− باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
”جۇڭگونىڭ ىستەرىن جاقسى ىستەۋدىڭ تەتىگى پارتيادا“. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا باس شۋجي شي جينپيڭ پارتيامىزدىڭ 100 جىلدىق كۇرەسىنىڭ شۇعىلالى بارىسىنا تەرەڭ سۇيىسپەنشىلىكپەن قايىرىلا قاراپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى كوزدەپ، تاريحتى اينا ەتىپ، بولاشاق اشۋدا، ءسوز جوق، جۇڭگو كوممۋنيستىك پارتياسىنىڭ پارمەندى باسشىلىعىنا تاباندى بولۋ كەرەكتىگىن ايقىن العا قويدى.
اسقار - اسقار تاۋلاردىڭ دا بارىنەن بيىك شىڭى بولادى. جۇڭگو كوممۋنيستىك پارتياسى مەملەكەتتىڭ ەڭ جوعارى ساياسي باسشىلىق كۇشى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ءتۇبىرلى كەپىلى. باس شۋجي شي جينپيڭ بىلاي دەپ اتاپ كورسەتتى: ”جۇڭحۋا ۇلتىنىڭ تاياۋ زاماننان بەرگى 180 نەشە جىلدىق تاريحى، جۇڭگو كوممۋنيستىك پارتياسى قۇرىلعاننان بەرگى 100 جىلدىق تاريح، جۇڭحۋا حالىق رەسپۋبليكاسى قۇرىلعاننان بەرگى 70 نەشە جىلدىق تاريح جۇڭگو كوممۋنيستىك پارتياسى بولماسا، جاڭا جۇڭگو بولماق ەمەستىگىن، جۇڭحۋا ۇلتىنىڭ ۇلى گۇلدەنۋى دە بولماق ەمەستىگىن تولىق دالەلدەدى“. جۇڭگونىڭ تاياۋ زاماننان بەرگى تاريحىن ىشكەرىلەي تۇسىنسەك، ەگەر جۇڭگو كوممۋنيستىك پارتياسىنىڭ باسشىلىعى بولماعاندا، ءبىزدىڭ مەملەكەتىمىزدىڭ، ءبىزدىڭ ۇلتىمىزدىڭ بۇگىنگىدەي تابىسقا جەتۋى مۇمكىن ەمەس ەكەندىگىن، بۇگىنگىدەي حالىقارالىق مارتەبەگە يە بولۋىنىڭ دا مۇمكىن ەمەس ەكەندىگىن بايقاۋ قيىن ەمەس. ءدال جۇڭگو كوممۋنيستىك پارتياسىنىڭ باسشىلىعى بولعاندىقتان، بۇكىل ەلدەگى ءار ۇلت حالقىنىڭ جۇڭگو كوممۋنيستىك پارتياسىن قولداۋى مەن جاقتاۋى بولعاندىقتان، جۇڭگو دۇنيەدە سيرەك كەزدەسەتىن ەكونوميكانىڭ جەدەل دامۋىنداي كەرەمەت پەن قوعامنىڭ ۇزاق ۋاقىت ورنىقتىلىعىنىڭ كەرەمەتىن جاراتتى، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ بوگەۋ بەرمەس تاريحي ۇدەرىسكە قادام تاستادى. تاريح پەن شىندىق بىزگە تاريحتىڭ جانە حالىقتىڭ جۇڭگو كوممۋنيستىك پارتياسىن جۇڭحۋا ۇلتىنىڭ ۇلى گۇلدەنۋى ىستەرىنە باسشىلىق ەتۋگە تاڭداۋىنىڭ دۇرىس ەكەندىگىن، ءسوز جوق، ۇزاق ۋاقىت تاباندى بولىپ، ماڭگى بۇلجىماۋ كەرەكتىگىن ايتتى.
