− باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
□ حالىق گازەتىنىڭ شولۋشىسى
”مەملەكەتتى قۇدىرەتتەندىرۋ ءۇشىن، ءسوز جوق، ارميانى قۇدىرەتتەندىرۋ كەرەك، ارميا قۇدىرەتتەنسە عانا مەملەكەت تىنىش بولادى“. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا باس شۋجي شي جينپيڭ: ”حالىق ارمياسى پارتيا مەن حالىق ءۇشىن وشپەس ەڭبەك ءسىڭىردى، قىزىل بيلىكتى قورعاۋدىڭ، ۇلتتىڭ ار - نامىسىن قورعاۋدىڭ بەرىك تىرەگى، سونداي - اق ءوڭىردىڭ جانە دۇنيە ءجۇزىنىڭ بەيبىتشىلىگىن قورعاۋدىڭ قۇدىرەتتى كۇشى“، - دەپ اتاپ كورسەتىپ، ”تاريحتى اينا ەتىپ، بولاشاق اشۋدا، ءسوز جوق، مەملەكەت قورعانىسى مەن ارميانى وسىزامانداندىرۋدى جەدەلدەتۋ كەرەك“، - دەپ باسا دارىپتەدى.
1927 - جىلى 8 - ايدىڭ 1 - كۇنى نانچاڭ قالاسىنداعى مىلتىق داۋىسى پارتيامىزدىڭ گومينداڭ كەرتارتپاشىلارىنا قارۋلى قارسى تۇرۋىنىڭ ۇلكەن شىمىلدىعىن اشتى. سول كەزدەن باستاپ جۇڭگو كوممۋنيستىك پارتياسىنىڭ باسشىلىعىنداعى حالىق ارمياسى جۇڭگو حالقى ءۇشىن ازاتتىققا تالپىنۋدىڭ، باقىتقا تالپىنۋدىڭ، جۇڭحۋا ۇلتىنىڭ تاۋەلسىزدىگىن كوزدەۋدىڭ، گۇلدەنۋىن كوزدەۋدىڭ تاريح كوشىنە ەرلىكپەن كىرىسىپ، جۇڭگو حالقى مەن جۇڭحۋا ۇلتىنىڭ تاعدىرىمەن تىعىز ۇشتاستى. 90 نەشە جىلدان بەرى، حالىق ارمياسى قيان - كەسكى سوعىستى باستان كەشىرىپ، جول بويى توسقاۋىلداردى تالقان ەتىپ، زور قۇرباندىق بەرىپ، تالاي - تالاي شۇعىلالى جەڭىسكە قول جەتكىزىپ، ىستىق قانى مەن ءومىرى ارقىلى حالىق وزىنە قوجايىن بولعان جاڭا جۇڭگو قۇرۋعا بەرىك نەگىز قالاپ، جۇڭحۋا ۇلتىنىڭ تاياۋ زاماننان بەرگى مەشەۋ، سوققى جەگەن ىرىقسىز جاعدايىن تۇبەگەيلى وزگەرتىپ، جاڭا حالىق بيلىگىن بەكەمدەۋگە، جۇڭگونىڭ ءىرى ەل ورنىن قالىپتاستىرۋعا، جۇڭحۋا ۇلتىنىڭ ار - نامىسىن قورعاۋعا بەرىك تايانىش ازىرلەپ، جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك ءتۇزىمىن قورعاۋعا، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋعا، ەلىمىزدىڭ دامۋداعى ماڭىزدى ستراتەگيالىق وراي مەزگىلىن قورعاۋعا، وڭىرلەردىڭ جانە دۇنيە ءجۇزىنىڭ بەيبىتشىلىگىن قورعاۋعا قۋاتتى كۇش تىرەگىن ازىرلەدى.
