قارامايلى قالاسى قارامايلى رايونى:
”ساقا جاۋىنگەرلەر ۇگىت لەكسيا ۇيىرمەسى“ پارتيا تاريحىن ۇيرەنۋ ”ءۇنىن“ جۇرەكتەرگە جەتكىزدى
□ ەرىكتى تىلشىلەر جاڭ جيڭ، چي تايۋىن
”مەن، ءسوز جوق، باس شۋجي شي جينپيڭنىڭ ىقىلاستى ءۇمىتىن اقتايمىن، ءىس جۇزىندىك ارەكەتىم ارقىلى قىزىل گەندى ۇرپاقتان - ۇرپاققا جالعاستىرامىن“، - دەدى 7 - ايدىڭ 1 - كۇنى جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىنىڭ تىكە تاراتىلىمىن كورگەننەن كەيىن، بيىل 75 جاسقا كەلگەن، 53 جىلدىق پارتيا ستاجى بار، قوسىننان شەگىنگەن ساقا جاۋىنگەر گىڭ بيڭچيڭ تەبىرەنىپ.
گىڭ بيڭچيڭ قارامايلى قالاسى قارامايلى رايونىنداعى ”ساقا جاۋىنگەرلەر ۇگىت لەكسيا ۇيىرمەسىنىڭ“ مۇشەسى. بيىل 4 - ايدا قوسىننان شەگىنگەن 12 ساقا جاۋىنگەردەن ۇيىمداسقان ”ساقا جاۋىنگەرلەر ۇگىت لەكسيا ۇيىرمەسى“ رەسمي قۇرىلدى. ولاردىڭ باستاماشىلدىق ەتۋىندە، قوسىننان شەگىنگەن ءىشىنارا ساقا جاۋىنگەرلەر ىلگەرىندى - كەيىندى ۇگىت لەكسيا ۇيىرمەسىنە قوسىلدى، قازىر ”ساقا جاۋىنگەرلەر ۇگىت لەكسيا ۇيىرمەسىندە“ 30عا جۋىق مۇشە بار.
ۇگىت لەكسيا بارىسىندا، ساقا جاۋىنگەرلەر وزدەرىنىڭ باسىنان وتكەن كەشىرمەلەرىن اڭگىمەلەپ، پارتيانىڭ نازارياسىن، باعىت - ساياساتتارىن ۇگىتتەدى؛ سونىمەن بىرگە، ”پارتيا مۇشەلەرى مەن بۇقاراعا قىزمەت وتەۋ + وركەنيەتتى امالياتتا ايگىلەۋ“ كەشەنىنە سۇيەنىپ، وتانشىلدىق تاربيەسىن جانە سوتسياليستىك وزەكتى قۇن كوزقاراسى تاربيەسىن ورىستەتىپ، پارتيا تاريحىن ۇيرەنۋ تاربيەسىنىڭ ”ءۇنىن“ جۇرەكتەرگە جەتكىزىپ، قارامايلى رايونىنداعى جاڭا دانەكەرگە، پارتيا تاريحىن ۇيرەنۋ تاربيەسىنىڭ ”بۇقارانىڭ وتباسىنا جەتۋىن“ ىلگەرىلەتۋدەگى جاندى امالياتقا اينالدى.
امەريكاعا قارسى تۇرىپ، چاۋشيانعا كومەكتەسۋ سوعىسىنا قاتىناسقان ۋاڭ گۇيشۋاننىڭ جاسى 90نان اسىپ كەتتى، ۇگىت لەكسيا ۇيىرمەسى قۇرىلعالى جاتقانىن ەستىپ، ىرىقتىلىقپەن قاتىناسۋدى تالاپ ەتىپ، ۇگىت لەكسيا ۇيىرمەسىندەگى جاسى ەڭ ۇلكەن ۇگىت لەكسيا مۇشەسىنە اينالدى. ۋاڭ گۇيشۋان: ”مەن ءوز باسىمنان وتكەن كەشىرمەلەرىمدى ۇگىتتەۋ - ءتۇسىندىرۋ ارقىلى ءتىپتى دە كوپ جاستاردىڭ پارتيانى ءسۇيۋ، مەملەكەتتى ءسۇيۋ قىزعىندىلىعىن كۇشەيتۋدى ءۇمىت ەتەمىن“، - دەدى.
