جاڭ چۇنلين اقسۋ ايماعىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ىشكەرىلەي ۇيرەنۋ، جەتە ءتۇسىنۋ، شىنايى اتقارۋ كەرەك
انار بۇلت / شينجياڭ گازەتىنىڭ ءتىلشىسى ليۋ شياڭ 7 - ايدىڭ 9 - كۇنى اقسۋدان حابارلايدى. 7 - ايدىڭ 6 - كۇنىنەن 7 - ايدىڭ 7 - كۇنىنە دەيىن اۆتونوميالى رايوندىق پارتكومنىڭ ورىنباسار شۋجيى جاڭ چۇنلين اقسۋ ايماعىنا بارىپ تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ونان ارى ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، قوعام ورنىقتىلىعى، باياندى تىنىشتىق باس نىساناسىن مىقتاپ يگەرىپ، پارتيا تاريحىن ۇيرەنۋ تاربيەسىن ورىستەتۋدى وراي، قوزعاۋشى كۇش ەتىپ، ءتۇرلى قىزمەتتىڭ تىڭ ساتىعا كوتەرىلۋىن ىلگەرىلەتۋ كەرەك.
اقسۋ قالاسى ءراستا ءجاماسى مەشىتىندە جاڭ چۇنلين ءدىني قيمىلداردىڭ ورىستەتىلۋ جاعدايىن ەگجەي - تەگجەيلى ۇعىستى. ول بىلاي دەپ اتاپ كورسەتتى: پارتيانىڭ ءدىن قىزمەتى نەگىزگى باعىتىن جاپپاي، دالمە - ءدال دايەكتىلەندىرىپ، شينجياڭدا ءىسلام ءدىنىن جۇڭگوشالاندىرۋدى ىلگەرىلەتىپ، ءدىندى سوتسياليستىك قوعامعا ۇيلەسۋگە جەتەكتەۋ كەرەك.
اقسۋ قالاسى حۇڭچياۋ ءمالىسى حۇڭچياۋ الەۋمەتتىك اۋماعىنىڭ ۋاڭسانجيە كوشەسى الىس - جاقىنعا تانىمالى ”تىلەكتەستەر كوشەسى“، ءار ۇلت بۇقاراسى جۇپ قۇراپ تۋىس بولۋدى دانەكەر ەتىپ، تىعىز ىنتىماقتاسىپ، ءوزارا كومەكتەسىپ، سۇيەمەلدەپ، بىرگە دامىدى. جاڭ چۇنلين بىلاي دەپ باسا دارىپتەدى: جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتۋگە تاباندى بولىپ، پارتيانىڭ ۇلت ساياساتىن جاپپاي دايەكتىلەندىرىپ، جانىمىزداعى ۇلتتار ىنتىماعىنداعى وزات تيپتەردى زور كۇشپەن ۇگىتتەپ، ۇلتتار ىنتىماعى قىزمەتتەرىن جاڭالىق اشا ورىستەتىپ، ءار ۇلتتىڭ كەڭ كولەمدى ارالاسۋىن، جاپپاي ىشتەسۋىن، تەرەڭدەي توعىسۋىن جەبەۋ كەرەك.
جاڭ چۇنلين ىلگەرىندى - كەيىندى اقسۋ قالاسى يگەرشى اۋىلى بۇلىڭكورىك قىستاعىنا، يۇلعۇنلىق قىستاعىنا، اقسۋ قالاسى ايكول قالاشىعىنا بارىپ، ەگىنجايلاردى ىشكەرىلەي ارالاپ، جاڭعاق باعىن، الما باعىن ولشەمدەندىرىپ باپتاۋ - باسقارۋ، قۇرىلعىلى اۋىل شارۋاشىلىعى قۇرىلىسى، قۇرىلعىلى مال شارۋاشىلىعىنىڭ دامۋى سياقتى قىزمەتتەر جونىندە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: جەرگىلىكتى جاعدايعا قاراي جاڭعاق، الما سياقتى ەرەكشە كاسىپ سالاسىن ويداعىداي دامىتىپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن ىلگەرىلەتىپ، ءونىمنىڭ ساپاسىن جوعارىلاتىپ، رايونىمىزدىڭ جەمىس ورمانى ءونىمىنىڭ باسەكەلىك قۋاتىن كۇشەيتۋ كەرەك؛ قۇرىلعىلى اۋىل شارۋاشىلىعى قۇرىلىسىن جوعارى ولشەمدە، جوعارى ساپادا ويداعىداي يگەرىپ، قۇرىلعىلى اۋىل شارۋاشىلىعىنىڭ كولەمىن، دەڭگەيىن جانە ونىمدىلىگىن ۇزدىكسىز جوعارىلاتۋ كەرەك؛ مال شارۋاشىلىعى باعىمشىلىعى كاسىپورىندارى دامۋ وي جەلىسىن كەڭەيتىپ، باستاماشى كاسىپورىندارمەن بولعان اۋىس - كۇيىس سەلبەستىكتى كۇشەيتىپ، ءونىمنىڭ قوسىمشا قۇنىن جوعارىلاتۋ كەرەك؛ جەرگىلىكتى بۇقارانىڭ كاسىپ سالاسىن دامىتۋعا قاتىناسۋ بەلسەندىلىگىن تولىق جۇمىلدىرىپ، جەرگىلىكتى بۇقارانىڭ كىرىسىنىڭ ۇزدىكسىز ورنىقتى ارتۋىن جەبەۋ كەرەك.
