”بەتاشار“
پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، تيانشان ۇلاندارى بۇكىل ەل حالقىمەن بىرگە جاپپاي دوڭگەلەك داۋلەتتى قوعامعا ءوتىپ، ەكىنشى 100 جىلدىق كۇرەس نىساناسىنا قاراي اسقاق جىگەرمەن ارشىندى قادام تاستادى.
جاپپاي دوڭگەلەك داۋلەتتى قوعام ورناتۋداعى ۇلى تابىستاردى شوعىرلى كورسەتۋ، بۇكىل شينجياڭداعى ءار ۇلت كادر - بۇقاراسىنىڭ اۋەلگى ماقساتتى، بورىشتى ەستە بەرىك ساقتاپ، اناعۇرلىم زور داڭققا ۇمتىلعان ارىنىن ايگىلەۋ ءۇشىن، گازەتىمىز بۇگىننەن باستاپ ”دوڭگەلەك داۋلەتتىلىك ارمانىن ورىنداۋ. اۋىل - قىستاقتاردى ارالاپ، دوڭگەلەك داۋلەتتىلىككە نازار سالۋ“ ايدارىن اشتى، انار بۇلت / شينجياڭ گازەتى جالپىلىق اقپارات قۇرالدارى حابارلاۋ ۇجىمى الداعى 3 اي ۋاقىت ىشىندە 14 ايماق، وبلىس، قالانىڭ 60 اۋىل - قىستاعىنا بارىپ، اۋىل شارۋاشىلىعىنىڭ جوعارى ساپالى، جوعارى ءونىمدى بولۋىن، اۋىل - قىستاقتىڭ قونىسقا جايلى، كاسىپكە ىڭعايلى بولۋىن، شارۋالاردىڭ باي - باقۋاتتى بولۋىن ارقاۋ ەتىپ، 35 تىكە تاراتۋ ورىستەتەدى جانە قاتىستى حابار بەرەدى. نازار سالىڭىزدار.
□ انار بۇلت / شينجياڭ گازەتىنىڭ ءتىلشىسى ليۋ ي
بۇقارا جاپا شەكتى، دوڭگەلەك داۋلەتتى تۇرمىستان يگىلىكتەنەتىن شاعى دا جەتتى. دوڭگەلەك داۋلەت − جۇڭحۋا ۇلتىنىڭ نەشە مىڭ جىلدان بەرگى تالماي تالپىنعان ارمانى، سونداي - اق زامانىمىزداعى جۇڭگو كوممۋنيستەرى مەن جۇڭگو حالقىنىڭ ايانباي شايقاسىپ كەلە جاتقان كۇرەس نىساناسى.
7 - ايدىڭ 1 - كۇنى جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا باس شۋجي شي جينپيڭ پارتيا مەن حالىق اتىنان سالتاناتتى تۇردە بىلاي دەپ جاريالادى: ”بۇكىل پارتيانىڭ، بۇكىل ەلدەگى ءار ۇلت حالقىنىڭ ۇزدىكسىز كۇرەس جۇرگىزۋى ارقىلى ءبىز ءبىرىنشى 100 جىلدىق كۇرەس نىساناسىن ىسكە اسىردىق، جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام ورناتىپ، مۇلدەم كەدەيلىك ماسەلەسىن تاريحي سيپاتتى شەشىپ، جاپپاي سوتسياليستىك وسىزاماندانعان قۇدىرەتتى ەل قۇرۋدىڭ ەكىنشى 100 جىلدىق كۇرەس نىساناسىنا قاراي تاسقىنداعان جىگەرمەن قادام تاستاپ كەلەمىز“.
