تيانشان تورى
تيانشان تورى   ›   جاڭالىقتار   ›   سۋرەتتى حابار

اۆتونوميالى رايوننىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ اڭگىمە ءماجىلىسى سالتاناتپەن وتكىزىلدى

    اۆتونوميالى رايوننىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ اڭگىمە ءماجىلىسى سالتاناتپەن وتكىزىلدى

    چىن چۋانگو ءسوز سويلەدى

    شوكىرات زاكىر باسقاردى، شاۋكەت يمىن، نۇرلان ءابىلماجىن، ۋاڭ جۇنجىڭ، جاڭ چۇنلين قاتىناستى

  شينجياڭ ۇيعۇر اۆتونوميالى رايونىنىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ اڭگىمە ءماجىلىسى 7 - ايدىڭ 2 - كۇنى ۇرىمجىدە وتكىزىلدى. □ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن

  انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 7 - ايدىڭ 2 - كۇنى ۇرىمجىدەن حابارلايدى. اۆتونوميالى رايوننىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ اڭگىمە ءماجىلىسى 7 - ايدىڭ 2 - كۇنى تۇستەن بۇرىن سالتاناتپەن وتكىزىلدى. ءماجىلىس باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، پارتيامىز قۇرىلعان 100 جىلدان بەرگى شۇعىلالى بەلەستەر مەن ۇلى تابىستاردى ەسكە الىپ، جۇڭحۋا ۇلتىنىڭ ۇلى گۇلدەنۋىنىڭ كوركەم كەلەشەگى مەن پارتيانىڭ باسشىلىعىنداعى شينجياڭنىڭ نۇرلى بولاشاعىنا كوز جىبەرىپ، رايونىمىزدىڭ ءار شەبىنەن اعالاپ العا شىققان تاڭداۋلى كوممۋنيستىك پارتيا مۇشەلەرىن، تاڭداۋلى پارتيا ىستەرى قىزمەتكەرلەرىن جانە وزات نەگىزگى ساتى پارتيا ۇيىمدارىن ماداقتاپ سيلاپ، بۇكىل رايونداعى ءار دارەجەلى پارتيا ۇيىمدارى مەن قالىڭ كوممۋنيستىك پارتيا مۇشەلەرىن پارتيانىڭ 100 جىلدىق كۇرەس بەلەستەرىنەن العا ىلگەرىلەۋ كۇش - قۋاتىن ۇزدىكسىز قابىلداپ، جاڭا داۋىردەگى جۇڭگوشا سوتسياليستىك شينجياڭ قۇرۋ جولىندا قۇلشىنا كۇرەس جۇرگىزۋگە شابىتتاندىردى، جۇمىلدىردى.

  اۆتونوميالى رايوندىق پارتكومنىڭ شۋجيى چىن چۋانگو ماجىلىسكە قاتىناستى ءارى ءسوز سويلەدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءماجىلىستى باسقاردى. اۆتونوميالى رايوننىڭ باسشىلارىنان شاۋكەت يمىن، نۇرلان ءابىلماجىن، ۋاڭ جۇنجىڭ، جاڭ چۇنلين، ياڭ چىڭ، شۇي حايرۇڭ، ەركىن تۇنياز، تيان ۋىن، لي يفي، سارقىت اقان، چىن ۋيجۇن، ۋاڭ ميڭشان قاتارلىلار قاتىناستى.

  ءماجىلىس ايبىندى مەملەكەت انىمەن باستالدى. اۆتونوميالى رايوندىق پارتكومنىڭ ورىنباسار شۋجيى ۋاڭ جۇنجىڭ باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىنىڭ رۋحىن جەتكىزدى. اۆتونوميالى رايوندىق پارتكومنىڭ ورىنباسار شۋجيى جاڭ چۇنلين «اۆتونوميالى رايوندىق پارتكومنىڭ اۆتونوميالى رايونداعى تاڭداۋلى كوممۋنيستىك پارتيا مۇشەلەرىن، تاڭداۋلى پارتيا ىستەرى قىزمەتكەرلەرىن جانە وزات نەگىزگى ساتى پارتيا ۇيىمدارىن ماداقتاۋ - سيلاۋ جونىندەگى قارارىن» وقىدى. اۆتونوميالى رايون باسشىلارى ماداقتالىپ - سيلانعان تاڭداۋلى جەكەلەر مەن وزات كوللەكتيۆتەردىڭ ۋاكىلدەرىنە سيلىق بەردى.

