تيانشان تورى
تيانشان تورى   ›   جاڭالىقتار   ›   شينجياڭ حابارلارى

رايونىمىزداعى شەكارا اتتاعان ەلەكتروندى ساۋداB2B تىكەلەي ەكسپورت ەتكەن تۇڭعىش تاپسىرىس زات شەكارادان ءوتتى

  انار بۇلت / شينجياڭ گازەتىنىڭ ءتىلشىسى ميھىرگۇل عوپۇر 7 - ايدىڭ 12 - كۇنى ۇرىمجىدەن حابارلايدى. 7 - ايدىڭ 9 - كۇنى گۋاڭجوۋدان كەلگەن 20 مىڭ 600 جولداما الاتاۋ ساعاسى وتكەلىندە مالىمدەلىپ وتكىزىلدى، مەجەمەن 9 كۇننەن كەيىن پولشانىڭ مالاسزەۋيزىنە جەتەدى، نىسانالى جەر انگليانىڭ جيناۋ - جونەلتۋ ورنىنا كەتىپ بارادى، زاتتار تۇگەلدەي ەلەكتروندى ساۋدا كۇندەلىكتى تۇتىنۋ بۇيىمدارى. وسى توپتاعى زاتتاردىڭ شەكارادان ءساتتى ءوتۋى الاتاۋ ساعاسى شەكارا وتكەلىنە شەكارا اتتاعان ەلەكتروندى ساۋدا B2B تىكەلەي ەكسپورت (9710) ۇلگىسىنىڭ ءساتتى ىرگە تەپكەنىن ايگىلەدى، بۇل رايونىمىزدىڭ وسى تۇردەگى تۇڭعىش تاپسىرىسى.

  ”شەكارا اتتاعان ەلەكتروندى ساۋدا B2B تىكەلەي ەكسپورت ەتۋ ۇلگىسىندەگى تۇڭعىش توپتا تاپسىرىس بەرىلگەن زاتتاردىڭ ءوتىنىش ەتىلىپ شەكارادان وتكىزىلۋى كاسىپورىنداردىڭ ەكسپورت ارناسىن اناعۇرلىم كەڭەيتىپ، كەدەنگە مالىمدەۋ ءتاسىلى ءتىپتى دە ىقشام، قولايلى بولىپ، سىرتقى ساۋدا كاسىپورىندارىنىڭ ءتىپتى دە كوپ حالىقارالىق تاپسىرىس بەرۋىنە پايدالى بولدى“، - دەدى الاتاۋ قالاسى مەملەكەت مەنشىگىندەگى مال - مۇلىككە قارجى قوسۋ تيجارات (توبى) شەكتى جاۋاپكەرشىلىك سەرىكتەستىگىنىڭ جاۋاپتىسى سۇن شىيۇي.

  2020 - جىلى 6 - ايدا كەدەن باس مەكەمەسى «شەكارا اتتاعان ەلەكتروندى ساۋدا كاسىپورىندارىنىڭ كاسىپورىن ەكسپورتىن باقىلاۋ - باسقارۋ سىناق ءتۇيىنىن قۇرۋ جونىندەگى حابارلاندىرۋىن» تاراتىپ، كەدەن باقىلاۋ - باسقارۋ ءتاسىلى شارتتى سيفرى ”9710دى“ قوستى. بيىل 6 - ايدا كەدەن باس مەكەمەسى بۇكىل ەلدەگى كەدەندە شەكارا اتتاعان ەلەكتروندى ساۋدا B2B ەكسپورتىن باقىلاۋ - باسقارۋ سىناق ءتۇيىنىن كوشىرىپ جالپىلاستىرۋ جونىندە حابارلاندىرۋ شىعاردى. حابارلاندىرۋ شىعارىلعاننان بەرى، الاتاۋ قالاسى كەدەن تاراۋلارى قىزمەت وتەۋ شارالارىندا جاڭالىق اشىپ، تيجارات - ساۋدا ورتاسىن ساپالىلاندىرىپ، كاسىپورىننىڭ قاجەتىنە قاراي بىرگە - ءبىر ۇلگىسى بويىنشا جەتەكشىلىك ەتىپ، كاسىپورىننىڭ ارحيۆكە الدىرۋ، ءوتىنىش ەتۋ ماڭىزدى تۇيىندەرىن يگەرۋ سياقتى كاسىپتەردىڭ دايىندىق قىزمەتىن ىستەۋىنە كومەكتەسىپ، شەكارا اتتاعان ەلەكتروندى ساۋدا B2B تىكەلەي ەكسپورت (9710) كاسىبىنىڭ جەدەل ىرگە تەبۋىنە شىنايى كەپىلدىك ەتتى.

  2020 - جىلى 1 - ايدىڭ 21 - كۇنى الاتاۋ ساعاسى شەكارا وتكەلى تۇڭعىش رەت شەكارا اتتاعان ەلەكتروندى ساۋدا ەكسپورت كاسىبىن ورىستەتكەننەن بەرى، الاتاۋ ساعاسى ەلەكتروندى ساۋدا كاسىپ سالاسىن تۇلعالاۋعا كۇش سالىپ، شوعىرلى جيناۋ، شوعىرلى جونەلتۋ، باجىسىز قامبادا ساقتاۋ، اۋماق پەن پورت بىرلەسىپ ارەكەتتەنۋ، مول تاۋار ايىرباس تەكشەسى جانە قامداۋ تىزبەگى ورتالىعى سياقتى نىسان قۇرىلىستارىن ورىستەتىپ، الاتاۋ ساعاسى شەكارا وتكەلىنىڭ قىزمەت وتەۋ قابىلەتىن جوعارىلاتىپ، سىرتقا ەسىك اشۋ دانەكەرىن مولايتىپ، شەكارا بويىندا ەسىك اشۋدىڭ بيىك بەلەسىن تۇلعالاۋدا ۇلگى بولدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.