—— باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
”ماركسيزم − ءبىزدىڭ پارتيا بولىپ تۇرۋىمىزداعى، ەل بولىپ تۇرۋىمىزداعى ءتۇبىرلى جەتەكشى يدەيا، پارتيامىزدىڭ جانى جانە تۋى“. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا باس شۋجي شي جينپيڭ: ”جۇڭگو كوممۋنيستىك پارتياسى ماركسيزمنىڭ نەگىزگى قاعيداسىنا تاباندى بولىپ، شىندىقتى ءىس جۇزىنەن ىزدەۋگە تاباندى بولىپ، جۇڭگونىڭ ءىس جۇزىندىگىن نەگىزگە الا وتىرىپ، ءداۋىردىڭ اۋقىمىن انىق باعامداپ، تاريحي ىرىقتىلىقتى يگەرىپ، جاپالى ىزدەنىستەر جاساپ، ماركسيزمنىڭ جۇڭگوشالانۋىن، زامانالانۋىن ۇزدىكسىز ىلگەرىلەتىپ، جۇڭگو حالقىنىڭ ۇلى قوعامدىق توڭكەرىستى ۇزدىكسىز ىلگەرىلەتۋىنە جەتەكشىلىك ەتتى“ دەپ اتاپ كورسەتتى. ”تاريحتى اينا ەتىپ، بولاشاق اشۋدا، ءسوز جوق، ماركسيزمنىڭ جۇڭگوشالانۋىن ۇزدىكسىز ىلگەرىلەتۋ كەرەك“ دەپ باسا دارىپتەدى.
ءبىر ۇلت ءداۋىردىڭ الدىڭعى لەگىندە ءجۇرۋى ءۇشىن، ءبىر ءسات تە نازاريالىق تولعانىستان قول ۇزۋىنە بولمايدى، ءبىر ءسات تە يدەيالىق جەتەكشىلىكتەن قول ۇزۋىنە بولمايدى. تاياۋ زامانداعى جۇڭگونىڭ ەڭ قاتەرلى شاعىندا، جۇڭگو كوممۋنيستەرى ماركسيزم - لەنينيزمدى تاپتى، سونداي - اق ماركسيزم - لەنينيزمدى جۇڭگونىڭ ءىس جۇزىندىگىمەن ۇشتاستىرۋعا تاباندى بولىپ، ماركسيزمنىڭ اقيقات كۇشىمەن جۇڭحۋا ۇلتىنىڭ نەشە مىڭداعان جىل بويى جاراتقان ۇلى وركەنيەتىن جانداندىرىپ، جۇڭحۋا وركەنيەتىنىڭ قۇدىرەتتى رۋحاني كۇش - قۋاتىن تاعى ءبىر رەت تاسقىنداتتى. 100 جىلدىق كۇرەس بارىسىنا قايىرىلا قاراعانىمىزدا، ماركسيزم ءبىزدىڭ پارتيامىزدى عىلمي دۇنيە كوزقاراسىنا جانە ادىستەمەسىنە يە ەتىپ، دۇنيەنى تانۋداعى، دۇنيەنى وزگەرتۋدەگى قۇدىرەتتى يدەيالىق قارۋعا يە ەتىپ، جۇڭگو سىندى شىعىستاعى بايىرعى ءىرى ەلدىڭ ادامزات تاريحىندا بۇرىن بولماعان دامۋ كەرەمەتىن جاراتۋىنا مۇمكىندىك تۋدىردى. اماليات ماركسيزمنىڭ تاعدىرى الدەقاشان جۇڭگو كوممۋنيستىك پارتياسىنىڭ تاعدىرىمەن، جۇڭگو حالقىنىڭ تاعدىرىمەن، جۇڭحۋا ۇلتىنىڭ تاعدىرىمەن تىعىز بايلانىسقاندىعىن، ونىڭ عىلميلىعى مەن اقيقاتتىعى جۇڭگودا تولىق سىننان وتكەندىگىن، ونىڭ حالىقتىق سيپاتى مەن امالياتتىق سيپاتى جۇڭگودا تولىق دايەكتىلەنگەندىگىن، ونىڭ اشىقتىق سيپاتى مەن داۋىرلىك سيپاتىنىڭ جۇڭگودا تولىق ايگىلەنگەندىگىن تولىق دالەلدەدى!