دوڭگەلەك داۋلەتكە جەتتىك پە، جەتپەدىك پە، باستىسى، اۋىلداستارعا قاراۋ كەرەك. جاپپاي دوڭگەلەك داۋلەتتىلىكتى اۋىل شارۋاشىلىعىن الۋەتتەندىرۋدەن، اۋىل - قىستاقتى كورىكتەندىرۋدەن، شارۋالاردى بايىتۋدان بولە قاراۋعا كەلمەيدى. ەلىمىزدىڭ اۋىل شارۋاشىلىعىنداعى ءىرى ءوڭىر رەتىندە، تاياۋ جىلداردان بەرى شينجياڭ جاڭا دامۋ ۇستانىمىن جەتەكشى ەتىپ، جوعارى ساپالى دامۋ تالابىن تياناقتاندىرىپ، اۋىل - قىستاقتى گۇلدەندىرۋ ستراتەگياسىن اتقارۋدى كۇش سالا ىلگەرىلەتىپ، كەدەيلىكتەن ارىلتۋدان قامال الۋ شايقاسىنىڭ ۇلى جەڭىسىنە قول جەتكىزۋمەن قاتار، اۋىل شارۋاشىلىعىنىڭ دارەجەسىن جاپپاي جوعارىلاتۋدى، اۋىل - قىستاقتاردى جاپپاي العا باستىرۋدى، شارۋالاردى جاپپاي دامىتۋدى ىلگەرىلەتىپ، اۋىل - قىستاقتىڭ بارلىق جەرىنەن ومىرشەڭدىك قاۋلادى.
اۋىل شارۋاشىلىعى الۋەتتەندى:
ءوندىرىستى ورنىقتىرىپ، قامداۋعا كەپىلدىك ەتىپ، ونىمدىلىگى جاقسى بولدى
6 - ايدان بەرى تيانشان الابىندا قالىڭ ءبيداي جايقالا تولقىپ، التىن ماساقتان حوش ءيىس اڭقىدى. بۇكىل رايوننىڭ دۇمبە ءبيدايىنا وڭتۇستىكتەن سولتۇستىككە قاراي ارت - ارتىنان وراق سالىنىپ، ءونىم الىپ، جازعى استىقتان مول ءونىم الىناتىندىعى بەلگىلى بولىپ، بۇكىل رايوننىڭ ەكونوميكالىق، قوعامدىق دامۋىنا سەنىم ۇستەدى.
”بيىل وتباسىمىز 15 مۋ جەرگە ءبيداي ەكتى، جالپى ءونىمى 4000 كيلوگرامنان اسىپ، ايتارلىقتاي كىرىس كىرەتىن بولدى“، - دەدى ماكىت اۋدانى قۇمقۇسار اۋىلى تومۇراك قىستاعىنىڭ تۇرعىنى نۇرگۇل ءالي قۋانىشپەن، - وتكەنمەن سالىستىرعاندا، بۇگىنگى تاڭدا ءبيداي ەگۋدىڭ ونىمدىلىگى جوعارى، وتباسىمىز ەككەن ءبيدايدىڭ كىرىسى 10 مىڭ يۋاننان استى.
مول ءونىم الۋ، سونداي - اق مول كىرىس تابۋ بۇكىل رايونداعى اۋىل شارۋاشىلىعىنىڭ جوعارى ساپالى دامۋىنىڭ جاندى بەينەسىنە اينالدى. 2020 - جىلدىڭ سوڭىنا دەيىن، بۇكىل رايوننىڭ دۇمبە ءبيدايىنىڭ ەڭ جوعارى بىرلىك ءونىمى ءۇرتىس 3 جىل بويى جاڭا رەكورد جاراتتى، ەڭ جوعارى مۋ باسىندىق ءتۇسىم بۇكىل ەل بويىنشا وزىق دەڭگەيگە جەتتى. بۇكىل رايونداعى استىقتىڭ جان باسىنا تۋرا كەلەتىن مولشەرى مەملەكەتتىك ورتاشا دەڭگەيدەن اسىپ، استىقپەن نەگىزىنەن ءوزىن - ءوزى قامداۋدى، ىشەر استىقتىڭ مۇلدە حاۋىپسىزدىگىن جۇزەگە اسىردى. بۇكىل رايون سونىمەن بىرگە ەرەكشە كليمات ورتاسى باسىمدىعىن تياناق ەتىپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن ىشكەرىلەي ىلگەرىلەتىپ، ساپا مەن ونىمدىلىكتى شىعار ءتۇيىن ەتىپ، اۋىل شارۋاشىلىعى ءوندىرىسىنىڭ جالپىلىق ونىمدىلىگىن جوعارىلاتتى.
