نۇرلان ءابىلماجىن ىلە قازاق اۆتونوميالى وبلىسىندا تەكسەرۋ - زەرتتەۋ جۇرگىزدى
پارتيا تاريحىن ۇيرەنۋ تاربيەسىنىڭ تەرەڭدەۋىن، ناقتىلانۋىن ىلگەرىلەتۋ كەرەك
انار بۇلت / شينجياڭ گازەتىنىڭ ءتىلشىسى جاڭ يۇنمەي، ەرىكتى ءتىلشى جاڭ يىڭچۇن 7 - ايدىڭ 9 - كۇنى قۇلجادان حابارلايدى. 7 - ايدىڭ 5 - كۇنىنەن 7 - ايدىڭ 6 - كۇنىنە دەيىن اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن پارتيا تاريحىن ۇيرەنۋ تاربيەسى بويىنشا بايلانىس جاساۋ ءتۇيىنى ىلە قازاق اۆتونوميالى وبلىسىنا بارىپ تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى كەزەكتەگى جانە بۇدان بىلايعى ءبىر مەزگىلدەگى كەلەلى ساياسي مىندەت ساناپ، پارتيا تاريحىن ۇيرەنۋ تاربيەسىنىڭ وزەكتى مازمۇنى ەتىپ، اۆتونوميالى رايوندىق 9 - كەزەكتى پارتكومنىڭ ون ەكىنشى جالپى ءماجىلىسىنىڭ تالابىنا ساي، جوعارى ولشەمدە جوبالاپ، جوعارى ساپادا ىلگەرىلەتىپ، پارتيا تاريحىن ۇيرەنۋ تاربيەسىن تەرەڭدەتۋدى، ناقتىلاندىرۋدى ىلگەرىلەتىپ، ۇيرەنۋ ونىمدىلىگىن قوعام ورنىقتىلىعى مەن باياندى تىنىشتىقتى كۇش سالا ىلگەرىلەتۋدىڭ قىزمەت قوزعاۋشى كۇشىنە جانە ناقتى ونىمدىلىگىنە شىن مانىندە اينالدىرۋ كەرەك.
نۇرلان ءابىلماجىن قۇلجا قالاسىنا، قورعاس قالاسىنا بارىپ، ىلە وبلىسىنىڭ پارتيا تاريحىن ۇيرەنۋ تاربيەسى ”مەن بۇقارا ءۇشىن ناقتى ءىس ىستەيمىن“ ءتۇيىندى ينجەنەريا نىسانىنا تەكسەرۋ - زەرتتەۋ جۇرگىزىپ، باعبانشىلىق، كيىم - كەشەك، نان سياقتى ءوندىرىس كاسىپورىندارىنا ىشكەرىلەي بارىپ، كاسىپورىن جاۋاپتىلارىمەن، ءار ۇلت جۇمىسشى - قىزمەتكەرلەرىمەن ىقىلاستى اڭگىمەلەسىپ، ءوندىرىس تيجاراتى، ەڭبەكپەن جۇمىستانۋ سياقتى احۋالداردى ۇعىستى. ول بىلاي دەپ اتاپ كورسەتتى: پارتيا تاريحىن ۇيرەنۋ تاربيەسىن ءىس جۇزىندىك ماسەلەلەردى شەشۋمەن ۇشتاستىرۋعا تاباندى بولىپ، ناقتى ءىستى، يگى ءىستى بۇقارانىڭ كوڭىلىنەن شىعاتىنداي ەتىپ ىستەپ، اۋىل - قىستاقتاردى كاسىپ سالاسى ارقىلى گۇلدەندىرۋدى، دارىندىلار ارقىلى گۇلدەندىرۋدى، مادەنيەت ارقىلى گۇلدەندىرۋدى، ەكولوگيا ارقىلى گۇلدەندىرۋدى، ۇيىم ارقىلى گۇلدەندىرۋدى تىڭعىلىقتى ىلگەرىلەتىپ، بۇقارانىڭ رازىلىق دەڭگەيىن جوعارىلاتىپ، بۇقارانىڭ باقىت سەزىمىن كۇشەيتۋ كەرەك.
