تيانشان تورى   ›   جاڭالىقتار   ›   ەل ءىشى حابارى

«الدىڭعىلاردىڭ ءىزىن باسىپ، بولاشاققا جول اشقان عاسىرلىق ۇلى ءىس − جاپپاي دوڭگەلەك داۋلەتتى قوعام ورناتۋدىڭ تاريحي ساتىندە»

حالىق گازەتىندە رىن جۇڭپيڭنىڭ ماقالاسى جاريالانادى

«الدىڭعىلاردىڭ ءىزىن باسىپ، بولاشاققا جول اشقان عاسىرلىق ۇلى ءىس − جاپپاي دوڭگەلەك داۋلەتتى قوعام ورناتۋدىڭ تاريحي ساتىندە»

  شينحۋا اگەنتتىگىنىڭ 7 - ايدىڭ 4 - كۇنى بەيجيڭنەن بەرگەن حابارى. حالىق گازەتىنىڭ 7 - ايدىڭ 5 - كۇنگى سانىندا رىن جۇڭپيڭنىڭ ماقالاسى جاريالانادى، تاقىرىبى «الدىڭعىلاردىڭ ءىزىن باسىپ، بولاشاققا جول اشقان عاسىرلىق ۇلى ءىس − جاپپاي دوڭگەلەك داۋلەتتى قوعام ورناتۋدىڭ تاريحي ساتىندە».

  ماقالادا بىلاي دەلىندى: بۇل جۇڭحۋا ۇلتىنىڭ ۇلى داڭقى! بۇل جۇڭگو حالقىنىڭ ۇلى داڭقى! بۇل جۇڭگو كوممۋنيستىك پارتياسىنىڭ ۇلى داڭقى!

  2021 - جىلى 7 - ايدىڭ 1 - كۇنى جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسى بەيجيڭدە سالتاناتپەن وتكىزىلدى. تيان - انمىن مىنبەسىندە باس شۋجي شي جينپيڭ پارتيا مەن حالىق اتىنان بىلاي دەپ سالتاناتپەن جاريالادى −

  ”بۇكىل پارتيانىڭ، بۇكىل ەلدەگى ءار ۇلت حالقىنىڭ ۇزدىكسىز كۇرەس جۇرگىزۋى ارقىلى ءبىز ءبىرىنشى 100 جىلدىق كۇرەس نىساناسىن ىسكە اسىردىق، جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام ورناتىپ، مۇلدەم كەدەيلىك ماسەلەسىن تاريحي سيپاتتى شەشىپ، جاپپاي سوتسياليستىك وسىزاماندانعان قۇدىرەتتى ەل قۇرىپ شىعۋدىڭ ەكىنشى 100 جىلدىق كۇرەس نىساناسىنا قاراي تاسقىنداعان جىگەرمەن قادام تاستاپ كەلەمىز“.

  ”بۇقارا جاپا شەكتى، دوڭگەلەك داۋلەتتى تۇرمىستان يگىلىكتەنەتىن شاعى دا جەتتى“، «جىرناماداعى» تامىلجىعان جىر 1000 جىلدىق بوران - شاشىندى وتكەرىپ، جۇڭگوشا سوتسياليزم جاڭا داۋىرىندە رەالدىققا اينالدى؛ جۇڭگو كوممۋنيستەرى ۇزدىكسىز كۇرەس جۇرگىزىپ، 100 جىلعى سان وزگەرىستى باستان كەشىپ، جاپپاي دوڭگەلەك داۋلەتتىلىكتىڭ بەلەستىك بايتەرەگىن گۇلدەنۋ جولىنا ورناتتى.

  ماقالادا مىنالار اتاپ كورسەتىلدى: جۇڭگولىقتار جونىنەن العاندا، جاپپاي دوڭگەلەك داۋلەتتى قوعام ورناتۋ ءارى مەملەكەتتىڭ دامۋىنىڭ، زور وزگەرىسىنىڭ ايبىندى سيمفونياسى ءارى حالىقتىڭ جۇزدەرىنەن شاتتىق كۇلكىسى ەسكەندىگىنىڭ جاندى حيكاياسى. ول مۇلدەم كەدەيلىكتى جويۋدىڭ ءومىر كەرەمەتىنە جازىلدى، دۇنيە جۇزىندەگى كولەمى ەڭ زور قوعامدىق قامتاماسىز ەتۋ جۇيەسىنە جازىلدى، ۇزدىكسىز كەڭەيگەن اشىق اسپانعا، ۇزدىكسىز ۇزارعان جاسىل جولعا، ۇزدىكسىز جاقسارعان قونىس ورتاسىنا جازىلدى، حالىق تۇرمىسىن ”جىلدان - جىلعا جاقسارتۋداعى“ بۇلجىماس تالپىنىسقا جازىلدى...

