— باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى
حالىق گازەتىنىڭ شولۋشىسى
”جۇڭگو كوممۋنيستىك پارتياسى ادامزاتتىڭ بولاشاعىنا، تاعدىرىنا نازار اۋدارادى، دۇنيە جۇزىندەگى بارلىق العاباسار كۇشتەرمەن قول ۇستاسا العا ىلگەرىلەيدى، جۇڭگو باستان - اياق دۇنيە ءجۇزى بەيبىتشىلىگىنىڭ قۇرۋشىسى، الەمدىك دامۋدىڭ ۇلەسكەرى، حالىقارالىق ءتارتىپتىڭ قورعاۋشىسى!“. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا باس شۋجي شي جينپيڭ جۇڭگو كوممۋنيستىك پارتياسىنىڭ 100 جىلدىق كۇرەسىنىڭ شۇعىلالى بارىسىنا تەرەڭ سۇيىسپەنشىلىكپەن قايىرىلا قاراپ: ”تاريحتى اينا ەتىپ، بولاشاق اشۋدا، ءسوز جوق، ادامزاتتىڭ تاعدىرلاس ورتاق تۇلعاسىن قۇرۋدى ۇزدىكسىز ىلگەرىلەتۋ كەرەك“، - دەپ باسا دارىپتەدى.
”اۋەلى ادالدىقتى جول ەتىپ، مەيىرىمدىلىكتى ءمورال ەتۋ كەرەك“. جۇڭحۋا ۇلتى تەگىننەن ”الەم ءبىر شاڭىراق“ دەگەنگە ءمان بەرىپ، حالىق باۋىرلاس، جان - جانۋار توركىندەس بولۋدى، مەملەكەتتەر بەرەكە - بىرلىكتى، الەمدە ۇلى بىرلىك بولۋدى قۋاتتاپ، «دۇرىس جول ۇستانىپ، الەمنىڭ كوپكە ورتاق بولۋى» سىندى كوركەم دۇنيە ءجۇزىن كوكسەدى. جۇڭگو كوممۋنيستىك پارتياسى باستان - اياق بەيبىت دامۋعا تاباندى بولىپ، دۇنيە ءجۇزىنىڭ بەيبىتشىلىگىن، ورنىقتىلىعىن قاجىماي - تالماي قورعاپ، ماڭگى زورەكەر بولماۋعا، ىرگە كەڭەيتپەۋگە، ىقپال كولەمىن كەڭەيتپەۋگە تاباندى بولدى، ءارى دۇنيە ءجۇزىنىڭ بەيبىتشىلىگىن قورعاۋ ارقىلى ءوزىن دامىتتى، ءارى ءوزىن دامىتۋ ارقىلى دۇنيە ءجۇزىنىڭ بەيبىتشىلىگىن جەبەدى؛ باستان - اياق ادىلدىككە، تۋراشىلدىققا تاباندى بولىپ، ادامزاتتىڭ ەركىندىگىن، ازاتتىعىن قاجىماي - تالماي ىلگەرىلەتىپ، مەملەكەتتى ۇلكەن - كىشى، كۇشتى - ءالسىز، كەدەي - باي دەپ بولمەي، بارلىعىنىڭ تەرەزەسى تەڭ بولۋىنا تاباندى بولىپ، باسقالارعا زورلاپ تاڭۋعا قارسى تۇردى، ىشكى ىسكە كيلىگۋگە قارسى تۇردى، كۇشتىلەردىڭ السىزدەردى باسىنۋىنا قارسى تۇردى؛ باستان - اياق سەلبەسىپ تەڭ يگىلىككە كەنەلۋگە تاباندى بولىپ، ءار ەلدىڭ بىرگە دامۋىن قاجىماي - تالماي جەبەپ، ءوزارا پايدا جەتكىزىپ، تەڭ يگىلىككە كەنەلەتىن اشىق ستراتەگياعا تاباندى بولىپ، سەلبەستىك ارقىلى قارسىلاسۋعا توتەپ بەرىپ، تەڭ يگىلىككە كەنەلۋ ارقىلى نولدىك جيىنتىقتىڭ ورنىن باسىپ، جۇڭگونىڭ جاڭا دامۋى ارقىلى دۇنيە جۇزىنە جاڭا وراي ازىرلەدى. 100 جىلدان بەرى، جۇڭگو حالقىنىڭ باقىتىن كوزدەدى ءارى ادامزاتتىڭ العا باسۋ ىستەرىن جەبەۋ جولىندا كۇرەس جۇرگىزدى، جۇڭگو كوممۋنيستىك پارتياسى دۇنيە ءجۇزىنىڭ ۇلى بىرلىگىن كوزدەۋدەي الەمدىك سۇيىسپەنشىلىكتى باتىل ساقتاپ، ادامزاتتىڭ تاعدىرلاس ورتاق تۇلعاسىن قۇرۋدى بەلسەنە ىلگەرىلەتىپ، ادامزات ماسەلەسىن شەشۋگە جۇڭگو اقىل - پاراساتى مەن جۇڭگو جوباسىن ارنادى، ادامزات وركەنيەتى مەن العا باسۋ ىستەرىنە كورنەكتى ۇلەس قوستى.