ماركسيزم جۇڭگونى تەرەڭ وزگەرتتى، جۇڭگو دا ماركسيزمدى بارىنشا بايىتتى. پارتيامىزدىڭ تاريحى −ماركسيزمنىڭ جۇڭگوشالانۋىن ۇزدىكسىز ىلگەرىلەتۋ تاريحى، نازاريادا جاڭالىق اشۋدى، نازاريالىق جاسامپازدىق جۇرگىزۋدى ۇزدىكسىز ىلگەرىلەتۋ تاريحى. 100 جىلدان بەرى، پارتيامىز يدەيانى ازات ەتۋ مەن شىندىقتى ءىس جۇزىنەن ىزدەۋدىڭ بىرلىگىنە، قاينارىن جەتىلدىرىپ، نەگىزىن بەكەمدەۋ مەن تۋراشىلدىقتى ساقتاپ، جاڭالىق اشۋدىڭ بىرلىگىنە تاباندى بولىپ، ماركسيزمنىڭ جاڭا ءورىسىن ۇزدىكسىز اشىپ، ماۋ زىدۇڭ يدەياسىن، دىڭ شياۋپيڭ نازارياسىن ورناتىپ، ”ۇشكە ۋاكىلدىك ەتۋ“ ماڭىزدى يدەياسىن، عىلمي دامۋ كوزقاراسىن قالىپتاستىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ورناتىپ، پارتيا مەن حالىق ىستەرىنىڭ دامۋىنا عىلمي نازاريا جەتەكشىلىگىن ازىرلەدى. 100 جىلدان بەرى، جۇڭحۋا ۇلتى شىعىس ازيا دىمكاسىنان ەڭسە كوتەرۋگە دەيىنگى ۇلى شارىقتاۋدى جۇزەگە اسىرىپ، ەڭسە كوتەرۋدەن بايۋعا دەيىنگى ۇلى شارىقتاۋدى جۇزەگە اسىرىپ، بايۋدان قۇدىرەتتەنۋگە دەيىنگى ۇلى شارىقتاۋدى قارسى الىپ، قۇرىشتاي شىندىق ارقىلى تەك سوتسياليزم عانا جۇڭگونى قۇتقارا الاتىندىعىن، تەك سوتسياليزم عانا جۇڭگونى دامىتا الاتىندىعىن، تەك جۇڭگوشا سوتسياليزمگە تاباندى بولعاندا جانە ونى دامىتقاندا عانا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا بولاتىندىعىن دالەلدەدى. باس شۋجي شي جينپيڭ بىلاي دەپ تەرەڭ اتاپ كورسەتتى: ”جۇڭگو كوممۋنيستىك پارتياسىنىڭ نەلىكتەن ىسكەر بولۋى، جۇڭگوشا سوتسياليزمنىڭ نە ءۇشىن جاقسى بولۋى، سايىپ كەلگەندە، ماركسيزمنىڭ جارامدى بولۋىندا!“. بۇگىنگى تاڭدا ماركسيزم 21 - عاسىرداعى جۇڭگودا تاسقىنداعان ارىندى ومىرشەڭدىك كۇش قاۋلاتتى، 21 - عاسىرداعى جۇڭگونىڭ ماركسيزمى اناعۇرلىم قۇدىرەتتى، اناعۇرلىم يلاندىرىمدى اقيقات كۇشىن كورسەتۋدە. اماليات تاريح پەن حالىقتىڭ ماركسيزمدى تاڭداۋىنىڭ بۇكىلدەي دۇرىس ەكەندىگىن، جۇڭگو كوممۋنيستىك پارتياسىنىڭ ماركسيزمدى ءوزىنىڭ تۋىنا جازۋىنىڭ بۇكىلدەي دۇرىس ەكەندىگىن، ماركسيزمنىڭ نەگىزگى قاعيداسىن جۇڭگونىڭ ناقتى امالياتىمەن ۇشتاستىرۋعا تاباندى بولىپ، ماركسيزمنىڭ جۇڭگوشالانۋىن، زامانالانۋىن ۇزدىكسىز ىلگەرىلەتۋىنىڭ بۇكىلدەي دۇرىس ەكەندىگىن تولىق دالەلدەدى!