ماقتا وندىرىلەتىن نەگىزگى ءوڭىر − ساۋان قالاسىنا بارعانىمىزدا، رەتتى سالالى اتىزدار ۇزاققا سوزىلىپ، ءىرى تۇرپاتتى ماشينالار ەگىس اتىزىندا قايشالىسىپ ءجۇر. عىلمي ءوندىرىس، باسقارۋ ءتاسىلى ءتىپتى كوپ شارۋانى ماقتا كاسىپ سالاسىن دامىتۋدىڭ پايداسىنان يگىلىكتەندىرىپ، ءتۇسىمدى مولايتىپ، كىرىستى ارتتىرۋدى جۇزەگە اسىرعان.
”مەن بيىل سەلبەستىك كووپەراتيۆتىڭ 2700 مۋ ماقتا اتىزىن باسقارۋعا جاۋاپتى بولدىم، ءوزىم تاعى اۋىل شارۋاشىلىعى ماشينالارى قىزمەت وتەۋىمەن اينالىسامىن، جىلدىق كىرىسىمنىڭ 100 مىڭ يۋاننان اسۋى مۇندا تۇر“، - دەدى ساۋان قالاسى داچۋان اۋىلى شاۋفاڭجۋاڭزى قىستاعىنىڭ تۇرعىنى حان جىڭتاۋ. ول جۇمىس ىستەگەن شۋاڭچۋان شارۋالار جەر جارناسى سەلبەستىك كووپەراتيۆى وسى زامانعى اۋىل شارۋاشىلىعى تيجارات ءتاسىلىن قولدانىپ، اسىلگى بىتىراندى ەگىلگەن ماقتا اتىزىن شوعىرلى اينالىمعا سالىپ، عىلمي باسقارۋ ءتاسىلىن قولدانىپ، ماقتا ءوندىرىسىنىڭ جالپىلىق ونىمدىلىگى ۇزدىكسىز جوعارىلادى.
2020 - جىلى تۇتاس رايوننىڭ استىق جالپى ءونىمى 15 ميلليون 834 مىڭ توننا بولىپ، ”12 - بەسجىلدىقتىڭ“ سوڭىنداعىدان ％4 ارتتى. ەت، جۇمىرتقا، ءسۇت ءونىم مولشەرى ”12 - بەسجىلدىقتىڭ“ سوڭىنداعىدان جەكە - جەكە ％10، ％23، ％28 ارتتى. ماقتانىڭ جالپى ءتۇسىمى، بىرلىك ءونىمى، ەگىلۋ اۋماعى، تاۋاردىڭ دايىندالۋ مولشەرى ءۇرتىس 27 جىل مەملەكەت بويىنشا ءبىرىنشى ورىندى يەلەپ، ەرەكشە ەگىس داقىلدارى اۋماعى 10 ميلليون مۋ اينالاسىندا ورنىقتى بولىپ، ساپالى جەمىس - جيدەك مولشەرى ％80تەن استى. بۇكىل رايوننىڭ استىق سياقتى ماڭىزدى اۋىل شارۋاشىلىعى ونىمدەرىنىڭ قامداۋ قۋاتى ۇزدىكسىز جوعارىلاپ، شارۋالاردىڭ كىرىس ارتتىرۋ ارناسىن كەڭەيتىپ، بۇقارانى ”كوجە قاتىقپەن“، ”استىقپەن“ قامتاماسىز ەتتى، ونان دا ماڭىزدىسى، جاپپاي دوڭگەلەك داۋلەتتىلىك ءۇشىن ”ورنىقتىرعىش“ رولىن ساۋلەلەندىردى.
