□ چەرچەن اۋدانىنداعى ماقتاشى ءابيبوللا سۇلەيمەن
جۋىقتا H&M سياقتى ءىشىنارا شەتەل كاسىپورىندارى شينجياڭدا ايتىلمىس ”زورلىقپەن ەڭبەككە سالۋ“ ءومىر ءسۇرىپ وتىر دەگەندى جەلەۋ ەتىپ، شينجياڭ ماقتاسىن شەكتەدى. مۇنداي شىندىققا جاناسپايتىن سوزدەردى ەستىگەندە، مەنىڭ زىعىردانىم قاينادى.
مەن چەرچەن اۋدانىنىڭ ماقتاشىسىمىن، وتباسىمىزدىڭ 80 مۋ ەگىستىك جەرى بار، مۇنىڭ 60 مۋىنا ماقتا ەگەمىز. بۇرىن ماقتا پىسقان مەزگىلدە، ماقتا تەرۋ ءۇشىن قىرۋار ادام كۇشى قاجەت بولاتىن. ماقتا تەرۋدىڭ ەڭبەكاقىسى جوعارى بولعاندىقتان، توڭىرەكتەگى جۇمىسكەرلەر، سونداي - اق ەل ىشىندەگى باسقا دا ولكەلەردەن كەلگەن جۇمىسكەرلەر تالاسا - تارماسا كەلىپ ماقتا تەرەتىن، كوپشىلىك ءبىرىن - ءبىرى قۇرمەتتەيتىن، بىرگە ەڭبەك ىستەگەندە وتە كوڭىلدى بولاتىن. ماقتانى ماشينامەن ەگۋ، ماشينامەن تەرۋ جالپىلاستىرىلعاننان كەيىن، ادام كۇشىمەن ماقتا تەرەتىن كورىنىس از ۇشىرايدى، تەك ءبىر ءبولىم ماشينامەن تەرۋ مۇمكىن بولمايتىن جەر بولەكتەرىندەگى ماقتا عانا ادام كۇشىمەن تەرىلەدى. مەيلى بۇرىنعى ادام كۇشىمەن ماقتا تەرۋ بولسىن، الدە قازىرگى ماشينامەن ماقتا تەرۋ بولسىن، شينجياڭدا ”زورلىقپەن ەڭبەككە سالۋ“ مۇلدە ءومىر سۇرگەن ەمەس.
ماقتا ەگىمشىلىگى وتباسىمىزعا كىرىس الا كەلدى، مەن بۇل اقشالارعا سيىر، قوي ساتىپ الىپ باعىمشىلىقتى دامىتتىم. قازىر ۇيىمىزدە 8 سيىر، 45 قوي بار، تۇرمىسىم بارعان سايىن جاقسارۋدا، بۇل ەشكىم دە وزگەرتە المايتىن شىندىق. اناۋ ينتەرنەتتە شىندىققا جاناسپايتىن وسەك - اياڭ تاراتىپ جۇرگەن كاسىپورىندار مەن جەكەلەرگە قاتاڭ ەسكەرتەرىم: ”ادامدىق ۇقىقتى“ قورعاۋدى جەلەۋ ەتىپ، شينجياڭعا جات نيەتپەن كۇيە جاقپاڭدار، شينجياڭ ماقتاسىن داتتاماڭدار، سەندەردىڭ سۇرقيا ماقساتتارىڭ مۇلدە جۇزەگە اسپايدى، شينجياڭداعى ءار ۇلت حالقىنىڭ تاماشا تۇرمىس جاراتۋ بەكىمىن ەشكىم دە وزگەرتە المايدى!
