تيانشان تورى   ›   جاڭالىقتار   ›   ماڭىزدى حابارلار

100 جىلدىق ارماندى جۇزەگە اسىرىپ، جۇرەكتەردى نۇرعا بولەدى

− شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاپپاي دوڭگەلەك داۋلەتتى قوعام ورناتۋعا جەتەكشىلىك ەتكەندىگى تۋرالى ەستەلىك

  □ شينحۋا اگەنتتىگىنىڭ تىلشىلەرى

  بۇقارا جاپا شەكتى، دوڭگەلەك داۋلەتتى تۇرمىستان يگىلىكتەنەتىن شاعى دا جەتتى.

  جۇڭگو كوممۋنيستىك پارتياسىنىڭ 100 جىلدىق مەرەيتويى ساتىندە، جۇڭحۋا ۇلتى تاعى ءبىر تاريحي شاقتى قارسى الدى − جاپپاي دوڭگەلەك داۋلەتتى قوعام ورناتۋ كۇرەس نىساناسى ۋاعىندا جۇزەگە استى.

  پارتيانىڭ قۇرىلۋىنان جاڭا جۇڭگونىڭ قۇرىلۋىنا دەيىن، ونان رەفورما جاساۋدى، ەسىك اشۋدى ىلگەرىلەتۋگە دەيىن، 100 جىلدان بەرى، جۇڭگو كوممۋنيستىك پارتياسى جۇڭگو حالقىن باقىتقا كەنەلتۋ، جۇڭحۋا ۇلتىنىڭ گۇلدەنۋىن جۇزەگە اسىرۋ اۋەلگى ماقساتىنان، بورىشىنان اينىماي، حالىققا تىعىز سۇيەنىپ، قامال الىپ، قيىندىقتاردى جەڭىپ، تاريح بەتىنە ايشىقتالىپ قالعان تالاي - تالاي ءومىر كەرەمەتتەرىن جاراتتى.

  جاڭا داۋىردە قايراتتانا ەكپىندەي ىلگەرىلەدى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى تولاسسىز كۇرەس جۇرگىزىپ، حالىقتىڭ تاماشا تۇرمىسقا دەگەن تالپىنىسىن كۇرەس نىساناسى ەتىپ، بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ كەزەڭىنىڭ ۇلى جەڭىسىنە قول جەتكىزدى.

  مىڭ جىلدىق ارماندى ءجۇز جىلدا جۇزەگە اسىرىپ، ادامزاتتىڭ دامۋ تاريحىنداعى ۇلى كەرەمەتتى جازىپ، جۇڭحۋا ۇلتىنىڭ ۇلى گۇلدەنۋىنىڭ وشپەس ەسكەرتكىشىن سومدادى.

  بورىشتى اتقارعان تاريحي جاۋاپكەرشىلىك −

  تاريحتىڭ ۇتىلامالى تاياقشاسىن قولىنا الىپ، جاپپاي دوڭگەلەك داۋلەتتى قوعامنىڭ ۋاعىندا ورناۋىنا شىنايى كەپىلدىك ەتىپ، جۇڭحۋا ۇلتىنىڭ ۇلى گۇلدەنۋىنىڭ شەشۋشى قادامىن باستى

  بەيجيڭ، تيان - انمىن الاڭى. مەملەكەتتىك مۇراجايدا، «گۇلدەنۋ جولى» نەگىزگى كورمەسى قىرۋار ەكسكۋرسياشىلاردى وزىنە باۋرادى.

  2012 - جىلى 11 - ايدا، باس شۋجي شي جينپيڭ وسى ارادا ”جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى كەزىندە جاپپاي دوڭگەلەك داۋلەتتى قوعام ورناتۋ نىساناسى، ءسوز جوق، جۇزەگە اسادى“ دەپ سالتاناتپەن جاريالادى.

  شاڭحاي، شيڭيە جولى كونە شىكۋمىن. بيىل 6 - ايدىڭ 3 - كۇنى، جۇڭگو كوممۋنيستىك پارتياسىنىڭ 1 - قۇرىلتايى ەسكەرتكىش سارايى اشىلىپ، پارتيا قۇرىلعان مەزگىلدەگى قۇندى مادەني مۇرالار شوعىرلى كورسەتىلدى.

  2017 - جىلى 10 - ايدا، پارتيا 19 - قۇرىلتايى جابىلىپ كوپ وتپەي، باس شۋجي شي جينپيڭ 1 - قۇرىلتاي ورنىنا ارنايى بارىپ، بۇكىل پارتياعا ”اۋەلگى ماقساتتى ۇمىتپاي، بورىشتى ەستە بەرىك ساقتاپ، ماڭگى كۇرەس جۇرگىزەيىك“ دەپ ۇندەۋ تاستادى.

  شىكۋمىننەن تيان - انمىنگە دەيىن، پارتيامىزدىڭ 100 جىلدان بەرى جاساعان بارلىق قۇلشىنىسى، جۇرگىزگەن بارلىق كۇرەسى، بەرگەن بارلىق قۇرباندىعى حالىقتىڭ باقىتى مەن ۇلتتىڭ گۇلدەنۋى ءۇشىن بولدى.

  دوڭگەلەك داۋلەتتىلىك جۇڭحۋا ۇلتىنىڭ نەشە مىڭداعان جىلداردان بەرى قاجىماي - تالماي تالپىنعان ارمانى.

  جۇڭگو كوممۋنيستىك پارتياسى قۇرىلعان كۇننەن باستاپ حالىقپەن بەينەتتە دە، زەينەتتە دە بىرگە بولىپ، بۇكىل ىنتا - پەيىلىمەن حالىق ءۇشىن قىزمەت ىستەۋدى ءتۇبىرلى باس ماقسات ەتتى.

  رەفورما جاساۋدىڭ، ەسىك اشۋدىڭ باستاپقى مەزگىلىندە، دىڭ شياۋپيڭ جولداس دوڭگەلەك داۋلەتتى قوعام قۇرۋ مەن وسىزامانداندىرۋ قۇرىلىسىنىڭ ”3 قادامعا ءبولىپ ءجۇرۋ“ ستراتەگيالىق ويىن ورتاعا قويدى. بۇكىل پارتيانىڭ، بۇكىل ەل حالقىنىڭ تىزە قوسا كۇرەس جۇرگىزۋىمەن حالىقتىڭ كيەر كيىم، ىشەر اس ماسەلەسىن شەشۋ، حالىق تۇرمىسىن جالپى تۇلعالىق جاقتان دوڭگەلەك داۋلەتتىلىككە جەتكىزۋ سىندى ەكى نىسانا مەرزىمنەن بۇرىن جۇزەگە استى.

  جاپپاي دوڭگەلەك داۋلەتتى قوعام قۇرۋدى ورنالاستىردى، پارتيانىڭ 16 - قۇرىلتايى، 17 - قۇرىلتايى ىركەس - تىركەس ستراتەگيالىق ورنالاستىرۋ جاسادى.

  2012 - جىلى 11 - ايدا، پارتيانىڭ 18 - قۇرىلتايى ”ەلىمىز جاپپاي دوڭگەلەك داۋلەتتى قوعام ورناتۋدىڭ شەشۋشى كەزەڭىنە ءوتتى“ دەپ ايقىن ورتاعا قويدى.

  دامۋ جالپى جاعدايىن تياناق ەتىپ، تاريحي ورىندى ايقىندادى −

  جاپپاي دوڭگەلەك داۋلەتتى قوعام قۇرۋدان جاپپاي دوڭگەلەك داۋلەتتى قوعام ورناتۋعا دەيىن، جاڭا داۋىردەگى جۇڭگو كوممۋنيستەرىنىڭ كۇشتى تاريحي جاۋاپكەرشىلىك ارقالاۋى ايگىلەندى.

  ”2020 - جىلعا بارعاندا جاپپاي دوڭگەلەك داۋلەتتى قوعام ورناتۋ، ءبىرىنشى 100 جىلدىق كۇرەس نىساناسىن جۇزەگە اسىرۋ − پارتيامىزدىڭ حالىق الدىندا، تاريح الدىندا بەرگەن ايبىندى ۋادەسى“. باس شۋجي شي جينپيڭ جاپپاي دوڭگەلەك داۋلەتتى قوعام ورناتۋدى جۇڭگو ارمانى ۇلكەن ارناسىنا قويىپ جوسپارلادى جانە ورنالاستىردى.

