□ شەريا اۋدانىنداعى ماقتا تەرۋشى تۇرسۇننيازحان جامال
2016 - جىلدان بۇرىن ءۇيىمىز كەدەي وتباسى ەدى، ول كەزدە بىزدە نەبارى 3 مۋ جەر عانا بار بولاتىن، نەگىزىنەن، ءبيداي ەگەتىبىز، ءبىر جىلدىق كىرىسىمىز كۇن كورىسىمىزگە زورعا جەتەتىن. كەدەيلىكتەن ارىلىپ تاماشا تۇرمىس وتكىزۋ ءۇشىن 2016 - جىلدان باستاپ، ءار جىلعى ماقتا تەرۋ مەزگىلىندە ۇلىممەن، كەلىنىممەن بىرگە ماقتا تەردىم. ماقتا تەرۋدىڭ ۋاقىتى قىسقا، كىرىسى جوعارى، قولعا ناق اقشا تيەتىندىكتەن قىستاقتاعى كوپتەگەن ادامداردىڭ ماقتا تەرگىسى كەلەتىن بولدى، ءىشىنارا ادامدار ماقتا تەرۋ اياقتالعاننان كەيىن دە سىرتقا شىعىپ جالعاستى جۇمىس ىستەيدى. وسى بىرنەشە جىلدا ماقتا تەرۋ جانە سىرتقا شىعىپ جۇمىس ىستەۋ ارقىلى تۇرمىسىمىزدا زور وزگەرىس تۋىلدى، كىرىسىمىز كورنەكتى جوعارىلادى، تۇرمىسىمىز بارعان سايىن جاقساردى.
مەن ءبىر ناعىز ديقانمىن، باقىتتى تۇرمىس جاراتۋدىڭ قاجىرلى ەڭبەكتى قاجەت ەتەتىنىن ەس بىلگەننەن تارتىپ بىلەتىنمىن. مەن جانە مەنىڭ اۋىلداستارىم ەڭبەكشىل قوس قولىمىزبەن وزىمىزگە ءتان باقىتقا يە بولدىق، مۇندا قايداعى ”زورلىقپەن ەڭبەككە سالۋ“ بولسىن! امەريكاداعى، باتىستاعى جۇڭگوعا قارسى كۇشتەردىڭ ولەرمەندەنە وسەك - اياڭ شىعارۋى ناعىز كۇلكىلى جايت ءارى بارىپ تۇرعان بىلجىراق. ولار ءبىزدىڭ تاماشا تۇرمىس وتكىزۋىمىزدى قالامايدى، ءبىز بۇعان مۇلدەم قوسىلمايمىز!