جاڭ چۇنلين تاعى اقسۋ قالاسى يگەرشى اۋىلى سورتتى تۇقىم الاڭى قۇمقىستاۋ قىستاعىنا، ونسۋ اۋدانى توحۇلا اۋىلى جينحۋا جاڭا قىستاعىنا بارىپ تۇرعىنداردىڭ وتباسىن ىشكەرىلەي ارالادى. ول بىلاي دەپ باسا دارىپتەدى: باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ىشكەرىلەي ءتۇسىنىپ، ۇلى پارتيا قۇرۋ رۋحىن اسقاقتاتىپ، مۇرات - سەنىمدى بەكەمدەپ، ەكپىندەي ىلگەرىلەۋ كۇش - قۋاتىن قابىلداپ، پارتيا تاريحىن ۇيرەنۋ تاربيەسىنىڭ ۇزدىكسىز تەرەڭدەۋىن ىلگەرىلەتىپ، پارتيا تاريحىن ۇيرەنۋدى، يدەيانى ءتۇسىنۋدى، ناقتى ءىس ىستەۋدى، جاڭا جاعداي اشۋدى شىنايى ورىنداپ، ءار ۇلت بۇقاراسىن پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە جەتەكتەۋ؛ كەدەيلىكتەن ارىلتۋدان قامال الۋدىڭ جەتىستىكتەرىن ۇزدىكسىز بەكەمدەپ، كەڭەيتىپ، ەرەكشە اۋىل شارۋاشىلىعى كاسىپ سالاسىن ۇلعايتىپ، بۇرشاقتان ساقتانۋ، تاسقىننان ساقتانۋ قىزمەتىن ويداعىداي ىستەپ، جاراتىلىستىق اپاتتارعا قارسى تۇرۋ قابىلەتىن جوعارىلاتۋ، اۋىل - قىستاقتىڭ رۋحاني وركەنيەت قۇرىلىسىن كۇشەيتىپ، اۋىل - قىستاقتى گۇلدەندىرۋدى جاپپاي ىلگەرىلەتۋ؛ اۋىل - قىستاق دارەتحانالارىن وزگەرتۋ، اۋىل - قىستاقتا لاس سۋدى جونگە سالۋ سياقتى قىزمەتتەردىڭ تەبىنىن كۇشەيتىپ، اۋىل - قىستاق قونىس ورتاسىن رەتتەۋ - جونگە سالۋدى ۇزدىكسىز ىلگەرىلەتىپ، اۋىل - قىستاقتى گۇلدەندىرۋدىڭ كوركەم كارتيناسىن ءتىپتى دە ارلەۋ كەرەك.
تەكسەرۋ - زەرتتەۋ كەزىندە جاڭ چۇنلين ونسۋ اۋداندىق پارتكوم بىرلىكساپ بولىمىنە بارىپ، جاڭا داۋىردەگى بىرلىكساپ قىزمەتىنىڭ جاڭا جاعدايىن، جاڭا تالابىن دالمە - ءدال يگەرىپ، ساياسي دەڭگەيدى اناعۇرلىم جوعارىلاتىپ، قىزمەت وي جەلىسىندە جاڭالىق اشىپ، بۇقارالىق قىزمەتتى ويداعىداي ىستەپ، كوركەم شينجياڭ قۇرۋدىڭ تەلەگەي كۇشىن ۇيىستىرۋدى تالاپ ەتتى.