قازىرگى تاڭداعى دۇنيە ءجۇزى 100 جىلدا بولماعان زور وزگەرىستى باستان كەشىرۋدە، بەيبىتشىلىك پەن دامۋ ءالى دە قازىرگى ءداۋىردىڭ نەگىزگى تاقىرىبى، ادامزاتتىڭ تاعدىرى ەجەلدەن بۇگىنگىدەي تىعىز ءوزارا بايلانىستا بولىپ كورگەن ەمەس، ءار ەلدىڭ مۇددەسى بۇگىنگى سياقتى وسىنداي تەرەڭ توعىسىپ كورگەن ەمەس، بەيبىتشىلىك، دامۋ، سەلبەسۋ، تەڭ يگىلىككە كەنەلۋ سىندى ءداۋىر اعىنىن توسۋعا بولمايدى. ءتۇرلى الەمدىك قاتەر مەن سىن - سايىس الدىندا، حالىقارالىق قوعام بۇرىنعى ءارقانداي كەزدەگىدەن ىنتىماقتى، سەلبەستىكتى اناعۇرلىم قاجەت ەتەدى، كوپ جاقتىلىقتى قورعاۋدى اناعۇرلىم قاجەت ەتەدى، حالىقارالىق ادىلدىك پەن ادامگەرشىلىككە تاباندى بولۋدى اناعۇرلىم قاجەت ەتەدى. تاريح پەن رەالدىق بىزگە مىنانى ۇعىندىردى: دۇنيە جۇزىندەگى ءار ەل ادامزات تاعدىرلاس ورتاق تۇلعا ۇستانىمىنان جازباي، كوپ جاقتىلىققا تاباندى بولىپ، ىنتىماقتاسۋ، سەلبەسۋ جولىمەن جۇرەتىن بولسا، ءسوز جوق، ءتۇرلى الەمدىك ماسەلەلەرگە بىرگە توتەپ بەرىپ، كورىكتى جەر شارى مەكەنىن بىرگە قۇرا الادى. العا باسۋ جولىندا جۇڭگو باستان - اياق تاريحتىڭ دۇرىس جاعىندا تۇرىپ، باستان - اياق ادامزات ءۇشىن جاڭا دا اناعۇرلىم زور ۇلەس قوسۋدى ءوزىنىڭ بورىشى ەتەدى. باس شۋجي شي جينپيڭ باسا دارىپتەگەندەي: ”جاڭا ساپاردا ءبىز، ءسوز جوق، بەيبىتشىلىك، دامۋ، سەلبەستىك، تەڭ يگىلىكتەنۋ تۋىن بيىك ۇستاپ، دەربەس، وزىنە قوجايىن بولعان بەيبىت ديپلوماتيالىق ساياسات اتقارىپ، بەيبىت دامۋ جولىمەن جۇرۋگە تاباندى بولىپ، جاڭاشا حالىقارالىق قارىم - قاتىناس ورناتۋدى ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، ’ءبىر بەلدەۋ، ءبىر جولدى‘ بىرگە قۇرۋدىڭ جوعارى ساپالى دامۋىن ىلگەرىلەتىپ، جۇڭگونىڭ جاڭا دامۋى ارقىلى دۇنيە جۇزىنە تىڭ وراي ازىرلەۋىمىز كەرەك. جۇڭگو كوممۋنيستىك پارتياسى بەيبىتشىلىكتى سۇيەتىن بارلىق ەلدەرمەن جانە حالىقتارمەن بىرگە بەيبىتشىلىك، دامۋ، تەڭدىك، ادىلدىك، دەموكراتيا، ەركىندىك سىندى بۇكىل ادامزاتتىڭ ورتاق قۇنىن ۇزدىكسىز اسقاقتاتىپ، سەلبەسۋگە تاباندى بولىپ، قارسىلاسۋ جولىمەن جۇرمەدى، ەسىك اشۋعا تاباندى بولىپ، توماعا - تۇيىقتىققا بوي ۇرمايدى، ءوزارا پايدا جەتكىزىپ، تەڭ يگىلىككە كەنەلۋگە تاباندى بولىپ، نولدىك جيىنتىق ويىنىمەن اينالىسپادى، زورەكەرلىك پەن ساياسي وكتەمدىككە قارسى تۇرىپ، تاريح تەگەرشىگىنىڭ نۇرلى نىسانانى بەتكە الىپ العا ىلگەرىلەۋىن جەبەدى!“.