اۋىل - قىستاق كورىكتەندى:
بەت - بەينەسى شىت جاڭا تۇسكە ەندى، ومىرشەڭدىك قۋاتى قاۋلادى
بۇگىنگى كۇندە وڭتۇستىك، سولتۇستىك شينجياڭداعى كەڭ - بايتاق اۋىل - قىستاقتاردى ارالاساڭىز، ەگىس اتىزدارىنان كوزگە شالىناتىن وسى زامانعى اۋىل شارۋاشىلىق كورىنىسىمەن توعىسىپ جاتقانى قاز - قاتار تازا دا رەتتى، كورىكتى قىستاقتار مەن ەگىنشىلەردىڭ اۋلالارى دەۋگە بولادى.
”بۇرىن قىستاقتا توپىراق جول عانا بار بولىپ، ءارى تار، ءارى جۇرۋگە قولايسىز ەدى، بۇگىنگى كۇندە ساياحاتشىلاردىڭ ءوزى قىستاق ورتاسى تاماشا دەپ ماقتاسادى“، - دەگەن لوپ اۋدانى شارباق اۋىلى كوشەارىق قىستاعىنىڭ تۇرعىنى رازىگۇل مامەت وسى 2 جىلدا قىستاقتاعى قوقىر - قوقسىقتار ءونىمدى جونگە سالىنىپ، اۋلالار جاسىلداندىرىلىپ، قىستاق تۇرعىندارىنىڭ تۇرمىس ورتاسىنىڭ تازارىپ، كورىكتەنىپ، جايلى بولعاندىعىن ايتتى.
وسى جىلدارى رايونىمىز اۋىل - قىستاقتاردىڭ قونىستانۋ ورتاسىن رەتتەۋ، وڭاۋ قىزمەتىن ۇزدىكسىز ىلگەرىلەتىپ، ەگىنشىلەر وزدەرى كىرىسىپ ىستەي الاتىن، وڭاي اتقارىلاتىن، وڭاي ءونىمى كورىنەتىن قىستاق قورشاعان ورتاسىنىڭ تازالىعىن رەتكە سالۋدان باستاپ قولعا الىپ، اۋىل - قىستاقتىڭ قورشاعان ورتاسىن جونگە سالۋعا كوپ جاق ات سالىسۋداي قوعامدىق راي قالىپتاستىردى.
”قوقىر - قوقسىقتاردى تۇرگە ايىرىپ ءبىر جاقتى ەتۋ قىستاق قاعيداسىنا، تۇرعىندار شارتىنا ەنگىزىلدى، قۇرىلىس قوقىر - قوقسىعىن، تۇرمىستىق قوقىر - قوقسىقتى، قايتا جيناپ الۋعا بولاتىن قوقىر - قوقسىقتى تۇرگە ايىرىپ جيناۋ قىستاق تۇرعىندارىنىڭ ادەتىنە اينالدى“، - دەيدى اۋات اۋدانى دولان اۋىلى ۇستىڭگى دولان قىستاعىنىڭ تۇرعىنى نۇرمان مامۇت.
قورشاعان ورتانى رەتكە سالۋ، وڭاۋ قىزمەتىنىڭ ىشكەرىلەي ىلگەرىلەتىلۋىنە ىلەسە، بۇكىل رايوننىڭ جەر - جەرى تاعى شارۋا جۇرتشىلىعىنىڭ ”قوجايىندىق“ تانىمىن قوزعاۋدى قىزمەتتىڭ نەگىزگى ءتۇيىنى ەتىپ، تازالىق جۇرگىزۋدى زور كولەمدى ۇيىمداستىرىپ ورىستەتۋمەن بىرگە، دەنساۋلىق ساقتاۋ، سالاماتتىق جانە دەرت - دەربەزدەن ساقتانۋ - تىزگىندەۋ بىلىمدەرىن كەڭ كولەمدە جالپىلاستىرىپ، وسى زامانعى عىلمي تۇرمىس ءتاسىلى اۋىل - قىستاقتاردا داعدىعا اينالىپ، شارۋا جۇرتشىلىعىنىڭ رۋحاني بەت - بەينەسى دە شىت جاڭا وزگەردى.