  8 جىلدان استام ۋاقىت، 3000 نەشە تاۋلىك، ۋاقىتتى كەرى شەگەرىپ ساناۋ ءبىر ءسات تە توقتامادى.

  2014 - جىلى 12 - ايدىڭ 9 - كۇنى اشىلعان ورتالىقتىڭ ەكونوميكالىق قىزمەت ماجىلىسىندە، باس شۋجي شي جينپيڭ ”2020 - جىلى جاپپاي دوڭگەلەك داۋلەتتى قوعام ورناتۋعا 6 جىل ۋاقىت قالدى“ دەپ اتاپ كورسەتتى.

  پارتيانىڭ 19 - قۇرىلتايى مىنانى ىشكەرىلەي اتاپ كورسەتتى: ”قازىردەن باستاپ 2020 - جىلعا دەيىن، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ كەزەڭى“.

  ”شەشۋشى كەزەڭنەن“ ”شەشۋشى جەڭىسكە جەتۋ كەزەڭىنە“ دەيىن، وسى عاسىردىڭ العاشقى 20 جىلىنا اتتاعان كۇرەس بەلەسى قايراتتانا ءتۇسىپ سوڭعى بەكەتكە قاراي اتويلاۋداي تاريحي ساتكە جەتتى.

  ”ۋاقىت كۇتىپ تۇرمايدى! تاريح كۇتىپ تۇرمايدى!“، ”ءبىز، ءسوز جوق، ۋاقىتپەن جارىسىپ، تاريحپەن بىرگە ىلگەرىلەۋىمىز كەرەك“...

  باس شۋجي شي جينپيڭ: بۇل ءبىزدىڭ حالىققا بەرگەن اسكەري انتىمىز، ءسوز جوق، بار كۇشپەن جۇزەگە اسىرۋىمىز كەرەك، - دەپ باسا دارىپتەدى.

  قانداي دوڭگەلەك داۋلەتتى قوعام قۇرۋ كەرەك، دوڭگەلەك داۋلەتتى قوعامدى قالاي ورناتۋ كەرەك؟ باس شۋجي شي جينپيڭ ءبىر قىدىرۋ ماڭىزدى بايىمداۋلار جاساپ، جاپپاي دوڭگەلەك داۋلەتتى قوعام ورناتۋ ءدوپ كەلگەن ءبىر قىدىرۋ ەلەۋلى نازاريالىق جانە امالياتتىق ماسەلەلەرگە تەرەڭدەي جاۋاپ بەردى.

  جاپپاي دوڭگەلەك داۋلەتتىلىكتى جۇزەگە اسىرۋ ولشەمى جاعىندا، باس شۋجي ەكونوميكالىق قۇرىلىستى وزەك ەتۋگە تاباندى بولۋمەن بىرگە، ەكونوميكالىق قۇرىلىستى، ساياسي قۇرىلىستى، مادەنيەت قۇرىلىسىن، قوعامدىق قۇرىلىستى، ەكولوگيالىق وركەنيەت قۇرىلىسىن جالپى بەتتىك ىلگەرىلەتىپ، وسىزامانداندىرۋ قۇرىلىسىنىڭ ءاربىر بۋىنىنىڭ، ءار جاعىنىڭ سايكەستى دامۋىن جەبەۋدى تالاپ ەتتى؛

  جاپپاي دوڭگەلەك داۋلەتتىلىكتىڭ قامتۋ اۋماعى جاعىندا، باس شۋجي جاپپاي دوڭگەلەك داۋلەتتى قوعام ورناتۋدىڭ ”قامتيتىن سالاسى جالپى بەتتىك بولۋ كەرەك“، ”قامتيتىن حالقى جالپى بەتتىك بولۋ كەرەك“، ”قامتيتىن ءوڭىرى جالپى بەتتىك بولۋ كەرەك“ دەپ باسا دارىپتەدى؛

  جاپپاي دوڭگەلەك داۋلەتتىلىك پەن ەكونوميكالىق دامۋدىڭ بايلانىسى جاعىندا، باس شۋجي ”جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ ساتىسىنا قادام تاستاۋ − تاعى ءبىر كەزەك جاپپاي كىرىسىپ، تەز ىلگەرىلەۋ ەمەس“، ”’سان - سيفر ويىنى‘ نەمەسە ’جىلدامدىق ويىنى‘ ەمەس، قايتا ناقتى نىسانا“، ”اناعۇرلىم ۇزاق مەزگىلدىك دامۋ تالابىن ويلاستىرۋ كەرەك“ دەپ اتاپ كورسەتتى.

  باس شۋجي شي جينپيڭنىڭ ماڭىزدى بايىمداۋلارى ەل ءىشى - سىرتىنداعى جاعدايدىڭ جاڭا وزگەرىسىنە نەگىزدەلىپ، ەلىمىزدىڭ ەكونوميكالىق، قوعامدىق جاڭا دامۋىنا جانە قالىڭ حالىق بۇقاراسىنىڭ جاڭا ءۇمىت - تىلەگىنە ۇيلەسىپ، جاپپاي دوڭگەلەك داۋلەتتى قوعام ورناتۋعا العا ىلگەرىلەۋ بەتالىسىن ايقىن كورسەتىپ، ءتۇبىرلى بويسۇنۋ ولشەمىن ازىرلەدى.

  ولقىلىقتاردى تولىقتاۋدى كوزدەپ، جۇيەلى ورنالاستىرۋ جاسادى −

  ”’13 - بەسجىلدىق‘ جوبا جاپپاي دوڭگەلەك داۋلەتتى قوعام ورناتۋدىڭ اياقتالاتىن جوباسى رەتىندە، ءسوز جوق، جاپپاي دوڭگەلەك داۋلەتتى قوعام ورناتۋدا ورىن تەپكەن ولقىلىقتاردى مىقتاپ ۇستاپ، ولقىلىقتاردى تولىقتاۋ جاعىندا كوپ كۇش سالۋ كەرەك“.

  2015 - جىلى 10 - ايدا، پارتيا 18 - كەزەكتى ورتالىق كوميتەتىنىڭ بەسىنشى جالپى ءماجىلىسى اشىلدى، باس شۋجي شي جينپيڭ ”13 - بەسجىلدىق“ جوبا ۇسىنىسى جونىندە تۇسىنىك جاساعاندا جوعارىداعىنى باسا دارىپتەدى.

  جاپپاي دوڭگەلەك داۋلەتتىلىك نىساناسىنا كەلسەك، اۋىل - قىستاقتاعى كەدەي حالىقتى كەدەيلىكتەن ارىلتۋ كورنەكتى ولقىلىق بولىپ وتىر، ال قوعامدىق ىستەردى دامىتۋ، ەكولوگيالىق ورتانى قورعاۋ، حالىق تۇرمىسىن قامتاماسىز ەتۋ سياقتى جاقتاردا دا كەيبىر كورنەكتى ولقىلىقتار ساقتالىپ وتىر.

  ”ەگەر 2020 - جىلعا بارعاندا، جالپى مولشەر جانە قارقىن جاعىندا نىساناعا جەتكەنىمىزبەن، دامۋدىڭ بىركەلكى، سايكەستى، باياندى بولماۋى ماسەلەسى اناعۇرلىم اۋىر، ولقىلىق اناعۇرلىم كورنەكتى بولسا، وندا نىسانانى شىنايى جۇزەگە اسىرعاندىق بولمايدى، ەڭ سوڭىندا، جۇزەگە اسىردىق دەپ جاريالاعان كۇندە دە ونى حالىق بۇقاراسى مەن حالىقارالىق قوعام مويىنداي قويمايدى“ دەپ باس شۋجي شي جينپيڭ قاداعالاي ەسكەرتتى.

  ”13 - بەسجىلدىق“ جوبا ۇسىنىسى جاڭالىق اشا، سايكەستى، جاسىل، اشىق، بىرگە يگىلىككە كەنەلەتىن دامۋ ۇستانىمىن ورتاعا قويدى. جوعارى ساپالى دامۋدى جەتەكشى ەتىپ، جاڭا دامۋ ۇستانىمىن تياناقتاندىرۋدى ”13 - بەسجىلدىقتاعى“ ەكونوميكالىق، قوعامدىق دامۋدىڭ تۇتاس بارىسىمەن ساباقتاستىردى.

