تيانشان تورى   ›   جاڭالىقتار   ›   ماڭىزدى حابارلار

شي جينپيڭ جۇڭگو كوممۋنيستىك پارتياسى مەن دۇنيە ءجۇزى ساياسي پارتيالار باسشىلارى كەڭەسىنە قاتىناستى ءارى ارقاۋ ءسوز سويلەدى

ۋاڭ حۋنيڭ قاتىناستى

  7 - ايدىڭ 6 - كۇنى، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ بەيجيڭدە جۇڭگو كوممۋنيستىك پارتياسى مەن دۇنيە ءجۇزى ساياسي پارتيالار باسشىلارى كەڭەسىنە قاتىناستى ءارى ارقاۋ ءسوز سويلەدى. □ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

  7 - ايدىڭ 6 - كۇنى، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ بەيجيڭدە جۇڭگو كوممۋنيستىك پارتياسى مەن دۇنيە ءجۇزى ساياسي پارتيالار باسشىلارى كەڭەسىنە قاتىناستى ءارى ارقاۋ ءسوز سويلەدى. □ سۋرەتتى شينحۋا اگەنتتىگىنىڭ ءتىلشىسى لي شياڭ تۇسىرگەن

  شينحۋا اگەنتتىگىنىڭ 7 - ايدىڭ 6 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 7 - ايدىڭ 6 - كۇنى بەيجيڭدە بەينە ەكران بايلانىس ءتاسىلى ارقىلى جۇڭگو كوممۋنيستىك پارتياسى مەن دۇنيە ءجۇزى ساياسي پارتيالار باسشىلارى كەڭەسىنە قاتىناستى ءارى «ساياسي پارتيالار سەلبەستىگىن كۇشەيتىپ، حالىقتى بىرگە باقىتقا كەنەلتەيىك» دەگەن تاقىرىپتا ارقاۋ ءسوز سويلەپ، بىلاي دەپ باسا دارىپتەدى: ساياسي پارتيا ادامزاتتىڭ العا باسۋىن ىلگەرىلەتەتىن ماڭىزدى كۇش ساناتىندا دۇرىس العا باسۋ بەتالىسىنان جازباي، حالىقتى باقىتقا كەنەلدىرۋدى كوزدەۋ، ادامزاتتىڭ العا باسۋىن كوزدەۋ تاريحي جاۋاپكەرشىلىگىن ارقالاۋ كەرەك. جۇڭگو كوممۋنيستىك پارتياسى ءار ەلدىڭ ساياسي پارتيالارىمەن بىرگە قۇلشىنىپ، دۇنيە ءجۇزى بەيبىتشىلىگىنىڭ قۇرۋشىسى، الەمدىك دامۋدىڭ ۇلەس قوسۋشىسى، حالىقارالىق ءتارتىپتىڭ قورعاۋشىسى بولۋدان باستان - اياق جازباۋدى قالايدى.

  جۇڭگو كوممۋنيستىك پارتياسى مەن دۇنيە ءجۇزى ساياسي پارتيالار باسشىلارىنىڭ كەڭەسى ”حالىقتىڭ باقىتىن كوزدەۋ: ساياسي پارتيالاردىڭ جاۋاپكەرشىلىگىن“ نەگىزگى تاقىرىپ ەتتى. كەڭەستىڭ نەگىزگى ءماجىلىس ورنى حالىق سارايىنىڭ جينسى زالىنا ورنالاستىرىلدى. جينسى زالىندا جۇڭگو كوممۋنيستىك پارتياسىنىڭ پارتيا تۋى مەن كەڭەسكە قاتىناسقان شەتەل ساياسي پارتيالارىنىڭ پارتيا تۋلارى ءبىرىن - ءبىرى ايشىقتاپ، اسا ايبىندى پارتيا تۋلارى شەبىن قالىپتاستىردى. كەڭەس ورنىندا 5 ۇلكەن ەكران ورناتىلىپ، دۇنيە جۇزىندەگى ءارقايسى ەلدەر ساياسي پارتيالارى باسشىلارى ”بۇلت پورتالىندا“ بىرگە باس قوسقان، ۇلى جوسپاردى بىرگە اقىلداسقان، بولاشاقتى بىرگە تىلگە تيەك ەتكەن جاندى كورىنىسى تولىق ايگىلەندى.

