— باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
□ حالىق گازەتىنىڭ شولۋشىسى
”ءوز جولىمەن ءجۇرۋ − پارتيانىڭ بارلىق نازارياسى مەن امالياتىنىڭ تابان تىرەر تياناعى، ونان دا ماڭىزدىسى، پارتيانىڭ 100 جىلدىق كۇرەسىنەن شىعارىلعان تاريحي قورىتىندى“. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا باس شۋجي شي جينپيڭ پارتيامىزدىڭ 100 جىلدان بەرى اشقان ۇلى جولىن، جارىققا شىعارعان ۇلى ىستەرىن، قول جەتكىزگەن ۇلى تابىستارىن تەرەڭ قورىتىندىلاپ، ”تاريحتى اينا ەتىپ، بولاشاق اشۋدا، ءسوز جوق، جۇڭگوشا سوتسياليزمگە تاباندى بولۋ جانە ونى دامىتۋ كەرەك“ دەپ باسا دارىپتەدى.
باس شۋجي شي جينپيڭ بىلاي دەپ باسا دارىپتەدى: ”جۇڭگوشا سوتسياليزم − پارتيا مەن حالىقتىڭ نە ءبىر جاپا - ماشاقاتتى باستان كەشىرىپ، وراسان زور بوداۋ بەرۋ ارقىلى قول جەتكىزگەن ءتۇبىرلى تابىسى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ دۇرىس جولى“. تەك باسىپ وتكەن جولدارعا قايىرىلا قاراپ، باسقالاردىڭ جولىمەن سالىستىرىپ، العا باسۋ جولىنا كوز جىبەرىپ، قايدان كەلگەنىمىزدى، قايدا باراتىنىمىزدى ايقىنداساق، كوپتەگەن ماسەلەگە تەرەڭ كوز جەتكىزەمىز، ءداپ باسىپ يگەرەمىز. جۇڭگوشا سوتسياليزم كوكتەن تۇسكەن جوق، قايتا، رەفورما جاساعان، ەسىك اشقان 40 نەشە جىلدىق ۇلى اماليات بارىسىنان كەلگەن، جۇڭحۋا حالىق رەسپۋبليكاسى قۇرىلعان 70 نەشە جىلدىق ۇزدىكسىز ىزدەنىس جاساۋ بارىسىنان كەلگەن، پارتيامىزدىڭ حالىققا باسشىلىق ەتىپ ۇلى قوعامدىق توڭكەرىس جۇرگىزگەن 100 جىلدىق امالياتى بارىسىنان كەلگەن، تاياۋ زاماننان بەرى جۇڭحۋا ۇلتىنىڭ قۇلدىراۋدان گۇلدەنۋگە بەت العان 180 نەشە جىلدىق تاريحي ۇردىسىنەن كەلگەن، جۇڭحۋا وركەنيەتىنە 5000 نەشە جىل مۇراگەرلىك ەتۋدەن، ونى دامىتۋدان كەلگەن. جۇڭگوشا سوتسياليزم سان ۇرپاق جۇڭگو كوممۋنيستەرىنىڭ ارمان - مۇراتى مەن تالپىنىسىن ارقالاعان، سانسىزداعان ارداگەر ازاماتتىڭ ارمانى مەن تىلەگىن امانات ەتىپ، سان ميلليونداعان حالىقتىڭ كۇرەسى مەن جان قيارلىعىن ۇيىستىرعان، تاياۋ زاماننان بەرگى جۇڭگو قوعام دامۋىنىڭ تابيعي تالعامى. تاريح پەن رەالدىق مىنانى تولىق دالەلدەدى: جۇڭگوشا سوتسياليزم − عىلمي سوتسياليزمنىڭ نازاريالىق لوگيكاسى مەن جۇڭگو قوعامىنىڭ دامۋ تاريحى لوگيكاسىنىڭ ديالەكتيكالىق بىرلىگى، ول جۇڭگونىڭ بايتاق دالاسىنا تەرەڭ تامىر تارتىپ، جۇڭگو حالقىنىڭ تىلەگىن بەينەلەپ، جۇڭگونىڭ جانە ءداۋىردىڭ دامۋ، العا باسۋ تالابىنا ۇيلەسكەن عىلمي سوتسياليزم، بۇل جول ىركىلىسسىز بولادى، ۇزاققا جالعاسادى!
