— بۇكىل رايونداعى ءار دارەجەلى پارتيا ۇيىمدارى 23 - رەتكى پارتيا ستيلى، پاكتىك قۇرىلىسى تاربيە ايى قيمىلىن تىڭعىلىقتى ورىستەتتى
ەرىكتى ءتىلشى ۋ لي
جۋىقتا اۆتونوميالى رايوندىق پارتكوم حابارلاندىرۋ شىعارىپ، بۇكىل رايونداعى ءار دارەجەلى پارتيا ۇيىمدارىنان بيىل 7 - ايدا ”پارتيانى جاپپاي قاتاڭ جونگە سالۋدىڭ جەتەكشىلىك ەتۋ، قامتاماسىزداندىرۋ رولىن تولىق ساۋلەلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ تياناقتانىپ، تامىر تارتۋىن ىلگەرىلەتۋدى“ نەگىزگى تاقىرىپ ەتكەن 23 - رەتكى پارتيا ستيلى، پاكتىك قۇرىلىسى تاربيە ايى قيمىلىن باستاۋدى تالاپ ەتتى.
بۇكىل رايونداعى ءار دارەجەلى پارتيا ۇيىمدارى دەرەۋ اتتانىسقا كەلىپ، اۆتونوميالى رايوندىق پارتكومنىڭ ورنالاستىرۋىنا، تالاپتارىنا ساي، تاربيە ايى قيمىلىن ساتى - ساتى بويىنشا باستادى.
ىشكەرىلەي ۇيرەنىپ، جەتە ءتۇسىندى، شىنايى سەنىپ، تاباندىلىقپەن اتقاردى
7 - ايدىڭ 1 - كۇنى جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسى كۇنى، اۆتونوميالى رايوندىق پارتكوم كەڭسەسى باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇيرەنۋ جونىندە پىكىر اۋىستىرۋ، زەرتتەۋ - تالقى ءماجىلىسىن اشتى، زەرتتەۋ - تالقى ماجىلىسىندە كوپشىلىك ىركەس - تىركەس ءسوز سويلەپ، مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ ويى ورەلى، يدەياسى تەرەڭ، ادامدى جىگەرلەندىرىپ، ەرەكشە جەلپىندىرەدى، ىلەسە ۇيرەنىپ، ىشكەرىلەي ۇيرەنىپ، قىزمەت ورنى مىندەت جاۋاپكەرشىلىگىمەن بىرلەستىرە ىشكەرىلەي ۇيرەنىپ، جەتە ءتۇسىنىپ، قىزمەتكە جەتەكشىلىك ەتۋ كەرەك.
وسى رەتكى تاربيە ايى قيمىلى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتكوم (پارتيا باسشىلىق گرۋپپاسى) نازاريا ۇيرەنۋ وزەكتى گرۋپپاسىنىڭ ۇيرەنۋى، توپتىق زەرتتەۋ - تالقى، ارناۋلى تاقىرىپتاعى لەكسيا، ”ءۇش جيىن، ءبىر ساباق“، كىتاپ وقۋ كلاسى سياقتى فورمالار ارقىلى پارتيالى كادرلاردى، ۇكىمەت قىزمەتكەرلەرىن پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرۋ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحى قاتارلىلاردى دايەكتىلەندىرۋگە، تياناقتاندىرۋعا ۇيىمداستىرىپ، بۇكىل رايونداعى قالىڭ پارتيالى كادرلاردى ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز كۇشەيتىپ، شىرىكتەسۋگە باتىلى بارماۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الماۋدى ءبىر تۇتاس ىلگەرىلەتىپ، داعدىدا بەرىك، تارتىپتە قاتاڭ، كادرلار پاك، القا كىرشىكسىز بولۋدى قۇلشىنا ورىنداپ، ”14 - بەسجىلدىقتا“ جاقسى باستاما اشىپ، جاقسى قادام تاستاۋعا ءتارتىپ جاعىنان پارمەندى قامتاماسىز ەتىپ، جاڭا داۋىردەگى جۇڭگوشا سوتسياليستىك شينجياڭ قۇرۋدا جاۋاپكەرشىلىك ارقالاپ ءىس تىندىرۋعا تاربيەلەۋدى، جەتەكتەۋدى ماقسات ەتتى.
اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتىنىڭ پارتكوم كەڭسەسىندە تۇراتىن ءتارتىپ تەكسەرۋ، باقىلاۋ - تەكسەرۋ گرۋپپاسى باقىلاعان 7 ورىن نازاريا ۇيرەنۋ وزەكتى گرۋپپاسىنىڭ، پارتيا ياچەيكاسىنىڭ ۇيرەنۋى، جاستار نازاريا ۇيرەنۋ گرۋپپاسىنىڭ زەرتتەپ ۇيرەنۋى سياقتى تاسىلدەر ارقىلى باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ىشكەرىلەي ۇيرەنىپ، 50 نەشە رەت ارناۋلى تاقىرىپتا زەرتتەۋ - تالقى ورىستەتتى.
دەلو ارقىلى ءتارتىپتى ايقىنداپ، شىرىكتەسۋگە قارسى تۇرىپ وزگەرۋدەن ساقتانۋدىڭ يدەيا توسپاسىن بەرىك ورناتتى
7 - ايدىڭ 2 - كۇنى نيا اۋدانى 23 - رەتكى پارتيا ستيلى، پاكتىك قۇرىلىسى تاربيە ايى ساقتاندىرۋ تاربيەسى جينالىسىن اشتى. جينالىستا تيپتىك 6 دەلونى حابارلاندىرىپ، تارتىپكە، زاڭعا اۋىر قايشىلىق جاسادى دەپ كۇمان تاعىلعان اۋدانعا توتە قاراستى بەلگىلى ورىننىڭ ”ءبىرىنشى باسشىسى“، بۇقارانىڭ مۇددەسىنە زيان كەلتىرگەن اۋىل - قالاشىق كادرىنان تارتىپ، ورتالىقتىڭ 8 ءتۇرلى بەلگىلەمەسىنىڭ رۋحىنا قايشىلىق جاساعان ماسەلەلەرگە دەيىن، سوندا وتىرعان جانە بەينە ەكران ارقىلى جينالىسقا قاتىناسقان ءار دارەجەلى پارتيالى كادرلارعا تەرەڭ تاربيە بەردى. ”كەزىندەگى باسشى كادردىڭ ساقتاندىرۋ تاربيەسىندە تيپتىك دەلوعا اينالعانى كوڭىلىمنىڭ استاڭ - كەستەڭىن شىعارىپ، مەنى قاتتى تىكسىندىرىپ، پاكتىك سىندى ارقاۋدى تىعىز شيراتا تۇسۋگە ساقتاندىرىپ ەسكەرتتى“، - دەدى جينالىس اياقتالعاننان كەيىن، نيا اۋداندىق اۋىل شارۋاشىلىعى، اۋىل - قىستاق جانە سۋ يگىلىگى مەكەمەسى پارتيا باسشىلىق گرۋپپاسىنىڭ شۋجيى جوۋ گۋاڭحۇي تەرەڭ اسەر الىپ.
تۇرپان قالالىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى ساياسي - زاڭ قوسىنىندا تارتىپكە، زاڭعا اۋىر قايشىلىق جاساپ تەكسەرىلىپ ءبىر جاقتى ەتىلگەن تيپتىك دەلولاردى دايەك ەتىپ، «سەنىمنىڭ ”كۇيرەۋى“» اتتى ساقتىق تاربيە فيلمىن ءتۇسىرىپ، بۇكىل قالاداعى پارتيالى كادرلاردى، اسىرەسە، ساياسي - زاڭ جۇيەسىندەگى پارتيالى كادرلاردى تەرەڭ ساقتاندىرىپ تاربيە بەردى. حوتان ايماقتىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى كىشكەنە، بولماشى ۇقىققا ساياتىن تيپتىك دەلولاردان تاڭداپ، «كۇشتى تەگەۋرىنمەن ”شىبىن جەمقورلارعا“ سىلەيتە سوققى بەرۋ» ساقتىق تاربيە فيلمىن جاساپ، دەلو ارقىلى ءتارتىپتى ايقىنداپ، دەلو ارقىلى ساقتاندىرىپ، پارتيالى كادرلاردى پارتيا تارتىبىنەن، مەملەكەت زاڭىنان يمەنۋ سەزىمىن كۇشەيتىپ، شىرىكتەسۋگە قارسى تۇرىپ وزگەرۋدەن ساقتانۋدىڭ يدەيا توسپاسىن بەرىك ورناتۋعا جەتەكتەدى.