  ساقا پارتيا مۇشەلەرىنىڭ ۋاكىلدەرى، مەملەكەتتىك تاڭداۋلى كوممۋنيستىك پارتيا مۇشەلەرىنىڭ ۋاكىلدەرى، اۆتونوميالى رايوندىق تاڭداۋلى كوممۋنيستىك پارتيا مۇشەلەرىنىڭ ۋاكىلدەرى، اۆتونوميالى رايوندىق تاڭداۋلى پارتيا ىستەرى قىزمەتكەرلەرىنىڭ ۋاكىلدەرى جانە اۆتونوميالى رايوندىق وزات نەگىزگى ساتى پارتيا ۇيىمدارىنىڭ ۋاكىلدەرى، ت. ب ماجىلىستە سوزگە شىعىپ، وزدەرىنىڭ كەشىرمەلەرىمەن ۇشتاستىرىپ، پارتياعا شەكسىز ادالدىقتارىن، حالىققا شىن ىقىلاستى سۇيىسپەنشىلىكتەرىن، ىستەرگە دەگەن قاجىماس تالپىنىستارىن شىنايى بايانداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جاڭا داۋىردەگى جۇڭگوشا سوتسياليستىك شينجياڭ قۇرۋ بەكىمدەرى مەن سەنىمدەرىن تولىق ءبىلدىردى.

  چىن چۋانگو بىلاي دەدى: 100 جىلدىق ساپار اسقاق ايبىنمەن قۇلاشىن كەڭ جايدى، 100 جىلدىق اۋەلگى ماقسات ۋاقىت وتكەن سايىن بەكەمدەلە ءتۇستى. جۇڭگو كوممۋنيستىك پارتياسى جۇڭحۋا ۇلتىنىڭ ماڭگىلىك ۇلى ءىسىن مۇرات ەتىپ، 100 جىلدىق كەمەل شاعىنا كەلدى. پارتيا قۇرىلعاندىعىنىڭ 100 جىلدىعى سىندى ۇلى تاريحي ساتتە، باس شۋجي شي جينپيڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىنا قاتىناسىپ ءارى ماڭىزدى ءسوز سويلەپ، جۇڭگو كوممۋنيستىك پارتياسىنىڭ 100 جىلدىق كۇرەسىنىڭ شۇعىلالى بەلەستەرىن تەرەڭ سەزىممەن ەسكە الىپ، 100 جىلدان بەرگى جۇڭگو كوممۋنيستىك پارتياسىنىڭ جۇڭگو حالقىن ىنتىماقتاستىرىپ، باستاپ جاراتقان ۇلى تابىستارىن جوعارى باعالاپ، ”ءبىز ءبىرىنشى 100 جىلدىق كۇرەس نىساناسىن ىسكە اسىردىق، جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام ورناتتىق“ دەپ سالتاناتپەن جاريالاپ، ”اقيقاتتان جازبايتىن، مۇراتتان اينىمايتىن، اۋەلگى ماقساتتى امالياتتا ايگىلەيتىن، بورىش ارقالايتىن، قۇربان بەرۋدەن قورىقپايتىن، ەرلىكپەن كۇرەس جۇرگىزەتىن، پارتياعا ادال بولاتىن، حالىقتىڭ ءۇمىتىن اقتايتىن ۇلى پارتيا قۇرۋ رۋحىن“ ەگجەي - تەگجەيلى جيناقتاپ، تاريحتى اينا ەتىپ، بولاشاق اشۋداعى ”توعىز ءسوز جوقتى“ جالپى بەتتىك قورىتىندىلاپ، بارلىق جۇڭگو كوممۋنيستىك پارتياسى مۇشەلەرىن جاڭا ەمتيحان تاپسىرۋ جولىندا پارتيا مەن حالىققا اناعۇرلىم زور داڭق اپەرۋگە قۇلشىنۋعا ۇندەدى. باس شۋجي شي جينپيڭنىڭ ماڭىزدى ءسوزى بيىكتە تۇرىپ ۇرىمتال تۇستى ءدال تاپقان، يدەياسى تەرەڭ، مازمۇنى باي، وتە كۇشتى ساياسي سيپاتقا، يدەيالىق سيپاتقا، نازاريالىق سيپاتقا يە، تەرەڭ ستراتەگيالىق ويدى، كۇشتى تاريحي جاۋاپكەرشىلىكتى، شىنايى حالىق ءۇشىن ىستەۋ ىنتا - ىقىلاسىن ايگىلەدى، ول ماركسيزمدىك تۇعىرنامالىق حۇجات بولىپ، بۇكىل پارتيانىڭ، بۇكىل ەلدەگى ءار ۇلت حالقىنىڭ ەكىنشى 100 جىلدىق كۇرەس نىساناسىنا قاراي ارشىندى قادام تاستاۋىنا ايقىن ىلگەرىلەۋ باعدارىن كورسەتىپ، ءتۇبىرلى بويسۇنۋ ولشەمىن ازىرلەدى. بۇكىل رايونداعى ءار دارەجەلى پارتيا ۇيىمدارى مەن قالىڭ پارتيا مۇشەلەرى ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، باتىل تۇردە يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرىپ، ”ەكى كەلەلى جاعدايدى“ كوكەيدە ساقتاپ، ”مەملەكەتتىڭ زور ءىسىن“ ەستە بەرىك ساقتاپ، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، ءتۇسىنىپ، شىن مانىندە جۇرەككە ۇيالاتىپ، ارەكەتتە كورسەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋدىڭ، قوعام ورنىقتىلىعى مەن باياندى تىنىشتىقتى قۇلشىنا ىلگەرىلەتۋدىڭ قۇدىرەتتى قوزعاۋشى كۇشىنە اينالدىرۋ كەرەك.