باس شۋجي شي جينپيڭ بىلاي دەپ اتاپ كورسەتتى: ”ءبىز جۇڭگوشا سوتسياليزمگە تاباندى بولىپ جانە ونى دامىتىپ، زاتتىق وركەنيەتتىڭ، ساياسي وركەنيەتتىڭ، رۋحاني وركەنيەتتىڭ، قوعامدىق وركەنيەتتىڭ، ەكولوگيالىق وركەنيەتتىڭ سايكەسە دامۋىن ىلگەرىلەتىپ، جۇڭگو ۇلگىسىندەگى وسىزاماندانۋدىڭ جاڭا جولىن اشتىق، ادامزات وركەنيەتىنىڭ جاڭا فورماتسياسىن جاراتتىق“. ءبىز مىنانى تەرەڭ تانىپ جەتتىك: جۇڭگوشا سوتسياليزم جولى سوتسياليستىك وسىزامانداندىرۋدى جۇزەگە اسىرۋدا، ءسوز جوق، باسىپ وتەتىن جول، جۇڭگو حالقىن وزدەرىنىڭ باقىتتى تۇرمىسىن جاراتۋعا جەتەكشىلىك ەتۋدە، ءسوز جوق، باسىپ وتەتىن جول؛ جۇڭگوشا سوتسياليزم نازاريا جۇيەسى − پارتيا مەن حالىقتى جۇڭگوشا سوتسياليزم جولىمەن ءجۇرىپ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا جەتەكشىلىك ەتەتىن دۇرىس نازاريا، ءداۋىردىڭ الدىڭعى لەگىندە تۇرعان، داۋىرمەن بىرگە العا باسقان عىلمي نازاريا؛ جۇڭگوشا سوتسياليستىك ءتۇزىم − زامانىمىزداعى جۇڭگونىڭ دامۋىنىڭ، العا باسۋىنىڭ ءتۇبىرلى تۇزىمدىك كەپىلى، كورنەكتى جۇڭگوشا ەرەكشەلىككە، ايقىن ءتۇزىم ابزالدىلىعىنا، ءوزىن - ءوزى كەمەلدەندىرۋ مىعىم قابىلەتىنە يە وزىق ءتۇزىم؛ جۇڭگوشا سوتسياليستىك مادەنيەت جۇڭحۋا ۇلتىنىڭ ەڭ تەرەڭ قاتپارلى رۋحاني تالپىنىسىن قوردالاندىرىپ، جۇڭحۋا ۇلتىنىڭ وزگەشە رۋحاني بەلگىسىنە ۋاكىلدىك ەتكەن، جۇڭگو حالقىنىڭ جەڭىسپەن العا باسۋىنىڭ پارمەندى رۋحاني كۇشى. مۇنىڭ دۇرىستىعى نازاريالىق جاقتان دالەلدەنىپ قانا قويماي، ونىڭ ۇستىنە امالياتتىق جاقتان دا دۇرىستىعى دالەلدەنگەن. بۇگىنگى دۇنيەدە قايسى ساياسي پارتيا، قايسى مەملەكەت، قايسى ۇلت سەنىمدى دەسەك، ول جۇڭگو كوممۋنيستىك پارتياسى، جۇڭحۋا حالىق رەسپۋبليكاسى، جۇڭحۋا ۇلتى ەڭ سەنىمدى دەۋگە سەبەبىمىز بار. جۇڭحۋا ۇلتى 5000 جىلدان استام تاريحي بىرتىندەپ دامۋ بارىسىندا شۇلەن شۇعىلالى وركەنيەت قالىپتاستىردى، جۇڭگو كوممۋنيستىك پارتياسىنىڭ 100 جىلدىق كۇرەس امالياتى جانە 70 نەشە جىلدىق بيلىك جۇرگىزىپ مەملەكەتتى گۇلدەندىرۋ تاجىريبەسى بار، ءبىز ادامزات وركەنيەتىنىڭ بارلىق پايدالى جەتىستىكتەرىنەن بەلسەندىلىكپەن ۇيرەنەمىز جانە ودان ۇلگى الامىز، بارلىق پايدالى ۇسىنىستاردى جانە ىزگى نيەتتى سىنداردى قارسى الامىز، ءبىراق ءبىز استە ”اقىلمانسىپ“ ەمەۋرىنىنە باقتىرعىسى كەلەتىن ءپاتۋانى مۇلدە قابىلدامايمىز! جۇڭگو كوممۋنيستىك پارتياسى مەن جۇڭگو حالقى ءوزى تاڭداعان جولمەن اسقاق بەينەدە ارشىندى قاداممەن جۇرە بەرەدى، جۇڭگونىڭ دامۋ، العا باسۋ تاعدىرىن ءوز قولىندا مىقتاپ ۇستايدى!