باس شۋجي شي جينپيڭ بىلاي دەپ اتاپ كورسەتتى: ”پارتيانىڭ قارۋلى كۇشتەرگە قولباسشىلىق ەتۋىنە، ءوزىنىڭ حالىق ارمياسىن قۇرۋىنا تاباندى بولۋ − پارتيانىڭ قان توگىلگەن، ءورت لاۋلاعان كۇرەس بارىسىندا قول جەتكىزگەن مىزعىماس اقيقاتى“. قۇدىرەتتى حالىق ارمياسىن قۇرۋ پارتيامىزدىڭ مىزعىماس تالپىنىسى، پارتيانىڭ حالىق ارمياسىنا شارتسىز باسشىلىعى ارميا قۇرۋدىڭ نەگىزى، ارميانى قۇدىرەتتەندىرۋدىڭ جانى. پارتيانىڭ ارمياعا شارتسىز باسشىلىعىنىڭ ءتۇبىرلى پرينسيبى مەن ءتۇزىمى نانچاڭ كوتەرىلىسىنەن باستالعان، سانۋانداعى قايتا قۇرۋدا نەگىزى قالانعان، گۋتيان ماجىلىسىندە تۇلعالانعان، حالىق ارمياسىن بارلىق كونە ارميادان بۇكىلدەي پارىقتاندىرۋدىڭ ساياسي ەرەكشەلىگى مەن ءتۇبىرلى ابزالدىلىعى. سان ميلليونداعان توڭكەرىستىك قولباسىلار مەن جاۋىنگەرلەر مۇراتىنان جازباي پارتيانىڭ ۇنىنە قۇلاق اسىپ، پارتياعا ىلەسىپ، ساتسىزدىك بارىسىندا ءتىپتى دە قايراتتا ءتۇسىپ، كۇيزەلىس بارىسىندا ەرلىكپەن العا ىلگەرىلەپ، قالجىرامايتىن، تالقاندالمايتىن، المايتىن قامالى، جەڭبەيتىن جاۋى جوق قۇرىش قوسىن سومدادى. جەل مەن نوسەر قاباتتاسقان ۇزاق توڭكەرىس جولىندا ارميامىزدىڭ قولباسىلارى مەن جاۋىنگەرلەرى: پارتياعا ىلەسەتىن بولساق عانا، ءسوز جوق، جەڭىسكە جەتەمىز دەگەن ءسوزدى اۋىزدان تاستامادى. تاريح بىزگە مىنانى ۇعىندىردى: پارتيانىڭ قارۋلى كۇشتەرگە قولباسشىلىق ەتۋى حالىق ارمياسىنىڭ ءمانى مەن باس ماقساتىن ساقتاۋدىڭ ءتۇبىرلى قامتاماسىزدىعى. جۇڭگو كوممۋنيستىك پارتياسى بولعاندىقتان، جۇڭگو كوممۋنيستىك پارتياسىنىڭ پارمەندى باسشىلىعى بولعاندىقتان، حالىق ارمياسىنىڭ العا ىلگەرىلەۋ بەتالىسى، كۇشى بار بولدى. العا ىلگەرىلەۋ جولىندا حالىق ارمياسى، ءسوز جوق، پارتيانىڭ ارمياعا شارتسىز باسشىلىعىنا مىقتاپ تاباندى بولىپ، وسىنى حالىق ارمياسىنىڭ ماڭگى وزگەرتۋگە بولمايتىن اسكەري قاسيەتى، ماڭگى جوعالتۋعا بولمايتىن جان جۇيەسى ەتىپ، ءارقانداي كەزدىڭ، ءارقانداي جاعدايدىڭ بارلىعىندا پارتيانىڭ تۋىن تۋ ەتۋ، پارتيانىڭ باعدارىن باعدار ەتۋ، پارتيانىڭ ەركىن ەرىك ەتۋ كەرەك.
مەملەكەت قورعانىسىن بەكەمدەۋ مەن ارميانى قۇدىرەتتەندىرۋ − جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ستراتەگيالىق تىرەگى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ”قوس 100 جىلدىق“ كۇرەس نىساناسىن جۇزەگە اسىرۋدى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى كوزدە ۇستاپ، پارتيانىڭ قولباسشىلىعىنا قۇلاق اساتىن، سوعىستا جەڭىسكە جەتەتىن، ستيلى تاماشا حالىق ارمياسىن قۇرۋ سىندى پارتيانىڭ جاڭا جاعدايداعى ارميانى قۇدىرەتتەندىرۋ نىساناسىن العا قويىپ، داۋىرمەن بىرگە ىلگەرىلەي وتىرىپ اسكەري ىستەر ستراتەگيالىق جەتەكشىلىگىندە جاڭالىق اشىپ، جاڭا جاعدايداعى اسكەري ىستەر ستراتەگيالىق باعىتىن جاساپ، حالىق ارمياسىنىڭ ارميانى قۇدىرەتتەندىرۋدىڭ جۇڭگوشا جولىندا بەرىك قادام باسۋىن ىلگەرىلەتتى. قۇدىرەتتى ارميا بولماسا، قۇدىرەتتى وتان بولمايدى. جۇڭگوشا سوتسياليزمگە تاباندى بولۋدا جانە ونى دامىتۋدا، ءسوز جوق، دامۋ مەن حاۋىپسىزدىكتى، مەملەكەتتى بايىتۋ مەن ارميانى قۇدىرەتتەندىرۋدى ءبىر تۇتاس جوسپارلاۋ كەرەك. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا، جۇڭگو حالقىنىڭ اناعۇرلىم تاماشا تۇرمىسىن جۇزەگە اسىرۋدا، ءسوز جوق، حالىق ارمياسىن دۇنيە جۇزىندەگى بىرەگەي ارميا ەتىپ قۇرىپ شىعۋدى جەدەلدەتۋ كەرەك.
