جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسى تيان - انمىن الاڭىندا سالتاناتپەن وتكىزىلدى"> تيانشان تورى
تيانشان تورى   ›   جاڭالىقتار   ›   ماڭىزدى حابارلار

جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسى تيان - انمىن الاڭىندا سالتاناتپەن وتكىزىلدى

     ۇلى، داڭقتى، دۇرىس جۇڭگو كوممۋنيستىك پارتياسى جاساسىن!

   ۇلى، داڭقتى، قاھارمان جۇڭگو حالقى جاساسىن!

  شي جينپيڭ ماڭىزدى ءسوز سويلەپ، بىلاي دەپ باسا دارىپتەدى: 100 جىلدىڭ الدىندا، جۇڭگو كوممۋنيستىك پارتياسىنىڭ ارداگەرلەرى جۇڭگو كوممۋنيستىك پارتياسىن قۇرىپ، اقيقاتتان جازبايتىن، مۇراتتان اينىمايتىن، اۋەلگى ماقساتتى امالياتتا ايگىلەيتىن، بورىش ارقالايتىن، قۇربان بەرۋدەن قورىقپايتىن، ەرلىكپەن كۇرەس جۇرگىزەتىن، پارتياعا ادال بولاتىن، حالىقتىڭ ءۇمىتىن اقتايتىن ۇلى پارتيا قۇرۋ رۋحىن قالىپتاستىردى، بۇل − جۇڭگو كوممۋنيستىك پارتياسىنىڭ رۋحاني قاينارى. 100 جىلدان بەرى، جۇڭگو كوممۋنيستىك پارتياسى ۇلى پارتيا قۇرۋ رۋحىن ساۋلەلەندىرىپ، ۇزاق ۋاقىتتىق كۇرەس بارىسىندا جۇڭگو كوممۋنيستەرىنىڭ رۋحاني شەجىرەسىن قالىپتاستىرىپ، ايقىن ساياسي قاسيەت سومدادى. تاريح كوشى ايالسىز العا جىلجىپ، رۋح ۇرپاقتان - ۇرپاققا جالعاسىپ كەلەدى. ءبىز داڭقتى ءداستۇردى ۇزدىكسىز ساۋلەلەندىرىپ، قىزىل تامىردى ۇزدىكسىز جالعاستىرىپ، ۇلى پارتيا قۇرۋ رۋحىن ماڭگى جالعاستىرۋىمىز، اسقاقتاتۋىمىز كەرەك

  لي كىچياڭ باسقاردى، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان، حۋ جينتاۋ قاتىناستى

  7 - ايدىڭ 1 - كۇنى، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسى بەيجيڭ تيان - انمىن الاڭىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەدى. □ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

  7 - ايدىڭ 1 - كۇنى، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسى بەيجيڭ تيان - انمىن الاڭىندا سالتاناتپەن وتكىزىلدى. شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان، حۋ جينتاۋ قاتارلىلار جينالىسقا قاتىناستى. □ سۋرەتتى شينحۋا اگەنتتىگىنىڭ ءتىلشىسى يىن بوگۋ تۇسىرگەن.

  7 - ايدىڭ 1 - كۇنى، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسى بەيجيڭ تيان - انمىن الاڭىندا سالتاناتپەن وتكىزىلدى. □ سۋرەتتى شينحۋا اگەنتتىگىنىڭ ءتىلشىسى لي شياڭ تۇسىرگەن

  شينحۋا اگەنتتىگىنىڭ 7 - ايدىڭ 1 - كۇنى بەيجيڭنەن بەرگەن حابارى. 100 جىلدىق ايبىندى ساپار قۇلاشىن كەڭ جايىپ، 100 جىلدىق اۋەلگى ماقسات ۋاقىت وتكەن سايىن بەكەمدەلە ءتۇستى. 7 - ايدىڭ 1 - كۇنى تۇستەن بۇرىن، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسى بەيجيڭ تيان - انمىن الاڭىندا سالتاناتپەن وتكىزىلىپ، ءار سالا ۋاكىلدەرىنەن 70 مىڭنان استام ادام سالتاناتتى سالت ارقىلى جۇڭگو كوممۋنيستىك پارتياسىنىڭ 100 جىلدىق مەرەيتويىن قۋانىشپەن قۇتتىقتادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەدى. ول بىلاي دەپ باسا دارىپتەدى: وتكەن 100 جىلدا، جۇڭگو كوممۋنيستىك پارتياسى حالىققا، تاريحقا ۇزدىك جاۋاپناما تاپسىردى. قازىر جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ، باستاپ، ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ەمتيحان تاپسىرۋ جولىنا تاعى قادام تاستادى. جۇڭگو كوممۋنيستىك پارتياسى جۇڭحۋا ۇلتىنىڭ ماڭگىلىك ۇلى ءىسىن مۇرات ەتىپ، 100 جىلدىق كەمەل شاعىنا كەلدى. وتكەنگە قايىرىلا قاراپ، بولاشاققا كوز جىبەرسەك، جۇڭگو كوممۋنيستىك پارتياسىنىڭ پارمەندى باسشىلىعىندا، بۇكىل ەلدەگى ءار ۇلت حالقى تىعىز ىنتىماقتاسىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋ نىساناسىن، ءسوز جوق، جۇزەگە اسىرادى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن، ءسوز جوق، جۇزەگە اسىرادى.

  شي جينپيڭ پارتيا مەن حالىق اتىنان سالتاناتتى تۇردە مىنانى جاريالادى: بۇكىل پارتيانىڭ، بۇكىل ەلدەگى ءار ۇلت حالقىنىڭ ۇزدىكسىز كۇرەس جۇرگىزۋى ارقىلى ءبىز ءبىرىنشى 100 جىلدىق كۇرەس نىساناسىن ىسكە اسىردىق، جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام قۇرىپ شىعىپ، مۇلدەم كەدەيلىك ماسەلەسىن تاريحي سيپاتتى شەشىپ، جاپپاي سوتسياليستىك وسىزاماندانعان قۇدىرەتتى ەل قۇرۋدىڭ ەكىنشى 100 جىلدىق كۇرەس نىساناسىنا قاراي تاسقىنداعان جىگەرمەن قادام تاستاپ كەلەمىز. بۇل جۇڭحۋا ۇلتىنىڭ ۇلى داڭقى، بۇل جۇڭگو حالقىنىڭ ۇلى داڭقى، بۇل جۇڭگو كوممۋنيستىك پارتياسىنىڭ ۇلى داڭقى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى لي كىچياڭ قۇتتىقتاۋ جينالىسىن باسقاردى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، مەملەكەتتىڭ ورىنباسار ءتوراعاسى ۋاڭ چيشان قاتىناستى.