  شي جينپيڭ الدىمەن ارقاۋ ءسوز سويلەدى. ول بىلاي دەپ اتاپ كورسەتتى: جۇڭگو كوممۋنيستىك پارتياسى قۇرىلعان 100 جىلدان بەرى جۇڭگو حالقىن ىنتىماقتاستىرىپ، باستاپ، ۇزدىكسىز كۇرەس جۇرگىزىپ، جۇڭحۋا ۇلتىنىڭ ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الۋىن ىلگەرىلەتتى. جۇڭگو كوممۋنيستىك پارتياسى جۇڭگو حالقى مەن دۇنيە جۇزىندەگى ءار ەل حالقىنىڭ تاعدىرلاستىعىنا تاباندى بولىپ، دۇنيە ءجۇزىنىڭ كەلەلى جاعدايى مەن ءداۋىر اعىنىندا جۇڭگونىڭ دامۋىنىڭ العا باسۋ بەتالىسىن يگەردى، ءار ەلدىڭ بىرگە دامۋىن، گۇلدەنۋىن جەبەدى.

  شي جينپيڭ بىلاي دەپ باسا دارىپتەدى: بۇگىنگى تاڭدا ادامزات قوعامى قايدا بەتتەۋدىڭ تاريح ساتىنە تاعى دا ءدوپ كەلدى، تالعام ءبىزدىڭ قولىمىزدا، جاۋاپكەرشىلىك ءبىزدىڭ موينىمىزدا. ورتاق سىن - سايىس الدىندا ادامزاتتا تەك قيىندىقتى بىلەك بىرىكتىرە جەڭۋ، جاراسىمدى قاتار ءومىر ءسۇرۋ سىندى ءبىر عانا شىعار جول بار. ساياسي پارتيا ادامزاتتىڭ العا باسۋىن ىلگەرىلەتەتىن ماڭىزدى كۇش ساناتىندا دۇرىس بەتالىستان جازباي، تاريحي جاۋاپكەرشىلىكتى ارقالاۋ كەرەك.

  ءبىرىنشى، ءبىز بەتالىسقا جەتەكشىلىك ەتۋ جاۋاپكەرشىلىگىن ارقالاپ، ادامزاتتىڭ ورتاق بولاشاعىن يگەرۋىمىز جانە سومداۋىمىز كەرەك. ۇلى ءداۋىر ۇلكەن ارنانى قاجەت ەتەدى، ۇلكەن ارنا كەڭ پەيىل بولۋعا ۇندەيدى. ءبىز حالىقتىڭ جۇرەك ءۇنىن دەن قويا تىڭداپ، ءداۋىر اۋقىمىنا ۇيلەسىپ، ءار ەلدىڭ سايكەسۋ مەن سەلبەسۋدى كۇشەيتۋىن ىلگەرىلەتىپ، ءوز ەلىمىز حالقىنىڭ مۇددەسىن دۇنيە جۇزىندەگى ءار ەل حالقىنىڭ مۇددەسىمەن بىرلىككە كەلتىرىپ، ادامزاتتىڭ تاعدىرلاس ورتاق تۇلعاسىن قۇرۋ بەتالىسىنا قاراي العا باسۋىمىز كەرەك.

  ەكىنشى، ءبىز ورتاق تانىم ۇيىستىرۋ جاۋاپكەرشىلىگىن ارقالاپ، بەيبىت، دامىعان، ءادىل، ادىلەتتى، دەموكراتيالى، ەركىن بولعان بۇكىل ادامزاتتىڭ ورتاق قۇنىن باتىل ساقتاۋىمىز جانە اسقاقتاتۋىمىز كەرەك. ءبىز ادامزاتتىڭ بولاشاعىنا، تاعدىرىنا ايرىقشا جاۋاپتى بولۋ پوزيتسياسىن نەگىزگە الىپ، تۇرلىشە وركەنيەتتەردىڭ قۇننىڭ ىشكى ءمانى جونىندەگى تانىمىن كەڭ دارقاندىقپەن ءتۇسىنىپ، تۇرلىشە ەل حالىقتارىنىڭ قۇندى جۇزەگە اسىرۋ جولى جونىندەگى ىزدەنىسىنە قۇرمەت ەتىپ، بۇكىل ادامزاتتىڭ ورتاق قۇنىن ءوز ەلىمىز حالقىنىڭ مۇددەسىن جۇزەگە اسىرۋ امالياتى بارىسىندا ناقتى، رەال تۇردە ايگىلەۋىمىز كەرەك.