  چىن چۋانگو سوزىندە 100 جىلدان بەرگى پارتيانىڭ شۇعىلالى بەلەستەرى مەن پارتيانىڭ بۇكىل ەلدەگى ءار ۇلت حالقىن ىنتىماقتاستىرىپ، باستاپ قول جەتكىزگەن ۇلى تابىستارىن ەسكە الدى. ول بىلاي دەدى: 100 جىلدا اۋەلگى ماقساتتى ۇمىتپاي، بورىشتى ەستە بەرىك ساقتادى، پارتيامىز ءبىر كەمەدەن شىت جاڭا ءداۋىر اشتى. جۇڭگو كوممۋنيستىك پارتياسىنىڭ 100 جىلى، اۋەلگى ماقساتتى، بورىشتى امالياتتا ايگىلەۋدى مۇرات ەتكەن 100 جىل، قاجىرلىلىقپەن نەگىز قالاپ، ەڭبەك ەتكەن 100 جىل، شۇعىلا جاراتىپ، بولاشاق اشقان 100 جىل. 100 جىلدان بەرى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن، جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ، باستاپ، قان كەشە شايقاس جۇرگىزىپ، قايتپاس قايسارلىق كورسەتىپ، جاڭا دەموكراتيالىق توڭكەرىستىڭ ۇلى تابىستارىن جاراتتى؛ ءوز كۇشىنە سۇيەنىپ ءومىر ءسۇرىپ، كۇشەيۋ ءۇشىن قايراتتانىپ، سوتسياليستىك توڭكەرىس پەن قۇرىلىستىڭ ۇلى تابىستارىن جاراتتى؛ يدەيانى ازات ەتىپ، جىگەرلەنە العا ۇمتىلىپ، رەفورما جاساپ، ەسىك اشۋدىڭ جانە سوتسياليستىك وسىزاماندانۋ قۇرىلىسىنىڭ ۇلى تابىستارىن جاراتتى؛ وزىنە سەنىپ، ءوزىن الۋەتتەندىرىپ، تۋراشىلدىقتى ساقتاپ، جاڭالىق اشىپ، ۇلى كۇرەستى، ۇلى ينجەنەريانى، ۇلى ءىستى، ۇلى ارماندى ءبىر تۇتاس مەڭگەرىپ، جاڭا داۋىردەگى جۇڭگوشا سوتسياليزمنىڭ ۇلى تابىستارىن جاراتتى. وسى 100 جىلدان بەرى اشىلعان ۇلى جول، جاسالعان ۇلى ىستەر، قول جەتكەن ۇلى تابىستار، ءسوز جوق، جۇڭحۋا ۇلتىنىڭ دامۋ تاريحىنا، ادامزات وركەنيەتىنىڭ دامۋ تاريحىنا جازىلادى. پارتيا قۇرىلعان 100 جىلداعى اۋمالى - توكپەلى، قۇلاشىن كەڭ جايعان تاريح مىنانى تولىق دالەلدەدى: جۇڭگو كوممۋنيستىك پارتياسىنىڭ تاريحى جۇڭگونىڭ تاياۋ زاماننان بەرگى تاريحىنداعى ەڭ جىر ەتەرلىك تاراۋ، پارتيامىز ۇلى، داڭقتى، دۇرىس پارتيا، حالىقتى ىنتىماقتاستىرىپ، باستاپ، قامال الىپ قيىنشىلىقتاردى جەڭگەن، ءورىس اشا العا ىلگەرىلەگەن ەڭ سەنىمدى باسشىلىق كۇش، جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى.

