شينحۋا اگەنتتىگىنىڭ 7 - ايدىڭ 5 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ سىرتپەن بايلانىس جاساۋ ءبولىمىنىڭ مالىمدەمەشىسى حۋ جاۋميڭ 7 - ايدىڭ 5 - كۇنى مىنانى جاريالادى: جۇڭگو كوممۋنيستىك پارتياسى مەن دۇنيە ءجۇزى ساياسي پارتيا باسشىلارى كەڭەسى 7 - ايدىڭ 6 - كۇنى بەينە ەكران بايلانىس ءتاسىلى ارقىلى وتكىزىلەدى، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ بەيجيڭدە ماجىلىسكە قاتىناسادى ءارى ارقاۋ ءسوز سويلەيدى. وسى رەتكى ءماجىلىستىڭ نەگىزگى تاقىرىبى ”حالىقتىڭ باقىتىن كوزدەۋ: ساياسي پارتيالاردىڭ جاۋاپكەرشىلىگى“، 160 نەشە مەملەكەتتىڭ 500دەن استام ساياسي پارتياسى جانە ساياسي ۇيىم قاتارلىلاردىڭ باسشىلارى سونداي - اق ساياسي پارتيالاردىڭ 10 مىڭنان استام ۋاكىلى، ت. ب كەڭەسكە قاتىناسادى.
بۇل رەتكى كەڭەس جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى ورايىندا اشىلعان ماڭىزدى كوپ جاقتىلى ديپلوماتيالىق قيمىل سانالادى، باستى ماقساتى −دۇنيە جۇزىندەگى ءار ەل ساياسي پارتيالارىمەن ەل باسقارۋ تاجىريبەسى جونىندەگى اۋىس - كۇيىستى، ءوزارا ۇلگى الۋدى كۇشەيتىپ، ءجۇز جىلدىق وزگەرىس پەن عاسىرلىق ىندەت اكەلگەن سىن - سايىسقا بىرگە توتەپ بەرىپ، حالىقتى باقىتقا كەنەلتۋ ۇستانىمى مەن قابىلەتىن كۇشەيتىپ، دۇنيە ءجۇزىنىڭ بەيبىتشىلىگى مەن دامۋىن جەبەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ.