بەيبىتشىلىك، تاتۋلىق، جاراسىمدىلىق − جۇڭحۋا ۇلتىنىڭ 5000 نەشە جىلدان بەرى باستان - اياق تالپىنعان جانە جالعاستىرعان ۇستانىمى، جۇڭحۋا ۇلتىنىڭ قانىندا باسقالارعا شاپقىنشىلىق جاساۋ، زورلىق - زومبىلىق ىستەۋ گەنى بولعان ەمەس. تاياۋ زاماننان كەيىن جۇڭگو حالقى الپاۋىت ەلدەردىڭ شاپقىنشىلىق زاردابىن ابدەن تارتتى، سوعىس ءورتىنىڭ ايانىشتى ازابىن باستان وتكەردى، ايتسە دە جۇڭگو حالقى وسىدان ازۋلىلار السىزدەردى باسىناتىن قاراقشىلىق لوگيكانى ۇيرەنبەدى، قايتا بەيبىتشىلىكتى قورعاۋ بەكىمىن اناعۇرلىم بەكەمدەدى. جاڭا جۇڭگو قۇرىلعان 70 نەشە جىلدان بەرى، ءبىز ىرىقتىلىقپەن سوعىس قوزعاپ كورمەدىك، وزگە ەلدەردىڭ سۇيەمدەي جەرىن يەمدەنىپ كورمەدىك. جۇڭگو حالقى پالە ىزدەمەيدى ءارى پالە ىزدەگەندەردەن قورىقپايدى، ءارقانداي قيىنشىلىق پەن حاۋىپ - قاتەر الدىندا بۋىنى بوسامايدى، بەلى يىلمەيدى، جۇڭحۋا ۇلتى ەشتەڭەدەن تايىنبايدى، ەڭسەسىن تۇسىرمەيدى! باس شۋجي شي جينپيڭ سوزىندە كەسەتىپ بىلاي دەدى: ”جۇڭگو حالقى ادىلەتتى قاستەرلەيتىن، زورلىق - زومبىلىقتان قورىقپايتىن حالىق، جۇڭحۋا ۇلتى كۇشتى ۇلتتىق ماقتانىش سەزىمى جانە وزىنە سەنىمى بار ۇلت. جۇڭگو حالقى وزگە ەل حالىقتارىن ەجەلدەن باسىنىپ، ەزىپ، قۇلدانعان ەمەس، بۇرىن دا بولماعان، قازىر دە بولعان ەمەس، بولاشاقتا دا بولماق ەمەس. سونىمەن بىرگە جۇڭگو حالقى دا ءارقانداي سىرتقى كۇش اتاۋلىنىڭ ءبىزدى باسىنۋىنا، ەزۋىنە، قۇلدانۋىنا، استە، جول بەرمەيدى، كىمدە - كىم وسىلاي ىستەۋ قۇر قيالىنا سالىنادى ەكەن، ءسوز جوق، ءبىر ميلليارد 400 ميلليوننان استام جۇڭگو حالقى جان - تانىمەن سومداعان قۇرىش قورعانى الدىندا جەڭىلىسپەن تىنادى!“.
دۇنيە ءجۇزى جاقسى بولسا، جۇڭگو دا جاقسى بولادى؛ جۇڭگو جاقسى بولسا، دۇنيە ءجۇزى دە اناعۇرلىم جاقسى بولادى. 100 جىلدىققا قايىرىلا قاراساق، جۇڭگو كوممۋنيستىك پارتياسىنىڭ جۇڭگو حالقىنا باسشىلىق ەتىپ جۇرگىزگەن ۇلى كۇرەسى تاريحقا جازىلدى، ادامزاتتىڭ بەيبىتشىلىگى مەن دامۋى ءۇشىن قوسقان كەلەلى ۇلەسى بارشا جۇرتقا ايان. بولاشاقتى بەتكە الساق، جۇڭگو دۇنيە جۇزىندەگى ءار ەلمەن بىرگە كەدەيلىكتەن، مەشەۋلىكتەن ارىلۋ، گۇلدەنۋدى، دامۋدى جەبەۋ جولىندا قاجىماي - تالماي قۇلشىنىپ، الاۋىزدىقتى، سوعىس بىلىقپالىعىن جويۋ، جاراسىمدى، ورنىقتىلىقتى قورعاۋ جولىندا ءۇرتىس كۇرەس جۇرگىزىپ، وركەنيەت قاقتىعىسىن جويۋ، اۋىس - كۇيىس جاساۋ، ءوزارا ۇلگى الۋدى كۇشەيتۋ جولىندا كۇش - قۋاتىن ارناپ، ادامزاتتىڭ تاعدىرلاس ورتاق تۇلعاسىن بىرگە قۇرىپ، اناعۇرلىم كورىكتى دۇنيە ءجۇزىن قول ۇستاسا قۇرادى.
(شينحۋا اگەنتتىگىنىڭ 7 - ايدىڭ 9 - كۇنى بەيجيڭنەن بەرگەن حابارى)
