تيانشان تورى – شينجياڭ گازەتىنىڭ حابارى (ٴتىلشى جاۋ شييا حابارلايدى). ٴتىلشىنىڭ اۆتونوميالى رايوندىق وقۋ – اعارتۋ ەمتيحان مەكەمەسىنەن ۇعىسۋىنشا، شينجياڭنىڭ 2021 – جىلعى ادەتتەگى جوعارى مەكتەپتەرگە وقۋشى قابىلداۋ قىزمەتى 7 – ايدىڭ 9 – كۇنى باستالىپ، مەجەمەن 8 – ايدىڭ 28 – كۇنى اياقتايدى ەكەن.
تولىق كۋرسكە الدىن الا وقۋشى قابىلداۋ كەزەگى، مەملەكەت پەن جەرگىلىكتى ورىنداردىڭ ارناۋلى نىسانى (بۇرىنعى كەدەيلىك نىسانى)، وڭتۇستىك شينجياڭ ارناۋلى جوسپارى، شينجياڭعا باعىتتامالى كومەكتەسۋ جوسپارى بويىنشا تولىق كۋرستىڭ 1 - كەزەگى، جوعارى مەكتەپتەردىڭ ارناۋلى جوسپار كەزەگى، تولىق كۋرستىڭ 1 - كەزەگى، مەملەكەت پەن جەرگىلىكتى ورىنداردىڭ ارناۋلى نىسانى (بۇرىنعى كەدەيلىك ارناۋلى نىسانى)، وڭتۇستىك شينجياڭ ارناۋلى جوسپارى، شينجياڭعا باعىتتامالى كومەكتەسۋ جوسپارى بويىنشا تولىق كۋرستىڭ 2 - كەزەگى، تولىق كۋرستىڭ 2 - كەزەگى، جوعارى دارەجەلى كاسىپتىك وقۋ-اعارتۋ (ارناۋلى كۋرس) الدىن الا قابىلداۋ كەزەگى، جوعارى دارەجەلى كاسىپتىك وقۋ-اعارتۋ (ارناۋلى كۋرس) كەزەگى قاتارلى 8 توپتا قابىلدانادى. وقۋشى قابىلداۋ كەزىندە جيىنى 5 رەت تالاپ جيناۋ ورنالاستىرىلدى. ”3 مەكتەپ وقۋشىلارىنىڭ جوعارى دارەجەلى كاسىپتىك وقۋ-اعارتۋعا ورلەۋ“ كەزەگى جانە جوعارى دارەجەلى كاسىپتىك وقۋ-اعارتۋعا (ارناۋلى كۋرس) الدىن الا قابىلداۋ كەزەگى بويىنشا قابىلداۋ ءبىر ۋاقىتتا جۇرىلەدى.
اۆتونوميالى رايوندىق وقۋ – اعارتۋ ەمتيحان مەكەمەسى ەمتيحان بەرگەن وقۋشىلار مەن اتا – انالارىنا مىنانى ەسكەرتتى: بيىل ادەتتەگى جوعارى مەكتەپتەرگە وقۋشى قابىلداۋ قىزمەتىندە باسقا جەردە الىس ارالىقتان توراپتا قابىلداۋ جالعاستى قولدانىلادى، باسقا قابىلداۋ فورماسى بولمايدى. ەمتيحان بەرگەن وقۋشىلار مەن اتا - انالارىنىڭ وسەك - اياڭعا سەنبەۋىن، وسەك - اياڭ تاراتپاۋىن، ساقتىق تانىمىن كۇشەيتۋىن، ءوز ينفورماتسيالارىن جاقسى ساقتاۋىن، الدانىپ قالۋدان ساقتانۋىن ءۇمىت ەتەمىز.
اۋدارعان: قادىر ماقان