باس شۋجي شي جينپيڭ بىلاي دەپ باسا دارىپتەدى: ”جاڭا ساپاردا ءبىز، ءسوز جوق، جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن جالپى بەتتىك دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن دايەكتىلەندىرىپ، پارتيانىڭ حالىق ارمياسىنا شارتسىز باسشىلىعىنا تاباندى بولىپ، ارميانى قۇدىرەتتەندىرۋدىڭ جۇڭگوشا جولىمەن جۇرۋگە تاباندى بولىپ، ارميانى ساياسي جاقتان قۇرۋدى، ارميانى رەفورما ارقىلى قۇدىرەتتەندىرۋدى، ارميانى عىلىم - تەحنيكا ارقىلى قۇدىرەتتەندىرۋدى، ارميانى دارىندىلار ارقىلى قۇدىرەتتەندىرۋدى، ارميانى زاڭمەن جونگە سالۋدى جالپى بەتتىك ىلگەرىلەتىپ، حالىق ارمياسىن دۇنيە جۇزىندەگى بىرەگەي ارميا ەتىپ قۇرىپ شىعىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن اناعۇرلىم كۇشتى قابىلەتپەن، اناعۇرلىم سەنىمدى تاسىلمەن قورعاۋىمىز كەرەك!“. مەملەكەت قورعانىسى مەن ارميانى وسىزامانداندىرۋ اياق الىسىن، ءسوز جوق، مەملەكەتتى وسىزامانداندىرۋ اياق الىسىمەن ءوزارا سايكەستىرۋ كەرەك، اسكەري ىستەر قابىلەتىن، ءسوز جوق، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ستراتەگيالىق قاجەتىمەن ءوزارا سايكەستىرۋ كەرەك. مەملەكەتتىڭ حاۋىپسىزدىك ورتاسىنداعى تەرەڭ وزگەرىس الدىندا، مەملەكەتتى قۇدىرەتتەندىرۋدىڭ، ارميانى قۇدىرەتتەندىرۋدىڭ ءداۋىر تالابى الدىندا، شي جينپيڭنىڭ ارميانى قۇدىرەتتەندىرۋ يدەياسىن جەتەكشى ەتۋگە تاباندى بولىپ، پارتيانىڭ ارمياعا شارتسىز باسشىلىعىنىڭ ءتۇبىرلى پرينسيبى مەن ءتۇزىمىن باتىل دايەكتىلەندىرىپ، نازاردى باستان - اياق سوعىسقا دايىندالۋعا، سوعىس جۇرگىزۋگە شوعىرلاندىرىپ، بۇيرىق بەرىلىسىمەن جەتىپ كەلەتىن، كەلە سالىسىمەن شايقاسا الاتىن، شايقاسسا، ءسوزسىز، جەڭىپ شىعاتىن سايلاۋىت جاساقتى، كۇشتى قوسىندى سومداپ، مەملەكەت قورعانىسى مەن ارميانى وسىزامانداندىرۋ دەڭگەيىن جاپپاي جوعارىلاتىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعايتىن ستراتەگيالىق قابىلەتتى جاپپاي جوعارىلاتىپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىنا قاراي ارشىنداي ىلگەرىلەيتىن بولسا، حالىق ارمياسى، ءسوز جوق، جاڭا داۋىردەگى ارميانى قۇدىرەتتەندىرۋ ىستەرىندە ۇزدىكسىز العا ىلگەرىلەپ، پارتيا مەن حالىق جۇكتەگەن جاڭا داۋىردەگى بورىشتى، مىندەتتى اناعۇرلىم ويداعىداي ارقالاي الادى.
داۋىلداردا تەڭىزدە جەلكەن جايىپ، ارىستار جاڭا ساپارعا ارشىندى قادام تاستادى. پارتيا 19 - قۇرىلتايى 2035 - جىلعا بارعاندا مەملەكەت قورعانىسى مەن ارميانىڭ وسىزاماندانۋىن نەگىزىنەن جۇزەگە اسىرىپ، وسى عاسىردىڭ ورتا شەنىنە بارعاندا حالىق ارمياسىن دۇنيە جۇزىندەگى بىرەگەي ارميا ەتىپ جاپپاي قۇرىپ شىعۋعا كۇش سالۋدى تۇراقتاندىردى. پارتيا 19 - كەزەكتى ورتالىق كوميتەتى بەسىنشى جالپى ءماجىلىسى 2027 - جىلعا بارعاندا ارميانى قۇرۋدىڭ 100 جىلدىق كۇرەس نىساناسىن جۇزەگە اسىرۋعا شىنايى كەپىلدىك ەتۋدى ايقىن العا قويدى. ۇلى جوسپار جاسالدى، قايراتتانا ەكپىندەي ىلگەرىلەۋدىڭ ءساتى كەلدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ارميانى قۇدىرەتتەندىرۋدىڭ جۇڭگوشا جولىمەن بۇلجىماي ءجۇرىپ، داۋىرمەن بىرگە ىلگەرىلەي وتىرىپ مەملەكەت قورعانىسى مەن ارميا قۇرىلىسىن كۇشەيتىپ، مەملەكەتتى قۇدىرەتتەندىرۋدىڭ، ارميانى قۇدىرەتتەندىرۋدىڭ شۇعىلالى تاراۋىن ۇزدىكسىز جازىپ، تاريح پەن داۋىرگە لايىق شۇعىلالى ناتيجەنى ۇزدىكسىز جاراتايىق!
(شينحۋا اگەنتتىگىنىڭ 7 - ايدىڭ 8 - كۇنى بەيجيڭنەن بەرگەن حابارى)
