تيانشان تورى   ›   ۇيرەنۋ   ›   شولۋ

جاڭا ساپاردا، ءسوز جوق، جۇڭگو حالقىن ىنتىماقتاستىرىپ، باستاپ، تاماشا تۇرمىس ءۇشىن ۇزدىكسىز كۇرەس جۇرگىزۋ كەرەك

 − باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

□ حالىق گازەتىنىڭ شولۋشىسى

  ”بيلىك دەگەنىمىز حالىق، حالىق دەگەنىمىز بيلىك، بيلىككە قول جەتكىزۋدە، بيلىكتى قورعاۋدا حالىقتىڭ تىلەگى قورعالادى“. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا باس شۋجي شي جينپيڭ ”100 جىلدان بەرى ءبىزدىڭ قول جەتكىزگەن بارلىق تابىستارىمىز جۇڭگو كوممۋنيستەرىنىڭ، جۇڭگو حالقىنىڭ، جۇڭحۋا ۇلتىنىڭ ىنتىماقتاسا كۇرەس جۇرگىزۋىنىڭ ناتيجەسى“ دەپ اتاپ كورسەتىپ، ” تاريحتى اينا ەتىپ، بولاشاق اشۋدا، ءسوز جوق، جۇڭگو حالقىن ىنتىماقتاستىرىپ، باستاپ، تاماشا تۇرمىس ءۇشىن ۇزدىكسىز كۇرەس جۇرگىزۋ كەرەك“ دەپ باسا دارىپتەدى.

  حالىق ءۇشىن دۇنيەگە كەلىپ، حالىق ءۇشىن گۇلدەنىپ، باستان - اياق حالىقپەن بىرگە بولىپ، حالىقتىڭ مۇددەسى ءۇشىن كۇرەس جۇرگىزۋ − پارتيامىزدىڭ پارتيا قۇرۋداعى، پارتيانى گۇلدەندىرۋدەگى، پارتيانى قۇدىرەتتەندىرۋدەگى ءتۇبىرلى شىعار ءتۇيىنى جانە تابان تىرەر تياناعى. 100 جىلدىق كۇرەس بارىسىنا قايىرىلا كوز سالساق، پارتيامىزدىڭ حالىقتى ىنتىماقتاستىرىپ، باستاپ، توڭكەرىس، قۇرىلىس، رەفورما جۇرگىزۋىندەگى ءتۇبىرلى ماقساتى حالىقتى جاقسى تۇرمىسقا كەنەلتۋ، مەيلى قانشالىقتى ۇلكەن سىن - سايىس پەن قىسىمدارعا ءدوپ كەلسىن، مەيلى قانشالىقتى زور قۇرباندىق پەن بوداۋ بەرسىن، بۇل تۇيىننەن باستان - اياق اينىمادى، ەشقاشان بۇلجىمادى. 100 جىلدان بەرى پارتيامىزدىڭ قاراماققا جەڭۋگە بولمايتىنداي كورىنگەن تالاي - تالاي قيىندىقتاردى باعىندىرىپ، تاريحقا جازىلاتىن دۇنيە كەرەمەتتەرىن ارت - ارتىنان جاراتۋىنداعى ءتۇبىرلى سەبەپ، باستان - اياق اۋەلگى ماقساتتى، بورىشتى ساقتاپ، باستان - اياق حالىقپەن جۇرەكتەس بولىپ، حالىقپەن بەينەت - زەينەتتە بىرگە بولىپ، حالىقپەن بىرگە ىنتىماقتاسىپ كۇرەس جۇرگىزۋىندە جاتىر. پارتيامىزدىڭ تالاي ساتسىزدىكتى باستان كەشىرە وتىرىپ تىنباي قۇلشىنۋىنىڭ، تالاي جاپا - ماشاقاتتى تارتا ءجۇرىپ قۇرىشتاي سومدالۋىنىڭ سەبەبى، ءدال باستان - اياق حالىقتى ”قاينار“ جانە ”وزەك“ ەتىپ، حالىقتىڭ اراسىنا تەرەڭ تامىر تارتقاندىعىنان. تاريح مىنانى تولىق كورسەتتى: جۇڭگو كوممۋنيستىك پارتياسىنىڭ ءتۇبىرلى نەگىزى حالىقتا، قان تامىرى حالىقتا، كۇش - قۋاتى حالىقتا؛ حالىقتىڭ سەنىمىن الىپ، حالىقتىڭ قولداۋىنا يە بولسا، پارتيا ءارقانداي قيىنشىلىقتى جەڭە الادى، بارىندە جەڭىسكە جەتە الادى.