”كوك اسپان، اقشا بۇلت، قارلى تاۋمەن ايشىقتالعان كوركەم اۋىل - قىستاق كوپتەگەن ساياحاتشىلاردى بۇلۇڭكول اۋىلىنا كەلىپ ساياحاتتاۋعا بارعان سايىن باۋرادى. ءبىز ساياحات كاسىبىن دامىتۋعا سۇيەنىپ كىرىستى ارتتىرىپ بايۋدى جۇزەگە اسىرىپ، تۇرمىسىمىز بارعان سايىن شالقىدى“، - دەدى اقتاۋ اۋدانى بۇلۇڭكول اۋىلى سۋباش قىستاعىنىڭ تۇرعىنى ساۋىت ساتىبالدى، اۋىل - قىستاقتىڭ كورىكتى قورشاعان ورتاسى اۋىل - قىستاق ەرەكشە كاسىپ سالاسىنىڭ دامۋىنا قوزعاۋشى بولىپ، سول جەردەگى ەگىنشى - مالشى بۇقاراسى مالشىلار شاتتىعى ساياجايىن اشۋ، ۇلتتىق قولونەر بۇيىمدارىن جاساۋ سياقتىلار ارقىلى كىرىستى ارتتىرۋ ارناسىن كەڭەيتتى.
كەزەكتە رايونىمىز اۋىل - قىستاقتاردىڭ قونىستانۋ ورتاسىن رەتتەۋ - وڭاۋدىڭ 3 جىلدىق ارەكەت نىسانا - مىندەتتەرىن جاپپاي ورىنداپ بولدى، اۋىل - قىستاقتارداعى 2 ميلليون 426 مىڭ 600 وتباسىنا تازا دارەتحانا سالىنىپ، جالپىلاسۋ مولشەرى ％84.95كە جەتتى. 7989 اكىمشىلىك قىستاقتىڭ تۇرمىستىق قوقىر - قوقسىعى ءونىمدى ءبىر جاقتى ەتىلىپ، 2565 اكىمشىلىك قىستاقتىڭ تۇرمىستىق لاس سۋى قالا - قالاشىق قۇبىر تورىنا ىعىستىرىلدى نەمەسە شوعىرلاندىرىلىپ، وتباسىلارى بىرلەستىرىلىپ، وتباسىلارىنا ءبولىنىپ ءبىر جاقتى ەتىلدى. اۋىل - قىستاق نەگىزدىك قۇرىلعىلارىن جەدەل قۇرۋ، وقۋ - اعارتۋ، ەمدەۋ، زەينەتكەرلىك سياقتى الەۋمەتتىك قىزمەت وتەۋ ورەسى ۇزدىكسىز جوعارىلادى.
شارۋالار بايىدى:
كىرىستى ۇزدىكسىز ارتتىرۋدىڭ نەگىزى مىعىم
ساپا ونىمدىلىگى جوعارى، دامۋ ورتاسى جاقسى بولىپ، شارۋالاردىڭ كىرىستى ۇزدىكسىز ورنىقتى ارتتىرۋىنا ءتيىمدى شارت - جاعداي جاسالدى.
”بۇكىل اۋداننىڭ مال شارۋاشىلىعىنىڭ دامۋىنىڭ ارقاسىندا، ءبىزدىڭ سيىر باعۋدان كىرەتىن كىرىسىمىز بارعان سايىن جوعارىلادى!“ قۇتىبي اۋدانى تاسباسپالداق قازاق ۇلتتىق اۋىلى تەرەكتى قىستاعىنىڭ تۇرعىنى شاۋەي نۇرعازي بىلاي دەدى: وسى جىلداردا قۇتىبي اۋدانىنداعى مال بازارى، سيىر، قوي سويىس، ءوندىرىس جەلىسى سياقتىلار ارت - ارتىنان سالىنىپ، ىسكە قوسىلىپ، مال شارۋاشىلىق تۇتاس كاسىپ تىزبەگى العاشقى قادامدا قالىپتاستى. وتباسىمىز سيىر باعۋعا سۇيەنىپ جىلىنا 250 مىڭ يۋان كىرىس كىرگىزەدى، بۇرىنعىدان ءبىرتالاي جوعارى بولدى.
