تيانشان تورى
تيانشان تورى   ›   جاڭالىقتار   ›   شينجياڭ حابارلارى

حالىق ءۇشىن ىستەۋ باس ماقساتىن ەستە بەرىك ساقتاپ، باتىلدىقپەن جاۋاپكەرشىلىك ارقالاپ، ۇلەس قوسامىز

 − رايونىمىزدىڭ جەر - جەرى باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن مۇقيات ۇيرەندى، دايەكتىلەندىردى

□ انار بۇلت / شينجياڭ گازەتىنىڭ تىلشىلەرى

  بىرنەشە كۇننەن بەرى، رايونىمىزدىڭ جەر - جەرى باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى قىزۋ ورلەۋگە كوتەردى. قالىڭ پارتيالى كادرلار جابال مىنالاردى ءبىلدىردى: باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى كەزەكتەگى جانە بۇدان بىلايعى ءبىر مەزگىلدەگى كەلەلى ساياسي مىندەت ەتىپ، حالىق ءۇشىن ىستەۋ باس ماقساتىن ەستە بەرىك ساقتاپ، باتىلدىقپەن جاۋاپكەرشىلىك ارقالاپ، ۇلەس قوسىپ، حالىقتى باقىتقا كەنەلتۋدەگى ءىس جۇزىندىك ارەكەت ارقىلى كوممۋنيستەردىڭ ”وزىممەن ساناسپايمىن، حالىقتىڭ ءۇمىتىن اقتايمىن“ دەيتىن اسقاق ىنتا - ىقىلاسىن تۇسىندىرەمىز.

  ”جاڭا ساپاردا اقسۋ ايماعىنداعى قالىڭ پارتيالى كادرلار سانالى تۇردە باس شۋجي شي جينپيڭنىڭ ’1 - شىلدەدەگى‘ ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى پارتيا تاريحىن ۇيرەنۋ تاربيەسىمەن ۇشتاستىرىپ، جەتە ۇيرەنۋ، جەتە ءتۇسىنۋ، شىنايى تياناقتاندىرۋ جاعىندا ۇزدىكسىز كۇش سالىپ، پارتيا تاريحىن ۇيرەنۋدى، يدەيانى ءتۇسىنۋدى، ناقتى ءىس ىستەۋدى، جاڭا جاعداي اشۋدى كورنەكتىلەندىردى“، - دەدى 7 - ايدىڭ 10 - كۇنى اقسۋ ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى نياز اشىم، − ”سونىمەن بىرگە سانالى تۇردە باس شۋجي شي جينپيڭنىڭ ’1 - شىلدەدەگى‘ ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى ’14 - بەسجىلدىقتىڭ‘ ءتۇيىندى قىزمەتتەرىن ويداعىداي ىستەۋمەن ۇشتاستىرىپ، ءىس تىندىرۋ، ناتيجە شىعارۋ سەنىمى مەن بەكىمىن بەكەمدەپ، كاسىپ شوعىرلارىنىڭ دامۋىن ىلگەرىلەتىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرىپ، اقسۋدىڭ دامۋىنىڭ جاڭا جاعدايىن ۇزدىكسىز اشامىز“.

  كونەءشار اۋدانى توققۇزاق قالاشىعى اياققى مانگان قىستاعىندا اۆتونوميالى رايوندىق پارتكوم پارتيا مەكتەبىنەن (اكىمشىلىك شۋەيۋانى) وسى قىستاقتا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي ليۋ حۇڭتاۋ بىلاي دەدى: قىستاق ”ەكى كوميتەتى“ القا قۇرىلىسىن كۇشەيتۋدى ارقاۋ ەتە وتىرىپ، جاس شارۋالار، اۋقاتتانۋ شەبەرلەرى، سىرتقا شىعىپ جۇمىس ىستەۋشىلەر، ساۋدا ىستەۋشىلەر اراسىنان بەلسەندى تۇردە پارتياعا مۇشە قابىلداپ، اۋىل - قىستاق پارتيا ۇيىمىنىڭ جالىندى ومىرشەڭدىك كۇشىن ۇزدىكسىز كۇشەيتەمىز؛ حالىقتى باقىتقا كەنەلتۋدى ەڭ ۇلكەن ساياسي ناتيجەگە بالاپ، اتىز باسىنا ىشكەرىلەي ەنىپ، ۇسىنىس - پىكىر الىپ، قيىن ماسەلەلەردى ويداعىداي شەشىپ، بۇقارانىڭ تابىس سەزىمىن، باقىت سەزىمىن شىنايى كۇشەيتەمىز.

  جىجياڭ ولكەسىنىڭ شينجياڭعا كومەكتەسۋ قولباسشىلىق شتابى پارتكومىنىڭ شۋجيى، قولباسشىسى جۋ لينسىن مىنالاردى ءبىلدىردى: شينجياڭ قىزمەتىن ويداعىداي ىستەۋ بۇكىل پارتيانىڭ، بۇكىل ەلدىڭ كەلەلى ءىسى، كەزەكتەگى جانە بۇدان كەيىنگى شينجياڭعا كومەكتەسۋ قىزمەتىندە جىجياڭنان شينجياڭعا كومەكتەسۋگە كەلگەن كادر، دارىندىلار باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، تياناقتاندىرىپ، شينجياڭعا اقىل - پاراسات جاعىنان كومەكتەسۋدى، شينجياڭعا كاسىپ سالاسى ارقىلى كومەكتەسۋدى، شينجياڭعا حالىق تۇرمىسى جاعىنان كومەكتەسۋدى جۇيەلى ىلگەرىلەتىپ، ءبىر جاعادان باس، ءبىر جەڭنەن قول شىعارىپ، مەملەكەتتىڭ كەلەلى جاعدايىنا قىزمەت وتەۋگە جىجياڭنىڭ كۇش - قۋاتىن ارنايدى.