  جۇڭحۋانىڭ گۇلدەنىپ - كوركەيگەن بايتاق دالاسى مىڭ بوياۋلى كورىنىس بەرە تۇرلەنىپ، استانا بەيجيڭدە گۇل - بايشەشەك قۇلپىرىپ، جالاۋ - تۋلار جەلبىرەدى. ۇلى جۇڭگو كوممۋنيستىك پارتياسىنىڭ باسشىلىعىندا، تاياۋ زاماننان بەرى تالاي ناۋبەتتى باستان كەشىرگەن جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الىپ، ءبىر ميلليارد 400 ميلليوننان استام جۇڭگو حالقى جۇڭگوشا سوتسياليستىك جاڭا ءداۋىردىڭ ايبىندى ساپارىندا تاسقىنداعان جىگەرمەن العا ۇمتىلىپ كەلەدى.

  تيان - انمىن مىنبەسى سالتاناتتى، ايبىندى مەرەيگە شومىپ، مىنبەنىڭ قىزىل قابىرعاسىنىڭ ءدال ورتاسىنا ماۋ زىدۇڭنىڭ الىپ ءتۇستى سۋرەتى ءىلىندى. تيان - انمىن الاڭىندا حالىق قاھارماندار ەسكەرتكىشى اسقاق بوي سوزىپ تۇر. ەسكەرتكىشتىڭ سولتۇستىك جاعىندا بيىكتىگى 7.1 مەتر، كەڭدىگى 7.1 مەتر جۇڭگو كوممۋنيستىك پارتياسىنىڭ پارتيا بەلگىسى مەن ”1921“، ”2021“ دەگەن كەسەك جازۋلار كوزگە وتتاي باسىلادى. الاڭنىڭ شىعىس، باتىس ەكى جاعىندا 100 قىزىل تۋ جەلبىرەپ تۇر.

  اۋەدەن كوز سالعاندا تيان - انمىن الاڭىنداعى ”الىپ كەمەنىڭ جەلكەن كوتەرگەن“ ءپىشىنى ايبىندى دا سالتاناتتى كورىنىس بەرىپ، تولقىن جارا العا ۇمتىلىپ، جەلكەن كوتەرىپ ۇدەرە العا باسىپ، جۇڭحۋا ۇلتى ۇلى گۇلدەنۋىنىڭ نۇرلى بولاشاعىنا قاراي ءجۇزىپ بارا جاتقانداي ەدى.

  «پارتياعا ارناپ تاۋ ءانىن شىرقايمىن»، «ءبىز داڭعىل جولدا كەلەمىز»، «جاڭا الەم»، «كوممۋنيستىك پارتيا بولماسا، جاڭا جۇڭگو بولماق ەمەس»... قۇتتىقتاۋ جينالىسى باستالۋدان ىلگەرى بۇكىل الاڭداعىلار ءور رۋحتى، جىگەرلى كلاسسيكالىق اندەردى اسقاقتاتا شىرقاپ، پارتياعا دەگەن ىستىق سۇيىسپەنشىلىكتەرى مەن تىلەكتەرىن ءبىلدىردى.

  تۇستەن بۇرىن ساعات 7دەن 53 مينۋت وتكەندە، شات مەرەيلى مۋزيكا ءۇنى ىشىندە، شي جينپيڭ قاتارلى پارتيا مەن مەملەكەت باسشىلارى تيان - انمىن مىنبەسىنىڭ ءتوراعالار مىنبەرىنە كەلدى، بۇكىل الاڭنان قىزۋ قول شاپالاق ءۇنى كوتەرىلدى.

  قىراندار بيىك سامعاپ، كوك اسپاندا قانات قاقتى. 7دەن 55 مينۋت وتكەن مولشەردە جۇڭگو حالىق ازاتتىق ارمياسىنىڭ 71 سوعىس ۇشاعى تيان - انمىن الاڭىنا قاراي ۇشىپ، پارتياعا قۇرمەت ءبىلدىردى، وتانعا قۇرمەت ءبىلدىردى، حالىققا قۇرمەت ءبىلدىردى. اۋەدەگى تۋ قورعاۋشىلاردىڭ تىركەسپەلى توبى ۇشۋ ونەرىمەن قۇتتىقتاپ ويىن كورسەتۋدىڭ شىمىلدىعىن اشتى، 5 تىك ۇشاق جەكە - جەكە جۇڭگو كوممۋنيستىك پارتياسىنىڭ پارتيا تۋى مەن ”ۇلى جۇڭگو كوممۋنيستىك پارتياسى جاساسىن“، ”ۇلى جۇڭگو حالقى جاساسىن“، ”ۇلى جۇڭحۋا حالىق رەسپۋبليكاسى جاساسىن“، ”بۇكىل ەلدەگى ءار ۇلت حالقىنىڭ ۇلى ىنتىماعى جاساسىن“ دەپ جازىلعان كەرمە تۋلار ءىلىپ جەلگە قارسى ۇشپ ءوتتى. وسىدان سوڭ تىك ۇشاقتار، سوعىس ۇشاقتارى جەكە - جەكە ”100“، ”71“ ساندارىن قۇراپ اۋەدەن ۇشىپ ءوتتى، 15 جيان - 20 ۇشاعى 3 تىركەسپەلى توپ بولىپ ارىنداي سامعادى، ۇشۋعا ۇيرەتەتىن ۇشاقتار ءتۇرلى - ءتۇستى 10 ءتۇتىن تاستاپ ۇشتى، تاماشا ويىن ءالسىن - ءالى الاقايلاعان ۇندەرگە ۇلاستى.

