قۇمىل:
پارتيا تاريحى ۇگىت - لەكسياسى قاراپايىم ءارى ءنارلى بولدى
□ انار بۇلت / شينجياڭ گازەتىنىڭ قۇمىل تىلشىلەر پۋنكتىنەن يە سۇي
”لاۋۋ، بۇگىن بىزگە قانداي لەكسيا جاسايسىز؟ دەرەۋ ايتىپ جىبەرسەڭىز!“. ”باس شۋجي شي جينپيڭنىڭ ’1 - شىلدەدە‘ سويلەگەن ماڭىزدى ءسوزىنىڭ رۋحى تۋرالى لەكسيا جاسايمىن“. 7 - ايدىڭ 6 - كۇنى قۇمىل قالاسى يجوۋ رايونى ىرباۋ قالاشىعىنىڭ جاڭا ءداۋىر وركەنيەتىن امالياتتا ايگىلەۋ ورتالىعىندا، ۋ شيانميڭ جايعاسىپ وتىرار - وتىرماستان باكىري پايزوللا تاقاتسىزدانا وسىلاي سۇرادى.
2017 - جىلى ۋ شيانميڭ ىرباۋ قالاشىعى انار ءدانى ۇگىت لەكسيا اترەتىنە قاتىناسىپ، حالىق اراسىنان شىققان ۇگىت لەكسياشىعا اينالعان بولاتىن. ”پارتيا بۇقارانى باقىتتى تۇرمىسقا كەنەلتتى، ماڭايىمىزدا تۋىلعان ىستەر ۇگىت لەكسيا جاساۋعا ارقاۋ بولاتىن ەڭ جاقسى اڭگىمەلەر“.
قىستاق تۇرعىنى ايىت ءيۇسىپ بىلاي دەدى: ”ۋ شيانميڭنىڭ ۇگىت لەكسياسى ارقىلى ءبىز پارتيا تاريحىن جانە حالىققا تيىمدىلىك جاساۋ ساياساتىن تۇسىندىك. مىنەكي، ءبارىن داپتەرىمە جازىپ الدىم، قايتىپ بارعان سوڭ كورشىلەرگە اڭگىمەلەپ بەرەمىن“.
قازىر انار ءدانى ۇگىت لەكسيا اترەتىندە 30 نەشە مۇشە بار، ولار ءارى قالاشىقتاعى حالىق اراسىنان شىققان ۇگىت لەكسيا جۇرگىزۋشىلەر، ءارى بۇقارانىڭ جانىنداعى ەرىكتىلەر. پارتيا تاريحىن ۇيرەنۋ تاربيەسى ورىستەتىلگەننەن بەرى انار ءدانى ۇگىت لەكسيا اترەتى مەكتەپتەردە، شيپاحانالاردا، قىستاقتاردا (الەۋمەتتىك اۋماق) ۇگىت لەكسيا قيمىلىن ورىستەتتى.
كى جۇنشيۋ دە حالىق اراسىنان شىققان ۇگىت لەكسياشى، ۇزاق جىل ۇگىت لەكسيا جۇرگىزۋدەن ول بۇقارانىڭ كوڭىلىندەگى ”تۇيىنشەكتى“ ۇگىت لەكسيا جۇرگىزۋشىلەر شەشۋى قاجەتتىگىن بايقايدى، سوندىقتان ول بارعان جەرىنىڭ بارىندە لەكسيا جاساپ جۇرەتىن بولدى.
پارتيا تاريحىن ۇيرەنۋ تاربيەسى ورىستەتىلگەننەن بەرى قۇمىل قالاسىنىڭ اۋىل - قالاشىقتارىنداعى (ءمالى)، قىستاقتارداعى (الەۋمەتتىك اۋماق) حالىق اراسىنان شىققان ۇگىت لەكسيا جۇرگىزۋشىلەر جاڭا ءداۋىر وركەنيەتىن امالياتتا ايگىلەۋ ورتالىعىندا الۋان ءتۇرلى فورمامەن پارتيا تاريحىن ۇگىتتەۋ، لەكسيا جاساۋ قيمىلىن ورىستەتتى. حالىق اراسىنان شىققان ۇگىت لەكسيا جاساۋشىلار ءتول امالياتتارىمەن ۇشتاستىرىپ، ەڭ قاراپايىم سوزدەرمەن ۇگىت لەكسيا جاساپ، پارتيا تاريحىن ۇيرەنۋ تاربيەسىنىڭ ىشكەرىلەي، ناقتى جۇرگىزىلۋىن اناعۇرلىم ىلگەرىلەتتى.
7 - ايدىڭ 1 - كۇنى جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىنىڭ تىكە تاراتىلۋىن كورگەننەن كەيىن، گو رۇي - ى تەبىرەنگەن كوڭىل كۇيىن ۇزاققا دەيىن باسا المادى. 7 - ايدىڭ 5 - كۇنى تۇستەن بۇرىن گو رۇي - ى ۇيىندە وتىرىپ «پارتيانىڭ مەيىرى جۇرەكتى نۇرلاندىردى» دەگەن جەلدىرمە ولەڭ جازادى، سونىمەن ونى قول تەلەفونىنا ءتۇسىرىپ، بەينە ەكران ۇلگىسىندە قىستاق تۇرعىندارىنىڭ كورۋىنە جولداماقشى بولادى.
گو رۇي - ى باركول قازاق اۆتونوميالى اۋدانى شىرىنزى اۋىلى سانشىلي گۋانزى قىستاعىنىڭ تۇرعىنى، ول ءارى حالىق اراسىنان شىققان قىستاقتاعى ايتاقالسىن ۇگىت لەكسيا جۇرگىزۋشى. مىنەزى اشىق - جارقىن گو رۇي - ى اۋىلداستار ۇناتىپ كورەتىن جەلدىرمە ولەڭ فورماسىمەن ۇگىت جۇرگىزەدى، تارتىمدى ولەڭ جولدارى شىرىنزى اۋىلىنداعى ءار ۇلت بۇقاراسىنىڭ باقىتتى تۇرمىسىن بەينەلەيدى ءارى پارتيانىڭ ءۇنىن قىستاقتىڭ بارلىق جەرىنە جەتكىزەدى.
”جەلدىرمە ولەڭ فورماسىنداعى ۇگىت لەكسيانى ءبارىمىز قالاپ تىڭدايمىز“. قىستاق تۇرعىنى حۇي جيانشين: 10 جىلدان ارتىق ۇگىت لەكسيا جاساۋ تاجىريبەسى بار گو رۇي - ىنىڭ جازعان جەلدىرتپە ولەڭدەرى قاراپايىم، كوڭىلگە قونىمدى بولعاندىقتان، قىستاق تۇرعىندارى اراسىندا كەڭىنەن تارادى، - دەدى.
باركولدە گو رۇي - ى سياقتى حالىق اراسىنان شىققان ۇگىت لەكسيا جۇرگىزۋشىلەر از ەمەس، كوپشىلىك قاراپايىم، ۇعىنىقتى تىلمەن پارتيانىڭ ابزال ساياساتىن سان مىڭداعان وتباسىلارىنا جەتكىزدى.