  باس شۋجي شي جينپيڭ بىلاي دەپ اتاپ كورسەتتى: ”جۇڭگو كوممۋنيستىك پارتياسى باستان - اياق ەڭ كەڭ حالىقتىڭ ءتۇبىرلى مۇددەسىنە ۋاكىلدىك ەتىپ، حالىقپەن بەينەت پەن زەينەتتە بىرگە بولىپ، ءولىم مەن ءومىر ارپالىسىن بىرگە وتكەردى، ءوزىنىڭ ەشقانداي ەرەكشە مۇددەسى جوق، ءارقانداي مۇددە توبىنىڭ، ءارقانداي ۇقىق توبىنىڭ، ءارقانداي ەرەكشە ۇقىقتى جىكتىڭ مۇددەسىنە ەشقاشان ۋاكىلدىك ەتكەن ەمەس“. كىم ءۇشىن، كىمگە سۇيەنەدى ماسەلەسى ءبىر ساياسي پارتيانىڭ، ءبىر اكىمياتتىڭ سيپاتىن سىنايتىن سىنتاس. پارتيامىزدىڭ ءوزىنىڭ ەشقانداي ەرەكشە مۇددەسى جوق، پارتيا ءارقانداي ۋاقىتتا بۇقارانىڭ مۇددەسىن ماڭداي الدى ورىنعا قويدى. بۇل پارتيامىزدىڭ ماركسيزمدىك ساياسي پارتيا رەتىندە، باسقا ساياسي پارتيالاردان پارىقتالاتىن كورنەكتى بەلگىسى. پارتيامىز حالىقتان كەلدى، حالىققا تامىر تارتقان، حالىققا قىزمەت وتەيدى، تۇبىرىنەن العاندا، پارتيانىڭ نازارياسى بارلىعىندا حالىق ءۇشىن ىستەۋ نازارياسى، پارتيانىڭ لۋشيانى بارلىعىندا حالىق ءۇشىن ىستەۋ لۋشيانى، پارتيانىڭ ىستەرى بارلىعىندا حالىق ءۇشىن ىستەۋ ىستەرى. ءبىر تانىمالى حالىقارالىق الەۋمەتتىك قارىم - قاتىناس سەرىكتەستىگىنىڭ 2020 - جىلى جاريالاعان سەنىمدىلىك دارەجەسى تەكسەرۋىندە كورسەتىلۋىنشە، جۇڭگو بۇقاراسىنىڭ ءوز ەلىنىڭ ۇكىمەتىنە سەنىمدىلىك دارەجەسى %95كە جەتىپ، تەكسەرۋ قابىلداعان مەملەكەتتەردىڭ ىشىندە ءبىرىنشى ورىندى يەلەگەن. بۇگىنگى تاڭدا، ءارقانداي ادام جۇڭگو كوممۋنيستىك پارتياسىنىڭ جۇڭگو حالقىنىڭ قولداۋى مەن جاقتاۋىنا يە بولعان رەالدىعىنا كوز جۇمباۋى كەرەك. جۇڭگو كوممۋنيستىك پارتياسىن جۇڭگو حالقىنان ءبولىپ تاستاماق، قاراما - قارسى قويماق بولعان ءارقانداي دامە مۇلدە ىسكە اسپايدى! 95 ميلليوننان استام جۇڭگو كوممۋنيستەرى قوسىلمايدى! ءبىر ميلليارد 400 ميلليوننان استام جۇڭگو حالقى دا قوسىلمايدى!