وسى بىرنەشە كۇندە، ”ساقا جاۋىنگەرلەر ۇگىت لەكسيا ۇيىرمەسىنىڭ“ مۇشەلەرى تۇگەلدەي باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن مۇقيات ۇيرەندى، كوپشىلىك بىرگە اۋىس - كۇيىس جاساعان كەزدە ءبىرىنشى 100 جىلدىق كۇرەس نىساناسىنىڭ جۇزەگە اسۋىنا وزدەرى كۋاگەر بولعاندىعىن، ءتىپتى، قاتىناسۋشى، قورعاۋشى بولعاندىعىن سەزىنىپ، ءسوز جوق، شامالارىنىڭ كەلىسىنشە پارتيانىڭ شۇعىلالى تاريحىن، داڭقتى ءداستۇرىن، قىزىل گەندى جالعاستىرا بەرۋگە بەكىندى.
20 جىل اسكەرلىك مىندەت وتەگەن ساقا جاۋىنگەر رەتىندە، شيە جاۋحاۋ قۇدىرەتتى ەل بولۋدا، ءسوزسىز، الدىمەن قۇدىرەتتى ارميا بولۋ كەرەكتىگىنىڭ كەلەلى ءمانىن تەرەڭ سەزىندى. ول مىنانى ءبىلدىردى: ەندىگى ۇگىت لەكسيا بارىسىندا، ءوزىمنىڭ كەشىرمەلەرىممەن بارىنشا بىرلەستىرە وتىرىپ، كوپشىلىككە پارتيالى جاۋىنگەردىڭ ءومىر مەن ءولىم تايتالاسقان ساتتە قالاي كەۋدە كەرە العا شىعاتىندىعىن اڭگىمەلەپ، سول ارقىلى پارتيالى كادرلاردى ەكىنشى 100 جىلدىق كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا وزدەرىنىڭ كۇش - قۋاتىن ارناۋعا شابىتتاندىرامىن.
كەزەكتە، ”ساقا جاۋىنگەرلەر ۇگىت لەكسيا ۇيىرمەسى“ ورگان، مەكتەپ، الەۋمەتتىك اۋماق، كازارما، كاسىپورىن سياقتى جەرلەردە 8 رەت ۇگىت لەكسيا ورىستەتىپ، 2000نان استام پارتيالى كادرمەن جانە بۇقارامەن وزدەرىنىڭ حيكايالارىن ءبولىستى.
قارامايلى رايونى پارتيا تاريحىن ۇيرەنۋ تاربيەسىنە باسشىلىق ەتۋ گرۋپپاسى كەڭسەسىنىڭ جاۋاپتىسى ۋ شۇنجوۋ: ”كەلەسى قادامدا، ءبىز ساقا جاۋىنگەرلەردىڭ اسەرلى حيكايالارىن تەرەڭىنەن قوزعاپ ءارى ونى بەينە ەكران ارقىلى تاراتامىز، ينتەرنەت جەلىسى مەن جەلىدەن سىرتتى ءوزارا بىرلەستىرۋ ءتاسىلى ارقىلى ولاردىڭ قاھارماندىق ىزگى ىستەرىن بايانداپ، پارتيالى كادرلاردى ۇلگىلەردەن كۇش - قۋات الۋعا باستاپ، پارتيا تاريحىن ۇيرەنۋ تاربيەسىنىڭ تەرەڭدەي ءتۇسۋىن، ناقتىلانۋىن اناعۇرلىم ىلگەرىلەتەمىز“، - دەدى.
