رايونىمىزدىڭ جەر - جەرىندەگى پارتيالى كادرلار باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن مۇقيات ۇيرەنىپ، ءتۇسىنىپ، ءبىر اۋىزدان مىنالاردى ءبىلدىردى −
قۇلشىنا، قايراتتانا كۇرەس جاساپ، كوركەم بولاشاق اشامىز
□ انار بۇلت / شينجياڭ گازەتىنىڭ تىلشىلەرى
7 - ايدىڭ 1 - كۇنى باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى ءسوزى رايونىمىزدىڭ جەر - جەرىندەگى پارتيالى كادرلار اراسىندا قىزۋ اڭىس قوزعادى جانە كۇشتى ۇندەستىك تۋدىردى. كوپشىلىك مىنالاردى ءبىلدىردى: ءسوزدىڭ رۋحاني ءمانىن ىشكەرىلەي ءتۇسىنىپ، پارتيانىڭ داڭقتى تاريحى مەن ۇلى ناتيجەلەرىن ەستە بەرىك ساقتاپ، تاريحتى اينا ەتىپ، بولاشاق اشىپ، اناعۇرلىم اسقاق بەينەمەن جاڭا ساپارعا ارشىندى قادام تاستاپ، اناعۇرلىم كوركەم جاڭا تاراۋ جازامىز.
جۋىقتا عانا ” مەملەكەتتىك تاڭداۋلى اۋداندىق پارتكوم شۋجيى“ داڭقتى اتاعىن العان چين يانكى بەيجيڭنەن شايار اۋدانىنا كەلە سالىسىمەن - اق تۇتاس اۋدانداعى كادرلاردى، بۇقارانى باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋگە، ۇگىتتەۋگە ۇيىمداستىردى. ”ءبىز پارتيالى كادرلاردى اۋەلگى ماقسات پەن بورىشتى امالياتتا ايگىلەپ، قىزمەتتى تىڭعىلىقتى ىستەپ، قايراتتانا ءىس تىندىرۋعا تاربيەلەيمىز، جەتەكتەيمىز“، - دەدى چين يانكى.
حوتان اۋداندىق پارتكومنىڭ تۇراقتى مۇشەسى، ءتارتىپ تەكسەرۋ كوميتەتىنىڭ شۋجيى، باقىلاۋ - تەكسەرۋ كوميتەتىنىڭ مەڭگەرۋشىسى ادىل وسمان: ”ۇلى پارتيا قۇرۋ رۋحى ءبىزدىڭ جاڭا داۋىرگە ارشىندى قادام تاستاۋىمىزعا، جاڭا ساپاردا ەكپىندەي ىلگەرىلەۋىمىزگە قۋاتتى رۋحاني قوزعاۋشى كۇش ۇستەدى“، - دەدى.
اراتۇرىك اۋداندىق پارتكوم كەڭسەسىنىڭ كادرى شۇي شىڭفي: اۋەلگى ماقساتتى، بورىشتى ەستە بەرىك ساقتاپ، پارتيانىڭ شىنايى ءۇمىتىن اقتاپ، اناعۇرلىم تاسقىنداعان رۋحاني كۇيمەن قىزمەتكە كىرىسىپ، ءىس جۇزىندىك ارەكەتىم ارقىلى پارتياعا ادالدىعىمدى امالياتتا ايگىلەپ، بۇقاراعا قىزمەت وتەۋ بارىسىندا جاۋاپكەرشىلىك ارقالاپ، ىسكەرلىك كورسەتەمىن، - دەدى.
بايىنعولين موڭعۇل اۆتونوميالى وبلىستىق اۋىل شارۋاشىلىعى، اۋىل - قىستاق مەكەمەسى پارتكومىنىڭ ورىنباسار شۋجيى، مەكەمە باستىعى لوۋ ۋيرۇڭ: پارتياعا دەگەن قۇرمەت پەن شىنايى سۇيىسپەنشىلىكتى قىزمەتتىڭ قوزعاۋشى كۇشىنە اينالدىرىپ، جاڭا دامۋ ۇستانىمىن بۇلجىماي دايەكتىلەندىرىپ، جاڭا داۋىردەگى اۋىل شارۋاشىلىعىن، اۋىل - قىستاقتى وسىزامانداندىرۋدىڭ جاڭا تاراۋىن قۇلشىنا جازۋ كەرەك، - دەدى.
”باس شۋجيدىڭ ءسوزى ءبىزدى بارىنشا ماقتانىشقا بولەدى، ەرەكشە شابىت بەردى. ءبىز ۇلگىگە، ولشەمگە تۋرالانىپ، ءسوز رۋحىنىڭ التايدىڭ دارقان دالاسىندا تامىر تارتىپ، گۇل اشىپ، جەمىس بەرۋىن ءىس جۇزىندىك ارەكەتىمىزبەن ىلگەرىلەتەمىز“، - دەدى التاي ايماقتىق پارتكومنىڭ مۇشەسى، ۇگىت ءبولىمىنىڭ باستىعى لان شىڭشين.
”تەمىر سوقساڭ قۇرىش بول دەيتىن قيسىندى ءارقاشان ەستە بەرىك ساقتاپ، جاڭا ساپاردا اۋەلگى ماقساتتى اناعۇرلىم تاباندىلىقپەن، سانالىلىقپەن امالياتتا ايگىلەپ، بورىشتى ويداعىداي ادا ەتەمىز“، - دەدى شاپشال سىبە اۆتونوميالى اۋداندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى ۇيىمداستىرۋ - ۇگىت ءبولىمىنىڭ كادرى ليۋ يۇينا.
”مەن باقىتتى تۇردە بەيجيڭگە بارىپ پارتيا قۇرىلعاندىعىنىڭ 100 جىلدىعى جەلىلەس قيمىلدارىنا قاتىناستىم، باس شۋجيدىڭ ماڭىزدى ءسوزىن 2 رەت ءماجىلىس الاڭىندا ەت قۇلاعىممەن ەستىدىم، يدەيالىق جاقتان سىننان ءوتتىم، پارتيالىلىق جاقتان شىڭدالدىم، رۋحاني جاقتان شابىت الدىم! ءبىز جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، كەدەيلىكتەن ارىلتۋدان قامال الۋ تابىستارىن ۇزدىكسىز بەكەمدەپ، كەڭەيتىپ، اۋىل - قىستاقتى كوركەيتۋدى جاپپاي ىلگەرىلەتۋدىڭ جاڭا ساپارىندا تىنباي كۇرەس جاساۋىمىز كەرەك“، - دەدى جۋىقتا عانا ”مەملەكەتتىك تاڭداۋلى اۋداندىق پارتكوم شۋجيى“ داڭق اتاعىن العان مارالباسى اۋداندىق پارتكومنىڭ شۋجيى ياۋ نيڭ.
(ءتىلشى گى يوۋجۇن، جازۋعا قاتىناسقان تىلشىلەر جاڭ جىلي، ءپاريزات ابدۇل، ۋي يۇڭگۇي، دۋ جيانحۇي، جاڭ تيڭ، سۇڭ يا - ۋىن، ءجازيرا، سۇڭ ۋيگو، جاڭ رۇيلين، حان چينيان، ءرايدا)