  پارتيا 18 - كەزەكتى ورتالىق كوميتەتىنىڭ ءۇشىنشى جالپى ءماجىلىسى رەفورمانى جاپپاي تەرەڭدەتۋدى ورنالاستىرىپ ىلگەرىلەتۋدەن پارتيا 18 - كەزەكتى ورتالىق كوميتەتىنىڭ ءتورتىنشى جالپى ءماجىلىسى مەملەكەتتى جاپپاي زاڭمەن جونگە سالۋدى ورنالاستىرىپ ىلگەرىلەتۋگە دەيىن؛ پارتيا 19 - قۇرىلتايى ەلەۋلى حاۋىپ - قاتەردەن ساقتانۋ - جويۋدان، كەدەيلىكتەن دالمە - ءدال ارىلتۋدان، لاستانۋدان ساقتانۋ - جونگە سالۋدان قامال الۋ شايقاسىن باتىل ويداعىداي جۇرگىزۋدى ورتاعا قويعاننان، پارتيا 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ورنالاستىرىپ ىلگەرىلەتۋگە دەيىن...

  ولقىلىقتاردى تولىقتاۋعا، ءالسىز تۇستاردى كۇشەيتۋگە قاراتا، ءبىر قىدىرۋ كەلەلى ورنالاستىرۋلار جاپپاي دوڭگەلەك داۋلەتتى قوعام ورناتۋ ىستەرىنىڭ ۇزدىكسىز العا ىلگەرىلەۋىن جەبەدى.

  پارتيانىڭ باسشىلىعىن كۇشەيتىپ، پارمەندى قامتاماسىزدىق ازىرلەدى −

  2014 - جىلى 11 - ايدا، باس شۋجي شي جينپيڭ فۋجياندا قىزمەت تەكسەرگەندە، تەكسەرۋ - زەرتتەۋ جۇرگىزگەندە، ”جاپپاي دوڭگەلەك داۋلەتتى قوعام ورناتۋ، رەفورمانى جاپپاي تەرەڭدەتۋ، مەملەكەتتى زاڭمەن جونگە سالۋدى جاپپاي ىلگەرىلەتۋ اياق الىسىن سايكەستى ىلگەرىلەتۋ كەرەك“ دەپ ورتاعا قويدى.

  ءبىر ايدان كەيىن، باس شۋجي جياڭسۋعا بارىپ قىزمەت تەكسەرگەندە، ”ءۇشتى جاپپاي ورىنداۋ“ نەگىزىندە ”پارتيانى جاپپاي قاتاڭ جونگە سالۋدى“ قوستى.

  جاپپاي دوڭگەلەك داۋلەتتى قوعام ورناتۋدىڭ جەتەكشىلىك ورنىن تياناق ەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتى ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، پارتيانى جاپپاي قاتاڭ جونگە سالۋدىڭ ءتۇبىرلى كەپىلدىگىن كۇشەيتتى.

  جاپپاي دوڭگەلەك داۋلەتتىلىكتى جۇزەگە اسىرۋدىڭ تەتىگى پارتيادا.

  باس شۋجي شي جينپيڭ بىلاي دەپ اتاپ كورسەتتى: ”پارتيا پارمەندى دە قۋاتتى بولسا، پارتيا حالىقپەن ەتەنە بايلانىستى ساقتاسا، مەملەكەت گۇلدەنەدى، ورنىقتى بولادى، حالىق باقىتتى، باقۋاتتى بولادى“.

  5 دارەجەلى شۋجي كەدەيلەردى سۇيەمەلدەۋدى يگەردى، كەدەيلىكتەن ارىلتۋدان قامال الۋدىڭ نەگىزگى شايقاس مايداندارىنا قىستاقتا تۇراتىن قىزمەت اترەتتەرى، ءبىرىنشى شۋجيلەر مەن قىستاقتا تۇراتىن كادرلار تاڭداپ جىبەرىلدى؛ توسىن تۋىلعان اۋىر ىندەت الدىندا، پارتيا ورتالىق كوميتەتى جالپى جاعدايدى جالپىلاي مەڭگەرىپ، باتىل شەشىم جاساپ، ەڭ الدىمەن شوعىرلى، ءبىر تۇتاس باسشىلىق جۇرگىزدى؛ قازىنا - ەكونوميكا، ينتەرنەت جانە ينفورماتسيالاندىرۋ، مەملەكەت حاۋىپسىزدىگى سياقتى جاپپاي دوڭگەلەك داۋلەتتىلىككە ساياتىن شەشۋشى سالالاردا پارتيا باسشىلىق ەتكەن سايكەستىرۋ مەحانيزمىن ورناتتى... پارتيامىز دامۋعا باسشىلىق ەتۋ قابىلەتى مەن دەڭگەيىن ۇزدىكسىز جوعارىلاتىپ، جاپپاي دوڭگەلەك داۋلەتتى قوعام ورناتۋ مىندەتتەرىنىڭ ناقتى تياناقتانۋىنا شىنايى كەپىلدىك ەتتى.

  ىشكى ءوندىرىس جالپى ءونىم قۇنى 100 تريلليون يۋاننان اسىپ، جان باسىندىق ورتاشا ىشكى ءوندىرىس جالپى ءونىم قۇنى 10 مىڭ دوللاردان اسىپ، دۇنيە جۇزىندەگى ەڭ زور كولەمدەگى ورتاشا كىرىس شوعىرى قالىپتاستى؛

  حالىق تۇرمىسىنىڭ دەڭگەيى كورنەكتى جوعارىلاپ، دۇنيە جۇزىندەگى كولەمى ەڭ ءىرى قوعامدىق قامتاماسىزدىق جۇيەسى ورناتىلىپ، نەگىزگى ەمدەۋ قامسىزداندىرۋىنىڭ قامتۋ كولەمى ءبىر ميلليارد 300 ميلليون ادامنان اسىپ، نەگىزگى زەينەتكەرلىك قامسىزداندىرۋىنىڭ قامتۋ كولەمى ءبىر ميلليارد ادامعا تاياۋ بولدى...

  كوكتەمدە گۇلدەپ، كۇزدە ماۋەلەپ، ەڭبەكتىڭ ءۇمىتى اقتالدى. سوتسياليستىك جۇڭگو اناعۇرلىم ايبىندى بەينەمەن دۇنيە ءجۇزىنىڭ شىعىسىندا قاسقايىپ تۇردى.

  قامال الىپ قيىندىقتاردى جەڭۋ ۇلى امالياتى −

  حالىقتى وزەك ەتۋگە تاباندى بولىپ، كۇشتى شوعىرلاندىرىپ ءۇش ءىرى قامال الۋ شايقاسىنىڭ جەڭىسىنە باتىلدىقپەن جەتىپ، جاپپاي دوڭگەلەك داۋلەتتى قوعام ورناتۋمەن جالپى حالىقتى يگىلىككە كەنەلتتى

  حىنان نانياڭ، دانجياڭكوۋ سۋ قويماسى. بيىل ”1 - شىلدە“ قارساڭىندا، باس شۋجي شي جينپيڭ وسى اراعا كەلىپ، وڭتۇستىكتىڭ سۋىن سولتۇستىككە جەتكىزۋ ورتا جەلى ينجەنەريا قۇرىلىسىنىڭ اينالىمى جانە سۋ قويما اۋماعىندا حالىقتى كوشىرىپ ورنالاستىرۋ جاعدايلارىنا ارناۋلى تەكسەرۋ - زەرتتەۋ جۇرگىزدى.

  شيچۋان اۋدانى جيۋچۇڭ قالاشىعى زوۋجۋاڭ قىستاعىندا، باس شۋجي شي جينپيڭ كوشىپ كەلگەن وتباسى زوۋ شينزىڭنىڭ ۇيىنە باردى. ەگىن ەگۋدەن، جۇمىس ىستەۋدەن جانە ەلەكتروندى ساۋدا تىكە تاراتۋىنان وسى وتباسىنىڭ تۇرمىسى شالقي ءتۇستى.