قيمىل مازمۇنىن بايىتىپ، پاكتىك ستيلىن باستاماشىلدىقپەن دارىپتەدى
بۇكىل رايونداعى ءار دارەجەلى پارتيا ۇيىمدارى پاكتىك مادەنيەتىنىڭ نارلەندىرۋ رولىن ساۋلەلەندىرۋگە دە باسا ءمان بەردى. قۇمىل قالالىق پارتكوم ۇگىت ءبولىمى، قالالىق ادەبيەت - كوركەمونەرشىلەر بىرلەستىگى بىرلەسىپ وتكىزگەن ”جاڭا داۋىردە ارماندى تۇلعالاپ، قىل قالاممەن پارتيانىڭ مەيىرىن جىرلاۋ“ نەگىزگى تاقىرىپتىق سۋرەت كورمەسىندە، نەگىزگى تاقىرىبى ايقىن 170تەن استام كوركەم جازۋ مەن سۋرەت تەرەڭ سۇيىسپەنشىلىككە تولى قىل قالام ءىزى ارقىلى قوعامدىق، ەكونوميكالىق دامۋ تابىستارى، پاكتىك مادەنيەتى، ۇلتتار ىنتىماعى سياقتى مازمۇنداردى بەينەلەپ، پارتيانىڭ ەسەلى ەڭبەگىن، ۇلى ناتيجەسىن جانە ءار ۇلتتىڭ ءبىر نيەتپەن ىنتىماقتاسىپ كورىكتى مەكەندى بىرگە قۇرعان كورىنىسىن جىرلاپ، 40تان استام مەكەمە - ورىننان 2000نان استام پارتيالى كادردى ەكسكۋرسيالاۋعا باۋرادى.
پارتيا تاريحىن ۇيرەنۋ تاربيەسىمەن بىرلەستىرىپ، 100 جىلدىق پارتيا تاريحىنداعى وزات تۇلعالاردان ىشكەرىلەي ۇيرەنىپ، وتانشىلدىق تاربيە بازاسىن، توڭكەرىس تاريحى سارايلارىن ەكسكۋرسيالاۋ دا تاربيە ايى قيمىلىنىڭ مازمۇنى بولدى. قىسقا ۋاقىتتا عانا، شينجياڭ اسكەري رايونى بەلگىلى قىزىل ارميا شىسى، ماۋ زىميننىڭ بايىرعى تۇراعى، جۇڭگو جۇمىسشى - شارۋا قىزىل ارمياسى باتىس باعىت ارمياسى باس تارماق اترەتى ەسكەرتكىش سارايى، شۋىرما قۇرباندار قابىرستانى، كوكتوعاي مەملەكەتتىك كەن باقشاسى سياقتى قىزىل تاربيە بازالارى جۇرتتى باۋراعان ”ءسوزسىز باراتىن جەرگە“ اينالىپ، بۇكىل رايونداعى ءار دارەجەلى پارتيالى كادرلار سان ۇرپاق كوممۋنيستەردىڭ پارتياعا ادال بولىپ، حالىقتىڭ ۇمىتىنەن شىققان ىزگى ىستەرىنەن اۋەلگى ماقساتتى شىڭداپ، جاۋاپكەرشىلىك ارقالاپ ىسكەرلىك كورسەتتى.
وسى رەتكى تاربيە ايىندا تاعى پارتيا ءتارتىبى، زاڭ ەرەجە، ءمورال، پاكتىك بىلىمدەرىنەن سىناۋ الۋ، «تيانشان الابىندا دۇرىس سالت ەستى، اسىل ونەگەلەردى ماڭگى جالعاستىرايىق» تەلەۆيزيا باعدارلاماسىن تاراتۋ سياقتىلار ارقىلى تاربيە ايى قيمىلى ءۇرتىس ىشكەرىلەتىلەدى.
