تيانشان تورى   ›   جاڭالىقتار   ›   شينجياڭ حابارلارى

اۋەلگى ماقساتتى، بورىشتى ەستە بەرىك ساقتاپ، كوركەم بولاشاق اشامىز

  اۋەلگى ماقساتتى، بورىشتى ەستە بەرىك ساقتاپ، كوركەم بولاشاق اشامىز

  − باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى ءسوزى رايونىمىزداعى ءار ۇلت پارتيا مۇشەلەرىن، كادرلاردى، بۇقارانى ارشىندى قاداممەن العا ىلگەرىلەۋگە جىگەرلەندىردى

  □ انار بۇلت / شينجياڭ گازەتىنىڭ تىلشىلەرى

  7 - ايدىڭ 1 - كۇنى جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسى بەيجيڭدە سالتاناتپەن وتكىزىلدى، باس شۋجي شي جينپيڭ ماڭىزدى سوزىندە جۇڭگو كوممۋنيستىك پارتياسىنىڭ 100 جىلدىق كۇرەسىنىڭ شۇعىلالى بارىسىن تەرەڭ سۇيىسپەنشىلىكپەن ەسكە ءتۇسىرىپ، جۇڭحۋا ۇلتىنىڭ ۇلى گۇلدەنۋىنىڭ نۇرلى بولاشاعىنا كوز جىبەردى.

  باس شۋجي شي جينپيڭنىڭ ماڭىزدى ءسوزىن ەت قۇلاعىمەن تىڭداپ، تيانشان ۇلاندارى بارىنشا جەلپىندى، جىگەرى تاسقىندادى. كوپشىلىك مىنانى ءبىلدىردى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، داڭقتى ءداستۇردى اسقاقتاتىپ، قىزىل تامىردى ۇزدىكسىز جالعاستىرىپ، جاڭا ساپاردا اناعۇرلىم بەكەم، اناعۇرلىم سانالى تۇردە اۋەلگى ماقساتتى، بورىشتى ەستە بەرىك ساقتاپ، كوركەم بولاشاق اشىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا اناعۇرلىم زور ۇلەس قوسامىز.

  ۇلى تاريحقا كۋا بولىپ، 100 جىلدىق داڭققا بىرگە بولەندى

  ”ءبىز ءبىرىنشى 100 جىلدىق كۇرەس نىساناسىن ىسكە اسىردىق، جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام قۇرىپ شىعىپ، مۇلدەم كەدەيلىك ماسەلەسىن تاريحي سيپاتتى شەشىپ، جاپپاي سوتسياليستىك وسىزاماندانعان قۇدىرەتتى ەل قۇرۋدىڭ ەكىنشى 100 جىلدىق كۇرەس نىساناسىنا قاراي تاسقىنداعان جىگەرمەن قادام تاستاپ كەلەمىز“. باس شۋجي شي جينپيڭنىڭ ايبىندى جاريالاۋى شينجياڭنىڭ بايتاق دالاسىنا تۇگەل جەتىپ، تيانشان ۇلاندارى ەرەكشە ماقتانىش سەزىندى.

  گۇما اۋدانى مۇجى قالاشىعىنىڭ لاڭگار قىستاعى كەزىندە اۋىر كەدەي قىستاق بولاتىن، پارتيانىڭ ابزال ساياساتىنىڭ ارقاسىندا، قىستاق ”ەكى كوميتەتى“ قىستاق تۇرعىندارىن ەسەك باعىمشىلىعىن زور كۇشپەن دامىتۋعا باستاپ، وتباسىلاردىڭ ورتاشا جىلدىق كىرىسىن 2000 يۋان ارتتىرىپ، لاڭگار قىستاعىنىڭ كونە بەت - بەينەسى جاڭارىپ، قىستاق تۇرعىندارىنىڭ تۇرمىسى كۇننەن - كۇنگە جاقسارا ءتۇستى.