  ءۇشىنشى، ءبىز دامۋدى جەبەۋ جاۋاپكەرشىلىگىن ارقالاپ، دامۋ جەتىستىكتەرىنەن ءار ەل حالقىن اناعۇرلىم كوپ، اناعۇرلىم ءادىل يگىلىكتەندىرۋىمىز كەرەك. ادامزاتتىڭ باقىتقا تالپىنۋ جولىندا ءبىر ەلدىڭ، ءبىر ۇلتتىڭ دا قاعىس قالۋىنا بولمايدى. دۇنيە جۇزىندەگى بارلىق ەل، بارلىق ۇلت تەڭ دامۋ ورايى مەن ۇقىعىنان يگىلىكتەنۋى ءتيىس. وزگە ەلدىڭ دامۋىنا كەدەرگى بولۋدى، وزگە ەل حالقىنىڭ تۇرمىسىنا زيان جەتكىزۋدى قىسىم ەتكەن ءارقانداي ساياسي ويىننىڭ ءبارى جۇرت قالاۋىنا جاقپايدى ءارى تۇبىندە قۇر دالباسالىقپەن تىنادى!

  ءتورتىنشى، ءبىز سەلبەستىكتى كۇشەيتۋ جاۋاپكەرشىلىگىن ارقالاپ، الەمدىك حاۋىپ - قاتەر مەن سىن - سايىستارعا قول ۇستاسا توتەپ بەرۋىمىز كەرەك. ءبىز عىلمي شارا قولدانۋعا تاباندى بولىپ، ىنتىماقتاسا سەلبەسۋدى دارىپتەپ، ىندەتتى ساياسيلاندىرۋعا قارسى تۇرىپ، ادامزاتتىڭ دەنساۋلىق ساقتاۋ - سالاماتتىق ورتاق تۇلعاسىن قۇرۋدى بىرگە ىلگەرىلەتۋىمىز؛ سەلبەسۋ ارقىلى حاۋىپسىزدىكتى كوزدەپ، ورنىقتىلىقتى كوزدەپ، حاۋىپسىزدىك ”شارباعىن“ بىرگە مىقتاپ توقۋىمىز؛ تابيعاتقا قۇرمەت ەتۋگە، تابيعاتقا سايكەسۋگە، تابيعاتتى قورعاۋعا تاباندى بولىپ، جاسىل مەكەندى بىرگە قۇرۋىمىز؛ باتىلدىقپەن جاۋاپكەرشىلىك ارقالاپ، ءبىر جاعادان باس، ءبىر جەڭنەن قول شىعارىپ، ادام مەن تابيعاتتىڭ جاراسىمدى قاتار ءومىر ءسۇرۋ جولىن بىرگە قاراستىرۋىمىز كەرەك.

  بەسىنشى، ءبىز جونگە سالۋدى كەمەلدەندىرۋ جاۋاپكەرشىلىگىن ارقالاپ، حالىقتى باقىتقا كەنەلتۋ قابىلەتىن ۇزدىكسىز كۇشەيتۋىمىز كەرەك. باقىتقا بەت الۋ جولى تىم ۇقساس بولماعانىمەن، ءار ەل حالقىنىڭ ءوزىنىڭ دامۋ جولى مەن ءتۇزىم ۇلگىسىن تاڭداۋ ۇقىعى بار، مۇنىڭ ءوزى حالىق باقىتىنىڭ بولۋعا ءتيىستى ءمانى. ءبىر ەلدىڭ دەموكراتيالى بولعان - بولماعانىن وسى ەلدىڭ حالقى باعالايدى، ونىڭ ۇستىنە از ساندى ادامداردىڭ ايتقانى ەسەپ ەمەس! ءبىز اۋىس - كۇيىستى، ءوزارا ۇلگى الۋدى كۇشەيتىپ، ءوز ەلىمىزدىڭ مەملەكەت جاعدايىنا ۇيلەسەتىن دەموكراتيالىق ساياسي قۇرىلىستى ىلگەرىلەتۋىمىز كەرەك.

