ورتالىق اسكەري ىستەر كوميتەتىنىڭ ءتوراعاسى شي جينپيڭ بۇيرىققا قول قويىپ
قارۋلى ساقشى ءبولىمى شينجياڭ ۇيعۇر اۆتونوميالى رايوندىق باس اترەتى بەلگىلى ءبولىمى ەرەكشە شايقاس 1 - ورتا اترەتىنە داڭق اتاعىن بەردى
شينحۋا اگەنتتىگىنىڭ 7 - ايدىڭ 5 - كۇنى بەيجيڭنەن بەرگەن حابارى. ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا بۇيرىققا قول قويىپ، قارۋلى ساقشى ءبولىمى شينجياڭ ۇيعۇر اۆتونوميالى رايوندىق باس اترەتى بەلگىلى ءبولىمى ەرەكشە شايقاس 1 - ورتا اترەتىنە ”لاڭكەستىككە قارسى تۇرۋداعى اتويشى ورتا اترەت“ داڭق اتاعىن بەردى.
بۇيرىقتا مىنالار تالاپ ەتىلدى: بۇكىل ارمياداعى اسكەري بولىمدەر وسى ورتا اترەتتەن ۇيرەنىپ، پارتيانىڭ جاسامپاز نازاريالارىمەن قارۋلانۋدى كۇشەيتىپ، اۋەلگى ماقسات پەن بورىشتى ەستە بەرىك ساقتاپ، قىزىل گەندى جالعاستىرىپ، پارتيانىڭ سوزىنە قۇلاق اسۋدىڭ، پارتياعا ىلەسۋدىڭ يدەيالىق - ساياسي ءتۇبىرلى نەگىزىن بەكەمدەۋ؛ جاۋدى باعىندىرىپ، جەڭىسكە جەتەتىن ەرەك ونەردى جەتىلدىرىپ، سوعىس ارقىلى جاتتىعۋعا جەتەكشىلىك ەتۋگە، جاتتىعۋ ارقىلى سوعىس ونەرىن جەبەۋگە تاباندى بولىپ، جاتتىعۋ دەڭگەيى مەن جەڭىسكە جەتۋ قابىلەتىن جاپپاي جوعارىلاتىپ، قانداي دا ءبىر ءىس تۋىلا قالسا اتويلاپ العا شىعا الۋعا، جەڭىپ شىعۋعا شىنايى كەپىلدىك ەتۋ؛ جاۋعا قارسى ايبات كورسەتەتىن ەرجۇرەكتىك ستيلدى جەتىلدىرىپ، سومداپ، ارميامىزدىڭ وزىنە ءتان توڭكەرىستىك رۋحىن زور كۇشپەن اسقاقتاتىپ، جاۋىنگەرلىك ەرىك - جىگەردى سومداپ، جاۋىنگەرلىك قۇلىقتى شىڭداپ، سىناق الدىندا باتىلدىقپەن ۇدەرە العا تارتىپ، حاۋىپ - قاتەر الدىندا ەشتەڭەدەن قورىقپاي، ەشتەڭەدەن تايسالماي، جاڭا داۋىردەگى توڭكەرىسشىل اسكەريلەردىڭ ارىندى جىگەر - جالىنىن قالىپتاستىرۋ كەرەك.
ورتالىق اسكەري ىستەر كوميتەتى مىناعان ۇندەدى: بۇكىل ارمياداعى اسكەري بولىمدەر مەن قالىڭ كوماندير - جاۋىنگەرلەر شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭنىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن ىشكەرىلەي دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، اسكەري ىستەر كوميتەتىنىڭ ءتوراعاسى جاۋاپتى بولۋ ءتۇزىمىن دايەكتىلەندىرىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، پارتيانىڭ ارمياعا شارتسىز باسشىلىعىنا تيتتەي دە مىزعىماي تاباندى بولىپ، ارميانى ساياسي جاقتان قۇرۋعا، رەفورما ارقىلى ارميانى قۇدىرەتتەندىرۋگە، عىلىم - تەحنيكا ارقىلى ارميانى قۇدىرەتتەندىرۋگە، دارىندىلار ارقىلى ارميانى قۇدىرەتتەندىرۋگە، ارميانى زاڭ بويىنشا جونگە سالۋعا تاباندى بولىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعايتىن ستراتەگيالىق قابىلەتتى جاپپاي جوعارىلاتىپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن جۇزەگە اسىرۋ، حالىق ارمياسىن دۇنيە ءجۇزى بويىنشا بىرەگەي ارميا ەتىپ قۇرىپ شىعۋ ءۇشىن قاجىماي - تالماي كۇرەس جۇرگىزۋ كەرەك.