  ”جاپپاي دوڭگەلەك داۋلەتتى قوعام ورناتۋدىڭ باستان وتكەرۋشىسى، قاتىناسۋشىسى، پايداسىن كورۋشىسى رەتىندە، وسى ءبىر تاريحي ءساتتىڭ داڭقىنا بىرگە بولەنىپ، قاتتى اسەرلەندىم“، - دەدى لاڭگار قىستاعى پارتيا ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى ماحمۇت ءمامتىمىن تەبىرەنە، -: ”مەن باس شۋجيدىڭ تاپسىرماسىن ەستە بەرىك ساقتاپ، بارلىق قىستاق تۇرعىندارىن ماڭگى پارتياعا ىلەسۋگە باستاپ، قىستاقتىڭ اناعۇرلىم كورىكتى، قىستاق تۇرعىندارىنىڭ اناعۇرلىم باي بولۋىنا مۇمكىندىك جاسايمىن“.

  تاريح پەن حالىق جۇڭگو كوممۋنيستىك پارتياسىن تاڭدادى، جۇڭگو كوممۋنيستىك پارتياسى − جۇڭگو حالقى مەن جۇڭحۋا ۇلتىنىڭ تىرەگى، تەك جۇڭگو كوممۋنيستىك پارتياسى عانا جۇڭگوعا باسشىلىق ەتە الادى.

  مەملەكەتتىك ۇلتتار ىنتىماعىنداعى، العا باسارلىعىنداعى ۇلگىلى جەكە ماتىمبەك مۇراتقان باس شۋجي شي جينپيڭنىڭ ماڭىزدى ءسوزىن ۇستىندە تىڭدادى. ول قاتتى اسەرلەنىپ بىلاي دەدى: جوقشىلىق پەن دارمەنسىزدىك جايلاۋدان مەملەكەت بايىپ، حالىق قۇدىرەتتەنۋگە دەيىن، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى قارىشتاۋدى جۇزەگە اسىردى. وسى 100 جىلدان بەرى اشىلعان ۇلى جول، جاراتىلعان ۇلى ىستەر، قول جەتكەن ۇلى تابىستار، ءسوز جوق، جۇڭحۋا ۇلتىنىڭ دامۋ تاريحىنا، ادامزات وركەنيەتىنىڭ دامۋ تاريحىنا جازىلادى!

  ”تەرەڭ تاربيە الىپ، بارىنشا جىگەرلەندىم، مەنىڭ ءىس تىندىرىپ، ناتيجە شىعارۋ جاۋاپكەرشىلىك سەزىمىمدى، بورىشتىلىق سەزىمىمدى جانە داڭق سەزىمىمدى قاۋلاتتى“. مەملەكەتتىك تاڭداۋلى كوممۋنيستىك پارتيا مۇشەسى، شينجياڭ مەديتسينا داشۋەسىنە قاراستى 1 - شيپاحانا سالماقتى اۋرۋلار مەديتسينالىق ورتالىعى پارتيا ياچەيكاسىنىڭ شۋجيى، مەڭگەرۋشىسى يۇي شياڭيوۋ باس شۋجي شي جينپيڭنىڭ ماڭىزدى ءسوزىن ۇستىندە تىڭداعان سوڭ كوڭىلى كولدەي تولقىدى.

  ”ۇلى تابىس جۇڭگو كوممۋنيستىك پارتياسىنىڭ پارمەندى باسشىلىعى مەن سان ۇرپاق جۇڭگو كوممۋنيستەرىنىڭ قاجىماي - تالماي قۇلشىنۋىنان ايرىلا المايدى“، - دەدى اۆتونوميالى رايوندىق ورگان ىستەرىن باسقارۋ مەكەمەسىنىڭ كادرى ءپارۋار پارحات، - ”جاڭا پارتيا مۇشەسى رەتىندە، مەن اۋەلگى ماقساتتى، بورىشتى قاشاندا ەسىمدە بەرىك ساقتاپ، مۇرات - سەنىمدى بەكەمدەپ، پارتيانىڭ باس ماقساتىن امالياتتا ايگىلەپ، جاڭا ساپاردا قۇلشىنا كۇرەس جاسايمىن“.

  100 جىلدان بەرى، جۇڭگو كوممۋنيستىك پارتياسىنىڭ جۇڭگو حالقىن ىنتىماقتاستىرىپ، باستاپ جۇرگىزگەن بارلىق كۇرەسىن، بارلىق قۇرباندىعىن، بارلىق جاسامپازدىعىن ءبىر نەگىزگى تاقىرىپقا: جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ دەپ جيناقتاۋعا بولادى.