  شي جينپيڭ بىلاي دەپ اتاپ كورسەتتى: جۇڭگونىڭ ءىسىن جاقسى ىستەپ، ءبىر ميلليارد 400 ميلليوننان استام جۇڭگو حالقىن اناعۇرلىم تاماشا تۇرمىسقا كەنەلتىپ، ادامزاتتىڭ بەيبىتشىلىك پەن دامۋ سىندى اسقاق ءىسىن جەبەۋ جۇڭگو كوممۋنيستىك پارتياسىنىڭ مۇراتىنان جازبايتىن كۇرەس نىساناسى. جۇڭگو كوممۋنيستىك پارتياسى حالىقتى وزەك ەتكەن دامۋ يدەياسىنا تاباندى بولىپ، كەڭ ۋاقىت - كەڭىستىك ەندىگىندە ۇلتتىڭ گۇلدەنۋى مەن ادامزاتتىڭ العا باسۋى سىندى تەرەڭ تاقىرىپقا وي جۇگىرتىپ، ءار ەلدىڭ ساياسي پارتيالارىمەن بىرگە قۇلشىنىپ، اناعۇرلىم كوركەم بولاشاق جاراتادى.

   − جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ، باستاپ، جۇڭگو ۇلگىسىندەگى وسىزاماندانۋدى ىشكەرىلەي ىلگەرىلەتىپ، ادامزاتتىڭ وسىزامانداندىرۋ جولى جونىندەگى ىزدەنىسىنە جاڭا ۇلەس قوسادى. جۇڭگو كوممۋنيستىك پارتياسى بارلىعىندا ءىس جۇزىندىكتى شىعار ءتۇيىن ەتۋگە تاباندى بولىپ، جۇڭگو حالقىن باستاپ جۇڭگوشا سوتسياليزم جولىن اشتى. ءبىز وسى نۇرلى داڭعىل جولمەن بۇلجىماي ءجۇرىپ ءارى ءوزىمىزدى دامىتامىز، ءارى دۇنيە جۇزىنە باقىت جاراتامىز.

   − جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ، باستاپ رەفورمانى جاپپاي تەرەڭدەتىپ جانە ەسىك اشۋدى كەڭەيتىپ، دۇنيە جۇزىندەگى ءار ەلدىڭ بىرگە دامۋىنا، گۇلدەنۋىنە جاڭا ۇلەس قوسادى. جۇڭگو كوممۋنيستىك پارتياسى ءار ەلدىڭ ساياسي پارتيالارىمەن بايلانىستى كۇشەيتىپ، ەكونوميكالىق جاھاندانۋدىڭ اناعۇرلىم اشىق، قامتىمدى، جالپىعا ءتيىمدى، تەپە - تەڭ، بىرگە يگىلىكتەنەتىن بەتالىسقا قاراي دامۋىنا بىرگە جەتەكشىلىك ەتۋدى قالايدى. ”ءبىر بەلدەۋ، ءبىر جولدى“ جوعارى ساپادا بىرگە قۇرۋ سەلبەستىگىن كۇشەيتىپ، الەمدىك ۇلاستىرۋدى، تۇتاستىرۋدى جەبەۋدى بىرگە ارتتىرىپ، اناعۇرلىم كوپ ەلدى، اناعۇرلىم كوپ بۇقارانى دامۋ جەتىستىگىنەن بىرگە يگىلىكتەندىرەدى.

   − جۇڭگو كوممۋنيستىك پارتياسى ءىرى ەل، ءىرى پارتيا جاۋاپكەرشىلىگىن وتەپ، ادامزاتتىڭ ىرىس - قۇتىن ارتتىرۋعا جاڭا ۇلەس قوسادى. كەدەيلىكتى جويۋ ءار ەل حالقىنىڭ ورتاق تىلەگى، ءار ەلدەگى ساياسي پارتيالاردىڭ قۇلشىنا جۇزەگە اسىراتىن ماڭىزدى نىساناسى. جۇڭگو كوممۋنيستىك پارتياسى ادامزاتتىڭ كەدەيلىكتى ازايتۋ اياق الىسى ءۇشىن اناعۇرلىم كوپ جۇڭگو جوباسى مەن جۇڭگو كۇشىن ارناۋدى قالايدى. جۇڭگو حالىقارالىق ىندەتكە قارسى اتتانۋ سەلبەستىگىن بار كۇشىمەن قولدايدى ءارى الەمدىك كليمات وزگەرىسىنە توتەپ بەرۋگە اناعۇرلىم زور ۇلەس قوسادى.