كىرىستىڭ جوعارىلاۋى كاسىپ سالاسىنىڭ قارىشتاپ دامۋىنا سۇيەنىپ قانا قالماستان، ونى ءوندىرىس ونىمدىلىگىنىڭ ۇزدىكسىز جوعارىلاۋىنان دا بولە قاراۋعا كەلمەيدى. ”قازىر مالدى قورادا باعامىز، قىستىڭ دا قىرىنا ۇشىرامايتىن بولدىق“. شاۋەي وسى جىلداردا اۋىل شارۋاشىلىعى تەحنيكتەرىنىڭ كومەگىندە سۇرلەنەتىن بورمي ەگۋ سىندى تەحنيكالاردى ۇيرەنىپ، قىستا مالدى قورادا باعۋداعى جەم - ءشوپ ماسەلەسىنىڭ شەشىلگەندىگىن ايتتى.
دامۋدا كاسىپ سالاسىنا، كىرىستى ارتتىرۋدا جەتەكتەۋگە سۇيەندى، جەر - جەر كاسىپورىن - شارۋا مۇددەسىن ءتۇيىلىستىرۋ مەحانيزمىن قالىپتاستىرۋ ارقىلى قاراپايىم شارۋا وتباسىلارىنىڭ كىرىستى ارتتىرۋىنا كومەكتەستى. كەريا اۋدانىنىڭ قۇمدىقتا راۋشان گۇلىن ەگۋ تاريحى بار. وسى جىلداردا كەريا اۋدانى ءداستۇرلى شاعىن ءارى بىتىراڭقى راۋشان گۇلى كاسىپ سالاسىن بىرتىندەپ ”كاسىپورىن + بازا + سەلبەستىك كووپەراتيۆى + شارۋا وتباسى“ وسى زامانعى اۋىل شارۋاشىلىعىن دامىتۋ تاسىلىنە قاراي بۇرىلىس جاساپ، كاسىپ سالاسىنىڭ دامۋ دەڭگەيى مەن ونىمدىلىگىن ۇزدىكسىز جوعارىلاتىپ، بۇقارانى ۇزدىكسىز كىرىستى ارتتىرۋعا جەتەلەيتىن باستاماشى كاسىپورىنعا اينالدىردى.
”بۇرىن تەحنيكا بىلمەگەندىكتەن، راۋشان گۇلىن ەگۋ ونىمدىلىگى جوعارى ەمەس ەدى، قازىر سەلبەستىك كووپەراتيۆىنىڭ جەتەكشىلىگىندە وتباسىمىز ەككەن راۋشان گۇلىنىڭ مۋ باسىندىق ءتۇسىمى بىلتىرعىدان 50 كيلوگرامعا تاياۋ ارتتى“. كەريا اۋدانى ارال اۋىلى ادىراڭ قىستاعىنىڭ تۇرعىنى سپيرامحان ءماتتوحتى بىلاي دەدى: سەلبەستىك كووپەراتيۆى راۋشان گۇلى ونىمدەرى ءوندىرىسىن، مانەرلەۋدى، ساتۋدى ءبىر تۇلعالاندىردى ءارى تەحنيك شاعىن اترەتىن قۇرىپ، اتىز باستارىن ىشكەرىلەي ارالاپ، ەگىمشىلىك وتباسىلارىنا عىلمي باسقارۋ تەحنيكاسىن جالپىلاستىرىپ، شارۋالاردىڭ ەگىمشىلىك ورەسىن جوعارىلاتتى. قازىر ونىڭ وتباسى 5 مۋ جەردەگى راۋشان گۇلىنەن جىل سايىن 15 مىڭ يۋان اينالاسىندا كىرىس كىرگىزە الادى. سونىمەن بىرگە ول سەلبەستىك كووپەراتيۆىندە جۇمىس ىستەپ، تاعى ءبىر كىرىس تاۋىپ ءجۇر، راۋشان گۇلى كاسىپ سالاسى بۇكىل وتباسىنىڭ كىرىستى ورنىقتى ارتتىرۋداعى ماڭىزدى سۇيەنىشىنە اينالدى.