  چىن چۋانگو بىلاي دەدى: داڭقتى 100 جىلدا جويقىن وزگەرىستەر تۋىلدى. پارتيامىز شينجياڭ حالقىنا باسشىلىق ەتىپ، شينجياڭ تاريحىندا ەجەلدەن بولماعان كەرەمەتتەردى جاراتىپ، شينجياڭ تاريحىنداعى دامۋدىڭ، العا باسۋدىڭ كەڭ تىنىستى تاراۋىن جازدى. اسىرەسە، پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شينجياڭنىڭ ەكونوميكالىق، قوعامدىق دامۋىندا جانە حالىق تۇرمىسىن جاقسارتۋدا بۇرىن بولماعان تابىستارعا قول جەتىپ، قوعام ورنىقتى، حالىق تىنىش ءومىر، شات - شادىمان تىرشىلىك كەشكەن تاماشا جاعداي جارىققا شىقتى. تاريح مىنانى تولىق دالەلدەدى: جۇڭگو كوممۋنيستىك پارتياسى بولماسا، سوتسياليستىك شينجياڭ بولماق ەمەس، ءبىز تەك جۇڭگو كوممۋنيستىك پارتياسىنىڭ باسشىلىعىنا مىزعىماستان تاباندى بولعاندا عانا، ءار ۇلت بۇقاراسىنىڭ اناعۇرلىم كوركەم تۇرمىسىن جاراتا الامىز. ءبىزدىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشەتىن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭدى قۇلشىنا قۇرىپ شىعۋعا بەكىمىمىز دە، سەنىمىمىز دە بار.

  چىن چۋانگو بىلاي دەپ باسا دارىپتەدى: بۇكىل رايونىمىزداعى ءار دارەجەلى پارتيا ۇيىمدارى، قالىڭ پارتيا مۇشەلەرى جانە ءار ۇلت كادرلارى، بۇقاراسى باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنۋدى، ءتۇسىنۋدى، دايەكتىلەندىرۋدى كەلەلى ساياسي مىندەت ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ۇيرەنۋمەن، دايەكتىلەندىرۋمەن ۇشتاستىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ۇيرەنۋمەن، دايەكتىلەندىرۋمەن ۇشتاستىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ۇيرەنۋمەن، دايەكتىلەندىرۋمەن ۇشتاستىرىپ، باس شۋجي شي جينپيڭنىڭ ماڭىزدى ءسوزىنىڭ رۋحىن جەتەكشى ەتۋگە تاباندى بولىپ، ورنىقتىلىق، دامۋ قىزمەتتەرىن تىڭعىلىقتى ويداعىداي ىستەپ، باس شۋجي شي جينپيڭنىڭ ماڭىزدى ءسوزىنىڭ رۋحىنىڭ شينجياڭدا تياناقتانىپ، تامىر تارتۋىن بۇلجىماي ىلگەرىلەتۋ كەرەك. مۇقيات ويداعىداي ۇيرەنۋ كەرەك. پارتيالى باسشى كادرلار باستاماشىلدىقپەن ۇيرەنىپ، نازاريامەن قارۋلانۋدى كۇشەيتىپ، ىشكەرىلەي ۇيرەنىپ، ەگجەي - تەگجەيلى ءتۇسىنىپ، زەر سالا زەرتتەپ، تاپتەشتەي وقۋى كەرەك؛ ءار دارەجەلى پارتكوم (پارتيا باسىشلىق گرۋپپاسى) جۇيەلى ۇيرەنىپ، ۋاقىتتى شوعىرلاندىرىپ، زەيىن - زەردەنى شوعىرلاندىرىپ، يدەيانىڭ ۇلى كۇشىن سەزىنۋى كەرەك؛ ءار دارەجەلى پارتيا مەكتەپتەرى (اكىمشىلىك شۋەيۋان) ىشكەرىلەي ۇيرەنىپ، پارتيالى كادرلاردى، اسىرەسە، باسشى كادرلاردى باۋلۋدى، كەزەكپەن تاربيەلەۋدى ويداعىداي يگەرۋى كەرەك؛ ءارقايسى نەگىزگى ساتى پارتيا ۇيىمدارى كەڭ كولەمدە ۇيرەنىپ، ۇيرەنۋدىڭ ناقتى ونىمدىلىگىن تەرەڭدەتۋى كەرەك؛ قالىڭ پارتيالى كادرلار سانالىلىقپەن ۇيرەنىپ، ۇيرەنۋدىڭ قىزۋ ورلەۋىن كوتەرۋى كەرەك. كەڭ كولەمدە ويداعىداي ۇگىتتەۋ كەرەك. ءتۇرلى اقپارات قۇرالدارىنىڭ جانە ۇگىت لەكسيا ۇيىرمەلەرىنىڭ، نەگىزگى ساتى پارتيا ۇيىمدارىنىڭ، قىستاقتا تۇراتىن قىزمەت اترەتىنىڭ، قالىڭ پارتيالى كادرلاردىڭ رولىن تولىق ساۋلەلەندىرىپ، ءتۇرلى فورمالاردى قولدانىپ، كۇش سالا ۇگىتتەپ، ۇگىت - لەكسيا جاساپ، باس شۋجي شي جينپيڭنىڭ ماڭىزدى ءسوزىنىڭ رۋحىن جۇرەت جۇرەگىنە تەرەڭ ۇيالاتىپ، تيانشان الابىندا قۋاتتى وڭ ەنەرگيا ۇيىستىرۋ كەرەك. ىشكەرىلەي ويداعىداي دايەكتىلەندىرۋ كەرەك. باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى وراي ەتىپ، عىلمي نارازياعا باستان - اياق تاباندى بولىپ، مۇرات - سەنىمگە باستان - اياق تاباندى بولىپ، اۋەلگى ماقساتقا، بورىشقا باستان - اياق تاباندى بولىپ، داڭقتى توڭكەرىستىك داستۇرگە باستان - اياق تاباندى بولىپ، وزىنە توڭكەرىس جاساۋدى ىلگەرىلەتۋگە باستان - اياق تاباندى بولىپ، ءىس تىندىرۋدىڭ، جاڭالىق اشۋدىڭ قايرات - جىگەرىن ونان ارى تاسقىنداتىپ، تاريحتىڭ جانە حالىقتىڭ قالاۋىنان شىعاتىن جاڭا ناتيجەلەر جاراتۋعا قۇلشىنۋ كەرەك. جاپپاي ويداعىداي تياناقتاندىرۋ كەرەك. باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى قوزعاۋشى كۇش ەتىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، دامۋدى جانە حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ، قوعام ورنىقتىلىعى، ىندەتتەن ساقتانۋ - تىزگىندەۋدى ۇدايىلاندىرۋ، ءوندىرىس حاۋىپسىزدىگى، ەكونوميكانىڭ جوعارى ساپالى دامۋى سىندى ءتۇرلى قىزمەتتەردى تىڭعىلىقتى ويداعىداي ىستەپ، ءار ۇلت حالقىنىڭ تاماشا تۇرمىسقا دەگەن تالپىنىسىن جۇزەگە اسىرۋ ءۇشىن ۇزدىكسىز تىنباي قۇلشىنىپ، پارتيا مەن حالىققا اناعۇرلىم زور داڭق اپەرۋگە قۇلشىنىپ، جاپپاي سوتسياليستىك وسىزاماندانعان قۇدىرەتتى ەل قۇرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا بەلسەنە ۇلەس قوسۋ كەرەك.