   − جۇڭگو كوممۋنيستىك پارتياسى الەمدىك جونگە سالۋدى كەمەلدەندىرۋدى بەلسەنە ىلگەرىلەتىپ، ادامزات قوعامىنىڭ ورتاق سىن - سايىسقا قول ۇستاسا توتەپ بەرۋىنە جاڭا ۇلەس قوسادى. حالىقارالىق ەرەجە دۇنيە جۇزىندەگى ءار ەل بىرگە مويىندايتىن ەرەجە بولۋ ءتيىس، ال مۇنى از ساندى ادامداردىڭ جاساۋىنا بولمايدى. ءبىز كوپ جاقتىلىق اتىمەن سىڭار جاقتىلىقتى جۇرگىزەتىن ءتۇرلى ارەكەتتەرگە بىرگە قارسى تۇرۋىمىز كەرەك. جۇڭگو ماڭگى وركەندەپ كەلە جاتقان ەلدەر ۇلكەن شاڭىراعىنىڭ ءبىر مۇشەسى، وركەندەپ كەلە جاتقان ەلدەردىڭ حالىقارالىق جونگە سالۋ جۇيەسىندەگى ۋاكىلدىك سيپاتىن جانە ءسوز سويلەۋ ۇقىعىن جوعارىلاتۋعا بۇلجىماي كۇش سالادى.

  شي جينپيڭ بىلاي دەپ باسا دارىپتەدى: جۇڭگو كوممۋنيستىك پارتياسى ءار ەلدىڭ ساياسي پارتيالارىمەن جانە ساياسي ۇيىمدارىمەن بىرگە تاريحتىڭ دۇرىس جاعىندا تۇرىپ، ادامزاتتىڭ العا باسۋ جاعىندا تۇرىپ، ادامزات تاعدىرلاس ورتاق تۇلعاسىن قۇرۋدى ىلگەرىلەتۋگە، اناعۇرلىم كورىكتى دۇنيە ءجۇزىن قۇرۋعا ۇزدىكسىز جاڭا دا اناعۇرلىم زور ۇلەس قوسۋدى قالايدى!

