رايونىمىزدىڭ ەلەكتردەن پايدالانۋ شارۋاشىلىق - ساۋدا ورتاسى ۇزدىكسىز ساپالىلاندى
الدىڭعى جارتى جىلدا ەلەكتر جۇمىستارىن بىتىرۋدە ۇنەمدەلگەن وزىندىك قۇن ءبىر ميلليارد 200 ميلليون يۋاننان استى
انار بۇلت / شينجياڭ گازەتىنىڭ ءتىلشىسى چىن چياڭۋي 7 - ايدىڭ 12 - كۇنى ۇرىمجىدەن حابارلايدى. مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىنەن ۇعىسۋىمىزشا، الدىڭعى جارتى جىلدا مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى حالىققا قولايلى ءبىر قىدىرۋ شارالار شىعارىپ، قاريدارلار ءۇشىن جيىنى ءبىر ميلليارد 264 ميلليون يۋان ەلەكتر جۇمىستارىن ءبىتىرۋ وزىندىك قۇنىن ۇنەمدەگەن، بۇكىل شينجياڭنىڭ ەلەكتردەن پايدالانۋ شارۋاشىلىق - ساۋدا ورتاسى ۇزدىكسىز ساپالىلانعان.
الدىڭعى جارتى جىلدا مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى جوعارى كەرنەۋلى ەلەكترمەن قامدايتىن پايدالانۋشىلاردىڭ شەكارالىق جابدىعىن ەلەكترمەن قامداۋشى كاسىپورىننىڭ قارجى قوسىپ سالۋىن جولعا قويدى، وسى شارا قاريدارلاردىڭ ەلەكتر جۇمىستارىن ءبىتىرۋ وزىندىك قۇنىن 193 ميلليون يۋان تومەندەتتى. شاعىن، ۇساق كاسىپورىنداردىڭ ەلەكتر جەلىسىنە قوسىلۋ ينجەنەرياسىندا مۇلدە اقى تولەمەۋدى جولعا قويىپ، جيىنى 72 مىڭ 300 تومەن كەرنەۋلى ەلەكتردەن پايدالاناتىن قاريدارلارعا توك ساعات ورناتۋدان بۇرىن ”مۇلدە قارجى قوسپاۋى“ اتقارىلىپ، قاريدارلاردىڭ ەلەكتر جۇمىستارىن بىتىرۋدەگى وزىندىك قۇنى ءبىر ميلليارد 71 ميلليون يۋان تومەندەدى.
”قازىر بۇكىل شينجياڭداعى جوعارى كەرنەۋلى ەلەكتردەن پايدالاناتىن قاريدارلاردىڭ كاسىپتى ۇلعايتۋ، ەلەكتر پايدالانۋدى ءوتىنىش ەتۋ، قۇراستىرۋ ەلەكتر جەلىسىنە قوسىلۋ ورتاشا ۋاقىتى 39.14 كۇنگە قىسقاردى، تومەن كەرنەۋلى ەلەكتردەن پايدالاناتىن قاريدارلاردىڭ كاسىپتى ۇلعايتۋدى ءوتىنىش ەتۋ، قۇراستىرۋ ەلەكتر جەلىسىنە قوسىلۋ ورتاشا ۋاقىتى ءبىر كۇنگە قىسقارىپ، ەلەكتر جۇمىستارىن ءبىتىرۋ بۋىنى مەن ۋاقىتى كورنەكتى قىسقاردى“، - دەدى مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى بازار - تيجارات ءبولىمىنىڭ تيجارات كاسىبى ساپا تەكسەرۋ - مەڭگەرۋ ينجەنەرى پەي يۇڭجي.
ەلەكتر جۇمىستارىن ءبىتىرۋ ۋاقىتىنان، قاراجاتىنان تىس، ەلەكتر جۇمىستارىن ءبىتىرۋ ءادىسى دە بارعان سايىن حالىققا قولايلى بولدى. قازىرگە دەيىن بۇكىل شينجياڭدا ينتەرنەت جەلىسىندە ەلەكتر جۇمىستارىن ءبىتىرۋ سالىستىرماسى ％97كە جەتتى. مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى ”ينتەرنەتتەگى مەملەكەت ەلەكتر تورى“ APPىن جالپىلاستىرىپ، قاريدارلاردىڭ ينتەرنەت جەلىسىندە ەلەكتردەن پايدالانۋ ءوتىنىشىن جانە جۇمىستى اياقتاۋ مالىمەتىن، تەكسەرۋىن تاپسىرىپ، ەلەكتردەن پايدالانۋ جوباسى مەن تەكسەرىپ وتكىزىپ الۋ ناتيجەسىن جەلىدە تۇراقتاندىرىپ، ەلەكتر جۇمىستارىن ءبىتىرۋ اياق الىسىن دەر كەزىندە يگەرۋىنە مۇمكىندىك جاسادى.
قازىرگە دەيىن بۇكىل شينجياڭ كولەمىندە وسى قاريدارلار تەرمينالىنىڭ تىزىمدەلگەن قاريدارلار سانى جيىنى 5 ميلليون 130 مىڭعا جەتتى. الدىڭعى جارتى جىلدا بۇكىل شينجياڭدا 11 ميلليون 150 مىڭ رەت جەلىدە ەلەكتر ساتىپ الىنىپ، 450 نۇسقا ەلەكتر جۇمىسى ءبىتىرىلدى.
