تيانشان تورى   ›   جاڭالىقتار   ›   شينجياڭ حابارلارى

جاڭا بورىشتى باتىلدىقپەن ارقالاپ، جاڭا ىسكەرلىك كورسەتەيىك

— باس شۋجي شي جينپيڭنىڭ ”1 - شىلدەدەگى“ ماڭىزدى ءسوزى رايونىمىزداعى نەگىزگى ساتى پارتيا مۇشەلەرىن، كادرلاردى، بۇقارانى ەرلىكپەن العا باسۋعا ىنتالاندىردى

انار بۇلت / شينجياڭ گازەتىنىڭ تىلشىلەرى

  جاڭا بورىشتى باتىلدىقپەن ارقالاپ، جاڭا ىسكەرلىك كورسەتەيىك. باس شۋجي شي جينپيڭنىڭ ”1 - شىلدەدەگى“ ماڭىزدى ءسوزى رايونىمىزداعى نەگىزگى ساتى پارتيا مۇشەلەرىن، كادرلاردى، بۇقارانى ەرلىكپەن العا باسۋعا ىنتالاندىردى. نەگىزگى ساتىداعى قالىڭ پارتيا مۇشەلەرى، كادرلار، بۇقارا جابال مىنالاردى ءبىلدىردى: پارتياعا العىس ايتۋدان، پارتيانىڭ سوزىنە قۇلاق اسۋدان، پارتياعا ىلەسۋدەن بۇلجىماي، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرەتىن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭدى قۇلشىنا قۇرۋعا تىڭ ۇلەس قوسامىز.

  ”مەن جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا باس شۋجي شي جينپيڭنىڭ ماڭىزدى ءسوزىن ەت قۇلاعىممەن تىڭداپ، ىشتەي ەرەكشە تەبىرەندىم“. 7 - ايدىڭ 5 - كۇنى اقتاۋ اۋدانى پىلال اۋىلى جايىلعان قىستاعى پارتيا ياچەيكاسىنىڭ شۋجيى احىمەتجان ايسا بىلاي دەدى: ”جايىلعان قىستاعى پارتيا ياچەيكاسى بيىل مەملەكەتتىك وزات نەگىزگى ساتى پارتيا ۇيىمى بولىپ باعالاندى، مەن اۋىلداستاردى ۇزدىكسىز باستاپ اناعۇرلىم باقىتتى، تاماشا تۇرمىس جاراتامىن“.

  7 - ايدىڭ 2 - كۇنى تاڭ سارىدە قابا اۋدانى ساربۇلاق قالاشىعىنداعى ورماندى باعىمشىلىق كاسىپتىك سەلبەستىك كووپەراتيۆىندە باعىمشىلىق ءىرى وتباسى مۇراتبەك ەلعازى ارالاسپالى جەم - ءشوپ دايىنداپ جاتتى. ”جاپپاي دوڭگەلەك داۋلەتتى قوعام ورناتۋدىڭ يگىلىكتەنۋشىسىمىز“. مۇراتبەك بىلاي دەدى: 50 سيىر باعىپ جاتىرمىن، بۇل پارتيانىڭ ابزال ساياساتىنىڭ ارقاسى، 2020 - جىلى كىرىسىم 100 مىڭ يۋانعا جەتتى.

  ”باس شۋجي شي جينپيڭنىڭ ’1 - شىلدەدەگى‘ ماڭىزدى ءسوزى كوڭىلىمدى كولدەي تولقىتتى. مەن تەك جۇڭگو كوممۋنيستىك پارتياسىنىڭ عانا جۇڭگو سياقتى جان سانى كوپ ەلدى باستاپ مەملەكەتتىڭ باي، حالىقتىڭ قۋاتتى بولۋىن جۇزەگە اسىرىپ، ءبىر ميلليارد 400 ميلليوننان استام ادامنىڭ جۇڭگو ارمانىن ورىنداي الاتىندىعىنا كامىل سەنەمىن“، - دەدى قۇرىلتايدىڭ تىكە بەرىلىمىن كورگەن ”مەملەكەتتىك ەڭبەك ەرى“، جۇڭگو مۇناي، تابيعي گاز توبى شەكتى سەرىكتەستىگى باتىس بولىك بۇرعىلاۋ ينجەنەرياسى شەكتى سەرىكتەستىگى مۇناي سىناۋ سەرىكتەستىگىنىڭ قۇدىق ءتۇبى جۇمىس جابدىعى جۇمىسشىسى، اعا تەحنيك تان ۋىنبو تەبىرەنە.

  ”جاڭا ساپار، جاڭا بورىش، ەسىل ساتتەردى زايا جىبەرمەي، جاڭا ەڭبەك ءسىڭىرۋ كەرەك. ءبىز بۇقارانى باستاپ تاماشا تۇرمىس ءۇشىن ۇزدىكسىز كۇرەس جۇرگىزەمىز“. قۇمىل قالاسى اراتۇرىك اۋدانى باي اۋىلدىق پارتكومنىڭ شۋجيى ليڭ يۇنجى: ”باي اۋىلى بەيجيڭ - شينجياڭ جوعارى جىلدامدىقتى تاس جولىنىڭ شينجياڭعا كىرەتىن العاشقى بەكەتى، ءبىز الداعى ساياحات كاسىبىنىڭ دامۋىن جوبالادىق، كوپتەگەن نىساندار جۇمىس باستادى“، - دەدى.

  حوتان ايماقتىق جۇقپالى اۋرۋلار ارناۋلى ءبولىمى شيپاحاناسىنىڭ سەستراسى كامىلجان الىم تيان - انمىن الاڭىندا باس شۋجي شي جينپيڭنىڭ ماڭىزدى ءسوزىن ەت قۇلاعىمەن تىڭدادى، ”مەن پارتيانىڭ جاڭا مۇشەسىمىن، ۇلى پارتيا قۇرۋ رۋحىن اسقاقتاتىپ، ەمدەۋ ءبىرىنشى شەبىندە بۇكىل ىنتا - پەيىلىممەن حالىق ءۇشىن قىزمەت ىستەيمىن“.

  (ءتىلشى ۋي يۇڭگۇي، قاتىناسقان تىلشىلەر سۇڭ ۋيگو، گى يوۋجۇن، جاڭ رۇيلين، جاڭ تيڭ، حان چين - يان، جاڭ جىلي، ءجازيرا نەسىپبەك، دۋ جيانحۇي، سۇڭ يا - ۋىن، حى جياڭ، ءرايدا، ءپاريزات ابدۇل)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.