  وڭتۇستىك افريكا افريكالىقتار حالىقتىق كەڭەسىنىڭ ءتوراعاسى، زۇڭتۇڭ رامافوسا، قازاقستان ”نۇر وتان“ پارتياسىنىڭ ءتوراعاسى، تۇڭعىش زۇڭتۇڭ نازاربايەۆ، رەسەي ءبىر تۇتاس رەسەي پارتياسىنىڭ ءتوراعاسى، رەسەي فەدەراتسياسى حاۋىپسىزدىك كەڭەسىنىڭ ورىنباسار ءتوراعاسى مەدۆەدەۆ، ارگەنتينا ادىلەت پارتياسىنىڭ ءتوراعاسى، زۇڭتۇڭ فەرناندەز، ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭ، كۋبا كوممۋنيستىك پارتياسى ورتالىق كوميتەتىنىڭ ءبىرىنشى شۋجيى، مەملەكەت ءتوراعاسى دياز كانەل، فيليپپين دەموكراتيالىق حالىق كۇشى پارتياسىنىڭ ءتوراعاسى، زۇڭتۇڭ دۋتەرت، كامبودجا حالىق پارتياسىنىڭ ءتوراعاسى، باس ءۋازىرى حۇڭسىن، زيمبابۆە افريكا ۇلتتىق وداعى − وتانشىلدىق شەبىنىڭ ءتوراعاسى، قوسىمشا ءبىرىنشى شۋجيى، زۇڭتۇڭ منانگاگۋا، پالەستينا فاتاحتىڭ ءتوراعاسى، زۇڭتۇڭ ابباس، سەربيا العا پارتياسىنىڭ ءتوراعاسى، زۇڭتۇڭ ۆۋچيچ، پاكيستان ادىلەت قوزعالىسى پارتياسىنىڭ ءتوراعاسى، زۇڭلي يمران حان، موزامبيك ازاتتىق شەبى پارتياسىنىڭ ءتوراعاسى، زۇڭتۇڭ نۋسي، ناميبيا حالىقتىق ۇيىم پارتياسىنىڭ ءتوراعاسى، زۇڭتۇڭ گەينگوب، كونگو ەڭبەك پارتياسىنىڭ ءتوراعاسى، كونگونىڭ (براززاۆيل) زۇڭتۇڭى ساسوۋ، شريلانكا حالىق شەبى پارتياسىنىڭ كوسەمى، زۇڭليى ماميندا راجاپاكاسا، بوليۆيا سوتسياليزمگە قول جەتكىزۋ قوزعالىسىنىڭ ءتوراعاسى، بۇرىنعى زۇڭتۇڭ مورالەس، ماروككو ادىلەت جانە دامۋ پارتياسىنىڭ باس شۋجيى، باس ءۋازىر وسماني، وڭتۇستىك سۋدان سۋدان حالىق ازاتتىق قوزعالىسىنىڭ ءتوراعاسى، زۇڭتۇڭ كير، سوتسياليستەر پارتياسى حالىقارالىق ءتوراعاسى پاپاندرەو، يسپانيا كوممۋنيستىك پارتياسىنىڭ ءتوراعاسى سەنتەللا قاتارلىلار كەڭەستە ءسوز سويلەپ، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قىزۋ قۇتتىقتادى، جۇڭگو كوممۋنيستىك پارتياسىنىڭ 100 جىلدىق عالامات بارىسىن جوعارى باعالادى، جۇڭگو كوممۋنيستىك پارتياسى 18 - قۇرىلتايىنان بەرى باس شۋجي شي جينپيڭدى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ باسشىلىعىندا جۇڭگونىڭ ءار سالادا قول جەتكىزگەن تاريحي سيپاتتى دامۋ تابىستارىن جانە ادامزاتتىڭ العا باسۋ ىستەرىنە قوسقان ماڭىزدى ۇلەسىن ىستىق ىنتامەن القادى، باس شۋجي شي جينپيڭنىڭ ارقاۋ سوزىندە العا قويعان ساياساتتىق دارىپتەمەلەرىن بەلسەنە جاقتادى، ساياسي پارتيالار حالىقتى باقىتقا كەنەلتۋ جاۋاپكەرشىلىگىن ارقالاۋعا ءتيىستى ەكەندىكتەرىن، جۇڭگو كوممۋنيستىك پارتياسىمەن بىرگە اناعۇرلىم كورىكتى دە باقىتتى دۇنيە ءجۇزىن بىرگە قۇرۋدى قالايتىندىقتارىن ءبىلدىرىستى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى ۋاڭ حۋنيڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى ديڭ شۋەشياڭ، ياڭ جيەچى، ياڭ شياۋدۋ، چىن شي، حۋاڭ كۇنميڭ، ساي چي كەڭەسكە قاتىناستى.

  160 نەشە ەلدەن كەلگەن 500 نەشە ساياسي پارتيا مەن ساياسي ۇيىمداردىڭ باسشىلارى، ساياسي پارتيالار مەن ءار سالادان 10 مىڭنان استام ۋاكىل ماجىلىسكە قاتىناستى. 100 نەشە مەملەكەتتىڭ ساياسي پارتيالارى ءوز ەلدەرىندە 200گە تاياۋ توپتىق ءماجىلىس ورنىن ورنالاستىرىپ، ءوز پارتياسىنداعى ۋاكىلدەردى وسى رەتكى كەڭەسكە توپتىق قاتىناسۋعا ۇيىمداستىردى. شاڭحاي، شانشي يان - ان، گۋاڭدۇڭ شىنجىن، فۋجيان نيڭدى، جىجياڭ انجي سياقتى جەرلەردە ەل ىشىندەگى بولىمشە ءماجىلىس ورنى ورنالاستىرىلدى، جەرگىلىكتى ورىندارداعى ءىشىنارا پارتيالى كادرلار كەڭەستىڭ سالتاناتتى جاعدايىن ءبىر ۋاقىتتا كوردى. كەڭەس ورتاق دارىپتەمە جاريالاپ، كەڭەسكە قاتىناسقان ساياسي پارتيالارمەن دۇنيە ءجۇزىنىڭ بەيبىتىشىلىگىن، دامۋىن قورعاپ، حالىقتىڭ ىرىس - قۇتىن ارتتىرۋ ورتاق تىلەگىن ءبىلدىردى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.