  ”باس شۋجي شي جينپيڭنىڭ ىقىلاستى تاپسىرماسىن ەسىمدە بەرىك ساقتاپ، جاۋاپكەرشىلىكتى ارقالاپ، جاۋاپكەرشىلىكتى ارەكەتتە ايگىلەپ، ەگىمشىلىك قۇرىلىمىن ۇزدىكسىز ساپالىلاندىرىپ، رەتتەپ، اۋىل شارۋاشىلىعى عىلىم - تەحنيكاسىندا جاڭالىق اشۋ مەن تەحنيكانى جالپىلاستىرۋ تەبىنىن كۇشەيتىپ، جوعارى سورتتى، تاتىمدى اۋىل شارۋاشىلىعى ’التىن ءارىپتى تاقتايشاسىن‘ تۇلعالاپ، اۋىل شارۋاشىلىعىنىڭ كۇشەيۋىن، اۋىل - قىستاقتىڭ كوركەيۋىن، شارۋالاردىڭ بايۋىن ىلگەرىلەتىپ، جاڭا داۋىردە شينجياڭنىڭ اۋىل - قىستاقتى گۇلدەندىرۋىنىڭ جاڭا تاراۋىن قۇلشىنا جازۋعا ءوز كۇش - قۋاتىمدى ارنايمىن“، - دەدى بايىنعولين موڭعۇل اۆتونوميالى وبلىستىق اۋىل شارۋاشىلىعى، اۋىل - قىستاق مەكەمەسى پارتكومىنىڭ شۋجيى، ورىنباسار مەكەمە باستىعى جياڭ جيانيۇڭ.

  سانجى مەملەكەتتىك جوعارى، جاڭا تەحنيكا كاسىپتەرىن اشۋ رايونى پارتيا قىزمەتى كوميتەتىنىڭ شۋجيى جاۋ شياۋۋي مىنالاردى ءبىلدىردى: سانجى جوعارى، جاڭا تەحنيكا كاسىپتەرىن اشۋ رايونى باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، تياناقتاندىرىپ، اۋەلگى ماقساتتى، بورىشتى امالياتتا ايگىلەۋ جاعىندا كۇش سالىپ، تياناقتانىپ، تامىر تارتۋىن ىلگەرىلەتۋ جاعىندا كۇش سالىپ، ءتۇرلى قىزمەتتەرگە جەتەكشىلىك ەتىپ ىلگەرىلەتۋ جاعىندا كۇش سالىپ، جىبەك جولى ەكونوميكالىق بەلدەۋىنىڭ جاڭالىق اشۋ ارقىلى دامۋعا دەم بەرۋ سىناق رايونى قۇرىلىسى سىندى وسى ورايدى مىقتاپ يگەرىپ، فاكتور، وزىندىك قۇنىنىڭ ويپات جەرىن، عىلىم - تەحنيكا جانە وقۋ - اعارتۋ دارىندىلارىنىڭ بيىگىن تۇلعالاپ، قارجى قوسۋمەن جەتەكتەۋ، اسەر ارقىلى وزىنە تارتۋ، عىلىم - تەحنيكا جانە وقۋ - اعارتۋ ارقىلى ىلگەرىلەتۋ، رولى ارقىلى جەبەۋ 4 ءىرى ستراتەگيانى اتقارىپ، دامۋدىڭ جاسىلدانۋىن، فاكتورلاردىڭ شوعىرلانۋىن، كاسىپ سالاسىنىڭ توپتالۋىن، رايون مەن قالاشىقتىڭ ءبىر تۇلعالانۋىن جانە ءونىم مەن قالانىڭ توعىسۋىن جۇزەگە اسىرادى.

  ”بۇدان كەيىن باس شۋجي شي جينپيڭنىڭ ’1 - شىلدەدەگى‘ ماڭىزدى ءسوزىنىڭ رۋحىن جەتەكشى ەتىپ، ءوز قىزمەت مىندەتىمىزدى تياناق ەتىپ، جاۋاپكەرشىلىك ارقالاپ، ناقتى ىستەپ، نەگىزگى ساتى پارتيا ۇيىمى قۇرىلىسىن كۇشەيتۋ، قىستاق كادرلارى قوسىنىن تاربيەلەۋدى كۇشەيتۋ، نەگىزگى ساتىنىڭ جونگە سالۋ قابىلەتىن جوعارىلاتۋ جاعىندا ءتىپتى دە كوپ كۇش شىعارىپ، قىزمەت وتەۋ كولەمىن ۇزدىكسىز كەڭەيتىپ، قىزمەت وتەۋ ساپاسىن جوعارىلاتىپ، زەيىن - زەردەنى، سۇيىسپەنشىلىكتى، كۇش - قۋاتتى ارناي وتىرىپ حالىق ءۇشىن ناقتى ىستەر ىستەيمىز“، - دەدى توقسۇن اۋدانى بوستان قالاشىعى پارتكومىنىڭ ورىنباسار شۋجيى، ۇيىمداستىرۋ مۇشەسى جاڭ شۋ.

  (ءتىلشى جاڭ جىلي، قاتىناسقان تىلشىلەر گى يوۋجۇن، حان چينيان، دۋ جيانحۇي، جاڭ رۇيلين، ەرىكتى ءتىلشى يە شيتيڭ)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.