   باس شۋجي تام ءۇيدىڭ كونە سۋرەتىن قولىنا الىپ زەر سالا قارادى: ”كوشىپ كەلگەننەن كەيىن، اۋىلداستاردىڭ كىرىسى 10 جىلدا 3.6 ەسە جوعارىلاپتى، ءبىزدى سۇيىندىرەتىن جەرى وسى“.

  باس شۋجيدىڭ ءسوزىن ەستىگەننەن كەيىن، زوۋ شينزىڭ تەبىرەنە: ”كوممۋنيستىك پارتيا جاقسى، بارلىعىندا حالىقتىڭ قامىن ويلايدى“ دەدى.

  باس شۋجي شي جينپيڭ تەرەڭ سەزىممەن بىلاي دەدى: ”پارتيامىزدىڭ 100 جىلى وڭاي - وسپاق قولعا كەلگەن جوق، تالاي - تالاي قيىنشىلىقتى، جاپا - ماشاقاتتى باستان كەشىردى، دەسەدە ءبىر ءتۇيىن − بۇل پارتيا بۇقارا ءۇشىن قۇرىلعان. حالىق دەگەنىمىز بيلىك. كوممۋنيستىك پارتيا بيلىككە قول جەتكىزۋدە، بيلىكتى قورعاۋدا نەنى قورعادى؟ حالىقتىڭ تىلەگىن قورعادى“.

  بيلىك دەگەنىمىز حالىق، حالىق دەگەنىمىز بيلىك. جاپپاي دوڭگەلەك داۋلەتتى قوعام ورناتۋدىڭ شىعار ءتۇيىنى مەن اقىرعى تياناعى حالىقتىڭ باقىتى.

  ”ءبىز مىنا جاقتان جاپپاي دوڭگەلەك داۋلەتتى قوعام قۇرىپ شىعۋ نىساناسىن جۇزەگە اسىردىق دەپ جاريالاعانىمىزبەن، انا جاقتان تاعى نەشە ون ميلليون ادام كەدەيلەردى سۇيەمەلدەۋ ولشەمىنەن تومەن دەڭگەيدە تۇرمىس كەشىرىپ جاتسا بولمايدى“. باس شۋجي شي جينپيڭ كەدەيلىكتەن ارىلتۋدان قامال الۋدى جاپپاي دوڭگەلەك داۋلەتتى قوعام ورناتۋدىڭ تومەنگى شەك مىندەتى جانە بەلگى سيپاتتى كورسەتكىشى دەپ قارادى.

  توڭكەرىستىك بايىرعى ءوڭىر فۋپيڭدى باستاما ەتىپ، كەدەيلەردى سۇيەمەلدەۋ قىزمەتىنە 50 نەشە رەت تەكسەرۋ - زەرتتەۋ جۇرگىزدى، شوعىرلى تۇتاسقان ەرەكشە قيىنشىلىعى بار 14 وڭىرگە باردى، ىلگەرىندى - كەيىندى 7 رەت ورتالىقتىڭ كەدەيلەردى سۇيەمەلدەۋ قىزمەتى اڭگىمە ءماجىلىسىن باسقارىپ اشتى... باس شۋجي شي جينپيڭ كەدەيلىكتەن ارىلتۋدان قامال الۋدى ەل باسقارۋدىڭ كورنەكتى ورنىنا قويىپ، ءوزى قولباسشىلىق ەتىپ، ءوزى اتتانىپ، ءوزى شايقاستى باسى - قاسىندا قاداعالادى.

  ”التى دالمە - ءدالدى“ ورىنداپ، ”بەس ءبىر توپتى“ اتقارىپ، كىمدى سۇيەمەلدەۋ كەرەك، كىم سۇيەمەلدەيدى، قالاي سۇيەمەلدەۋ كەرەك، كەدەيلىك قاتارىنان قالاي شىعارۋ كەرەك دەگەن ماسەلەلەردى شەشىپ، ”ەكىدەن تارىقتىرماي، ءۇشتى قامتاماسىز ەتىپ“، كەدەيلەردى سۇيەمەلدەۋ مەن ەرىك - جىگەر ارقىلى سۇيەمەلدەۋدى، اقىل - پاراسات ارقىلى سۇيەمەلدەۋدى ءوزارا ۇشتاستىردى... باس شۋجي شي جينپيڭ كەدەيلىكتەن ارىلتۋدان قامال الۋ قىزمەتى جونىندە ءبىر قىدىرۋ ماڭىزدى بايىمداۋلار جانە كەلەلى ورنالاستىرۋلار جاساپ، كەدەيلەردى ازايتۋدىڭ جۇڭگوشا جولىمەن ءجۇرۋدى ىلگەرىلەتتى.

  2016 - جىلى كوكتەمدە سىچۋان جاۋجۋە اۋدانىنىڭ اتۋليەر قىستاعىنداعى 10 نەشە بالانىڭ اۋىر سومكەلەرىن كوتەرىپ، شىرماۋىق ساباعىنان جاسالعان باسپالداقپەن ارپالىسا ورمەلەگەن سۋرەتى جۇرت نازارىن اۋدارىپ، ”جالاماداعى قىستاق“ ەسىمى تەز تارالدى.

  2017 - جىلى 3 - ايدىڭ 8 - كۇنى باس شۋجي شي جينپيڭ مەملەكەتتىك ەكى ءماجىلىس كەزىندە سىچۋان ۋاكىلدەر ۇيىرمەسىنىڭ باياندامانى قاراۋىنا قاتىناسقاندا، ”جالاماداعى قىستاق“ تۇرعىندارىنىڭ ءجۇرىس - تۇرىسىنىڭ قيىن بولۋ ماسەلەسىن ارناۋلى اۋىزعا الدى.

  ”بىلتىر اقپارات قۇرالدارى لياڭشان وبلىسىنداعى’ جالاما قىستاقتى‘ حابارلادى، قىستاق تۇرعىندارى مەن بالالاردىڭ جىل بويى جالاماداعى شىرماۋىق ساباعىنان جاسالعان باسپالداقپەن ورمەلەيتىندىگىن، تاۋعا شىعۋ، تاۋدان ءتۇسۋ حاۋىپسىزدىگىنە كەپىلدىك ەتىلمەگەندىگىن كورىپ ىشتەي ەرەكشە قىنجىلدىم، سونداي - اق قاتتى ۋايىمدادىم. تاياۋدا تاعى ماتەريالدان جەرگىلىكتى ورىننىڭ جاڭادان تەمىر باسپالداق سالعانىن كورىپ، كوڭىلىم ازدا بولسا جاي تاۋىپ قالدى“.

  2018 - جىلى كوكتەم مەرەكەسى قارساڭىندا، باس شۋجي شي جينپيڭ جاۋجۋە اۋدانىنداعى كەدەي بۇقاراعا امانداسا بارىپ، قىستاقتا جاڭادان تەمىر باسپالداق ورناتىلىپ قانا قويماي، قىستاق تۇرعىندارى كىرىسىنىڭ اجەپتاۋىر جوعارىلاعاندىعىن دا ۇعىسىپ، ”ەندى ۋايىمدامايتىن بولدىق، كورىپ قاباعات قۋاندىم“، - دەدى قايتا - قايتا.

  باس شۋجي اسەرلەنە: ”سوتسياليزممەن شۇعىلدانۋدىڭ ءوزى حالىق بۇقاراسىن باقىتتى، تاماشا تۇرمىسقا كەنەلتۋ، جاپپاي دوڭگەلەك داۋلەتتى قوعام ورناتۋدا بىردە - ءبىر ۇلتتى، بىردە - ءبىر وتباسىن، بىردە - ءبىر ادامدى قاعىس قالدىرۋعا بولمايدى“.

  2020 - جىلى 5 - ايدا اتۋليەر قىستاعىنىڭ 84 وتباسىنداعى اۋىلداس جالامادان ءتۇسىپ، ليفتكە وتىرىپ، قونىس جاڭالاپ كەدەيلەردى سۇيەمەلدەۋ بويىنشا ورنالاستىرۋ تۇيىنىنە كوشىرىلىپ، ”كەدەيلىك تاۋىنان“ اسىپ ءتۇستى.

  ءبىر قىستاقتىڭ قارىشتاۋى مەملەكەت پەن ۇلتتىڭ شارىقتاۋىن ايگىلەدى.