  تيان - انمىن الاڭىنداعى الىپ ەلەكتروندىق ەكراننان ساعات ءتىلىنىڭ تەربەلگەن كورىنىسى شىقتى. 1921، 1931، 1941... 2021، ساعات ءتىلىنىڭ تەربەلۋىنە ىلەسىپ، جىل ساندارى كەزەكپەن كورىنىس بەردى. ساعات ءدال 8دە الىپ كەمەنىڭ جەلكەن كوتەرۋىنىڭ سيمۆولى بولعان گۋدوك ءۇنى شالىنىپ، قۇتتىقتاۋ جينالىسى باستالدى.

  بارلىق ادام ءۇنسىز تۇرىپ، 100 رەت اتىلعان قۇرمەت زەڭبىرەگى زەڭگىر اسپاندى جاڭعىرتتى، مەملەكەت تۋىن قورعاۋشىلار اترەتىندەگى كوماندير - جاۋىنگەرلەر بەس جۇلدىزدى قىزىل تۋدى قورعاپ، ايبىندى، پارمەندى قادام تاستاپ، حالىق قاھارماندار ەسكەرتكىشىنەن الاڭنىڭ سولتۇستىك جاعىنداعى تۋ شىعارۋ اۋماعىنا كەلدى. جۇڭگو حالىق ازاتتىق ارمياسىنىڭ بىرلەسكەن اسكەري وركەسترى ايباتى اسقاق «ەرىكتىلەر مارشىن» ورىندادى، بۇكىل الاڭداعىلار بىركەلكى داۋىسپەن جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقاپ، كوزگە وتتاي باسىلعان نارت قىزىل بەس جۇلدىزدى قىزىل تۋ باياۋ كوتەرىلىپ، تيان - انمىن الاڭىنىڭ اسپانىندا جەلبىرەدى.

  ءارقايسى دەموكراتيالىق پارتيا - توپتار، ساۋدا - ونەركاسىپشىلەر بىرلەستىگى جانە پارتيادا - توپتا جوق قايراتكەرلەر بىرلەسىپ قۇتتىقتاۋ ءسوز سويلەدى، جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى ۋان ىشياڭ قۇتتىقتاۋ ءسوزىن وقىپ، جۇڭگونىڭ توڭكەرىس، قۇرىلىس، رەفورما ىستەرىنىڭ پارمەندى باسشىلىق ۇيتقىسى − ۇلى جۇڭگو كوممۋنيستىك پارتياسىنا ەڭ اسقاق قۇرمەت جانە ەڭ شىنايى قۇتتىقتاۋ ءبىلدىردى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن تىڭ، اناعۇرلىم كەسەك ۇلەس قوساتىندىقتارىن ءبىلدىردى.

  كوممۋنيستىك جاستار وداعىنىڭ مۇشەلەرى مەن پيونەرلەردىڭ ۋاكىلدەرى توپتىق ارناۋ ءسوز سويلەدى، پارتياعا جاستىق كوكتەمنىڭ ماراپات - ماداعىن جەتكىزىپ، ”پارتيا الاڭسىز بولىڭىز، مەملەكەتتى قۇدىرەتتەندىرۋدە ءبىز بارمىز“ دەگەن ايبىندى ۋادەلەرىن جەتكىزدى.

  قىزۋ شاپالاق ءۇنى ىشىندە شي جينپيڭ ماڭىزدى ءسوز سويلەدى. ول مىنالاردى ءبىلدىردى: بۇگىن جۇڭگو كوممۋنيستىك پارتياسىنىڭ تاريحىندا، جۇڭحۋا ۇلتىنىڭ تاريحىندا توتەنشە كەلەلى ءارى سالتاناتتى ءبىر كۇن بولىپ وتىر. ءبىز وسى ارادا سالتاناتتى جينالىس وتكىزىپ، بۇكىل پارتيا، بۇكىل ەلدەگى ءار ۇلت حالقىمەن بىرگە جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاپ، جۇڭگو كوممۋنيستىك پارتياسىنىڭ 100 جىلدىق كۇرەسىنىڭ شۇعىلالى بارىسىن ەسكە الىپ، جۇڭحۋا ۇلتىنىڭ ۇلى گۇلدەنۋىنىڭ نۇرلى بولاشاعىنا كوز جىبەرىپ وتىرمىز. شي جينپيڭ پارتيا ورتالىق كوميتەتى اتىنان بارلىق جۇڭگو كوممۋنيستىك پارتياسى مۇشەلەرىن مەرەكەلەرىمەن قىزۋ قۇتتىقتادى.

  شي جينپيڭ بىلاي دەپ اتاپ كورسەتتى: جۇڭگودا كوممۋنيستىك پارتياسىنىڭ دۇنيەگە كەلۋى تىڭعا تۇرەن سالعان ۇلى وقيعا بولىپ، تاياۋ زاماننان كەيىنگى جۇڭحۋا ۇلتى دامۋىنىڭ بەتالىسى مەن ۇدەرىسىن تەرەڭدەي وزگەرتتى، جۇڭگو حالقى مەن جۇڭحۋا ۇلتىنىڭ بولاشاعى مەن تاعدىرىن تەرەڭدەي وزگەرتتى، دۇنيە ءجۇزى دامۋىنىڭ اۋقىمى مەن ارناسىن تەرەڭدەي وزگەرتتى. جۇڭگو كوممۋنيستىك پارتياسى دۇنيەگە كەلىسىمەن جۇڭگو حالقىن باقىتقا كەنەلتۋدى، جۇڭحۋا ۇلتىن گۇلدەندىرۋدى ءوزىنىڭ اۋەلگى ماقساتى جانە بورىشى ەتىپ تۇراقتاندىردى. 100 جىلدان بەرى، جۇڭگو كوممۋنيستىك پارتياسىنىڭ جۇڭگو حالقىن ىنتىماقتاستىرىپ جانە باستاپ جۇرگىزگەن بارلىق كۇرەسىن، بارلىق قۇرباندىعىن، بارلىق جاسامپازدىعىن ءبىر نەگىزگى تاقىرىپقا: جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ دەپ جيناقتاۋعا بولادى.

