تيانشان تورى
تيانشان تورى   ›   جاڭالىقتار   ›   شينجياڭ حابارلارى

الدىڭعى جارتى جىلدا قورعاستان قاتىناعان جۇڭگو - ەۆروپا كەزەكشى پويەزىنىڭ سانى مەملەكەت بويىنشا ءبىرىنشى ورىنعا شىقتى

  انار بۇلت / شينجياڭ گازەتىنىڭ ءتىلشىسى چىن چياڭۋي 7 - ايدىڭ 7 - كۇنى ۇرىمجىدەن حابارلايدى. ءتىلشىنىڭ ءۇرىمجى كەدەنىنەن ۇعىسۋىنا قاراعاندا، الدىڭعى جارتى جىلدا قورعاس شەكارا وتكەلىنەن كىرىپ - شىققان جۇڭگو - ەۆروپا كەزەكشى پويەزى 3057، زات تاسىمال مولشەرى 4 ميلليون 287 مىڭ توننا بولىپ، سايكەس مەزگىلدەگىدەن جەكە - جەكە %52.5، %66.8 ارتىپ، تۇتاس مەملەكەت بويىنشا تەمىر جول شەكارا وتكەلىنەن قاتىناعان كەزەكشى پويەز سانى ەڭ كوپ وتكەلگە اينالدى.

  بيىل 6 - ايدا قورعاس تەمىر جول شەكارا وتكەلىنەن ءبىر ايدا شەكارادان كىرىپ - شىققان جۇڭگو - ەۆروپا كەزەكشى پويەزى 563 بولدى، مۇنىڭ ىشىندە شەكاراعا كىرگەن پويەز 150 بولدى، وسى 2 ساندى مالىمەت تۇگەلدەي تاريحتاعى ەڭ جاڭا دەڭگەيگە جەتتى، شەكارادان كىرگەن جۇڭگو - ەۆروپا كەزەكشى پويەزىنىڭ سانى ءبىر ايدا سايكەس مەزگىلدەگىدەن %158.62 ارتتى.

  بيىل جىل باسىنان بەرى جۇڭگونىڭ ”ءبىر بەلدەۋ، ءبىر جول“ جەلى بويىنداعى مەملەكەتتەرمەن بولعان ساۋدا بارىس - كەلىسى ۇزدىكسىز جيىلەپ، جۇڭگو - ەۆروپا كەزەكشى پويەزى جەلى بويىنداعى مەملەكەتتەرمەن ۇلاسۋ، تۇتاسۋ، ساۋدا سەلبەستىگىن تەرەڭدەتۋ جانە كاسىپ سالاسىنىڭ بىرلەسىپ ارەكەتتەنۋ جاقتارىنداعى رولى كۇن سايىن كورنەكتىلەنىپ، كەزەكشى پويەز سانىن تەز قارقىنمەن ارتۋعا باستادى. قورعاس كەدەنىنىڭ ساناعىنا قاراعاندا، بيىل جىل باسىنان بەرى قورعاس تەمىر جول شەكارا وتكەلىنەن جاڭادان ۋ - يشان - الماتى، قورعاس - ماسكەۋ، تۇرپان - رەسەي سياقتى 7 جۇڭگو - ەۆروپا كەزەكشى پويەزى لەنياسىن اشىپ، شەكارا وتكەلىنەن قاتىنايتىن كەزەكشى پويەز لەنياسى 28گە جەتتى. شەكارادان كىرىپ - شىققان كەزەكشى پويەز سانى بىلتىرعىدان 79 كۇن بۇرىن 3000 رەتتەن استى.

  كەزەكتە قورعاس شەكارا وتكەلىنەن شىققان كەزەكشى پويەز، نەگىزىنەن، ماشينا جابدىقتارىن، كۇندەلىكتى بۇيىم، ەلەكتروندى ونىمدەر، توقىما بۇيىمدارى سياقتى 15 ءتۇرلى زاتتى تيەيدى، شەكارادان كىرەتىن زاتتار، نەگىزىنەن، اۆتوكولىك بولشەكتەرى، ءۇي ەلەكتر جابدىقتارى، توقىما شيكىزاتى، ازىق - تۇلىك، ت. ب. يمپورت - ەكسپورت ەتىلگەن زاتتار جاڭا اۋقىم بايقاتتى، ەكسپورت جاعىندا اۆتوكولىككە پايدالاناتىن بولشەك، ەلەكتروندى بولشەك سياقتى ۇستەمە قۇنى جوعارى ونىمدەر كوبەيىپ، قايتقان كەزەكشى پويەزدىڭ پايدالانۋ سالىستىرماسى جوعارىلادى.

  قورعاس كەدەن باقىلاۋ - باسقارۋ 3 - ءبولىمىنىڭ باستىعى ۋي چۇنگۋاڭ مىنالاردى ءبىلدىردى: كەزەكشى پويەزدىڭ شەكارادان ءوتۋ ۋاقىتىن ونان ءارى قىسقارتۋدان تىس، كەدەن تاعى كاسىپ تۇرلەرىنىڭ كوپ نەگىزدە دامۋىنا قولداۋ كورسەتىپ، ءداستۇرلى كاسىپ سالاسىنىڭ ىركىلىسسىز اينالىمعا ءتۇسۋىن قامتاماسىز ەتۋ نەگىزىندە، شەكارا اتتاعان ەلەكتروندى ساۋدا، پوچتا جولدامالارىن جونەلتۋ كاسىبى بويىنشا جۇڭگو - ەۆروپا كەزەكشى پويەزىمەن تاسۋعا دەم بەرىپ، كەزەكشى پويەزدىڭ جوعارى ءونىمدى، شوعىرلى قاتىناۋىن جەبەدى.

  كەزەكتە قورعاس تەمىر جول شەكارا وتكەلى تۇتاس كەزەكشى پويەزدى جونەلتۋ ۋاقىتى بىلتىرعى 3.5 ساعاتتان قازىرگى ءبىر ساعاتقا قىسقارتىلدى. قازىر شەكارا وتكەلدەن كۇن سايىن ورتا ەسەپپەن 18 مولشەرىندە كەزەكشى پويەز قاتىنايدى، ەڭ كوپ بولعاندا 21گە جەتەدى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.