  2021 - جىلى 2 - ايدىڭ 25 - كۇنى باس شۋجي شي جينپيڭ كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاپ سيلاۋ جينالىسىندا سالتاناتپەن قازىرگى ولشەمدەگى 98 ميلليون 990 مىڭ اۋىل - قىستاقتاعى كەدەي حالىق تۇگەلدەي كەدەيلىكتەن ارىلدى، 832 كەدەي اۋدان تۇگەلدەي كەدەيلىك قالپاعىن الىپ تاستادى، 128 مىڭ كەدەي قىستاق تۇگەلدەي كەدەيلەر قاتارىنان شىعارىلدى، وڭىرلىك جالپىلاي كەدەيلىك شەشىلىپ، مۇلدەم كەدەيلىكتى جويۋدىڭ جاپالى مىندەتى ورىندالىپ، تاريح بەتىندە ايشىقتالعان تاعى ءبىر دۇنيە كەرەمەتى جاراتىلدى دەپ جاريالادى.

  دوڭگەلەك داۋلەتتىلىكتىڭ جاپپاي ورىندالۋ - ورىندالماۋىندا ەكولوگيالىق ورتا اسا ماڭىزدى.

  ”قورشاعان ورتا − حالىق تۇرمىسى، جاسىل تاۋ − كوركەمدىك، اشىق اسپان − باقىت“، ”تاماشا ەكولوگيالىق ورتا ەڭ ءادىل الەۋمەتتىك ءونىم، حالىق تۇرمىسىنداعى جالپىعا ەڭ بىردەي ىرىس - قۇت“...

  پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ەكولوگيالىق وركەنيەت قۇرىلىسىن جالپى جاعداي قىزمەتىنىڭ كورنەكتى ورنىنا قويىپ، ءتۇبىرلى سيپات، جاسامپازدىق سيپات، ۇزاق ۋاقىتتىق سيپات الاتىن ءبىر قىدىرۋ قىزمەتتەردى ورىستەتىپ، لاستانۋدان ساقتانۋ - وڭاۋدان قامال الۋ شايقاسىن جۇرگىزىپ، بەكىمىنىڭ بەرىكتىگى، سەرپىنىنىڭ قۋاتتىلىعى، ونىمدىلىگىنىڭ جوعارىلىعى بۇرىن بولىپ كورمەگەن دارەجەدە بولدى.

  چيڭحاي چاڭجياڭ، حۋاڭحى، لانساڭجياڭ ءۇش وزەننىڭ قاينارىنا ورنالاسىپ، ”جۇڭحۋانىڭ سۋ مۇناراسى“ دەپ اتالعان.

  دامۋدا كەنجە قالعان ءوڭىر رەتىندە جاپپاي دوڭگەلەك داۋلەتتىلىك پەن ەكولوگيالىق قۇرىلىستىڭ قاتىناسىن قالاي تىڭعىلىقتى ءبىر جاقتى ەتۋ كەرەك؟

  ”چيڭحايدىڭ ەكولوگيالىق ورتاسىن جاقسى قورعاۋ ’مەملەكەتتىڭ زور ءىسى‘“، - دەدى باس شۋجي شي جينپيڭ ايقىن جاۋاپ بەرىپ.

  بايۋ دوڭگەلەك داۋلەتتىلىك بولسا، تۇنىق سۋ، جاسىل تاۋ ءتىپتى دە دوڭگەلەك داۋلەتتىلىك سانالادى.

  باس شۋجي شي جينپيڭ بىلاي دەپ اتاپ كورسەتتى: ”چيڭحايدىڭ ەڭ ۇلكەن قۇندىلىعى ەكولوگيادا، ەڭ ۇلكەن جاۋاپكەرشىلىگى ەكولوگيادا، ەڭ ۇلكەن كومەسكى كۇشى دە ەكولوگيادا، ءسوز جوق، ەكولوگيالىق وركەنيەت قۇرىلىسىن كورنەكتى ورىنعا قويىپ يگەرىپ، تابيعاتقا قۇرمەت ەتىپ، تابيعاتقا بەيىمدەلىپ، تابيعاتتى قورعاپ، مەملەكەتتىڭ ەكولوگيالىق حاۋىپسىزدىك قالتقىسىن بەكەمدەپ، ەكونوميكالىق ونىمدىلىكتىڭ، قوعامدىق ونىمدىلىكتىڭ، ەكولوگيالىق ونىمدىلىكتىڭ بىرلىگىن جۇزەگە اسىرۋ كەرەك“.

  ”ءۇش وزەن قاينارىنان“ الىپ ايتقاندا، جۇڭحۋا ۇلتىنىڭ انا وزەنى چاڭجياڭ كەزىندە سۋى بىلعانۋ، ەكولوگيالىق فۋنكتسياسى ازۋ سىندى قاتاڭ جاعدايعا ءدوپ كەلگەن.

  ”زور قورعاۋدى بىرگە يگەرۋ، قاۋىرت اشپاۋ كەرەك“. 2016 - جىلدان بەرى، باس شۋجي شي جينپيڭ چاڭجياڭ ەكونوميكالىق بەلدەۋىنىڭ دامۋىنا ءوزى ورنالاستىرۋ جاساپ جانە ىلگەرىلەتىپ، چاڭجياڭنىڭ جوعارعى، ورتاڭعى، تومەنگى اعارىنا قايتا - قايتا بارىپ، 3 رەت ارناۋلى تاقىرىپتا اڭگىمە ءماجىلىسىن باسقارىپ اشىپ، چاڭجياڭنىڭ ەكولوگيالىق ورتاسىن قالپىنا كەلتىرۋدى باسىم ورىنعا قويۋدى ايقىن العا قويدى.

  5 جىلدا وزەن جاعالاۋىنداعى 11 ولكە، قالا ەكولوگيالىق ورتانى رەتتەۋ - جونگە سالۋدى ىلگەرىلەتىپ، ەكونوميكالىق، قوعامدىق دامۋدىڭ جاپپاي جاسىل تيپكە قاراي ويىسۋىن جەبەپ، چاڭجياڭ ەكونوميكالىق بەلدەۋىنىڭ ەكولوگيالىق ورتاسىندا بۇرىلىس سيپاتتى وزگەرىس تۋىلىپ، ۇلكەن وزەننىڭ ەكى جاعالاۋىندا شىت جاڭا بەينە جارىققا شىقتى.

  بۇكىل مەملەكەتكە كوز سالساڭىز، ايتا قالارلىقتاي جاسىل جاۋاپنامانى كورە الاسىز: 2020 - جىلى بۇكىل ەلدەگى ايماق دارەجەلى جانە ودان جوعارى دارەجەلى قالالاردىڭ اۋا ساپاسى جاقسى كۇندەرىنىڭ سالىستىرماسى %87كە كوتەرىلىپ، جەر بەتى سۋىنىڭⅠتۇردەن Ⅲتۇرگە دەيىنگى سۋ ساپاسىنىڭ قيما بەت سالىستىرماسى 5 جىلدا %66تەن %83.4كە كوتەرىلدى؛ وزەن باستىعى ءتۇزىمى، كول باستىعى ءتۇزىمى جاپپاي ورناتىلىپ، مەملەكەت باقشاسىن نەگىزگى تۇلعا ەتكەن جاراتىلىستىق قورىقتار جۇيەسى جەدەل قۇرىلىپ، ءبىر قىدىرۋ كەلەلى ەكولوگيالىق ينجەنەريا ىشكەرىلەي ىلگەرىلەتىلىپ، ەكولوگيالىق ورتاداعى ولقىلىقتار تولىقتانۋدا.

  جاپپاي دوڭگەلەك داۋلەتتىلىكتى جۇزەگە اسىرۋدا حاۋىپسىز دامۋ اسا ماڭىزدى.

  باس شۋجي شي جينپيڭ بىلاي دەپ باسا دارىپتەدى: ”جۇڭحۋا ۇلتىنىڭ ۇلى گۇلدەنۋى استە وڭاي - وسپاق، جەڭىل - جەلپى جۇزەگە اسا سالمايدى. ءبىز نەعۇرلىم دامىپ، ۇلعايعان سايىن، ءدوپ كەلەتىن كەدەرگى مەن قىسىم دا سولعۇرلىم ۇلكەن، جولىعاتىن سىرتقى حاۋىپ - قاتەر دە سولعۇرلىم كوپ بولادى“.