  باس شۋجي شي جينپيڭنىڭ ەكپىندى سوزدەرى اۆتونوميالى رايوندىق پارتكوم قارت كادرلار مەكەمەسىنىڭ كادرى تان حۋانى قاتتى اسەرلەندىردى. ول بىلاي دەدى: پارتيانىڭ پارمەندى باسشىلىعىندا شينجياڭدا تاريحي وزگەرىس تۋىلدى. بولاشاقتا ءبىز جاڭا داۋىردەگى جۇڭگوشا سوتسياليستىك شينجياڭ قۇرۋ نىساناسىنا قاراي ارىنداي العا تارتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ بارىسىندا اناعۇرلىم كوپ كەرەمەتتەر جاراتامىز.

  ”پارتيانىڭ پارمەندى باسشىلىعىندا، جۇڭگو سپورتشىلارى تالايلاعان تىڭ ناتيجەلەردى قولعا كەلتىرىپ، تالايلاعان شۇعىلالى تابىستاردى جاراتتى، مەن مۇنى شىن جۇرەكتەن ماقتانىش ەتەمىن“. اۆتونوميالى رايوندىق دەنە تاربيە مەكەمەسى قىسقى سپورتتى باسقارۋ ورتالىعى پارتيا ياچەيكاسىنىڭ شۋجيى، مەڭگەرۋشىسى سۇڭ سۋپيڭ بىلاي دەدى: كوز الدا، شينجياڭنىڭ كوپتەگەن قار - مۇز سپورت ساڭلاقتارى بەيجيڭ قىسقى وليمپياداسىنا بەلسەنە دايىندالىپ، قىسقى وليمپيادا جارىسىندا وتانعا داڭق اپەرۋگە قۇلشىنۋدا.

  ۇلى پارتيا قۇرۋ رۋحىن جالعاستىرامىز، اسقاقتاتامىز

  باس شۋجي شي جينپيڭ قۇتتىقتاۋ جينالىسىندا ”اقيقاتتان جازبايتىن، مۇراتتان اينىمايتىن، اۋەلگى ماقساتتى امالياتتا ايگىلەيتىن، بورىش ارقالايتىن، قۇربان بەرۋدەن قورىقپايتىن، ەرلىكپەن كۇرەس جۇرگىزەتىن، پارتياعا ادال بولاتىن، حالىقتىڭ ءۇمىتىن اقتايتىن ۇلى پارتيا قۇرۋ رۋحىن“ جان - جاقتى قورىتىندىلادى، رايونىمىزداعى قالىڭ پارتيالى كادرلاردىڭ جىگەر - قايراتى تاسقىنداپ، داڭقتى ءداستۇردى ۇزدىكسىز ساۋلەلەندىرىپ، قىزىل تامىردى ۇزدىكسىز جالعاستىرىپ، ۇلى پارتيا قۇرۋ رۋحىن ماڭگى جالعاستىراتىندىقتارىن، اسقاقتاتاتىندىقتارىن ءبىلدىردى!

  تەمىر سوقساڭ قۇرىش بول. اۆتونوميالى رايوننىڭ ءتارتىپ تەكسەرۋ، باقىلاۋ - تەكسەرۋ ورگاندارىنداعى پارتيالى كادرلار مىنانى ءبىلدىردى: ”ءتورت تانىمدى“ ونان ارى كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ”مەملەكەتتىڭ زور ءىسىن“ ەستە بەرىك ساقتاپ، ۇلى پارتيا قۇرۋ رۋحىن اسقاقتاتىپ، پارتيانى پارتيا باسقارۋعا، پارتيانى جاپپاي قاتاڭ باسقارۋعا تاباندى بولىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن تاباندىلىقپەن ىلگەرىلەتىپ، پارتيا قۇرىلىسىنىڭ جاڭا ۇلى ينجەنەرياسىن ۇزدىكسىز ىلگەرىلەتەمىز.