تاياۋ جىلداردان بەرى بۇكىل رايونىمىز اۋىل شارۋاشىلىق ونىمدەرىن ءوندىرىس ورنىندا باستاپقى مانەرلەۋدى، جىنتىكتەي مانەرلەۋدى، امبەباپ پايدالانۋ - مانەرلەۋدى جانە نەگىزگى تاعامدى مانەرلەۋدى سايكەستىرە دامىتۋدى ءبىر تۇتاس جوسپارلاپ ىلگەرىلەتىپ، ءبىر توپ كولەمى ءبىرشاما ۇلكەن، قۇرىلعىلارى كەمەلدى، ەرەكشەلىگى ايقىن اۋىل شارۋاشىلىق ونىمدەرى ءوندىرىس بازاسىن قۇرىپ، ءبىر توپ جەتەكشىلىك كۇشى مىعىم اۋىل شارۋاشىلىق قوسىمشا ونىمدەرىن جىنتىكتەي مانەرلەيتىن باستاماشى كاسىپورىنداردى دامىتىپ جانە ەنگىزىپ، اۋىل شارۋاشىلىعىنىڭ تۇتاس كاسىپ سالاسى تىزبەگىن دامىتتى.
بىلتىر جىل سوڭىنا دەيىن بۇكىل رايونىمىزدا جيىنى مەملەكەت دارەجەلى ابزالدىلىققا يە ەرەكشە كاسىپ سالاسى شوعىرىنان ەكەۋى، مەملەكەتتىك وسى زامانعى اۋىل شارۋاشىلىعى كاسىپ سالاسى باقشا رايونىنان ۇشەۋى، كاسىپ سالاسى مىعىم قالاشىقتان 21ى، اۋىل شارۋاشىلىعىن كاسىپ سالالاندىرۋ بىرىككەن تۇلعاسىنان 114ى قۇرىلدى. اۋىل شارۋاشىلىعىن كاسىپ سالالاندىرۋداعى ءبىر توپ باستاماشى كاسىپورىندار ”كاسىپورىن + شارۋا وتباسى“، ”كاسىپورىن + سەلبەستىك كووپەراتيۆى + شارۋا وتباسى“ سىندى فورما ارقىلى شارۋا وتباسىلارىمەن تىعىز مۇددە ءتۇيىلىستىرۋ مەحانيزمىن ورناتىپ، اۋىل شارۋاشىلىعىنىڭ ونىمدىلىگىن ارتتىرۋدا، شارۋالاردىڭ كىرىسىن ارتتىرۋدا بەلسەندى رول اتقاردى.
2020 - جىلى بۇكىل رايونىمىزداعى اۋىل - قىستاق تۇرعىندارىنىڭ جان باسىندىق ورتاشا قولداعى تابىسى 14 مىڭ 56 يۋانعا جەتىپ، ”12 - بەسجىلدىقتىڭ“ سوڭىنداعىدان ％49 ارتتى. كوپتەگەن شارۋا وتباسىلارى وسى زامانعى اۋىل شارۋاشىلىعىن دامىتۋ اياق الىسىنا ات سالىسىپ، كاسىپ سالاسىن دامىتۋدىڭ پايداسىن ءبولىسىپ، كىرىستى ۇزدىكسىز، ورنىقتى ارتتىردى.