باس شۋجي شي جينپيڭ بىلاي دەپ باسا دارىپتەدى: ”جاڭا ساپاردا ءبىز، ءسوز جوق، ماركسيزم - لەنينيزمگە، ماۋ زىدۇڭ يدەياسىنا، دىڭ شياۋپيڭ نازارياسىنا، ’ۇشكە ۋاكىلدىك ەتۋ‘ ماڭىزدى يدەياسىنا، عىلمي دامۋ كوزقاراسىنا تاباندى بولىپ، جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن ۇشتاستىرۋعا، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋعا تاباندى بولىپ، ماركسيزممەن ءداۋىردى بارلاپ، ءداۋىردى يگەرىپ، داۋىرگە جەتەكشىلىك ەتىپ، زامانىمىزداعى جۇڭگو ماركسيزمىن، 21 - عاسىر ماركسيزمىن ۇزدىكسىز دامىتۋىمىز كەرەك!“. ماركسيزم جۇڭگونىڭ جاپپاي سوتسياليستىك وسىزاماندانعان قۇدىرەتتى مەملەكەت قۇرۋدىڭ داڭعىل جولىمەن ءساتتى جۇرۋىنە جەتەكشىلىك ەتتى، جۇڭگو كوممۋنيستەرى ماركسيزمنىڭ ادال سەنۋشىلەرى، باتىل اتقارۋشىلارى رەتىندە، ماركسيزمگە تاباندى بولۋ جانە ونى دامىتۋ جولىندا قايسارلىقپەن قۇلشىنىس جاساۋدا. پارتيانىڭ 100 جىلدىق كۇرەس تاريحىنان اقيقات كۇشىن ۇعىنىپ، كوممۋنيستىك پارتيانىڭ بيلىك جۇرگىزۋ زاڭدىلىعى، سوتسياليستىك قۇرىلىس زاڭدىلىعى، ادامزات قوعامىنىڭ دامۋ زاڭدىلىعى جونىندەگى تانىمدى ۇزدىكسىز تەرەڭدەتىپ، جۇڭگوشالانعان ماركسيزمنىڭ تامىرلاس جالعاسۋمەن بىرگە، داۋىرمەن بىرگە العا ىلگەرىلەيتىن نازاريالىق قاسيەتى جونىندەگى تانىمدى تەرەڭدەتىپ، عىلىمعا عىلمي پوزيتسيامەن مامىلە جاساپ، اقيقات رۋحىمەن اقيقاتقا تالپىنىپ، ماركسيزمگە ۇزدىكسىز جاڭا داۋىرلىك ءمان ۇستەپ، ماركسيزم اقيقاتىنىڭ نۇر شۇعىلاسىمەن العا ىلگەرىلەۋ جولىمىزعا ساۋلە شاشساق، ءبىز، ءسوز جوق، ماركسيزمنىڭ جۇڭگوشالانۋىنىڭ جاڭا تاراۋلارىن جالعاستىرىپ جازا الاتىن بولامىز!
قازىر دۇنيە ءجۇزى 100 جىلدا بولماعان زور وزگەرىستى باستان كەشىرۋدە، ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى مەزگىلىندە تۇر، پارتيامىز حالىقتى ىنتىماقتاستىرىپ، باستاپ، كوپتەگەن جاڭا تاريحي ەرەكشەلىكتەرگە يە ۇلى كۇرەستەر جۇرگىزۋدە. جاپا - ماشاقاتتى دا نۇر شۇعىلالى وتكەن كۇندەردى باسىپ وتتىك، كۇن سايىن جاڭارىپ، اي سايىن تۇلەجىگەن قازىرگى كەزدى باستان كەشىرۋدەمىز، جارقىن دا ۇلى كەلەشەكتى بەتكە الۋدامىز، پارتيانىڭ جاسامپاز نازارياسىمەن بۇكىل پارتيانى قارۋلاندىرۋعا تاباندى بولىپ، نازاريادا جاڭالىق اشۋدى، امالياتتا جاڭالىق اشۋدى، تۇزىمدە جاڭالىق اشۋدى، مادەنيەتتە جاڭالىق اشۋدى، سونداي - اق باسقا ءار جاقتاعى جاڭالىق اشۋدى ۇزدىكسىز ىلگەرىلەتىپ، پارتيانىڭ بارلىق قىزمەتىندە ءداۋىر سيپاتىن اناعۇرلىم جاقسى ايگىلەپ، زاڭدىلىق سيپاتىن يگەرىپ، جاسامپازدىق سيپاتىن بايىتساق بولعانى، پارتيامىز، ءسوز جوق، حالىقتى ىنتىماقتاستىرىپ، باستاپ، العا باسۋ جولىنداعى بارلىق جاپا - ماشاقاتتى، قيىنشىلىقتى، حاۋىپ - قاتەردى، كەدەرگىنى جەڭىپ، جاڭا ساپاردا تىڭ دا اناعۇرلىم زور كەرەمەتتەر جاراتاتىن بولادى.
(شينحۋا اگەنتتىگىنىڭ 7 - ايدىڭ 6 - كۇنى بەيجيڭنەن بەرگەن حابارى)