  شي جينپيڭ بىلاي دەپ باسا دارىپتەدى: جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن، جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ، باستاپ، قان كەشە شايقاس جۇرگىزىپ، قايتپاس قايسارلىق كورسەتىپ، جاڭا دەموكراتيالىق توڭكەرىستىڭ ۇلى تابىستارىن جاراتتى؛ ءوز كۇشىنە سۇيەنىپ ءومىر ءسۇرىپ، كۇشەيۋ ءۇشىن قايراتتانىپ، سوتسياليستىك توڭكەرىس پەن قۇرىلىستىڭ ۇلى تابىستارىن جاراتتى؛ يدەيانى ازات ەتىپ، جىگەرلەنە العا ۇمتىلىپ، رەفورما جاساپ، ەسىك اشۋدىڭ جانە سوتسياليستىك وسىزاماندانۋ قۇرىلىسىنىڭ ۇلى تابىستارىن جاراتتى؛ وزىنە سەنىپ، ءوزىن الۋەتتەندىرىپ، تۋراشىلدىقتى ساقتاپ، جاڭالىق اشىپ، ۇلى كۇرەستى، ۇلى ينجەنەريانى، ۇلى ءىستى، ۇلى ارماندى ءبىر تۇتاس مەڭگەرىپ، جاڭا داۋىردەگى جۇڭگوشا سوتسياليزمنىڭ ۇلى تابىستارىن جاراتتى. جۇڭگو كوممۋنيستىك پارتياسى مەن جۇڭگو حالقى ەرلىكپەن، قايسارلىقپەن كۇرەس جۇرگىزۋ ارقىلى دۇنيە جۇزىنە سالتاناتتى تۇردە جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ بوگەۋ بەرمەس تاريحي ۇدەرىسكە قادام تاستادى دەپ جاريالادى.

  شي جينپيڭ بىلاي دەپ اتاپ كورسەتتى: 100 جىلدان بەرى، جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ، باستاپ، ”قۇربان بەرۋ بولعانى ءۇشىن ءوستى جىگەر ۇلعايىپ، اي - كۇنگە ءامىر شاشا الامىز جاڭارتۋعا كوك ءجۇزىن“ دەيتىن تايسالماس اسقاق جىگەر ارقىلى جۇڭحۋا ۇلتىنىڭ نەشە مىڭ جىلدىق تاريحىنداعى ەڭ ايبىندى تاريحي ەپوستى جازدى. وسى 100 جىلدان بەرى اشىلعان ۇلى جول، جاسالعان ۇلى ىستەر، قول جەتكەن ۇلى تابىستار، ءسوز جوق، جۇڭحۋا ۇلتىنىڭ دامۋ تاريحىنا، ادامزات وركەنيەتىنىڭ دامۋ تاريحىنا جازىلادى.

  شي جينپيڭ مىنالاردى ءبىلدىردى: 100 جىلدان بەرى ءبىزدىڭ قول جەتكىزگەن بارلىق تابىستارىمىز جۇڭگو كوممۋنيستەرىنىڭ، جۇڭگو حالقىنىڭ، جۇڭحۋا ۇلتىنىڭ ىنتىماقتاسا كۇرەس جۇرگىزۋىنىڭ ناتيجەسى. ماۋ زىدۇڭ جولداستى، دىڭ شياۋپيڭ جولداستى، جياڭ زىمين جولداستى، حۋ جينتاۋ جولداستى باستى ۋاكىل ەتكەن جۇڭگو كوممۋنيستەرى جۇڭحۋا ۇلتىنىڭ ۇلى گۇلدەنۋى ءۇشىن تاريحتان ويىپ ورىن الاتىن ۇلى ەڭبەك ءسىڭىردى، ءبىز ولارعا اسقاق قۇرمەت بىلدىرەمىز.

  شي جينپيڭ مىنالاردى ءبىلدىردى: ءدال وسى ساتتە، ءبىز جۇڭگو توڭكەرىسى، قۇرىلىسى، رەفورماسى ءۇشىن، جۇڭگو كوممۋنيستىك پارتياسىنىڭ قۇرىلۋى، نىعايۋى، دامۋى ءۇشىن كەلەلى ۇلەس قوسقان ماۋ زىدۇڭ، جوۋ ىنلاي، ليۋ شاۋچي، جۋ دى، دىڭ شياۋپيڭ، چىن يۇن قاتارلى اعا بۋىن توڭكەرىسشىلەردى تەرەڭ ساعىنىشپەن ەسكە الامىز، جاڭا جۇڭگونى قۇرۋ، قورعاۋ، گۇلدەندىرۋ جولىندا ەرلىكپەن قۇربان بولعان توڭكەرىستىك ارداگەر قۇربانداردى تەرەڭ ساعىنىشپەن ەسكە الامىز، رەفورما جاساپ، ەسىك اشۋعا جانە سوتسياليستىك وسىزامانداندىرۋ قۇرىلىسنا ەرلىكپەن ءوزىن ارناعان توڭكەرىستىك قۇربانداردى تەرەڭ ساعىنىشپەن ەسكە الامىز، تاياۋ زاماننان بەرى ۇلتتىڭ تاۋەلسىزدىگى مەن حالىقتىڭ ازاتتىعى جولىندا قايسارلىقپەن كۇرەس جۇرگىزگەن بارلىق ەگەي ەرلەردى، ارداگەرلەردى تەرەڭ ساعىنىشپەن ەسكە الامىز. ولاردىڭ وتان ءۇشىن، ۇلت ءۇشىن سىڭىرگەن ۇشان - تەڭىز ۇلى ەڭبەگى تاريحقا ماڭگى جازىلادى! ولاردىڭ اسقاق رۋحى حالىقتىڭ جۇرەگىندە ماڭگى ساقتالادى!