  ەكونوميكالىق سالادا تۋىلۋى مۇمكىن بولعان ەلەۋلى حاۋىپ - قاتەرلەرگە ۇيلەسىمدى توتەپ بەرىپ، فينانستىڭ حاۋىپسىزدىك ساقتىق شەگىن جانە حاۋىپ - قاتەرگە شۇعىل توتەپ بەرۋ - ءبىر جاقتى ەتۋ مەحانيزمىن كەمەلدەندىرىپ، بىرگە قۇراتىن، بىرگە جونگە سالىناتىن، بىرگە يگىلىكتەنەتىن قوعامدىق جونگە سالۋ ءتۇزىمىن كەمەلدەندىرىپ، مەملەكەتتىڭ استىق حاۋىپسىزدىگىن قامتاماسىز ەتۋ كەرەك...

  پارتيا 18 - قۇرىلتايىنان بەرى، كۇردەلى دە قۇبىلمالى حالىقارالىق جاعداي مەن ەل ىشىندەگى جاپالى دا اۋىر رەفورما، دامۋ، ورنىقتىلىق مىندەتتەرى الدىندا شي جينپيڭ جولداستى ۇيتقى ەتكەن پارتيا ورتالىق كوميتەتى تومەنگى شەكتە ويلاۋعا تاباندى بولىپ، دامۋ مەن حاۋىپسىزدىكتى ءبىر تۇتاس جوسپارلاپ، تاۋقىمەت تانىمىن كۇشەيتىپ، ساقتانۋ - تىزگىندەۋ قابىلەتىن جوعارىلاتىپ، ەلەۋلى حاۋىپ - قاتەرلەردەن ساقتانۋعا جانە ونى جويۋعا كۇش سالىپ، جاپپاي دوڭگەلەك داۋلەتتىلىككە جەتۋدىڭ العا باسۋ جولىندا كەزىككەن ءتۇرلى ماشاقاتتى قيىندىقتار مەن حاۋىپتى بوگەتتەردى ۇزدىكسىز جەڭدى.

  ءداۋىر ەمتيحان الۋشى، حالىق ەمتيحان تەكسەرۋشى.

  اۋىل - قىستاقتاعى دارەتحانا توڭكەرىسىنەن قالاداعى قوقىر - قوقسىقتى تۇرلەرگە ايىرۋعا دەيىن، ”بالالاردىڭ كوزىلدىرىك تاعۋىنان“ ساقتانۋدان جانە ونى ەمدەۋدەن وقۋشىلاردىڭ تاپسىرما اۋىرتپالىعى مەن مەكتەپتەن سىرتقى باۋلۋ اۋىرتپالىعىن جەڭىلدەتۋگە دەيىن، ازىق - تۇلىك حاۋىپسىزدىگىن كۇشەيتۋدەن ىسىراپشىلدىقتى قاتاڭ تەجەۋگە دەيىن باس شۋجي شي جينپيڭ حالىق تۇرمىسىنداعى كىشى - گىرىم ىستەردى ءىرى ءىس ساناپ، ۇزدىكسىز ىلگەرىلەتتى.

  جەكەلەر تابىس سالىعى رەفورماسىندا ماندىك سيپاتتى قادام تاستاۋدان ءدارى - دارمەكتى قاجەتتى مولشەرگە قاراي شوعىرلى ساتىپ الۋدى ۇدايىلاندىرۋعا، تۇزىمدەندىرۋگە دەيىن، ودان تاعى قالا، اۋىل نەگىزگى الەۋمەتتىك قىزمەت وتەۋدى بىركەلكىلەندىرۋدى ىلگەرىلەتۋگە دەيىن رەفورمانىڭ، دامۋدىڭ جەتىستىكتەرىنەن بارشا حالىققا اناعۇرلىم كوپ، اناعۇرلىم ءادىل تيىمدىلىك جاسادى.

  كوڭىل تورىنە جەتكەن حالىق تۇرمىسىنداعى مەيىرىمدىلىك حالىق بارىنەن جوعارى تۇرادى دەگەن سۇيىسپەنشىلىكتى ايگىلەدى.

  جاپپاي قامتىعان جالپى تۇلعالىق ىلگەرىلەتۋ −

  ءتىپتى ۇزاق مەزگىلدەگى دامۋ تالابىن كوزدەپ، ”قوس 100 جىلدىق“ كۇرەس نىساناسىن ورگانيكالى ۇشتاستىرۋدى جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋعا پارمەندى نەگىز قالادى.

  سوتسياليستىك وسىزامانداندىرۋ جولىنداعى كەزەڭدىك سيپاتتى نىسانا رەتىندە، جاپپاي دوڭگەلەك داۋلەتتى قوعام ورناتۋ ساپاسىنىڭ قالاي بولۋى ەكىنشى 100 جىلدىق كۇرەس نىساناسىندا جاقسى باستاما اشا الۋ - الماۋعا، جاقسى قادام تاستاي الۋ - الماۋعا سايادى.

  باس شۋجي شي جينپيڭ بىلاي دەپ اتاپ كورسەتتى: ”جاپپاي دوڭگەلەك داۋلەتتى قوعام ورناتۋدا ’دوڭگەلەك داۋلەتتىلىكتى‘ باسا دارىپتەيمىز، مۇندا ’جالپى بەتتىك بولۋدى‘ ورىنداۋ اناعۇرلىم ماڭىزدى ءارى توتەنشە قيىن“.

  بۇل اناعۇرلىم تەرەڭ ءمان ارقالاعان جاپپاي دوڭگەلەك داۋلەتتىلىك −

  جاڭا داۋىرگە قادام تاستاعانىمىزدا ەلىمىز قوعامىنىڭ باستى قايشىلىعى حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا وزگەردى. جاپپاي دوڭگەلەك داۋلەتتى قوعام ورناتۋدا زاتتىق جاقتان قاناعاتتاندىرۋمەن بىرگە رۋحاني دۇنيەنى دە بايىتۋ كەرەك.

  2014 - جىلى 10 - ايدىڭ 15 - كۇنى باس شۋجي شي جينپيڭ ادەبيەت - كوركەمونەرشىلەر قىزمەتى اڭگىمە ءماجىلىسىن باسقارىپ اشتى. ”جۇڭحۋا مادەنيەتىنىڭ گۇلدەنىپ - كوركەيۋى بولماسا، جۇڭحۋا ۇلتىنىڭ ۇلى گۇلدەنۋى دە بولمايدى“. باس شۋجي شي جينپيڭ مادەنيەت سەنىمدىلىگىن بەكەمدەۋدىڭ سوتسياليستىك مادەنيەتتە قۋاتتى ەل قۇرۋداعى ماڭىزدىلىعىن وسىلايشا باسا دارىپتەپ.

  بيىل 4 - ايدا باس شۋجي شي جينپيڭ گۋاڭشيدە قىزمەت تەكسەرگەن كەزدە گۋاڭشي ۇلتتىق مۇراجايىنا بارىپ، جۋاڭزۋ مادەنيەت كورمەسىن ەكسكۋرسيالادى. ”مەن جەرگىلىكتى ورىندا قىزمەت تەكسەرگەندە، سول جەردىڭ تاريحي، مادەنيەت وزگەرىسىن اناعۇرلىم ويداعىداي ءتۇسىنۋ ءۇشىن، ىلعي دا ۋاقىت شىعارىپ مۇراجايعا بارىپ كورەمىن“، - دەدى باس شۋجي شي جينپيڭ.

  الەۋمەتتىك مادەنيەت قىزمەت وتەۋىنىڭ كۇن سايىن كەمەلدەنۋىنەن مادەنيەت قيمىلدارىنىڭ گۇلدەي تولىقسۋىنا دەيىن، ونەگە كۇشىنىڭ جەتەكشىلىگىنەن ءداۋىر جاڭا سالتىنىڭ اسقاقتاۋىنا دەيىن، وركەنيەت ساپاسىن جوعارىلاتۋدان ەرىكتى قىزمەت وتەۋدى زورايتۋعا دەيىن جۇڭگو حالقى مادەنيەتتىڭ نارلەندىرۋىندە جاڭا رۋحاني كەلبەتتى ايگىلەپ، ەكپىندەي العا باسۋدىڭ تەلەگەي كۇشىن قاۋلاتتى.

