تيانشان تورى   ›   جاڭالىقتار   ›   ەل ءىشى حابارى

نەگىزگى ساتىنى جونگە سالۋ جۇيەسى مەن جونگە سالۋ قابىلەتىن وسىزامانداندىرۋ قۇرىلىسىن كۇشەيتۋ كەرەك

جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «پىكىر» باسىپ تاراتتى

نەگىزگى ساتىنى جونگە سالۋ جۇيەسى مەن جونگە سالۋ قابىلەتىن وسىزامانداندىرۋ قۇرىلىسىن كۇشەيتۋ كەرەك

  شينحۋا اگەنتتىگىنىڭ 7 - ايدىڭ 11 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس جۋىقتا «نەگىزگى ساتىنى جونگە سالۋ جۇيەسى مەن جونگە سالۋ قابىلەتىن وسىزامانداندىرۋ قۇرىلىسىن كۇشەيتۋ جونىندەگى پىكىردى» باسىپ تاراتتى (تومەندە قىسقارتىلىپ «پىكىر» دەلىنەدى).

  «پىكىردە» مىنالار ايقىندالدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيانىڭ جاپپاي باسشىلىعىنا تاباندى بولىپ جانە كۇشەيتىپ، حالىقتى وزەك ەتۋگە تاباندى بولىپ، حالىقتىڭ ىرىس - قۇتىن ارتتىرۋدى شىعار ءتۇيىن جانە تياناق ەتىپ، نەگىزگى ساتى پارتيا ۇيىمى قۇرىلىسىن كۇشەيتۋدى، نەگىزگى ساتى پارتيا ۇيىمدارىنىڭ ساياسي رولى مەن ۇيىمداستىرۋ كۇشىن ارتتىرۋدى تەتىك ەتىپ، نەگىزگى ساتى بيلىگى قۇرىلىسىن كۇشەيتۋ مەن نەگىزگى ساتى بۇقاراسىنىڭ ءوزىن - ءوزى باسقارۋ ءتۇزىمىن اقاۋسىزداندىرۋدى ءتۇيىن ەتىپ، رەفورما جاساپ جاڭالىق اشۋدى جانە ءتۇزىم قۇرىلىسىن، قابىلەت قۇرىلىسىن تۇتقا ەتىپ، نەگىزگى ساتىنى جونگە سالۋ ءتۇزىلىس، مەحانيزمىن ورناتىپ، اقاۋسىزداندىرىپ، ۇكىمەتتىڭ جونگە سالۋىنىڭ قوعامدىق رەتكە سالۋمەن، تۇرعىنداردىڭ ءوزىن - ءوزى باسقارۋمەن ءتيىمدى ىقپالداستىعىن ىلگەرىلەتىپ، نەگىزگى ساتىنى جونگە سالۋىنىڭ قوعامدانۋ، زاڭمەن جونگە سالىنۋ، زەردەلىلەنۋ، ماماندانۋ دەڭگەيىن جوعارىلاتۋ.

  باستى نىسانا: 5 جىلداي ۋاقىت جۇمساپ، پارتيا ۇيىمى ءبىر تۇتاس باسشىلىق ەتەتىن، ۇكىمەت زاڭ بويىنشا جاۋاپكەرشىلىك اتقاراتىن، ءار ءتۇرلى ۇيىمدار بەلسەنە سايكەسەتىن، بۇقارا كەڭ كولەمدە ات سالىساتىن، ءوزىن - ءوزى باسقارۋ، زاڭمەن جونگە سالۋ، مورالمەن جونگە سالۋ ءوزارا ۇشتاسقان نەگىزگى ساتىنى جونگە سالۋ جۇيەسىن قۇرىپ، ۇدايىلانعان باسقارۋ مەن توتەنشە جاعدايلار بويىنشا باسقارۋ يكەمدى ۇشتاسقان نەگىزگى ساتىنى جونگە سالۋ مەحانيزمىن اقاۋسىزداندىرىپ، تور كوزدەندىرىپ باسقارىلاتىن، ەگجەي - تەگجەيلى قىزمەت وتەيتىن، ينفورماتسيالاندىرۋ تىرەك بولاتىن، اشىق، تەڭ يگىلىكتەنەتىن نەگىزگى ساتىنى باسقارۋعا قىزمەت وتەۋ تەكشەسىن قۇرۋعا؛ پارتيا قۇرىلىسى ارقىلى نەگىزگى ساتىنى جونگە سالۋ مەحانيزمىن جاپپاي كەمەلدەندىرۋگە جەتەكشىلىك ەتىپ، نەگىزگى ساتى بيلىگىنىڭ پارمەندى، تەبىندى بولۋىنا، نەگىزگى ساتى بۇقاراسىنىڭ ءوزىن - ءوزى باسقارۋىنىڭ ومىرشەڭدىك كۇشكە تولى بولۋىنا، نەگىزگى ساتى الەۋمەتتىك قىزمەت وتەۋىنىڭ دالمە - ءدال، جوعارى ءونىمدى بولۋىنا، پارتيانىڭ بيلىك جۇرگىزۋ نەگىزىنىڭ اناعۇرلىم بەرىك بولۋىنا، نەگىزگى ساتىنى جونگە سالۋ جۇيەسى مەن جونگە سالۋ قابىلەتىن وسىزامانداندىرۋ دەڭگەيىن كورنەكتى جوعارىلاتۋعا كۇش سالۋ. وسى نەگىزدە تاعى 10 جىل ۋاقىت جۇمساپ، نەگىزگى ساتىنى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى نەگىزىنەن جۇزەگە اسىرىپ، جۇڭگوشا نەگىزگى ساتىنى جونگە سالۋ ءتۇزىمىنىڭ باسىمدىعىن تولىق ايگىلەۋگە كۇش سالۋ.