  شينجياڭنىڭ پروكۋراتۋرا ورگاندارىنداعى پارتيالى كادرلار مىنانى ءبىلدىردى: شي جينپيڭ جاڭا ءداۋىر جۇڭگوشا سوتسياليزم يدەياسى ۇلى تۋىن بيىك ۇستاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، قوعام ورنىقتىلىعى جانە باياندى تىنىشتىق باس نىساناسىن مىقتى يگەرىپ، ساياسي سانالىلىق، زاڭمەن جونگە سالۋ سانالىلىعى، پروكۋراتۋرا سانالىلىعى ارقىلى شىنايى يگەرىپ، ناقتى ىستەپ، قاجىماي - تالماي ەكپىندى ىلگەرىلەۋ بارىسىندا قىزىل تامىردى ۇزدىكسىز جالعاستىرامىز!

  ۇلى رۋح ۇلى امالياتتى ىلگەرىلەتەدى. جۇڭگو عىلىم اكادەمياسى شينجياڭ فيزيكا - حيميا تەحنيكا زەرتتەۋ ورنىنىڭ اعا زەرتتەرمەنى جاڭ فاڭفاڭ بىلاي دەدى: عىلىم - تەحنيكا قىزمەتكەرى رەتىندە، جەكە مۇراتتى مەملەكەتتىڭ كەلەلى قاجەتىمەن ۇشتاستىرىپ، دەن قويا زەرتتەپ، مەملەكەتتىڭ كەلەلى قاجەتىنە جانە شينجياڭنىڭ وڭىرلىك ەكونوميكالىق دامۋىنا ءوز كۇش - قۋاتىمدى ارنايمىن.

  بيلىك دەگەنىمىز حالىق، حالىق دەگەنىمىز بيلىك، بيلىككە قول جەتكىزۋدە، بيلىكتى قورعاۋدا حالىقتىڭ تىلەگىن قورعادى.

  ”باس شۋجي شي جينپيڭ ورتاعا قويعان ۇلى پارتيا قۇرۋ رۋحى جۇڭگو كوممۋنيستىك پارتياسىنىڭ رۋحاني قاينارى، سونداي - اق ءبىز جاڭا ءداۋىر كوممۋنيستەرىنىڭ اۋەلگى ماقساتتى ۇمىتپاۋ، بورىشتى ەستە بەرىك ساقتاۋ ارقىلى قايتا اتتانۋىمىزدىڭ رۋحاني مەكەنى“. اۆتونوميالى رايوندىق ەكولوگيالىق ورتا مەڭگەرمەسى پارتيا باسشىلىق گرۋپپاسىنىڭ شۋجيى داي ۋجۇن بىلاي دەدى: ءبىز حالىق بۇقاراسىنىڭ ويلاعانىنا، اسىققانىنا، كوكسەگەنىنە بەلسەنە جاۋاپ قايتارىپ، حالىق بۇقاراسى ءۇشىن اناعۇرلىم كوپ ساپالى ەكولوگيالىق ءونىم ازىرلەپ، حالىقتىڭ كۇن سايىن ارتىپ وتىرعان تاماشا ەكولوگيالىق ورتاعا قاجەتىن ۇزدىكسىز قاناعاتتاندىرۋىمىز كەرەك.

  اۆتونوميالى رايوندىق دەنساۋلىق ساقتاۋ، سالاماتتىق كوميتەتى عىلىم - تەحنيكالىق تاربيە باسقارماسىنىڭ باستىعى شۇي پەيلان بىلاي دەدى: ”ءبىز باس شۋجيدىڭ تاپسىرماسىن ەستە بەرىك ساقتاپ، اۋەلگى ماقساتتى امالياتتا ايگىلەپ، بورىش ارقالاپ، پارتيا مۇشەلەرىنىڭ اۆانگارد، ۇلگىلىك رولىن ءاردايىم ساۋلەلەندىرىپ، بۇكىل ىنتا - پەيىلمەن حالىق ءۇشىن قىزمەت ىستەپ، حالىق بۇقاراسىنىڭ اۋرۋ كورسەتۋ، ەمدەلۋ جاعىنداعى رازىلىعىن ۇزدىكسىز جوعارىلاتامىز“.