  شي جينپيڭ مىنالاردى ءبىلدىردى: حالىق − تاريحتى جاراتۋشى، ناعىز قاھارمان. مەن پارتيا ورتالىق كوميتەتى اتىنان بۇكىل ەلدەگى قالىڭ جۇمىسشىلارعا، شارۋالارعا، زيالىلارعا، دەموكراتيالىق پارتيا - توپتارعا جانە پارتيادا، توپتا جوق قايراتكەرلەرگە، حالىقتىق ۇيىمدارعا، ءار سالاداعى وتانشىل قايراتكەرلەرگە، حالىق ازاتتىق ارمياسى كوماندير - جاۋىنگەرلەرىنە، قارۋلى ساقشى بولىمدەرى وفيتسەر - جاۋىنگەرلەرىنە، قوعام حاۋىپسىزدىگى كادر - ساقشىلارىنا جانە ءورت ءسوندىرۋ، ورتتەن ساقتانۋ - قۇتقارۋ، كومەكتەسۋ قوسىندارى كوماندير - جاۋىنگەرلەرىنە، بارلىق سوتسياليزم ەڭبەكشىلەرىنە، بىرلىكساپتىڭ قالىڭ مۇشەلەرىنە اسقاق قۇرمەت بىلدىرەمىن. شياڭگاڭ ەرەكشە اكىمشىلىك رايونىنداعى باۋىرلاستارعا، اۋمىن ەرەكشە اكىمشىلىك رايونىنداعى باۋىرلاستارعا جانە تايۋاندىق باۋىرلاستارعا، سونداي - اق قالىڭ چياۋباۋلارعا ىقىلاستى سالەم جولدايمىن. جۇڭگو حالقىمەن دوس تاتۋ وتكەن، جۇڭگونىڭ توڭكەرىس، قۇرىلىس، رەفورما ىستەرىنە كوڭىل بولگەن جانە قولداۋ كورسەتكەن ءار ەل حالقىنا جانە دوستارعا شىن جۇرەكتەن العىس ايتامىن.

  شي جينپيڭ بىلاي دەپ باسا دارىپتەدى: اۋەلگى ماقساتتى ورناتۋ وڭاي بولعانمەن، باستان - اياق ساقتاۋ وڭاي ەمەس. تاريحتى اينا ەتكەندە گۇلدەنۋ مەن ءبۇلىنۋدى بىلۋگە بولادى. ءبىز تاريحتى رەالدىققا اينا ەتىپ، بولاشاققا ۇزاقتان كوز جىبەرىپ، جۇڭگو كوممۋنيستىك پارتياسىنىڭ 100 جىلدىق كۇرەسىنەن وتكەندە نە ءۇشىن تابىسقا جەتكەندىگىمىزگە انىق كوز جىبەرىپ، بولاشاقتا قايتكەندە ۇزدىكسىز تابىسقا جەتەتىندىگىمىزدى انىق اڭعارىپ، جاڭا ساپاردا اۋەلگى ماقسات پەن بورىشتى اناعۇرلىم باتىل، اناعۇرلىم سانالى تۇردە ەستە بەرىك ساقتاپ، كوركەم بولاشاق اشۋىمىز كەرەك. تاريحتى اينا ەتىپ، بولاشاق اشۋدا، ءسوز جوق، جۇڭگو كوممۋنيستىك پارتياسىنىڭ پارمەندى باسشىلىعىنا تاباندى بولىپ، پارتيانىڭ جالپى بەتتىك باسشىلىعىنا تاباندى بولىپ، پارتيانىڭ باسشىلىعىن ۇزدىكسىز كەمەلدەندىرىپ، پارتيانىڭ جالپى جاعدايدى جالپىلاي مەڭگەرەتىن، ءار جاقتى سايكەستىرەتىن باسشىلىق ۇيتقىلىق رولىن تولىق ساۋلەلەندىرۋ؛ ءسوز جوق، جۇڭگو حالقىن ىنتىماقتاستىرىپ، باستاپ، تاماشا تۇرمىس ءۇشىن ۇزدىكسىز كۇرەس جۇرگىزىپ، حالىققا سۇيەنىپ تاريحتى جاراتىپ، حالىقتى وزەك ەتكەن دامۋ يدەياسىن امالياتتا ايگىلەپ، جالپى بارىستىق حالىق دەموكراتياسىن دامىتىپ، ادامنىڭ جان - جاقتى دامۋىن، جالپى حالىقتىڭ بىرگە اۋقاتتانۋىن ىلگەرىلەتۋدە اناعۇرلىم كورنەكتى ماندىك ىلگەرىلەۋشىلىككە قول جەتكىزۋ؛ ءسوز جوق، ماركسيزمنىڭ جۇڭگوشالانۋىن ۇزدىكسىز ىلگەرىلەتىپ، ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن ۇشتاستىرۋعا، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋعا تاباندى بولىپ، ماركسيزممەن ءداۋىردى بارلاپ، ءداۋىردى يگەرىپ، داۋىرگە جەتەكشىلىك ەتىپ، زامانىمىزداعى جۇڭگو ماركسيزمىن، 21 - عاسىر ماركسيزمىن ۇزدىكسىز دامىتۋ؛ ءسوز جوق، جۇڭگوشا سوتسياليزمگە تاباندى بولىپ جانە دامىتىپ، پارتيانىڭ نەگىزگى نازارياسىنا، نەگىزگى لۋشيانىنا، نەگىزگى جالپى جوباسىنا تاباندى بولىپ، ءوزى تاڭداعان جولىمەن اسقاق بەينەدە ارشىندى قاداممەن ءجۇرىپ، جۇڭگونىڭ دامۋ، العا باسۋ تاعدىرىن ءوز قولىندا مىقتاپ ۇستاۋ؛ ءسوز جوق، مەملەكەت قورعانىسى مەن ارميانى وسىزامانداندىرۋدى جەدەلدەتىپ، جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن جالپى بەتتىك دايەكتىلەندىرىپ، پارتيانىڭ حالىق ارمياسىنا شارتسىز باسشىلىعىنا تاباندى بولىپ، حالىق ارمياسىن دۇنيە جۇزىندەگى بىرەگەي ارميا ەتىپ قۇرىپ شىعىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن اناعۇرلىم كۇشتى قابىلەتپەن، اناعۇرلىم سەنىمدى تاسىلمەن قورعاۋ؛ بەيبىتشىلىك، دامۋ، سەلبەستىك، بىرگە يگىلىكتەنۋ تۋىن بيىك ۇستاپ، دەربەس، وزىنە - ءوزى قوجايىن بولعان بەيبىت ديپلوماتيالىق ساياسات اتقارىپ، جاڭاشا حالىقارالىق قارىم - قاتىناس ورناتۋدى ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتىپ، تاريح تەگەرشىگىنىڭ نۇرلى نىسانانى بەتكە الىپ العا ىلگەرىلەۋىن جەبەۋ؛ ءسوز جوق، كوپتەگەن جاڭا تاريحي ەرەكشەلىكتەرگە يە ۇلى كۇرەستەر جۇرگىزىپ، تاۋقىمەت تانىمىن كۇشەيتىپ، باستان - اياق زەينەتتى كۇندە بەينەتتى كۇننىڭ بولارىن ويلاپ، جالپى تۇلعالىق مەملەكەت حاۋىپسىزدىگى كوزقاراسىن دايەكتىلەندىرىپ، دامۋ مەن حاۋىپسىزدىكتى ءبىر تۇتاس جوسپارلاپ، تاۋ كەزىكسە جول اشىپ، سۋ جولىقسا كوپىر سالىپ، حاۋىپ - قاتەر مەن سىن - سايىس اتاۋلىنى باتىلدىقپەن جەڭۋ؛ ءسوز جوق، جۇڭحۋا ۇلاندارىنىڭ ۇلى ىنتىماعىن كۇشەيتىپ، ەل ءىشى - سىرتىنداعى بارلىق جۇڭحۋا ۇلاندارى ءبىر باعىتتا ويلايتىن، ءبىر باعىتتا كۇش سالاتىن جالىندى جاعداي قالىپتاستىرىپ، ۇلتتىڭ گۇلدەنۋىن جۇزەگە اسىرۋدىڭ تەلەگەي كۇشىن ۇيىستىرۋ؛ ءسوز جوق، پارتيا قۇرىلىسىنىڭ جاڭا ۇلى ينجەنەرياسىن ۇزدىكسىز ىلگەرىلەتىپ، تەمىر سوقساڭ قۇرىش بول دەگەن قاعيدانى ەستە بەرىك ساقتاپ، پارتيانى جاپپاي قاتاڭ جونگە سالۋدى ماڭگى جالعاستىرۋ ساياسي سانالىلىعىن كۇشەيتىپ، پارتيانىڭ جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ تاريحي ۇردىسىندە باستان - اياق پارمەندى باسشىلىق ۇيتقى بولۋىنا شىنايى كەپىلدىك ەتۋ كەرەك.

