىگىن، جۇڭحۋا ۇلتىنىڭ ۇلى گۇلدەنۋى دە بولماق ەمەستىگىن تولىق دالەلدەدى. تاريح پەن حالىق جۇڭگو كوممۋنيستىك پارتياسىن تاڭدادى، جۇڭگو كوممۋنيستىك پارتياسى جۇڭگو حالقى مەن جۇڭحۋا ۇلتىنىڭ تىرەگى، جۇڭگو كوممۋنيستىك پارتياسى عانا جۇڭگوعا باسشىلىق ەتە الادى. جۇڭگو كوممۋنيستىك پارتياسىنىڭ باسشىلىعى جۇڭگوشا سوتسياليزمنىڭ ەڭ ماندىك ەرەكشەلىگى، جۇڭگوشا سوتسياليستىك ءتۇزىمنىڭ ەڭ ۇلكەن ابزالدىلىعى پارتيا مەن مەملەكەتتىڭ ءتۇبىرلى تياناعى، جان تامىرى، بۇكىل ەلدەگى ءار ۇلت حالقىنىڭ مۇددەسىنىڭ دايەگى، تاعدىرىنىڭ دايەگى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ءتۇبىرلى كەپىلى.

　　وتكەندەگى كۇرەس جۇرگىزۋ جولىنا قايىرىلا قاراپ، الداعى ەكپىندەي ىلگەرىلەۋ جولىنا كوز جىبەرسەك، ءبىز اسقاق مۇراتتى كوكىرەكتە ساقتاپ، ماقتانىش سەزىمگە بولەنەمىز! وتكەن 100 جىلدا جۇڭگو كوممۋنيستىك پارتياسى حالىققا، تاريحقا ۇزدىك جاۋاپناما تاپسىردى. قازىر جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ، باستاپ، ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ەمتيحان تاپسىرۋ جولىنا تاعى قادام تاستادى. ساپار الىس، ماقساتقا تەك كۇرەسپەن عانا جەتەمىز. جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ”مەملەكەتتىڭ زور ءىسىن“ ەستە بەرىك ساقتاپ، ەمتيحان تاپسىراتىن سەرگەكتىك جانە باتىلدىق ارقىلى جاڭا ءداۋىر جاۋاپناماسىن جاقسى تاپسىراتىن بولساق، جاپپاي سوتسياليستىك وسىزاماندانعان قۇدىرەتتى ەل قۇرۋ نىساناسىن، ءسوز جوق، جۇزەگە اسىرا الامىز، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن، ءسوز جوق، جۇزەگە اسىرا الامىز!

　　(شينحۋا اگەنتتىگىنىڭ 7 - ايدىڭ 1 - كۇنى بەيجيڭنەن بەرگەن حابارى)