تيانشان تورى   ›   جاڭالىقتار   ›   شينجياڭ حابارلارى

داڭقتى ءداستۇردى اسقاقتاتىپ، قىزىل قان تامىردى ۇزدىكسىز جالعاستىرامىز

رايونىمىزداعى قالىڭ پارتيا مۇشەلەرى باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن مۇقيات ۇيرەنىپ، تەرەڭ ءتۇسىنىپ مىنالاردى ءبىلدىردى

داڭقتى ءداستۇردى اسقاقتاتىپ، قىزىل قان تامىردى ۇزدىكسىز جالعاستىرامىز

□ انار بۇلت / شينجياڭ گازەتىنىڭ تىلشىلەرى

  بىرنەشە كۇننەن بەرى رايونىمىزداعى قالىڭ پارتيا مۇشەلەرى باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن مۇقيات ۇيرەنىپ، ءتۇسىنىپ، ءبىر اۋىزدان: اۋەلگى ماقساتتى، بورىشتى ەستە بەرىك ساقتاپ، مۇرات - سەنىمدى بەكەمدەپ، پارتيانىڭ باس ماقساتىن امالياتتا ايگىلەپ، حالىق بۇقاراسىمەن ەتەنە بايلانىستى ماڭگى ساقتاپ، باستان - اياق حالىقپەن بىرگە ويلاپ، حالىقپەن بىرگە ىستەپ، قيىندىقتى بىلەك بىرىكتىرە جەڭىپ، بەينەت پەن زەينەتتە بىرگە بولىپ، حالىقتىڭ تاماشا تۇرمىسقا دەگەن تالپىنىسىن جۇزەگە اسىرۋ ءۇشىن ۇزدىكسىز تالىقپاي تالپىنىپ، پارتيا مەن حالىق ءۇشىن، ءتىپتى، زور داڭق اپەرۋگە قۇلشىنامىز، - دەدى.

  ”باس شۋجي شي جينپيڭنىڭ بۇكىل پارتياعا جاريالاعان ۇندەۋى ماعان كۇش - قۋات بەردى“. اۆتونوميالى رايوندىق پارتكوم بىرلىكساپ ءبولىمىنىڭ ورىنباسار باستىعى، اۆتونوميالى رايوندىق ساۋدا - ونەركاسىپشىلەر بىرلەستىگى پارتيا باسشىلىق گرۋپپاسىنىڭ شۋجيى شيە شۋان بىلاي دەدى: ءبىز اۋەلگى ماقساتتى، بورىشتى ەستە بەرىك ساقتاپ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىمەن يدەيانى بىرلىككە كەلتىرىپ، امالياتقا جەتەكشىلىك ەتىپ، قىزمەتتى ىلگەرىلەتىپ، جالپىلىق مەنشىككە جاتپايتىن ەكونوميكانىڭ اقاۋسىز دامۋىنا جانە جالپىلىق مەنشىككە جاتپايتىن ەكونوميكا قايراتكەرلەرىنىڭ اقاۋسىز جەتىلۋىنە، ءتىپتى، جاقسى قىزمەت ەتىپ، ”ەكى اقاۋسىز بولۋ“ ارقىلى حالىقتىق شارۋاشىلىقتىڭ جوعارى ساپالى دامۋىنا جەتەكشىلىك ەتەمىز.

  اۆتونوميالى رايوندىق پارتكوم پارتيا مەكتەبى (اكىمشىلىك شۋەيۋانى) فيلوسوفيا وقىتۋ زەرتتەۋ ءبولىمىنىڭ پروفەسسورى سۇن شياۋبيڭ بىلاي دەدى: پارتيا مەكتەبىنىڭ وقىتۋشىسى رەتىندە الدىمەن ۇيرەنۋگە، تەرەڭدەي ۇيرەنۋگە كۇش سالىپ، يدەيالىق جاقتان جەتەكشىلىك ەتۋدە ۇلگى كورسەتىپ، جاڭا ساپاردا اناعۇرلىم بەرىك، اناعۇرلىم سانالى تۇردە اۋەلگى ماقساتتى، بورىشتى ەستە بەرىك ساقتاپ، تاماشا بولاشاق اشامىز.

  ءۇرىمجى قالالىق كوز، قۇلاق، مۇرىن، كومەكەي ارناۋلى شيپاحاناسى كوز ءبولىمىنىڭ سەسترالار باستىعى لي ايحۇڭ مىنالاردى ءبىلدىردى: كوممۋنيستىك پارتيا مۇشەسى رەتىندە حالىق بۇقاراسىمەن ەتەنە بايلانىستى باستان - اياق ساقتاپ، ناۋقاستارعا تاماشا ەمدەلۋ ورتاسىن ازىرلەۋمەن قاتار بولىمدەگى قىزمەتكەرلەردى كاسىپتە جەتىلە تۇسۋگە باستاپ، ”ماعان ەڭبەك جازىلماسا دا بولادى، ەڭبەك كورسەتۋدە مەن بولماسام بولمايدى“ دەگەن رۋحپەن ۇزدىكسىز كۇرەسىپ، جاڭا تەحنيكالاردى توقتاۋسىز ۇيرەنىپ، ناۋقاستار ءۇشىن ءتىپتى دە جاقسى قىزمەت وتەيمىن.

  ”پارتيانىڭ 100 جىلدىق مەرەيتويى قارساڭىندا، مەن ۇلى جۇڭگو كوممۋنيستىك پارتياسىنا داڭقپەن مۇشە بولعانىمدى شەكسىز ماقتانىش جانە قۋانىش سەزىندىم، بۇل مەنىڭ ءومىر جولىمداعى تىڭ باستاما بولادى“، - ءپىشان اۋدانى ءپىشان قالاشىعى مياۋيۋان جولى الەۋمەتتىك اۋماعىنىڭ جاڭا پارتيا مۇشەسى يۋە تيڭ بىلاي دەدى: ”الەۋمەتتىك اۋماق كادرى رەتىندە مەن پارتياعا كىرۋ سەرتىن امالياتتا ورىنداپ، بۇقارانىڭ مۇددەسىن ماڭداي الدى ورىنعا قويىپ، تۇرعىندار ءۇشىن شىن نيەتىممەن ناقتى ءىس ىستەيمىن“.

  ”پارتيانىڭ حالىققا تيىمدىلىك جاساۋ ساياساتىنىڭ ارقاسىندا عانا ءبىز، باقىتتى تۇرمىس كەشىرىپ وتىرمىز“، - دەدى 50 جىلدىق پارتيا ستاجىنا يە لوپ اۋدانى لوپ قالاشىعى دولتۇگمان قىستاعىنىڭ تۇرعىنى نۇر يسمايىل اسەرلەنە: ”ءبىز بۇلجىماستان پارتيانىڭ سوزىنە قۇلاق اسۋىمىز، پارتياعا ىلەسۋىمىز كەرەك. ساقا پارتيا مۇشەسى رەتىندە مەن ۇزدىكسىز ويداعىداي ونەگە كورسەتىپ، قىستاق تۇرعىندارىن مەكەندى اناعۇرلىم كوركەم ەتىپ قۇرۋعا، تۇرمىستى اناعۇرلىم باي - باقۋاتتى ەتۋگە باستايمىن“.

  (ءتىلشى جاڭ يۇنمەي، جازۋعا قاتىناسقان تىلشىلەر تويا، ميھىرگۇل ناسىر، جاڭ يانفاڭ، جاۋ شييا، فان چيۇڭيان، جاڭ رۇيلين، ۋاڭ نا، ءپاريزات ابدۇل، ەرىكتى ءتىلشى گۇلميرا مۇسا)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.