  شي جينپيڭ بىلاي دەپ باسا دارىپتەدى: ”ءبىر ەل، ەكى ءتۇزىم“، ”شياڭگاڭدى شياڭگاڭدىقتار باسقارۋ“، ”اۋمىندى اۋمىندىقتار باسقارۋ“، وسكەلەڭ اۆتونوميا باعىتىن جالپى بەتتىك، دالمە - ءدال دايەكتىلەندىرىپ، ورتالىقتىڭ شياڭگاڭ، اۋمىن ەرەكشە اكىمشىلىك رايوندارىن جاپپاي باسقارۋ، جونگە سالۋ ۇقىعىن تياناقتاندىرىپ، شياڭگاڭنىڭ، اۋمىننىڭ ۇزاق ۋاقىت گۇلدەنىپ - كوركەيۋىن، ورنىقتىلىعىن ساقتاۋ كەرەك. ءبىر جۇڭگو پرينسيبىنە جانە ”92 - جىلعى ورتاق تانىمعا“ تاباندى بولىپ، وتاننىڭ بەيبىت جولمەن بىرلىككە كەلۋ اياق الىسىن ىلگەرىلەتۋ كەرەك. ەكى جاعالاۋداعى باۋىرلاستاردى قامتىعان بارلىق جۇڭحۋا ۇلاندارى ءبىر جاعادان باس، ءبىر جەڭنەن قول شىعارىپ، ىنتىماقتاسا العا ىلگەرىلەپ، ءارقانداي ”تايۋان دەربەستىگى“ قاسكۇنەمدىگىن باتىل تالقانداپ، ۇلتتىڭ گۇلدەنۋ تاماشا بولاشاعىن بىرگە اشۋ كەرەك. ءارقانداي ادام جۇڭگو حالقىنىڭ مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋ بەرىك بەكىمىن، مىزعىماس ەرىك جىگەرىن، قۇدىرەتتى قۋاتىن تومەن شامالاماسىن.

  شي جينپيڭ بىلاي دەپ اتاپ كورسەتتى: بولاشاق جاستاردىكى، ءۇمىت جاستاردا. جاڭا داۋىردەگى جۇڭگو جاستارى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى ءوز مىندەتى ەتىپ، جۇڭگولىق بولۋ جىگەرىن، جالىنىن، سەنىمىن كۇشەيتىپ، ءداۋىردىڭ ءۇمىتىن اقتاۋ، ەسىل شاقتاردىڭ ءۇمىتىن اقتاۋ، پارتيا مەن حالىقتىڭ ىقىلاستى ءۇمىتىن اقتاۋ كەرەك.