  باس شۋجي شي جينپيڭنىڭ ماڭىزدى ءسوزىن تىڭداعان اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى قىستاق - قالاشىق قۇرىلىسى باسقارماسىنىڭ باستىعى جاڭ شاۋ - اي تەرەڭ شابىت الدى: ”ءبىز ءوز قىزمەتىمىزدى تياناق ەتىپ، ۇلى پارتيا قۇرۋ رۋحىن اسقاقتاتىپ، پارتيا ورتالىق كوميتەتىنىڭ كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ءتۇيىلىستىرۋ جونىندەگى شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، كورىكتى دە جايلى اۋىل - قىستاق قۇرىلىسىن اناعۇرلىم پارمەندى شارالارمەن ىلگەرىلەتىپ، پارتياعا ادال بولۋدى، حالىقتىڭ ءۇمىتىن اقتاۋدى شىن مانىندە ورىندايمىز“.

  تاريح كوشى ايالسىز العا جىلجىپ، رۋح ۇرپاقتان - ۇرپاققا جالعاسىپ كەلەدى. اۆتونوميالى رايوندىق قوعام حاۋىپسىزدىگى مەڭگەرمەسى ورگانىنداعى بارلىق پارتيالى حالىق ساقشىلارى مىنانى ءبىلدىردى: تاريحتىڭ جاڭا باستالۋ تۇيىنىندە تۇرىپ، باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات دايەكتىلەندىرىپ، پارتياعا ادال بولىپ، قۇربان بەرۋدەن قورىقپاي، ەرلىكپەن كۇرەس جاساپ، ورنىقتىلىقتى قورعاۋدىڭ قۇرىش قورعانىن بەرىك تۇرعىزامىز.

  اۆتونوميالى رايوندىق اۋىل - قىستاقتى گۇلدەندىرۋ مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى ما يىڭ مىنانى ءبىلدىردى: ۇلى پارتيا قۇرۋ رۋحىن، كەدەيلىكتەن ارىلتۋدان قامال الۋ ۇلى رۋحىن زور كۇشپەن ساۋلەلەندىرىپ، كەدەيلىكتەن ارىلتۋدان قامال الۋ جەتىستىكتەرىن بار كۇشپەن بەكەمدەپ، كەڭەيتىپ، اۋىل - قىستاق قۇرىلىسىن مىقتى يگەرىپ، ۇزدىكسىز كۇرەس جاساپ، اۋەلگى ماقساتتى، بورىشتى امالياتتا ايگىلەيمىز.

  جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قاراي ەرلىكپەن العا ىلگەرىلەيمىز

  باس شۋجي شي جينپيڭ مىنانى اتاپ كورسەتتى: بۇگىنگى تاڭدا ءبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا تاريحتاعى ءارقانداي مەزگىلدەگىدەن دە اناعۇرلىم تاياي تۇستىك، مۇنى جۇزەگە اسىرۋعا سەنىمىمىز ءتىپتى دە كامىل جانە قۋاتىمىز دا جەتەدى، سونىمەن بىرگە اناعۇرلىم جاپالى، اناعۇرلىم ماشاقاتتى قۇلشىنىستار جاساۋعا، ءسوز جوق، دايىندالۋىمىز كەرەك.

  اۆتونوميالى رايوندىق دامۋ جانە رەفورما كوميتەتى ساياسات زەرتتەۋ كەڭسەسىنىڭ ورىنباسار مەڭگەرۋشىسى جۋ شۋۋي مىنانى ءبىلدىردى: جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى ءوز مىندەتىمىز ەتىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن تولىق، ءدال، جاپپاي دايەكتىلەندىرىپ، جاڭا دامۋ ارناسىن قالىپتاستىرۋعا قىزمەت ەتىپ، ”ون ۇلكەن كاسىپ سالاسىن“ ساپالىلاندىرىپ، قۇدىرەتتەندىرىپ، رەفورمانى ۇزدىكسىز تەرەڭدەتىپ، حالىققا تيىمدىلىك جاساۋ ينجەنەريالارىن تىڭعىلىقتى ىلگەرىلەتىپ، شينجياڭ ەكونوميكاسىنىڭ جوعارى ساپالى دامۋىن ىلگەرىلەتۋگە كۇش - قۋات قوسامىز.

