تيانشان تورى   ›   جاڭالىقتار   ›   ماڭىزدى حابارلار

شي جينپيڭ بۇيرىق كۋالىگىن تاراتتى ءارى شەنى وسىرىلگەن وفيتسەرلەردى قۇتتىقتادى

ورتالىق اسكەري ىستەر كوميتەتى شاڭجياڭ اسكەري شەنىنە ءوسىرۋ سالتىن وتكىزدى

شي جينپيڭ بۇيرىق كۋالىگىن تاراتتى ءارى شەنى وسىرىلگەن وفيتسەرلەردى قۇتتىقتادى

  7 - ايدىڭ 5 - كۇنى، ورتالىق اسكەري ىستەر كوميتەتىنىڭ شاڭجياڭ اسكەري شەنىنە ءوسىرۋ سالتى بەيجيڭ 1 - تامىز عيماراتىندا سالتاناتپەن وتكىزىلدى. ورتالىق اسكەري ىستەر كوميتەتىنىڭ ءتوراعاسى شي جينپيڭ شاڭجياڭ اسكەري شەنىنە وسىرىلگەن وفيتسەرلەرگە بۇيرىق كۋالىگىن تاراتتى. سۋرەتتە: شي جينپيڭ قاتارلى باسشى جولداستار شاڭجياڭ اسكەري شەنىنە وسىرىلگەن وفيتسەرلەرمەن بىرگە سۋرەتكە ءتۇستى.

□ سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

  شينحۋا اگەنتتىگىنىڭ 7 - ايدىڭ 5 - كۇنى بەيجيڭنەن بەرگەن حابارى (ءتىلشى مەي چاڭۋي). ورتالىق اسكەري ىستەر كوميتەتىنىڭ شاڭجياڭ اسكەري شەنىنە ءوسىرۋ سالتى 7 - ايدىڭ 5 - كۇنى بەيجيڭ 1 - تامىز عيماراتىندا سالتاناتپەن وتكىزىلدى. ورتالىق اسكەري ىستەر كوميتەتىنىڭ ءتوراعاسى شي جينپيڭ شاڭجياڭ اسكەري شەنىنە وسىرىلگەن وفيتسەرلەرگە بۇيرىق كۋالىگىن تاراتتى.

  تۇستەن كەيىن ساعات 5تەن 15 مينۋت مولشەرىندە شەن ءوسىرۋ سالتى ايبىندى مەملەكەت انىمەن باستالدى. ورتالىق اسكەري ىستەر كوميتەتىنىڭ ورىنباسار ءتوراعاسى شۇي چيلياڭ ورتالىق اسكەري ىستەر كوميتەتىنىڭ ءتوراعاسى شي جينپيڭ قول قويعان شاڭجياڭ اسكەري شەنىنە ءوسىرۋ بۇيرىعىن وقىدى. ورتالىق اسكەري ىستەر كوميتەتىنىڭ ورىنباسار ءتوراعاسى جاڭ يوۋشيا شەن ءوسىرۋ سالتىن باسقاردى.

  بۇل جولى شاڭجياڭ اسكەري شەنىنە وسىرىلگەن وفيتسەرلەر مىنالار: وڭتۇستىك بولىك سوعىس رايونىنىڭ سىليڭيۋانى ۋاڭ شيۋبين، باتىس بولىك سوعىس رايونىنىڭ سىليڭيۋانى شۇي چيليڭ، قۇرلىق ارمياسىنىڭ سىليڭيۋانى ليۋ جىنلي، ستراتەگيالىق كومەك قوسىننىڭ سىليڭيۋانى جۇي چيانشىڭ.

  شاڭجياڭ اسكەري شەنىنە وسىرىلگەن 4 وفيتسەر ايبىندى دا رەتتى اسكەري بەينەمەن، تاسقىنداعان رۋحپەن ءتوراعا مىنبەسىنىڭ الدىنا كەلدى. شي جينپيڭ ولارعا بۇيرىق كۋالىگىن تاراتىپ قۇتتىقتادى. شاڭجياڭ اسكەري شەنى بەلگىسىن تاققان 4 وفيتسەر شي جينپيڭگە قۇرمەت سالەمىن بەردى، سالتقا قاتىناسقان بارلىق جولداسقا قۇرمەت سالەمىن بەردى، زالدان قىزۋ قول شاپالاق ءۇنى كوتەرىلدى.

   شەن ءوسىرۋ سالتى اسقاق ارميا انىمەن اياقتالدى. وسىدان سوڭ شي جينپيڭ قاتارلى باسشى جولداستار شاڭجياڭ اسكەري شەنىنە وسىرىلگەن وفيتسەرلەرمەن بىرگە سۋرەتكە ءتۇستى.

  ورتالىق اسكەري ىستەر كوميتەتىنىڭ مۇشەلەرى ۋي فىڭحى، لي زوچىڭ، مياۋ حۋا، جاڭ شىڭمين، سونداي - اق اسكەري ىستەر كوميتەتى ورگانىنداعى ءارقايسى تاراۋلاردىڭ، بەيجيڭدە تۇراتىن ۇلكەن ورىنداردىڭ نەگىزگى باسشىلارى، ت.ب شەن ءوسىرۋ سالتىنا قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.