  شي جينپيڭ بىلاي دەپ باسا دارىپتەدى: وتكەن 100 جىلدا جۇڭگو كوممۋنيستىك پارتياسى حالىققا، تاريحقا ۇزدىك جاۋاپناما تاپسىردى. قازىر جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ، باستاپ، ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ەمتيحان تاپسىرۋ جولىنا تاعى قادام تاستادى. شي جينپيڭ پارتيا ورتالىق كوميتەتى اتىنان بارلىق جۇڭگو كوممۋنيستىك پارتيا مۇشەلەرىن، اۋەلگى ماقساتتى، بورىشتى ەستە بەرىك ساقتاپ، مۇرات - سەنىمدى بەكەمدەپ، پارتيانىڭ باس ماقساتىن امالياتتا ايگىلەپ، حالىق بۇقاراسىمەن ەتەنە بايلانىستى ماڭگى ساقتاپ، قاي - قاشان دا حالىقپەن بىرگە ويلاپ، بىرگە ىستەپ، قيىن - قىستاۋدى بىلەك بىرىكتىرە جەڭىپ، زەينەت پەن بەينەتتە بىرگە بولىپ، حالىقتىڭ تاماشا تۇرمىسقا دەگەن تالپىنىسىن جۇزەگە اسىرۋ ءۇشىن ۇزدىكسىز قاجىماي - تالماي قۇلشىنۋعا، پارتيا مەن حالىققا اناعۇرلىم زور داڭق اپەرۋگە قۇلشىنۋعا شاقىردى.

  شي جينپيڭنىڭ ءسوزى اياقتالعاندا، بۇكىل الاڭداعىلار ورىندارىنان تۇردى، الاڭدا دۋ قول شاپالاق ءۇنى ۇزاققا دەيىن سوزىلدى.

  جينالىس ايبىندى ينتەرناتسيونال انىمەن اياقتالدى.

  اسقاق مۋزيكا ءۇنى شىققاندا، بۇكىل الاڭداعىلار «وتاندى جىرلايمىز» ءانىن اسقاقتاتا شىرقادى. 100 مىڭ بەيبىتشىلىك كوگارشىنى اۋەلەي ۇشىپ، 100 مىڭ رەڭدى شار اسپانعا كوتەرىلدى. تيان - انمىن الاڭىنداعى ءار سالا بۇقاراسى تيان - انمىن مىنبەسىنە قاراپ الاقايلاپ قۇرمەت ءبىلدىردى، شي جينپيڭ قاتارلىلار كوپشىلىككە قول بۇلعاپ قۇرمەت ءبىلدىردى. مىنبەنىڭ ءۇستى مەن استى اراسىندا شىنايى سۇيىسپەنشىلىكتى توعىستىرعان كوڭىل دانەكەرى جالعانىپ، الاڭنىڭ ءىشى - سىرتى كوڭىلدى ءان، شات كۇلكى تەڭىزىنە شومىپ، جۇڭگو كوممۋنيستىك پارتياسىنىڭ 100 جىلدىق مەرەيتويىن بىرگە قۇتتىقتاپ، وتان مەن دۇنيە ءجۇزىنىڭ ەرتەڭىنىڭ ءتىپتى دە تاماشا بولۋىن بىرگە تىلەدى.

  قۇتتىقتاۋ جينالىسىنا تاعى مىنالار قاتىناستى: ديڭ شۋەشياڭ، ۋاڭ چىن، ليۋ حى، شۇي چيلياڭ، سۇن چۇنلان، لي چياڭ، لي حۇڭجۇڭ، ياڭ جيەچى، ياڭ شياۋدۋ، جاڭ يوۋشيا، چىن شي، چىن چۋانگو، چىن مين - ىر، حۋ چۇنحۋا، گو شىڭكۇن، حۋاڭ كۇنميڭ، ساي چي، حۋ جينتاۋ، لي رۇيحۋان، ۋ باڭگو، ۋىن جياباۋ، جيا چيڭلين، جاڭ دىجياڭ، يۇي جىڭشىڭ، سۇڭ پيڭ، لي لانچيڭ، زىڭ چيڭحۇڭ، ۋ گۋانجىڭ، لي چاڭچۇن، حى گوچياڭ، ليۋ يۇنشان، جاڭ گاۋلي، يوۋ چۋان، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، چىن جۋ، ۋاڭ دۇڭميڭ، بايما چىلين، ديڭ جۇڭلي، حاۋ ميڭجين، ساي دافىڭ، ۋ ۋيحۋا، ۋي فىڭحى، ۋاڭ يۇڭ، ۋاڭ ي، شياۋ جيە، جاۋ كىجى، جوۋ چياڭ، جاڭ جۇن، جاڭ چيڭلي، ليۋ چيباۋ، پابالا گىلەلاڭجيە، دۇڭ جيانحۋا، ۋان گاڭ، حى حوۋحۋا، لۋ جانگۇڭ، ما بياۋ، چىن شياۋگۋاڭ، لياڭ جىنيىڭ، شيا باۋلۇڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋي، شاۋ حۇڭ، گاۋ يۇنلۇڭ جانە چى حاۋتيان، جياڭ چۇنيۇن، ۋاڭ لىچۋان، ۋاڭ جاۋگو، حۇي لياڭيۇي، ليۋ چي، ۋ ي، ساۋ گاڭچۋان، زىڭ پەييان، ۋاڭ گاڭ، ليۋ ياندۇڭ، لي يۋانچاۋ، ما كاي، لي جيانگو، فان چاڭلۇڭ، مىڭ جيانجۋ، گو جينلۇڭ، ۋاڭ حانبين، حى يۇڭ، دۋ چيڭلين، جاۋ حۇڭجۋ، پىڭ پەييۇن، لي تيەيىڭ، حى لۋلي، جياڭ جىڭحۋا، گۋ شيۋليان، رى دي، ۋيۇنچيمۇگى، چىن جىلي، جوۋ تيەنۇڭ، جياڭ شۋشىڭ، ساڭ گو - ۋي، ۋاڭ شىڭجۇن، چىن چاڭجى، يان جۇنچي، جاڭ پيڭ، شياڭبا پيڭسو، داي بيڭگو، چاڭ ۋانچۋان، حان جۋبين، جيا چۇنۋاڭ، سۇڭ جيان، حۋ چيلي، ۋاڭ جۇڭيۇي، حاۋ جيانشيۋ، شۇي كۋاڭدي، جاڭ حۋايشي، لي مىڭ، لياۋ حۇي، باي ليچىن، چىن كۇييۋان، ابىلەت ابدىرەشيت، لي جاۋجو، حۋاڭ مىڭفۋ، جاڭ مەييىڭ، جاڭ رۇڭميڭ، چيان يۇنلۋ، سۇن جياجىڭ، لي جينحۋا، جىڭ ۋانتۇڭ، دىڭ پۋفاڭ، چىن زۇڭشيڭ، ۋاڭ جىجىن، حان چيدى، لو فۋحى، لي حايفىڭ، چىن يۋان، جوۋ شياۋچۋان، ۋاڭ جيارۇي، چي شۇيچۇن، ما پەيحۋا، ليۋ شياۋفىڭ، ۋاڭ چينمين، سونداي - اق لي زوچىڭ، مياۋ حۋا، جاڭ شىڭمين جانە فۋ چۋانيوۋ، يۇي يۇڭبو، ۋاڭ كى، چىن بيڭدى، لي جي - ناي، چياۋ چيڭچىن، جيڭ جىيۋان، جاۋ كىشى، ۋ شىڭلي، ما شياۋتيان، شياڭگاڭ ەرەكشە اكىمشىلىك رايونىنىڭ اكىمى لينجىڭ يۋە - ى، اۋمىن ەرەكشە اكىمشىلىك رايونىنىڭ اكىمى حى يچىڭ.