باس شۋجي شي جينپيڭ بىلاي دەپ باسا دارىپتەدى: ”جۇڭگو كوممۋنيستىك پارتياسىنىڭ باسشىلىعى جۇڭگوشا سوتسياليزمنىڭ ەڭ ماندىك ەرەكشەلىگى، جۇڭگوشا سوتسياليستىك ءتۇزىمنىڭ ەڭ ۇلكەن ابزالدىلىعى، پارتيا مەن مەملەكەتتىڭ ءتۇبىرلى تياناعى، جان تامىرى، بۇكىل ەلدەگى ءار ۇلت حالقىنىڭ مۇددەسىنىڭ دايەگى، تاعدىرىنىڭ دايەگى“. بۇل پارتيانىڭ حالىققا باسشىلىق ەتىپ، توڭكەرىس، قۇرىلىس، رەفورما جۇرگىزۋىندەگى ەڭ باعالى تاجىريبەسى. قازىر ءبىز ءبىرىنشى 100 جىلدىق كۇرەس نىساناسىن جۇزەگە اسىردىق، جاپپاي سوتسياليستىك وسىزاماندانعان قۇدىرەتتى ەل قۇرۋدىڭ ەكىنشى 100 جىلدىق كۇرەس نىساناسىنا قاراي تاسقىنداعان جىگەرمەن قادام تاستاپ كەلەمىز. كۇردەلى جاعداي مەن جاپالى مىندەت الدىندا، ءبىز دۇنيە جۇزىندە ءجۇز جىلدا بولماعان ءىرى وزگەرىس پەن جۇڭحۋا ۇلتىنىڭ ۇلى گۇلدەنۋى ستراتەگيالىق جالپى جاعدايىن جالپى بەتتىك يگەرىپ، باتىلدىقپەن ەلەۋلى سىن - سايىسقا توتەپ بەرىپ، ەلەۋلى حاۋىپ - قاتەرگە قارسى تۇرىپ، ەلەۋلى بوگەتتەردى جەڭىپ، ەلەۋلى قايشىلىقتاردى شەشىپ، جاڭا تاريحي ەرەكشەلىككە يە كوپتەگەن ۇلى كۇرەستەر جۇرگىزدى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋىمىزداعى ەڭ ءتۇبىرلى كەپىل تاعى دا پارتيانىڭ باسشىلىعى. پارتيانىڭ باسشىلىعىنا تاباندى بولۋ سىندى پارتيا مەن مەملەكەتتىڭ كەلەشەك تاعدىرىن بەلگىلەيتىن كەلەلى پرينسيپ ماسەلەسىندە بۇكىل پارتيا، بۇكىل ەل، ءسوز جوق، ايرىقشا جوعارى يدەيا سانالىلىعىن، ساياسي سانالىلىقتى، ارەكەت سانالىلىعىن ساقتاپ، تيتتەي دە بۇلجىماۋى كەرەك. تەك پارتيانىڭ باسشىلىعىنا باستان - اياق مىزعىماستان تاباندى بولساق، ءسوز جوق، العا باسۋ جولىمىزداعى ءارقانداي جاپا - ماشاقاتتى جانە كەدەرگىلەردى جەڭىپ، حالىقتىڭ تاماشا تۇرمىسقا دەگەن تالپىنىسىن ۇزدىكسىز قاناعاتتاندىرا الامىز.
پارتيا، ۇكىمەت، ارميا، حالىقتىق قۇرىلىمدار، عىلىم - ءبىلىم سالاسى سياقتى بارلىق سالاعا جانە بارلىق جەرگە پارتيا باسشىلىق ەتەدى. پارتيانىڭ باسشىلىعى، ءسوز جوق، جالپى بەتتىك، جۇيەلى، جالپى تۇلعالى بولۋى كەرەك. باس شۋجي شي جينپيڭ بىلاي دەپ باسا دارىپتەدى: ”جاڭا ساپاردا ءبىز، ءسوز جوق، پارتيانىڭ جالپى بەتتىك باسشىلىعىنا تاباندى بولۋىمىز، پارتيانىڭ باسشىلىعىن ۇزدىكسىز كەمەلدەندىرىپ، ’ءتورت تانىمدى‘ كۇشەيتىپ، ’ءتورت سەنىمدى‘ بەكەمدەپ، ’ەكىنى قورعاۋدى‘ ورىنداپ، ’مەملەكەتتىڭ زور ءىسىن‘ ەستە بەرىك ساقتاپ، پارتيانىڭ عىلمي بيلىك جۇرگىزۋ، دەموكراتيالى بيلىك جۇرگىزۋ، زاڭ بويىنشا بيلىك جۇرگىزۋ ورەسىن ۇزدىكسىز جوعارىلاتىپ، پارتيانىڭ جالپى جاعدايدى جالپىلاي مەڭگەرەتىن، ءار جاقتى سايكەستىرەتىن باسشىلىق ۇيتقىلىق رولىن تولىق ساۋلەلەندىرۋىمىز كەرەك!