  ءماجىلىس بەينە ەكران ءماجىلىسى فورماسىندا اشىلدى. اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، شينجياڭ اسكەري رايونىنىڭ، شينجياڭ ءوندىرىس - قۇرىلىس بيڭتۋانى باسشىلىق القاسىنىڭ مۇشەلەرى، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى، قارۋلى ساقشى شينجياڭ باس اترەتىندەگى نەگىزگى جاۋاپتى جولداستار، دەمالىسقا، پەنسياعا شىققان ءىشىنارا قارت جولداستاردىڭ، ساقا پارتيا مۇشەلەرىنىڭ ۋاكىلدەرى، وزات، ۇلگىلەردىڭ ۋاكىلدەرى، پارتيا 19 - قۇرىلتايىنىڭ ۇرىمجىدەگى ۋاكىلدەرى، مەملەكەتتىك حالىق قۇرىلتايىنىڭ ۋاكىلدەرى، مەملەكەتتىك ساياسي كەڭەستىڭ مۇشەلەرى، اۆتونوميالى رايوندىق حالىق قۇرىلتايى تۇراقتى كوميتەتىنىڭ مۇشەلەرى، اۆتونوميالى رايوندىق ساياسي كەڭەستىڭ تۇراقتى مۇشەلەرى، اۆتونوميالى رايونعا (ورتالىققا) توتە قاراستى ورىندارداعى نەگىزگى جاۋاپتى جولداستار، ءارقايسى دەموكراتيالىق پارتيا - توپتاردىڭ شينجياڭ رايوندىق كوميتەتتەرىنىڭ، اۆتونوميالى رايوندىق ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، ت. ب ماجىلىسكە قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.