− باس شۋجي شي جينپيڭنىڭ ”1 - شىلدەدەگى“ ماڭىزدى ءسوزى رايونىمىزداعى جاستاردى قۇلشىنا بولاشاق اشۋعا ىنتالاندىردى
انار بۇلت / شينجياڭ گازەتىنىڭ تىلشىلەرى
بولاشاق جاستاردىكى، ءۇمىت جاستاردا. بىرنەشە كۇننەن بەرى باس شۋجي شي جينپيڭنىڭ ”1 - شىلدەدەگى“ ماڭىزدى ءسوزى رايونىمىزداعى قالىڭ جاستار اراسىندا قىزۋ اڭىس قوزعادى. كوپشىلىك جابال مىنالاردى ءبىلدىردى: مۇرات - سەنىمدى اناعۇرلىم بەكەمدەپ، ءداۋىردىڭ ءۇمىتىن اقتاپ، ەسىل شاقتاردىڭ ءۇمىتىن اقتاپ، پارتيا مەن حالىقتىڭ ىقىلاستى ءۇمىتىن اقتاپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا جاستىق كوكتەمنىڭ كۇش - قۋاتىن ارنايمىز.
باس شۋجي شي جينپيڭ ”1 - شىلدەدەگى“ ماڭىزدى سوزىندە جۇڭگو كوممۋنيستىك پارتياسىنىڭ 100 جىلدىق شۇعىلالى بەلەستەرىن تەرەڭ سەزىممەن ەسكە الىپ، جاستار قاۋىمى اراسىندا كۇشتى ۇندەستىك قوزعادى.
”باس شۋجي سالتاناتپەن ’ءبىز ءبىرىنشى 100 جىلدىق كۇرەس نىساناسىن جۇزەگە اسىردىق‘ دەپ جاريالاعان كەزدە، تولقىعان كوڭىلىم كوپكە دەيىن باسىلمادى. پارتيانىڭ باسشىلىعىندا جۇڭگو حالقى قول جەتكىزگەن تابىس كۇللى دۇنيەنى جالت قاراتتى“. شينجياڭ شىفان داشۋەسىنىڭ وقۋشىسى چي لياڭزى مەكەنىنىڭ زور وزگەرىسىنە كۋا بولدى. پارتياعا العىس ايتۋ سۇيىسپەنشىلىگىن كوكەيىنە قويعان ول پارتيا ۇيىمىنا بەلسەندى تۇردە جاقىنداپ، قۇلشىنا ۇيرەنىپ، وڭتۇستىك شينجياڭنىڭ وقۋ - اعارتۋ ىستەرىنە ات سالىسۋعا بەل بۋدى. ”ءداۋىردىڭ ءۇمىتىن اقتاۋ، ەسىل شاقتاردىڭ ءۇمىتىن اقتاۋ، پارتيا مەن حالىقتىڭ ىقىلاستى ءۇمىتىن اقتاۋ كەرەك!“ باس شۋجي شي جينپيڭ جاڭا داۋىردەگى جۇڭگو جاستارىنا ىقىلاستى ءۇمىت ارتتى.
بۋىرشىن اۋداندىق وداق كوميتەتىنىڭ شۋجيى ايجارىق ءادىلمۇرات بىلاي دەدى: وتكەن 100 جىلدا سانسىز جاستار الدىڭعىلاردىڭ ءىزىن سوڭعىلارى باسىپ، قيىن وتكەلدەردەن جۇرەكتىلىكپەن ءوتىپ، جاستىق كوكتەمنىڭ كۇرەسىن پارتيا مەن حالىقتىڭ ىستەرىنە توعىستىردى. ەكىنشى 100 جىلدىق كۇرەس نىساناسىن جۇزەگە اسىرۋداعى جاڭا ەمتيحان تاپسىرۋ جولىندا، وداق كادرى رەتىندە، مەن قالىڭ وداق مۇشەلەرى مەن جاستاردى باستاپ بۇلجىماستان پارتياعا ىلەسىپ، پارتيانىڭ كومەكشىسى جانە زاپاس قوسىنى بولۋ رولىن ويداعىداي ساۋلەلەندىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا جاستىق كۇش - قۋاتىمدى ارنايمىن.
شينجياڭ كوركەمونەر تەاترى ءان - ءبي ۇيىرمەسىنىڭ ارتيسى مايرا امەتجان بىلاي دەدى: باس شۋجي شي جينپيڭنىڭ شىنايى تاپسىرماسىن ەستە بەرىك ساقتاپ، ەكپىندەي العا ىلگەرىلەپ، تاڭداۋلى كوركەمونەر شىعارمالارىمەن جۇرتتى جىگەرلەندىرىپ، جۇرت جۇرەگىن جادىراتىپ، جاڭا داۋىردەگى شينجياڭ كەلبەتىن ايگىلەيمىن.
جاستار ءارى ارمانعا تالپىنۋشىلار، ءارى ارماندى ورىنداۋشىلار. ”جاڭا 100 جىلدا پارتيا ورتالىق كوميتەتى بىزگە ۇندەۋ تاستادى، ءبىز، ءسوز جوق، كوگىلدىر كوكتە قانات قاعىپ، ەسىل شاقتاردىڭ ءۇمىتىن اقتايمىز“، - دەدى شينجياڭ قازىنا - ەكونوميكا داشۋەسىنىڭ وقۋشىسى ياڭ شۋەچين، - ”مەن باس شۋجي شي جينپيڭنىڭ تاپسىرماسىن باستان - اياق ەستە بەرىك ساقتاپ، ىسىلعان قابىلەتتى جەتىلدىرىپ، ءداۋىر بورىشىن ارقالاپ، جاستىق ورالىمدى وتانىمىزدىڭ ەڭ قاجەتتى جەرىندە قاۋلاتامىن“.
(ءتىلشى جاۋ شييا، قاتىناسقان تىلشىلەر گى يوۋجۇن، لي لين، سۋ لۋپيڭ، يىن لۋ، لياڭ ليحۋا، ما ينيڭ، يان شياۋتيان)