  جاپپاي دوڭگەلەك داۋلەتتىلىكتە ءارى جاراسىمدىلىق، ورنىقتىلىق بولۋ، ءارى ادىلدىك، تۋراشىلدىق بولۋ كەرەك.

  2020 - جىلى 5 - ايدا ”جاڭا داۋىردەگى حالىق ۇقىعىنىڭ ۇندەۋ حاتى“ دەپ اتالعان ازاماتتىق زاڭناما ەندى عانا جارىققا شىعىپ، ورتالىق كوميتەت ساياسي بيۋروسى ”ازاماتتىق زاڭنامانى شىنايى اتقارۋ“ نەگىزگى تاقىرىبىندا كوللەكتيۆ ۇيرەنۋ جۇرگىزدى.

  ”اشىق ايتۋ كەرەك، ازاماتتىق زاڭنامانى ويداعىداي اتقارۋ − حالىقتى وزەك ەتۋگە تاباندى بولۋدىڭ، حالىقتىڭ ۇقىق - مۇددەسىن جۇزەگە اسىرۋدى جانە دامىتۋدى قامتاماسىز ەتۋدىڭ قاجەتتى تالابى“، - دەپ باس شۋجي شي جينپيڭ تەرەڭنەن ءتۇسىندىردى.

  مەملەكەتتى جاپپاي زاڭمەن جونگە سالۋدىڭ ىشكەرىلەي اتقارىلۋىنا ىلەسە، زاڭمەن جونگە سالۋ جاپپاي دوڭگەلەك داۋلەتتى قوعام ورناتۋدى پارمەندى قامتاماسىز ەتىپ، ادىلدىك، تۋراشىلدىق ايگىلەنىپ، بۇقارانىڭ حاۋىپسىزدىك سەزىمى بارىنشا جوعارىلادى.

  جۇمىستاندىرۋدى الدىڭعى ورىنعا قويۋ ستراتەگياسى اتقارىلىپ، مىندەتتى وقۋ - اعارتۋدىڭ ساپالى، بىركەلكى دامۋى ىلگەرىلەتىلىپ، جالپى حالىقتى قامتىعان نەگىزدىك الەۋمەتتىك قىزمەت وتەۋ جۇيەسى ورناتىلدى... ادىلدىكتىڭ، تۋراشىلدىقتىڭ شۇلەن شۇعىلاسىندا ادامداردىڭ ءبارى ءوز كەرەمەتىن ايگىلەۋ ورايىنان يگىلىكتەندى.

  جاپپاي دوڭگەلەك داۋلەتتىلىكتە ءارى كيەر كيىمنەن، ىشەر استان تارىقپاۋ، ءارى جالپى حالىق سالامات بولۋى كەرەك.

  بيىل 5 - ايدىڭ 13 - كۇنى مەملەكەتتىك اۋرۋدان ساقتانۋ - تىزگىندەۋ مەكەمەسى رەسمي قۇرىلدى.

  2020 - جىلدىڭ باسىندا تۇتقيىل تۋىلعان جاڭا تيپتى ايدارشا ۆيرۋس وكپە قابىنۋ ىندەتى الدىندا، ەلىمىز توتەنشە ماشاقاتتى تاريحي ۇلكەن ەمتيحاننان ءوتتى، اسا زور قۇلشىنس جاساۋ ارقىلى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ شايقاسىنىڭ كەلەلى ستراتەگيالىق جەتىستىگىنە قول جەتكىزدى.

  باس شۋجي شي جينپيڭ ىندەتتەن ساقتانۋ - تىزگىندەۋ جەتىستىكتەرىن بەكەمدەۋگە، قۋاتتى الەۋمەتتىك دەنساۋلىق ساقتاۋ جۇيەسىن ورناتۋعا، سالاماتتى جۇڭگو قۇرىلىسىن جاپپاي ىلگەرىلەتۋگە ايرىقشا ءمان بەرىپ، ىندەتتەن ساقتانۋ - تىزگىندەۋ جۇيەسى رەفورما جوباسىن ءوزى تىكە قاراپ بەكىتتى.

  جۋىق جىلداردان بەرى، ەلىمىز الەۋمەتتىك دەنساۋلىق ساقتاۋ جۇيەسىن كۇش سالا كەمەلدەندىرىپ، ۇكىمەتتىك شيپاحانالارعا جان - جاقتىلى رەفورما جۇرگىزۋدى جاپپاي ورىستەتىپ، ءدارى - دارمەكتەردى شوعىرلى ساتىپ الۋدى جانە پايدالانۋدى ىلگەرىلەتتى.

  بۇل قالا، اۋىلدى، وڭىرلەردى سايكەستى دامىتقان جاپپاي دوڭگەلەك داۋلەتتىلىك −

  سىچۋاننىڭ چىڭدۋ قالاسى پيدۋ رايونى جانچي قىستاعىنا بارساڭىز، كىشكەنە كوپىر استىندا سۋ سىلدىراي اعىپ، اعاشتار جاپ - جاسىل بوي تۇزەپ، كەڭ دە رەتتى اسفالت جولدار قايشالىسىپ، اق قابىرعا كوك كەرپىشتى چۋانشي تۇرعىن ۇيلەرى قاز - قاتار ورنالاسقان، كونەنىڭ ءىزى قالعان ”شياڭسۇن شىبافاڭدا“ ساياحاتشىلار ءيىن تىرەسەدى.

  2018 - جىلى 2 - ايدىڭ 12 - كۇنى باس شۋجي شي جينپيڭ وسى اراعا كەلىپ، ”جيڭساي جانچي“ ەرەكشە كاسىپ سالاسى ينتەرنەت جەلىسىندە قىزمەت وتەۋ ۇلكەن زالىندا ”ينتەرنەت +ورتاق يگىلىكتەنەتىن اۋىل شارۋاشىلىعى“ ىقپالداس ەگىمشىلىك - باعىمشىلىق تۇعىرىن ىقىلاسپەن كورىپ، قىستاق تۇرعىندارىن ينتەرنەتتەن ويداعىداي پايدالانىپ، ءوندىرۋ جانە ساتۋ جولدارىن اشۋعا شابىتتاندىردى. ”تاڭچاڭ شۇپەرەك شاقاي“ كورگىزبە تەكشەسىنىڭ الدىندا، قىستاق تۇرعىنى ىستىق ىقىلاسپەن ءبىر جۇپ شۇپەرەك شاقايدى باس شۋجيگە ۇسىنباقشى بولعاندا، شي جينپيڭ كۇلىمسىرەپ: ”مەن اقشاعا ساتىپ الايىن!“، - دەدى.

  باس شۋجي اۋىلداستارعا بىلاي دەدى: جۇڭگودا ءبىر ميلليارد 300 ميلليوننان استام جان سانى بار، ىشەر اس ماسەلەسىن باستان - اياق وزىمىزگە سۇيەنىپ شەشۋىمىز كەرەك، مەيلى قالا - قالاشىقتاندىرۋ قالاي دامىسا دا، تاعى دا نەشە 100 ميلليون اۋىل - قىستاق جان سانى بار، بىزدە گۇلدەنگەن قالالار بولۋمەن قاتار، مەشەۋ قالعان، ءتىپتى، توزعان اۋىل - قىستاقتار بولسا بولمايدى.

  2013 - جىلى 12 - ايدا اشىلعان ورتالىقتىڭ قالا - قالاشىقتاندىرۋ قىزمەتى ماجىلىسىندە ادامدى نەگىز ەتكەن، ادامدى وزەك ەتكەن قالا - قالاشىقتاندىرۋدى ىلگەرىلەتۋ كەرەك دەپ ورتاعا قويىلدى.

  پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ادامدى وزەك ەتكەن جاڭاشا قالا - قالاشىقتاندىرۋدى ىلگەرىلەتىپ، نوپوس ءتۇزىمى رەفورماسىن تەرەڭدەتىپ، اۋىل شارۋاشىلىعىنان باسقا سالاعا ويىسقان جان سانىن قالا تۇرعىنىنا اينالدىرۋدى جەدەل ىلگەرىلەتىپ، قالا نوپوسىنا الىنباعان 100 ميلليون جان سانىن قالا نوپوسىنا قوندىرۋ نىساناسىن كۇن ىلگەرى ورىنداپ، ەلىمىزدىڭ تۇراقتى جان سانىنىڭ قالا - قالاشىقتانۋ مولشەرىن %60تەن اسىردى.