جۇڭگوشا سوتسياليزم − تاريح دامۋىنىڭ تابيعي ناتيجەسى، جۇڭگوشا سوتسياليزم جولى − وسى زامانعى جۇڭگو ارشىندى قاداممەن داۋىرگە ىلەسكەن، ءداۋىر دامۋىنا جەتەكشىلىك ەتكەن سارا جول، ءبىز، ءسوز جوق، توتەنشە قاستەرلەۋىمىز، بۇلجىماستان تاباندى بولۋىمىز، داۋىرمەن ىلەسىپ دامۋىمىز كەرەك. ءدال باس شۋجي شي جينپيڭ باسا دارىپتەگەندەي: ”جاڭا ساپاردا، ءبىز، ءسوز جوق، پارتيانىڭ نەگىزگى نازارياسىنا، نەگىزگى لۋشيانىنا، نەگىزگى جالپى جوباسىنا تاباندى بولىپ، ’بەستى ءبىر تۇلعالاندىرۋ‘ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ، ’ءتورتتى جاپپاي ورىنداۋ‘ ستراتەگيالىق ورنالاستىرۋىن سايكەستى ىلگەرىلەتىپ، رەفورما جاساۋدى، ەسىك اشۋدى جاپپاي تەرەڭدەتىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتىپ، عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى ىلگەرىلەتىپ، حالىقتىڭ قوجايىن بولۋىنا كەپىلدىك ەتىپ، مەملەكەتتى زاڭمەن جونگە سالۋعا تاباندى بولىپ، سوتسياليستىك وزەكتى قۇن جۇيەسىنە تاباندى بولىپ، دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولىپ، ادام مەن تابيعاتتىڭ جاراسىمدى قاتار ءومىر سۇرۋىنە تاباندى بولىپ، حالىقتىڭ بايۋىن، مەملەكەتتىڭ قۇدىرەتتەنۋىن، جۇڭگونىڭ كورىكتەنۋىن سايكەستى ىلگەرىلەتۋىمىز كەرەك“. جاڭا داۋىردە جۇڭگوشا سوتسياليزمگە تاباندى بولۋدىڭ جانە دامىتۋدىڭ ۇلى امالياتىنىڭ ۇزدىكسىز العا باسۋىنا ىلەسىپ، جولىمىز، ءسوز جوق، جۇرگەن سايىن كەڭەيەدى، ءتۇزىمىمىز، ءسوز جوق، بارعان سايىن كەمەلدەنەدى!
تاريحتىڭ سالقار كوشى توقتاۋسىز العا ىلگەرىلەيدى، ءداۋىر ۇندەۋى ادامدى جەلپىندىرەدى. جۇڭگوشا سوتسياليزم ءبىزدىڭ، ءسوز جوق، ۇزدىكسىز ىلگەرىلەتەتىن ۇلى ءىسىمىز ءارى بولاشاقتى اشۋىمىزداعى ءتۇبىرلى كەپىلىمىز. جۇڭگوشا سوتسياليزم سىندى وسى بىردەن - ءبىر دۇرىس جولمەن بۇلجىماي ءجۇرىپ، جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن بەكەمدەپ، ۇزدىكسىز بايقاساق، تاپقىرلاساق، جاراتساق، العا باسساق، ءبىز، ءسوز جوق، جۇڭگوشا سوتسياليزمگە ماڭگى ومىرشەڭدىك قاۋلاتىپ، جاڭا، ۇلى ساپاردا تىڭ تاريحي ۇلى ىستەردى جارىققا شىعارا الامىز.
(شينحۋا اگەنتتىگىنىڭ 7 - ايدىڭ 7 - كۇنى بەيجيڭنەن بەرگەن حابارى)