  «پىكىر» مىنانى تالاپ ەتتى: پارتيانىڭ نەگىزگى ساتىنى جونگە سالۋعا جاپپاي باسشىلىق ەتۋ ءتۇزىمىن كەمەلدەندىرىپ، پارتيانىڭ نەگىزگى ساتى ۇيىمدىق قۇرىلىسىن كۇشەيتىپ، نەگىزگى ساتىنى جونگە سالۋداعى پارتيانىڭ باسشىلىق ءتۇزىلىسىن اقاۋسىزداندىرۋ؛ پارتكوم باسشىلىق ەتەتىن، پارتيا مەن ۇكىمەت ءبىر تۇتاس جوسپارلايتىن، قاراپايىم دا جوعارى ءونىمدى اۋىل، قالاشىق (ءمالى) باسقارۋ ءتۇزىلىسىن قۇرۋ؛ پارتيا قۇرىلىسى جەتەكشىلىك ەتكەن قوعامدىق ات سالىسۋ ءتۇزىمىن كەمەلدەندىرۋ كەرەك. نەگىزگى ساتى بيلىگىنىڭ جونگە سالۋ قابىلەت قۇرىلىسىن كۇشەيتىپ، اۋىل، قالاشىقتىڭ (ءمالى) اكىمشىلىك اتقارۋ قابىلەتىن، حالىق ءۇشىن قىزمەت وتەۋ قابىلەتىن، ىستەردى اقىلداسۋ، كەڭەسۋ قابىلەتىن، توتەنشە جاعدايلاردى باسقارۋ قابىلەتىن جانە تىنىشتىق قۇرىلىسى قابىلەتىن كۇشەيتۋ كەرەك. نەگىزگى ساتى بۇقاراسىنىڭ ءوزىن - ءوزى باسقارۋ ءتۇزىمىن اقاۋسىزداندىرىپ، قىستاق تۇرعىندار كوميتەتىن جۇيەلىلەندىرۋ قۇرىلىسىن كۇشەيتىپ، قىستاق تۇرعىندارىنىڭ ءوزىن - ءوزى باسقارۋ مەحانيزمىن اقاۋسىزداندىرىپ، قىستاقتىڭ (الەۋمەتتىك اۋماق) ۇيىمداستىرۋ، اتتانىسقا كەلتىرۋ قابىلەتىن كۇشەيتىپ، قىستاقتىڭ (الەۋمەتتىك اۋماق) قىزمەت وتەۋ ارناسىن ساپالىلاندىرۋ كەرەك. نەگىزگى ساتىنى زاڭمەن جونگە سالۋ جانە مورالمەن جونگە سالۋ قۇرىلىسىن ىلگەرىلەتىپ، نەگىزگى ساتىنى جونگە سالۋدا زاڭمەن جونگە سالۋ قۇرىلىسىن ىلگەرىلەتىپ، يدەيا - ءمورال قۇرىلىسىن كۇشەيتىپ، الەۋمەتتىك يگىلىك، قايىرىمدىلىق ىستەرىن دامىتۋ كەرەك. نەگىزگى ساتىنى اقىل - پاراسات ارقىلى جونگە سالۋ قابىلەتى قۇرىلىسىن كۇشەيتىپ، جوبا قۇرىلىسىن ويداعىداي جاساپ، ساندى مالىمەت بايلىعىن بىرىكتىرىپ، قولدانۋ جاعدايىن كەڭەيتۋ كەرەك. ۇيىمدىق قامتاماسىزدىقتى كۇشەيتىپ، ءار دارەجەلى پارتكوم مەن ۇكىمەتتىڭ جاۋاپكەرشىلىگىن ناقتىلاندىرىپ، نەگىزگى ساتىنى تەكسەرۋ، باعالاۋدى جاقسارتىپ، نەگىزگى ساتىنى جونگە سالۋ ۇسىنىلىمىن قامتاماسىز ەتىپ، نەگىزگى ساتىنى جونگە سالۋ قوسىنى قۇرىلىسىن كۇشەيتىپ، نەگىزگى ساتىنى جونگە سالۋدا جاڭالىق اشۋدى ىلگەرىلەتىپ، نەگىزگى ساتىنى جونگە سالۋدىڭ تاماشا رايىن قالىپتاستىرۋ كەرەك.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.