  ماقالادا بىلاي دەلىندى: جاپپاي دوڭگەلەك داۋلەتتى قوعام ورناتۋ بارىسىندا، جۇڭگودا 770 ميلليون اۋىل - قىستاق كەدەي جان سانى كەدەيلىكتەن ارىلدى، ازايعان كەدەي جان سانى سايكەس مەزگىلدەگى بۇكىل الەمدەگى ازايعان كەدەي جان سانىنىڭ %70ىنەن استامىن ۇستاپ، دۇنيە جۇزىندەگى كەدەي جان سانى اۋماعىن كورنەكتى كىشىرەيتتى، كەدەيلىكتى ازايتۋ بويىنشا جونگە سالۋدىڭ جۇڭگو ۇلگىسىن جاراتتى؛ ادام باسىنا شاققانداعى ورتاشا GDP جاڭا جۇڭگو قۇرىلعان العاشقى تۇستاعى نەشە ون دوللاردان 2019 - جىلعا جەتكەندە 10 مىڭ دوللاردان اسىپ، دۇنيە جۇزىندە ادام باسىنا شاققانداعى ورتاشا GDP ون مىڭ دوللاردان اسقان جان سانىن ەكى ەسە كوبەيتتى، ءبىر ميلليارد 400 ميلليوننان استام جان سانى كولەمىندە ادام باسىنا شاققانداعى ورتاشا GDP ون مىڭ دوللاردان تۋىنداعان ءتۇرلى اسەر ادامداردى اناعۇرلىم نىق سەنىمگە بولەدى.

  ماقالادا مىنالار اتاپ كورسەتىلدى: وتكەنگى كۇرەس جولىنا قايىرىلا قاراساق، ءبىز جاپپاي دوڭگەلەك داۋلەتتى قوعام ورناتۋدىڭ عاسىرلىق ۇلى ءىسى ارقىلى داڭق پەن ارماندى تاريحتىڭ تەرەڭ قويناۋىنا جازدىق؛ الداعى ەكپىندەي ىلگەرىلەۋ جولىنا كوز جىبەرسەك، ءبىز تاعى جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعىپ، ادامزاتتىڭ ۇلى ۋاقىت تاريحىندا جۇڭحۋا ۇلتىنىڭ ۇلى تاريح ۋاقىتىن ۇزدىكسىز جاراتامىز.

  ماقالادا بىلاي دەلىندى: ”وسى تاۋلار وق ىزىمەن بەزەنگەن، بۇگىن ءتىپتى كوز تارتادى كوركىمەن“. ءبىز نۇرلى داڭعىل جولعا تۇستىك، ءبىز ۇزدىكسىز العا تارتا بەرەمىز. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋدىڭ كەلەلى ساتىندە، باس شۋجي شي جينپيڭنىڭ ءسوزى وتانىمىزدىڭ بايتاق دالاسىندا اسقاقتاي كوتەرىلدى −

  ”وتكەن 100 جىلدا، جۇڭگو كوممۋنيستىك پارتياسى حالىققا، تاريحقا ۇزدىك جاۋاپناما تاپسىردى. قازىر جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ، باستاپ، ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ەمتيحان تاپسىرۋ جولىنا تاعى قادام تاستادى“.

  ”حالىق بۇقاراسىمەن ەتەنە بايلانىستى ماڭگى ساقتاپ، قاي - قاشان دا حالىقپەن بىرگە ويلاپ، بىرگە ىستەپ، قيىن - قىستاۋدى بىلەك بىرىكتىرە جەڭىپ، زەينەت پەن بەينەتتە بىرگە بولىپ، حالىقتىڭ تاماشا تۇرمىسقا تالپىنىسىن جۇزەگە اسىرۋ ءۇشىن ۇزدىكسىز قاجىماي - تالماي قۇلشىنىپ، پارتيا مەن حالىققا اناعۇرلىم زور داڭق اپەرۋگە قۇلشىنۋ كەرەك!“.

  ”جۇڭگو كوممۋنيستىك پارتياسىنىڭ پارمەندى باسشىلىعىندا، بۇكىل ەلدەگى ءار ۇلت حالقى تىعىز ىنتىماقتاسىپ جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋ نىساناسىن، ءسوز جوق، جۇزەگە اسىرادى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن، ءسوز جوق، جۇزەگە اسىرادى!“

  ...

  ماقالادا مىنالار اتاپ كورسەتىلدى: ۋاقىت ەكپىندەي ىلگەرىلەۋشىلەرگە ءتان! تاريح ەكپىندەي ىلگەرىلەۋشىلەرگە ءتان! جۇڭحۋا ۇلتىنىڭ ۇلى گۇلدەنۋى ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاپ، مىزعىمايتىن سەنىم ارقىلى زامانانىڭ ۇلى دابىلىن قاعىپ، اسقاق ايبىنمەن ءداۋىر كۇيىن شەرتەتىن بولساق، ءبىز، ءسوز جوق، اناعۇرلىم اسقاق تا ايبىندى تاريحي سيمفۋنيانى شىعانداتىپ، اناعۇرلىم شۇعىلالى دا شۋاقتى دامۋ تاراۋىن جازا الامىز.

  ”قايراتتان، قۇلشىن، تاعى دا ۇزاق جورىق!“ بۇل جۇڭحۋا ۇلتىنىڭ نەشە مىڭ جىلدى اتتاعان جورىعى، كوركەم بولاشاققا، ادامزاتتىڭ ەرتەڭىنە بەت الۋى!

  (شينحۋا اگەنتتىگىنىڭ 7 - ايدىڭ 4 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.