بۇراتالا وبلىسى:
ۇگىت لەكسياعا جاڭا مازمۇن ۇستەپ، پارتيا تاريحىن جۇرت جۇرەگىنە ۇيالاتتى
انار بۇلت / شينجياڭ گازەتىنىڭ تىلشىلەرى
پارتيا تاريحىن ۇيرەنۋ تاربيەسى ورىستەتىلگەننەن بەرى، بۇراتالا موڭعۇل اۆتونوميالى وبلىسى فورمادا ۇزدىكسىز جاڭالىق اشىپ، حالىق ونەرپازدارىنىڭ ”ادەبيەت - كوركەمونەر + ۇگىت لەكسيا“ ءتاسىلى ارقىلى پارتيا تاريحى ۇگىتىن جاندى، وبرازدى ايگىلەۋىنە مۇمكىندىك جاراتىپ، پارتيا تاريحىن ۇيرەنۋ تاربيەسىنىڭ تەرەڭدەۋىن، ناقتىلانۋىن ۇزدىكسىز ىلگەرىلەتتى.
بيىل 6 - ايدان بەرى بۇراتالا قالاسى چىندەل قالاشىعىنداعى انار گۇلى ۇگىت اترەتى «پارتيا قۇرىلعاندىعىنىڭ 100 جىلدىعى» تاقپاقتارىن وزدەرى دايىنداپ، بۇراتالا قالاسىنىڭ جەر - جەرىندە ارالاپ ونەر كورسەتىپ، ءار ۇلت بۇقاراسىنىڭ جاقسى باعاسىنا يە بولدى.
انار گۇلى ۇگىت اترەتىنىڭ تاقپاق جازۋشىسى نيۋ جۇنفاڭ بىلاي دەدى: ”ءبىر حالىق ونەرپازى رەتىندە، بۇقارا بارىنشا ۇناتا قابىلدايتىن فورمامەن پارتيانىڭ شۇعىلالى تاريحىن ۇگىتتەپ، بۇقارانى شابىتتاندىرۋىم جانە ىنتالاندىرۋىم ءتيىس“.
پارتيا تاريحىن ۇيرەنۋ تاربيەسىن جۇرت جۇرەگىنە تەرەڭ ۇيالاتۋدى ىلگەرىلەتۋ ءۇشىن، بۇراتالا قالاسى حالىق ونەرپازدارىن ادەبيەت - كوركەمونەر نومىرلەرى شىعارماشىلىعىن ورىستەتۋگە بەلسەندىلىكپەن ۇيىمداستىرىپ، پارتيانىڭ شۇعىلالى تاريحى مەن بۇقارانىڭ پارتياعا دەگەن تەرەڭ سۇيىسپەنشىلىگىن ءان، ءبي، تاقپاق شىعارماشىلىعىنا ءسىڭىردى. سارىندى ءان اۋەنى قالىقتاپ، مۋزيكا ءۇنى مامىرلادى... پارتيا تاريحىن ۇيرەنۋ تاربيەسىنىڭ مازمۇنىن بايىتا ءتۇسۋ ءۇشىن، جىڭ اۋداندىق مادەنيەت سارايى ارتىقشىلىقتارىن تولىق ساۋلەلەندىرىپ، حالىق ونەرپازدارىن ۇيىمداستىرىپ موڭعۇل ۇلتىنىڭ سارىندى حالىق اندەرى، ءمورۇحۇر سياقتى بەيزاتتىق مادەنيەت مۇرالارىنان شەبەرلىكپەن پايدالانىپ، ءتۇرلى مادەنيەت قيمىلدارىن ورىستەتىپ، پارتيا تاريحىن ۇيرەنۋ تاربيەسىن كورىنىس اۋماقتارىنا، قىستاقتارعا، اترەتتەرگە جەتكىزدى. وسى اۋداننىڭ ءان - ءبي ۇيىرمەسى مادەنيەت شاعىن اترەتىنىڭ ”ماڭگى پارتياعا ىلەسۋ“ ادەبيەت - كوركەمونەر ارالاپ كونسەرت قويۋ قيمىلىن ورىستەتتى، قازىرگە دەيىن ادەبيەت - كوركەمونەر كونسەرتىن 43 مايدان - رەت ارالاپ قويدى.
7 - ايدىڭ 5 - كۇنى اراسان اۋدانى كۇندىلىن مال شارۋاشىلىق فەرماسى چىچىرعانبۇع جايلىمىندا مۋزيكا ءۇنى شىعاندادى، ۇلانمۇچىرداعى ارتيستەر مالشىلارعا «ماداق ءانىن كوممۋنيستىك پارتياعا سيلايمىز» ءان - ءبي كونسەرتىن ورىنداپ، ءان اۋەندەرىمەن ءاربىر مالشى جۇرەگىن تەبىرەنتتى، دۋ قول شاپالاق ءۇنى تولاستامادى.
”كوممۋنيستىك پارتيانىڭ ارقاسىندا ءبىز تاماشا تۇرمىس كەشىردىك، ءبىز پارتيانىڭ قامقورلىعىن ماڭگى ەستە ساقتايمىز“، - دەدى مالشى مۇقامەت دۋبەك كونسەرتتى كورگەننەن كەيىن تەبىرەنە.
پارتيا تاريحىن ۇيرەنۋ تاربيەسى بارىسىندا اراسان اۋدانى ۇلانمۇچىر ءان - ءبي ۇيىرمەسى ”قىزىل ادەبيەت - كوركەمونەر ساڭلاعىندىق“ رولدارىن تولىق ساۋلەلەندىرىپ، مال شارۋاشىلىق وڭىرلەرىنە، جايلىم، قىستاقتارعا، اترەتتەرگە ىشكەرىلەي بارىپ، ادەبيەت - كوركەمونەر جانرلارى ارقىلى پارتيا تاريحىن ۇگىتتەپ، پارتيانىڭ قامقورلىعىنا ماداق ايتىپ، بۇقاراعا جاناسىمدى، كەڭىنەن تارالاتىن ءبىر توپ ادەبيەت - كوركەمونەر تۋىندىلارىن جاراتتى.
”ءبىز نەگىزگى تاقىرىبى ايقىن، مازمۇنى باي ۇگىت لەكسيا قيمىلدارىن شارۋالاردىڭ ۇيلەرىنە دەيىن جەتكىزىپ، نەگىزگى ساتىداعى بۇقارانىڭ رۋحاني مادەنيەت تۇرمىسىن بايىتۋمەن بىرگە، پارتيانىڭ حيكاياسى مەن ءۇنىن نەگىزگى ساتىعا تەرەڭدەي بويلاتىپ، بۇقاراعا تاراتىپ، جۇرت كوڭىلىنە ۇيالاتتىق“، - دەدى اراسان اۋدانى ۇلانمۇچىر ءان - ءبي ۇيىرمەسىنىڭ جاۋاپتىسى سىچين.
قازىرگە دەيىن اراسان اۋدانى ۇلانمۇچىر ءان - ءبي ۇيىرمەسى نەگىزگى ساتىعا ىشكەرىلەي بارىپ، 60 نەشە مايدان - رەت پارتيا تاريحىن ۇيرەنۋ تاربيەسى ۇگىتىن ورىستەتتى، كورەرمەندەر سانى 7000 ادام - رەتتەن استى.
(بۇراتالا وبلىسى تىلشىلەر پۋنكتىنەن ۋاڭ لىلى، جاڭ شين - يان، ەرىكتى ءتىلشى شيا. سارىنگاۋا)