  باس شۋجي شي جينپيڭ بىلاي دەپ باسا دارىپتەدى: ”جاڭا ساپاردا ءبىز، ءسوز جوق، حالىققا تىعىز سۇيەنىپ تاريحتى جاراتۋىمىز، بۇكىل ىنتا - پەيىلمەن حالىق ءۇشىن قىزمەت ىستەۋ ءتۇبىرلى باس ماقساتىنا تاباندى بولىپ، حالىقتىق تۇرعىدا بەرىك تۇرىپ، پارتيانىڭ بۇقارالىق لۋشيانىن دايەكتىلەندىرىپ، حالىقتىڭ ءتول جاسامپازدىق رۋحىنا قۇرمەت ەتىپ، حالىقتى وزەك ەتكەن دامۋ يدەياسىن امالياتتا ايگىلەپ، جالپى بارىستىق حالىق دەموكراتياسىن دامىتىپ، قوعامدىق تەڭدىكتى، ادىلدىكتى قورعاپ، دامۋدىڭ بىركەلكى، تولىق بولماۋ ماسەلەسى مەن حالىق بۇقاراسىنىڭ شۇعىل، قيىن، الاڭداعان، ۋايىمداعان ماسەلەلەرىن كۇش سالا شەشىپ، ادامنىڭ جان - جاقتى دامۋىن، جالپى حالىقتىڭ بىرگە اۋقاتتانۋىن ىلگەرىلەتۋدە اناعۇرلىم كورنەكتى ماندىك ىلگەرىلەۋشىلىككە قول جەتكىزۋىمىز كەرەك!“. بۇقارا − اسپان، بۇقارا − جەر. ءبىز پارتيانىڭ بۇقارالىق لۋشيانىنا تاباندى بولىپ، باستان - اياق پارتيانىڭ حالىق بۇقاراسىمەن ەتەنە بايلانىسىن ساقتاپ، باستان - اياق حالىق بۇقاراسىنىڭ سىنى مەن باقىلاۋىن قابىلداپ، بۇقارانىڭ مۇڭ - مۇقتاجىن ۇنەمى ويلاپ، حالىقتى بايىتۋ شارالارىن ۇنەمى جاساپ، پارتيامىزدىڭ ماڭگى حالىقتىڭ سەنىمى مەن قولداۋىن الۋىنا مۇمكىندىك جاساۋىمىز، ىستەرىمىزدىڭ باستان - اياق سارقىلماس كۇش - قۋات قاينارىنا يە بولۋىنا مۇمكىندىك جاساۋىمىز كەرەك. بۇكىل پارتياداعى جولداستار بارلىعىندا حالىق ءۇشىن ىستەۋگە، بارلىعىندا حالىققا سۇيەنۋگە تاباندى بولۋى، حالىققا دەگەن سۇيىسپەنشىلىكتەن اينىماي، ماڭگى حالىقتان اجىراماي، بۇقارامەن باقىتتان بىرگە يگىلىكتەنىپ، قيىنشىلىقتى بىرگە ارقالاپ، اششى - تۇشتىنى بىرگە كورىپ، باستان - اياق حالىقتى كوڭىلدىڭ ەڭ جوعارى تورىنە قويىپ، حالىقتىڭ تاماشا تۇرمىسقا دەگەن تالپىنىسىن كۇرەس نىساناسى ەتىپ، رەفورمانىڭ، دامۋدىڭ جەتىستىكتەرىنەن جالپى حالىقتىڭ اناعۇرلىم كوپ، اناعۇرلىم ءادىل يگىلىكتەنۋىن ىلگەرىلەتىپ، ءجۇز ميلليونداعان حالىقتىڭ ىنتىماقتاسا ەكپىندەي ىلگەرىلەۋىنىڭ ايبىندى كۇش - قۋاتىن ۇيىستىرۋى كەرەك.

  ”قارىن تويعىزۋدان“ ”تازا كۇرىش“ جەي الۋعا دەيىن، ودان ”اق استىق جەگىسى كەلسە اق استىق جەۋ، جانە ۇنەمى ەت جەۋگە“ دەيىن، سولتۇستىك شانشيدىڭ سارى توپىراقتى ۇستىرتىندەگى بۇقارانىڭ باقىتتى تۇرمىس نىساناسىن ەسكە العان باس شۋجي شي جينپيڭ كەزىندە تەرەڭ سۇيىسپەنشىلىكپەن بىلاي دەگەن بولاتىن: ”وسى بۋىنداعى بىزدەردە بۇقارانى، اسىرەسە، شارۋالاردى دەمەيتىن جايىمىز بار. سوتسياليزم جولىندا بىرەۋىن دە قاعىس قالدىرۋىمىزعا بولمايدى، جاپپاي دوڭگەلەك داۋلەتكە ءبارىمىز بىرگە اتتانامىز!“. قازىر ءبىز جاپپاي دوڭگەلەك داۋلەتتى قوعامدى الدەقاشان ورناتىپ شىقتىق، كەلەسى قامدامدا جاپپاي سوتسياليستىك وسىزاماندانعان قۇدىرەتتى ەل قۇرۋ جولىندا كۇرەس جاسايمىز. جاڭا دا ۇلى ساپاردا باستان - اياق حالىقپەن بىرگە ويلاپ، بىرگە ىستەپ، بۇقارانىڭ تۇرمىسىنىڭ اناعۇرلىم باي، اناعۇرلىم باقىتتى بولۋىنا مۇمكىندىك جاساۋ − جۇڭگو كوممۋنيستەرىنىڭ سۇيىسپەنشىلىك دايەگى، ونان دا ماڭىزدىسى، بورىشىنىڭ دايەگى!

  (شينحۋا اگەنتتىگىنىڭ 7 - ايدىڭ 5 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.