  وسىمەن ءبىر ۋاقىتتا، اۋىل - قىستاق قوعامدىق ىستەرىندەگى ولقىلىقتار بىرتىندەپ تولىقتىرىلىپ، قالا، اۋىل تۇرعىندارىنىڭ ءبىر تۇتاس نەگىزگى ەمدەلۋ جانە نەگىزگى زەينەتكەرلىك قامسىزداندىرۋ ءتۇزىمى ورناتىلىپ، اۋىل - قىستاق تۇرعىندارىنىڭ جان باسىندىق ورتاشا قولداعى تابىسىنىڭ ارتۋ قارقىنى قالا - قالاشىق تۇرعىندارىنىڭ كىرىسىنەن جىلدام بولىپ، قالا، اۋىلداردىڭ پارقى اناعۇرلىم ازايدى.

  2018 - جىلى 9 - ايدا باس شۋجي شي جينپيڭ 4 كۇندە 2000 كيلومەتر جول باسىپ، شىعىس سولتۇستىكتەگى 3 ولكەنى ەندەي ءوتىپ، شىعىس سولتۇستىكتىڭ گۇلدەنۋ جاعدايىن سول جەردىڭ وزىندە ۇعىستى.

  2019 - جىلى 1 - ايدا باس شۋجي شي جينپيڭ بەيجيڭ - تيانجين - حىبەيدى سايكەستى دامىتۋدى ونان ارى ىلگەرىلەتۋ جونىندە ىشكەرىلەي تەكسەرىپ - زەرتتەۋ جۇرگىزدى.

  بەيجيڭ - تيانجين - حىبەيدى سايكەستى دامىتۋدى، چاڭجياڭ ەكونوميكالىق بەلدەۋىن دامىتۋدى، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىن، چاڭجياڭ اتىراۋىن ءبىر تۇلعالاندىرىپ دامىتۋدى ىلگەرىلەتۋدەن حۋاڭحى وزەنى الابىنىڭ ەكولوگياسىن قورعاۋدى جانە جوعارى ساپالى دامىتۋدى ىلگەرىلەتۋگە، ودان شيۇڭ - ان جاڭا رايونىن جوعارى ولشەمدى، جوعارى ساپالى قۇرۋعا دەيىن ءاربىر جاڭا ارتۋ ۇيەكتەرى جۇڭگو توپىراعىندا بوي كوتەردى.

  بۇل ءتىپتى دە جوعارى ساپاعا ۇمتىلعان جاپپاي دوڭگەلەك داۋلەتتىلىك −

  بيىل 5 - ايدىڭ 28 - كۇنى ءبىر جولعى مەملەكەتتىڭ عىلىم - تەحنيكادا جاڭالىق اشا دامۋ ءىرى جوسپارىنا قاتىستى ماجىلىستە باس شۋجي شي جينپيڭ ”عىلىم - تەحنيكادا ءوز كۇشىنە سۇيەنۋ، ءوز كۇشىمەن قۇدىرەتتەنۋ“ دەگەن سوزگە ماڭىزدى انىقتاۋىش ”جوعارى ورەلى“ دەگەن ءسوزدى قوستى.

  جوعارى ورەنىڭ نەگىزى جاپپاي دوڭگەلەك داۋلەتتى قوعام ورناتۋ اياق الىسىنداعى عىلىم - تەحنيكالىق العا باسۋمەن، جاڭالىق اشا دامۋدىڭ پارمەندى ىلگەرىلەتىلۋىمەن بايلانىستى.

  اسپانعا ۇشىپ، تەڭىزگە سۇڭگىگەن عىلمي بارلاۋلاردا اسا زور تابىستارعا قول جەتىپ، ”فىندوۋجى“ ءنومىرلى سياقتى ءبىر توپ مەملەكەتتىڭ ماڭىزدى جابدىقتارى جارقىراي كوزگە ءتۇسىپ، كۆانتتىق ينفورماتسيا سياقتى وزىق سالالاردا ءبىرسىپىرا ءتول جاسامپازدىق جەتىستىكتەرىنە قول جەتتى، ”فۋشيڭ“ ءنومىرلى جوعارى جىلدامدىقتى پويەزى پايدالانۋعا بەرىلدى، 5G ءساتتى تۇردە ساۋدادا پايدالانىلدى، جاساندى زەردەدەن پايدالانۋ جەدەلدەتىلدى... جاڭالىق اشۋدى ءبىرىنشى قوزعاۋشى كۇش ەتكەن ەلىمىز جوعارى ساپالى دامۋ ساتىسىنا قادام باستى.

  تيبىن وزگەرتىپ، دارەجەسىن وسىرۋگە كوز سالساق، قامداۋ جاعىنداعى قۇرىلىمدىق رەفورما زور كۇشپەن ىلگەرىلەتىلىپ، ەلىمىزدىڭ ەكونوميكالىق قۇرىلىمى بىرتىندەپ ساپالىلانىپ، قىزمەت وتەۋ كاسىبىنىڭ ارتقان قۇنىنىڭ ىشكى ءوندىرىس جالپى ءونىم قۇنىنداعى سالىستىرماسى ۇزدىكسىز ارتىپ، جاڭا كاسىپ سالاسى، جاڭا كاسىپ كۇيى، جاڭا قالىپتار تۇس - تۇستان كوتەرىلىپ، تۇتىنۋدىڭ دارەجەسى ءوسىپ تولاسسىز دامىپ كەلەدى.

  ەسىك اشۋ اياق الىسىنا كوز جىبەرسەك، ەركىن ساۋدا سىناق رايونى ۇزدىكسىز كەڭەيىپ، حاينان ەركىن ساۋدا پورتى قۇرىلىسى جەدەل ىلگەرىلەتىلدى، جۇڭگو حالىقارالىق يمپورت بۇيىمدار كورمەسى، جۇڭگو حالىقارالىق تۇتىنۋ بۇيىمدار كورمەسى اشىلىپ، ”ءبىر بەلدەۋ، ءبىر جولدىڭ“ بويىنداعى مەملەكەتتەرمەن ەكونوميكا - ساۋدا بارىس - كەلىسى بارعان سايىن جانداندى.

  باس شۋجي شي جينپيڭ بىلاي دەپ باسا دارىپتەدى: ”جوعارى ساپالى دامۋ تەك ەكونوميكالىق تالاپ عانا بولماستان، قايتا ەكونوميكالىق، قوعامدىق دامۋدىڭ ءار سالاسىنا قويىلعان باس تالاپ؛ ەكونوميكاسى دامىعان وڭىرلەرگە عانا قويىلعان تالاپ بولماستان، بارلىق وڭىرلەردىڭ دامۋىندا، ءسوزسىز، دايەكتىلەندىرۋگە ءتيىستى تالاپ؛ ءبىر مەزەتتىك تالاپ ەمەس، قايتا، ءسوزسىز، ۇزاق ۋاقىت تاباندى بولۋعا ءتيىستى تالاپ“.

  جاپپاي دوڭگەلەك داۋلەتتى قوعامدى ورناتقان جۇڭگو − جاسامپاز جۇڭگو، جالىنداعان جۇڭگو، كورىكتى جۇڭگو، ەسىك اشقان جۇڭگو، بوران - شاشىندا بوگەلمەي العا باسا بەرەتىن جۇڭگو.

  جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگو حالقى تاسقىنداعان قايراتپەن، اسقاق جىگەرمەن، ەكىنشى 100 جىلدىق كۇرەس نىساناسىنا قاراي، جۇڭحۋا ۇلتىنىڭ ۇلى گۇلدەنۋىنە قاراي ارشىندى قاداممەن ىلگەرىلەۋدە.

  (تىلشىلەر جاۋ چاۋ، ان بەي، حوۋ شۋەجيڭ، يۇي جياشين، گو يۇيجيڭ)

  (شينحۋا اگەنتتىگىنىڭ 7 - ايدىڭ 3 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.