  مەملەكەتتىك سالىق باس مەكەمەسى حوتان ايماقتىق سالىق مەكەمەسىنىڭ حوتان قالاسى جييا اۋىلىنىڭ باشتۇگىمان قىستاعىندا تۇراتىن ءبىرىنشى شۋجيى، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى جاۋ يانلۇڭ بيىل ”كەدەيلىكتەن ارىلتۋدان قامال الۋداعى مەملەكەتتىك تاڭداۋلى جەكە“ بولىپ باعالاندى. ”باس شۋجيدىڭ ءسوزىن تىڭداپ، بويىمدى كۇش - قايرات كەرنەدى“، - دەدى جاۋ يانلۇڭ: ”قىستاقتاعى تاڭداۋلى پارتيا مۇشەلەرىمەن قىستاق ’ەكى كوميتەتى‘ باسشىلىق القاسىن تولىقتىرىپ، نەگىزگى ساتى پارتيا ۇيىمىنىڭ ۇيىستىرۋ قۋاتى مەن جاۋىنگەرلىك قۋاتىن ۇزدىكسىز ارتتىرىپ، بۇقارانى اناعۇرلىم تاماشا تۇرمىسقا جەتۋگە باستايمىز“.

  ۇلى ارماندى جۇزەگە اسىرۋ ءۇشىن قايسارلىقپەن ايانباي شايقاسۋ، قاجىماي - تالماي كۇرەس جۇرگىزۋ كەرەك. ءۇرىمجى كەدەنىنىڭ باستىعى، پارتكوم شۋجيى شىن ياڭ بىلاي دەدى: ءبىز باستان - اياق پارتيانىڭ باسشىلىعىنا تاباندى بولىپ، ىندەتتەن ساقتانۋ - تىزگىندەۋدى ۇدايىلاندىرۋمەن بىرگە، قىزمەت ادىسىندە، تاسىلىندە جاڭالىق اشىپ، شينجياڭنىڭ باتىسقا بەت العان حالىقارالىق زات تاسىمالى ۇلكەن ارناسى رەتىندە ءونىمدى، ىركىلىسسىز بولۋىن قامتاماسىز ەتىپ، جىبەك جولى ەكونوميكالىق بەلدەۋى وزەكتى رايون قۇرىلىسىن جەدەلدەتۋگە كۇش - قۋات قوسامىز.

  ”ءبىز جۇمىسشى تابىنىڭ نەگىزگى قوسىندىق رولىن تولىق ساۋلەلەندىرىپ، بۇكىل رايونداعى ءار ۇلت جۇمىسشى - قىزمەتكەرلەرىن، بۇقارانى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاستىرىپ، ءبىر جاعادان باس، ءبىر جەڭنەن قول شىعارىپ، ەكىنشى 100 جىلدىق كۇرەس نىساناسىن جۇزەگە اسىرۋعا قاراي العا ىلگەرىلەيمىز“، - دەدى اۆتونوميالى رايوندىق باس جۇمىسشى ۇيىمى پارتيا باسشىلىق گرۋپپاسىنىڭ مۇشەسى، ورىنباسار ءتوراعاسى قايىرجان نۇرعالي نىق سەنىممەن.

  ”باس شۋجيدىڭ ماڭىزدى ءسوزى ءبىزدىڭ بۇدان كەيىنگى قىزمەتتەرىمىزگە ايقىن بەتالىس كورسەتتى“. باي اۋداندىق ساۋدا جانە ونەركاسىپتى ينفورماتسيالاندىرۋ مەكەمەسى پارتيا باسشىلىق گرۋپپاسىنىڭ شۋجيى ليۋ دۇڭ بىلاي دەدى: كەلەسى قادامدا ءبىز بۇكىل اۋداننىڭ اۋىل شارۋاشىلىق قوسىمشا ونىمدەرىن جىنتىكتەپ مانەرلەۋ، جالپى وڭىرلىك ساياحات سياقتىلاردى ىشكەرىلەي ىلگەرىلەتىپ، بۇكىل اۋدان ەكونوميكاسىنىڭ جوعارى ساپالى دامۋىنا سەرپىندى قوزعاۋشى كۇش ازىرلەيمىز.

  ”توپتىڭ بارلىق جۇمىسشى - قىزمەتكەرلەرى ماڭگى بۇلجىماستان پارتياعا ىلەسىپ، جولاۋشىلارعا بار ىنتامەن قىزمەت وتەپ، ءارقايسى جۇمىس ورىندارىندا قايراتتانا شايقاسىپ، پارتيا مەن حالىق ءۇشىن ۇلەس قوسىپ، ەڭبەك كورسەتەدى“، - دەدى شينجياڭ اۋەجاي توبى پارتكومىنىڭ شۋجيى، القا باستىعى جاڭ جۇن تولىق سەنىممەن.