قۇلجا قالاسى قارا ءدوڭ اۋىلى اۋىل - قىستاق ساياحاتىن دامىتۋ جولىن بەلسەنە قاراستىرىپ، ءوز كۇشىنە سۇيەنىپ شارۋاشىلىق قۇرۋعا جەتەكشىلىك ەتۋ، سۇيەمەلدەۋ سەرپىنىن ارتتىردى. بۇگىنگى تاڭدا دۇڭلياڭ قىستاعى 5 - كوشەسى جەڭىل تاعامدار بويىنشا ينتەرنەتتە تانىمال كوشەگە اينالىپ، بۇكىل قىستاقتىڭ جىلدىق ساياحاتشى قابىلداۋ مولشەرى 20 مىڭ ادام - رەتكە جەتىپ، جان باسىندىق كىرىستى 1200 يۋان ارتتىرۋىنا تۇرتكى بولدى. نۇرلان ءابىلماجىن تەكسەرۋ - زەرتتەۋ كەزىندە بىلاي دەپ اتاپ كورسەتتى: اۋىل - قىستاق كاسىپ سالاسىن دامىتۋ جوباسىن ويداعىداي ىستەپ، سەيىل - سەرۋەن اۋىل شارۋاشىلىعى مەن اۋىل - قىستاق ساياحاتىن كۇش سالا دامىتىپ، جوعارى ساپالى شارۋالار قوسىنىن كۇش سالا تاربيەلەپ، اۋىل - قىستاقتى گۇلدەندىرۋدى جاپپاي ىلگەرىلەتۋ كەرەك.
تەكسەرۋ - زەرتتەۋ كەزىندە نۇرلان ءابىلماجىن اڭگىمە ءماجىلىسىن باسقارىپ اشىپ، ىلە وبلىسىنىڭ پارتيا تاريحىن ۇيرەنۋ تاربيەسىن ورىستەتۋ جاعدايىنان مالىمەت تىڭدادى. ول بىلاي دەپ باسا دارىپتەدى: باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، ىلە وبلىسىنداعى ءار دارەجەلى پارتيا ۇيىمدارىن جانە قالىڭ پارتيالى كادرلاردى يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن باتىل بىرلىككە كەلتىرۋگە ۇيىمداستىرىپ، جەتەكتەپ، پارتيا تاريحىن ۇيرەنۋگە ونان ارى كوڭىل قويىپ، بۇقاراعا ناقتى ءىس ىستەۋگە ونان ارى ىنتا - ىقىلاس ارناپ، شەشۋشى بۋىندى يگەرۋگە ونان ارى كۇش سالىپ، ءىس تىندىرىپ، ناتيجە شىعارۋ قايرات - جىگەرىن اناعۇرلىم تاسقىنداتىپ، پارتيا تاريحىن ۇيرەنۋ تاربيەسىندە ناقتى ونىمدىلىككە قول جەتكىزۋگە شىنايى كەپىلدىك ەتۋ كەرەك. كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى ۇزدىكسىز ىلگەرىلەتىپ، ۇيىمدىق باسشىلىقتى ونان ارى كۇشەيتىپ، كاسىپ سالاسى بويىنشا جۇمىستاندىرۋدى ويداعىداي يگەرىپ، كورىكتى اۋىل - قىستاق قۇرىلىسىن ءبىر تۇتاس جوسپارلاپ ىلگەرىلەتىپ، ءار ۇلت بۇقاراسىن ءتىپتى دە مول تابىس سەزىمىنە، باقىت سەزىمىنە، حاۋىپسىزدىك سەزىمىنە كەنەلتۋ كەرەك. جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، دامۋ مەن حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، حالىق تۇرمىسىمەن تىعىز جاناسا وتىرىپ جوعارى ساپالى دامۋدى ىلگەرىلەتىپ، جىبەك جولى ەكونوميكالىق بەلدەۋى قۇرىلىسىمەن بەلسەنە توعىستىرىپ، ”ەكى قورعاستى، ەكى قۇلجانى“ ءبىر تۇلعادا دامىتۋدى جەدەل ىلگەرىلەتىپ، كورىكتى شينجياڭ قۇرۋعا تىڭ دا اناعۇرلىم زور ۇلەس قوسۋ كەرەك.
اۆتونوميالى رايوندىق ساياسي كەڭەستىڭ ورىنباسار ءتوراعاسى، ىلە وبلىستىق پارتكومنىڭ شۋجيى چيۋ شۋحۋا قاتارلىلار بىرگە تەكسەرۋ - زەرتتەۋ جۇرگىزدى.