“. پارتيانىڭ باسشىلىعىنا تاباندى بولۋدا، اۋەلى، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىنا تاباندى بولۋ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاۋدى ايقىن ساياسي ولشەم جانە ءتۇبىرلى ساياسي تالاپ ەتىپ، بۇكىل پارتيانىڭ يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن ايرىقشا ءبىر اۋىزدىلىقتى ساقتاۋىنا شىنايى كەپىلدىك ەتىپ، پارتيانىڭ باسشىلىعىن رەفورما، دامۋ، ورنىقتىلىق، ىشكى ىستەر، ديپلوماتيا، مەملەكەت قورعانىسى، پارتيانى جونگە سالۋ، مەملەكەتتى جونگە سالۋ، ارميانى جونگە سالۋ سياقتى ءار سالادا دايەكتىلەندىرۋ جانە ايگىلەۋ كەرەك. پارتيانىڭ باسشىلىعىنا تاباندى بولۋدا، ءسوز جوق، پارتيانىڭ باسشىلىعىن ۇزدىكسىز جاقسارتىپ، پارتيانىڭ باسشىلىعىن امالياتتىڭ، ءداۋىردىڭ، حالىقتىڭ تالابىنا اناعۇرلىم ۇيلەستىرۋ، جالپى جاعدايدى جالپىلاي مەڭگەرەتىن، ءار جاقتى سايكەستىرەتىن پارتيانىڭ باسشىلىق ءتۇزىمى جۇيەسىن اقاۋسىزداندىرىپ، پارتيانىڭ باسشىلىق ءتاسىلى مەن بيلىك جۇرگىزۋ ءتاسىلىن كەمەلدەندىرىپ، پارتيانىڭ بيلىك جۇرگىزۋ قابىلەتى مەن باسشىلىق ەتۋ ورەسىن جوعارىلاتىپ، پارتيانىڭ بەتالىستى يگەرۋ، جالپى جاعدايدى كوزدەۋ، ساياسات بەلگىلەۋ، رەفورمانى جەبەۋ قابىلەتى مەن تاباندىلىعىن ۇزدىكسىز جوعارىلاتۋ كەرەك.
ءبىر كۇندەرى جەلپىنتىپ سامال ەسسە، سامۇرىق سامعار ءزاۋلىم زەڭگىر كوكتە. وتكەنگە قايىرىلا قاراساق، جۇڭگو كوممۋنيستىك پارتياسى حالىققا، تاريحقا ۇزدىك جاۋاپناما تاپسىرىپ، جۇڭحۋا ۇلتىنىڭ دامۋ تاريحىندا جانە ادامزات قوعامىنىڭ العا باسۋ تاريحىندا ايبىندى تاراۋ جازدى. بولاشاققا كوز جىبەرىپ، ەكىنشى 100 جىلدىق كۇرەس نىساناسىنا قاراي شەرۋ تارتقانىمىزدا اناعۇرلىم داڭقتى بورىشتار ءبىزدىڭ ارقالاۋىمىزدى كۇتۋدە، اناعۇرلىم ۇلى كەرەمەتتەر ءبىزدىڭ جاراتۋىمىزدى كۇتۋدە. بۇكىل پارتيا، بۇكىل ەلدەگى ءار ۇلت حالقى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە ونان ارى تىعىز ىنتىماقتاسىپ، وڭتايلى ساتتەن ۇتىمدى پايدالانىپ جاعداي اشىپ، بوگەلمەي العا ىلگەرىلەسەك، ەشقانداي قيىنشىلىق بىزگە بوگەت بولا المايدى، ەشقانداي كۇش جۇڭحۋا ۇلتىنىڭ ۇلى گۇلدەنۋدى جۇزەگە اسىرۋ ەكپىندى قادامىن توسا المايدى!
(شينحۋا اگەنتتىنىڭ 7 - ايدىڭ 4 - كۇنى بەيجيڭنەن بەرگەن حابارى)
