تيانشان تورى
تيانشان تورى   ›   جاڭالىقتار   ›   شينجياڭ حابارلارى

100 جىلدىق ارىن، ساۋلەلى ماراپات

  100 جىلدىق ارىن، ساۋلەلى ماراپات

  − ءۇرىمجى قالاسى شىراق سالتاناتى ارقىلى پارتياعا تەرەڭ سۇيىسپەنشىلىگىن ايگىلەدى

  ءۇرىمجى قالاسى شيداچياۋ كوپىرىندەگى شىراق سالتاناتى (6 - ايدىڭ 30 - كۇنى تۇسىرىلگەن). □ سۋرەتتى انار بۇلت / شينجياڭ گازەتىنىڭ ءتىلشىسى حان لياڭ تۇسىرگەن

  انار بۇلت / شينجياڭ گازەتىنىڭ ءتىلشىسى يۇي شي 7 - ايدىڭ 2 - كۇنى ۇرىمجىدەن حابارلايدى. 7 - ايدىڭ 2 - كۇنى كەشتە «كوممۋنيستىك پارتيا بولماسا، جاڭا جۇڭگو بولماق ەمەس» اتتى ءاننىڭ اسقاق اۋەنىنە ىلەسە، ءۇرىمجى قالاسىنىڭ شىراق سالتاناتى توڭىرەكتى دۋمانعا بولەدى. جۇڭگو كوممۋنيستىك پارتياسىنىڭ 100 جىلدىق مەرەيتويى ساتىندە، ءۇرىمجى بۇكىل قالانى شارپىپ شۇعىلا شاشقان شىراق سالتاناتى ارقىلى ۇلى پارتياعا تەرەڭ سۇيىسپەنشىلىگىن ايگىلەدى.

  شىراق سالتاناتى ”جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋدى“ نەگىزگى تاقىرىپ ەتىپ، جەكە - جەكە ”100 جىلدىق ساپار اسقاق ايبىنمەن قۇلاشىن كەڭ جايدى، 100 جىلدىق اۋەلگى ماقسات ۋاقىت وتكەن سايىن بەكەمدەلە ءتۇستى“، ”كورىكتى شينجياڭ قۇرىپ، وتان ارمانىن بىرگە جۇزەگە اسىرامىز“، ”پارتيانىڭ سوزىنە بۇلجىماي قۇلاق اسىپ، مۇراتتان اينىماي پارتياعا ىلەسەمىز“ سىندى 3 بولىك بويىنشا جوبالانىپ، جاسالىپ، 6 - ايدىڭ 21 - كۇنىنەن 7 - ايدىڭ 5 - كۇنىنە دەيىن ۇزبەي حۇڭشان - شيداچياۋ كوپىرى، شينجياڭ حالىقارالىق ۇلكەن بازار، جينفىڭ ۇلكەن كوپىرى، ءماجىلىس - كورمە اۋماعى، گۇڭميشياڭ سىندى 5 ورىندا كورسەتىلەدى. كەڭ تىنىستى، كورىنىسى كوز تارتاتىن ساۋلە ارقىلى جۇڭگو كوممۋنيستىك پارتياسى قۇرىلعان 100 جىلدان بەرگى قۇلاشىن كەڭ جايعان، ايبىنى كۇشتى شۇعىلالى ساپارىن ەسكە ءتۇسىرىپ، پارتيانىڭ نۇر - شۇعىلاسىندا ءۇرىمجىنىڭ تىنىش تا بەيبىت تاماشا بەينەسىن ايگىلەدى.

  شيداچياۋ كوپىرى − ءۇرىمجىنىڭ دامىپ جاڭارعاندىعىنىڭ كۋاگەرى ءارى ءۇرىمجى تاريحي مادەنيەتىنىڭ ارقالاۋشىسى. ىمىرت ءۇيىرىلىپ، اشەكەي شامدار جانا باستاعاندا، جالىندى، باي مازمۇندى، ستەرەولدى، عىلىم - تەحنيكالىق ءتۇس العان ساعىم سۋرەتتەر وسى ارادا باياۋ تارامداپ اشىلىپ، ءار ۇلت حالقىن ايالداپ كورۋگە باۋرادى. «سۇيەمىن سەنى جۇڭگو» انىنە ىلەسە، ماڭايىنداعى حۇڭشان باقشاسى، حالىق باقشاسى سياقتى كورىنىس تۇيىندەرىندە شام - شىراقتار شۇعىلا شاشىپ، ساعىمدار ايقاستى. ”مەن جۇڭگو كوممۋنيستىك پارتياسىن سۇيەمىن! مەن ۇلى وتاندى سۇيەمىن!“ تۇنگى ساعات 23 مولشەرىندە قالا تۇرعىنى اسقار نۇرتاي قولىنداعى پارتيا تۋىن بۇلعاپ تەبىرەنە وسىلاي دەدى.

  كەسكىنى كوز جاۋىن الىپ، مىڭ قۇبىلدى. ءتىلشى شينجياڭ حالىقارالىق ۇلكەن بازاردان تىزبەك - تىزبەك نەوندى شامدار بەينە تال - تال كەرەمەت سۋرەت قالامى سەكىلدى قاتار - قاتار عيماراتتاردى اسەم دە تارتىمدى كورىنىسكە بولەپ، كوزگە وتتاي باسىلىپ تۇرعانىن كوردى. ”ۇرىمجىدە دە وسىنداي كوركەمدىك پەن جاسامپازدىق ءبىر تۇلعالانعان شىراق سالتاناتى وتەتىندىگىن ويلاپ كورمەگەن ەدىم، توتەنشە قايران قالدىم!“، - دەدى شاڭحايلىق ساياحاتشى حان ۋىنچي وسى جولعى ساپارىنا كوڭىلى تولىپ.

  تيانشان رايونىنان سايباق رايونىنا دەيىن، شۇيموگوۋ رايونىنان ەكونوميكالىق - تەحنيكالىق اشۋ رايونىنا (توۋتۇنحى رايونى) دەيىن... جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ ءۇشىن ۇرىمجىدەگى ءارقايسى رايوندار (اۋدان) ارت - ارتىنان شىراق سالتاناتىن وتكىزدى، ورگان عيماراتتارى، دالاداعى ۇلكەن ەكراندار، جۇلدىزدى مەيمانسارايلار، كولەمدى ساۋدا - ەرەن بازارلارى سياقتى عيمارات قۇرىلىستاردىڭ جانە نەگىزگى كوشەلەردىڭ ەكى جاعىنداعى عيماراتتاردىڭ سىرتى جارقىراپ نۇر شاشىپ، بۇكىل قالادا ءان اۋەنى شارىقتادى. الۋان رەڭدەگى كوز جاۋىن العان شىراق سالتاناتى ءۇرىمجىنىڭ ارشىندى قاداممەن العا باسقان، ەكپىندەي ىلگەرىلەگەن داۋىرلىك رۋحىن ايگىلەدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.