  بەيجيڭدەگى ورتالىق پارتيا، ۇكىمەت، ارميا، بۇقارالىق تاراۋلاردىڭ جاۋاپتى جولداستارى، ساقا جولداستاردىڭ ۋاكىلدەرى، بەيجيڭدەگى ورتالىق باسقاراتىن فينانس قۇرىلىمدارى، كاسىپورىندار، جوعارى مەكتەپتەر، عىلمي زەرتتەۋ قۇرىلىمدارى سياقتى ورىنداردىڭ نەگىزگى جاۋاپتى جولداستارى، بەيجيڭدەگى ورتالىق كوميتەتتىڭ مۇشەلەرى، ورتالىق كوميتەتتىڭ كانديدات مۇشەلەرى، پارتيا 19 - قۇرىلتايىنىڭ ۋاكىلدەرى، ورتالىق ءتارتىپ تەكسەرۋ كوميتەتىنىڭ مۇشەلەرى، مەملەكەتتىك باقىلاۋ - تەكسەرۋ كوميتەتىنىڭ مۇشەلەرى، مەملەكەتتىك حالىق قۇرىلتايىنىڭ ۋاكىلدەرى، مەملەكەتتىك ساياسي كەڭەستىڭ مۇشەلەرى، شياڭگاڭدىق، اۋمىندىق، تايۋاندىق باۋىرلاستاردىڭ، شەتەلدەگى چياۋباۋلاردىڭ ۋاكىلدەرى، ءارقايسى دەموكراتيالىق پارتيا - توپتاردىڭ ورتالىق كوميتەتتەرىنىڭ بەيجيڭدەگى مۇشەلەرى، مەملەكەتتىك ساۋدا - ونەركاسىپشىلەر بىرلەستىگىنىڭ بەيجيڭدەگى اتقارۋ كوميتەتىنىڭ جانە پارتيادا، توپتا جوق قايراتكەرلەردىڭ ۋاكىلدەرى، بەيجيڭ قالاسىنىڭ قاتىستى جاۋاپتى جولداستارى، مەملەكەت وردەنى مەن مەملەكەت داڭق اتاعىنىڭ يەگەرلەرى، ”كەدەيلىكتەن ارىلتۋدان قامال الۋدىڭ مەملەكەتتىك ونەگەسى“ داڭق اتاعىنىڭ، ”مەملەكەتتىك ەڭ جوعارى عىلىم - تەحنيكا سيلىعىنىڭ“، ”عارىش قاھارمانى“، ”قاھارمان عارىشكەر“ يەگەرلەرى، مەملەكەتتىك وزات، ۇلگىلى تۇلعالاردىڭ ۋاكىلدەرى، 11 - اۋلەت بانچان ەردەني. چۋەجيجيەبۋ، بۇكىل مەملەكەتتىك ءدىني توپتاردىڭ نەگىزگى جاۋاپتىلارى، بەيجيڭدەگى جۇڭگو عىلىم اكادەمياسىنىڭ اكادەميكتەرى جانە جۇڭگو ينجەنەريالىق عىلىمدار اكادەمياسىنىڭ اكادەميكتەرى، شەتەلدە وقىپ ەلگە ورالعان تاڭداۋلى دارىندىلاردىڭ ۋاكىلدەرى، قايتىس بولعان ءبىر ءبولىم ساقا جولداستاردىڭ تۋىستارى، قۇربانداردىڭ، سونداي - اق ۇكىمەت قىزمەتى ءۇشىن قۇربان بولعان قىزمەتكەرلەردىڭ ءۇي ىشىندەگىلەر، ”پارتيا قۇشاعىنداعى داڭقتى 50 جىل“ ەستەلىك زناگى يەگەرلەرىنىڭ ۋاكىلدەرى، 2021 - جىلى پارتياعا جاڭادان مۇشە بولعانداردىڭ ۋاكىلدەرى، بۇكىل ەلدەگى از ۇلتتاردىڭ ۋاكىلدەرى، بۇكىل ەلدەگى ءتۇيىندى قامقورلىق وبيەكتىلەرى، استاناداعى ءار سالا بۇقاراسىنىڭ ۋاكىلدەرى، بەيجيڭدە تۇراتىن اسكەري ءبولىم كوماندير - جاۋىنگەرلەرىنىڭ ۋاكىلدەرى قاتارلىلار جينالىسقا قاتىناستى.

  بەيجيڭدەگى ءار ەلدىڭ جۇڭگودا تۇراتىن ەلشىلەرى جانە حالىقارالىق ۇيىمداردىڭ جۇڭگودا تۇراتىن ۋاكىلدەرى، شەتەلدىك ماماندار دا ۇسىنىس بويىنشا جينالىسقا قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.