  باس شۋجي شي جينپيڭ بولاشاق جاستاردىكى، ءۇمىت جاستاردا ەكەندىگىن ايتتى. باس شۋجي شي جينپيڭنىڭ ماڭىزدى ءسوزىنىڭ رۋحىن ۇگىتتەۋ، دايەكتىلەندىرۋ ءۇشىن، مەملەكەتتىك سالىق باس مەكەمەسى تۇرپان قالالىق سالىق مەكەمەسى جاس كاسىپ تىرەكتىلەرىن ”جاس ەكپىندىلەر اترەتىن“ قۇرۋعا ۇيىمداستىرىپ، سالىق ىستەرى بويىنشا قىزمەت وتەۋدى كاسىپورىندارعا ەنگىزۋ، ساياساتتاردى جەتكىزۋ قيمىلىن ورىستەتتى. كوپشىلىك مىنانى ءبىلدىردى: جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى ءوز مىندەتىمىز ەتىپ، نەگىزگى ساتىعا تامىر تارتامىز، قۇلشىنا كۇرەس جاسايمىز، ءداۋىر ءۇمىتىن اقتايمىز، ەسىل شاقتاردىڭ ءۇمىتىن اقتايمىز.

  اۆتونوميالى رايوندىق چياۋمين ىستەرى بىرلەستىگىنە جاڭادان قىزمەتكە ورنالاسقان پارتيا مۇشەسى جاڭ ليڭ بىلاي دەدى: ”جۇڭگولىق بولۋ جىگەرىن، جالىنىن، سەنىمىن كۇشەيتىپ، قاراپايىم جۇمىس ورنىندا اناعۇرلىم زور ۇلەس قوسىپ، پارتيا مەن حالىقتىڭ ىقىلاستى ءۇمىتىن اقتايمىز!“.”پارتيا الاڭسىز بولىڭىز، مەملەكەتتى قۇدىرەتتەندىرۋدە ءبىز بارمىز!“، پارتيانىڭ 100 جىلدىق مەرەيتويى قارساڭىندا قاشقار داشۋەسى دەنە تاربيە شۋەيۋانىنىڭ وقۋشىسى فۋ جيان وزىنە ۇلى ماقسات قويدى: وتان ەڭ قاجەت ەتكەن جەرگە بارىپ، قاجىرلىلىقپەن ۇيرەنىپ، بەلسەنە امالياتقا ارالاسىپ، وتان ءۇمىتىن اقتايمىن.

  ”جاڭا داۋىردەگى وداق كادرى رەتىندە، جاستار تۇسىنە الاتىن، ۇعىنا الاتىن ادىسپەن پارتيانىڭ مۇرات - سەنىمىن، پارتيانىڭ كۇرەس بارىسىن جانە تاريحي بورىشىن اناعۇرلىم كوپ وداق مۇشەلەرىنە جاستارعا جەتكىزىپ، كوپشىلىكتى جاستىق كوكتەمدەگى كۇرەستەرىن پارتيا مەن حالىق ىستەرىنە ءسىڭىرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋداعى اۆانگارد كۇشكە اينالۋعا باستايمىن“، - دەدى اۆتونوميالى رايوندىق وداق كوميتەتى جاس لەكتورلار ۇيىرمەسىنىڭ مۇشەسى ما لي.

  (ءتىلشى جاڭ يانفاڭ، قاتىناسقان تىلشىلەر سۇڭ ۋيگو، جاڭ تيڭ، ۋاڭ يۇيجاۋ، شيە حۇيبيان، لي ياڭ، شى شين، سۋ لۋپيڭ، ميھىرگۇل ناسىر، ميھىرگۇل عوپۇر، لي شيڭ، گو ليڭ، ليۋ شياڭ، لۋ فىڭباۋ، يان شياۋتيان، ما ينيڭ، لياڭ ليحۋا، ياڭ شۋحان، دۇڭ لياڭ، چىن چياڭۋي، جاڭ رۇيلين)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.