اۆتونوميالى رايوندىق مادەنيەت - ساياحات مەڭگەرمەسى ساقا پارتيا مۇشەلەرىن پارتياعا كىرۋ كەشىرمەلەرىن بايانداۋعا ۇيىمداستىردى
اۋەلگى ماقسات حيكايالارىن ءبولىسىپ، كۇرەس جۇرگىزۋ ەرىكتەرىن بەكەمدەدى
انار بۇلت / شينجياڭ گازەتىنىڭ ءتىلشىسى جيا چۇنشيا
”62 جىلدىق پارتيا ستاجى بار ساقا پارتيا مۇشەسى رەتىندە، مەن باس شۋجي شي جينپيڭنىڭ ماڭىزدى ءسوزىنىڭ رۋحىن جەتە ۇيرەنىپ، جەتە ءتۇسىنىپ قانا قالماستان، سانالىلىقپەن توڭكەرىس تاريحىنىڭ ءتۇسىندىرۋشىسى، تاڭداۋلى ءداستۇردىڭ ۇگىتشىسى، يدەيالىق تاربيەنىڭ جەتەكشىسى بولىپ، ماڭايىمداعى ادامداردى پارتيانىڭ مەيىرىنە العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە باستاۋىم كەرەك“. 7 - ايدىڭ 6 - كۇنى اۆتونوميالى رايوندىق مادەنيەت - ساياحات مەڭگەرمەسى ورىستەتكەن ”مەنىڭ پارتياعا كىرۋ حيكايام“ ساقا پارتيا مۇشەلەرىمەن ارناۋلى سۇحبات قيمىلىندا باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇيرەنۋمەن، دايەكتىلەندىرۋمەن ۇشتاستىرا وتىرىپ، جاسى 80نەن اسقان ساقا پارتيا مۇشەسى قاسىم مۇيدين ءوزىنىڭ تابىسى مەن تۇسىنىگىن ءبولىستى.
پارتيا تاريحىن ۇيرەنۋ تاربيەسى ورىستەتىلگەننەن بەرى، اۆتونوميالى رايوندىق مادەنيەت - ساياحات مەڭگەرمەسى پارتيا ستاجى 50 جىلدان اسقان دەمالىسقا، پەنسياعا شىققان پارتيا مۇشەلەرىن ۇيىمداستىرىپ، پارتياعا كىرگەن كەزدەگى اۋەلگى ماقسات حيكايالارىن قايتالاي ەسكە ءتۇسىرىپ، جاس پارتيالى كادرلاردى بورىشىن، جاۋاپكەرشىلىگىن تۇسىنۋگە، نانىمىنىڭ بەرىكتىگىن سەزىنۋگە، كۇرەس جاساۋ بەكىمىن، سەنىمىن بەكەمدەۋگە جەتەكتەدى.
71 جىلدىق پارتيا ستاجى بار اۆتونوميالى رايوندىق مادەنيەت مەڭگەرمەسى جۇمىسشى ۇيىمىنىڭ بۇرىنعى ورىنباسار مەڭگەرۋشىسى نيە شينشي جاس كەزىندە تاسقىنداعان جىگەرمەن مەملەكەتتىڭ ۇندەۋىنە ءۇن قوسىپ، شينجياڭعا كەلىپ جاپالى كۇرەس جاساعان حيكاياسىن ەسكە الدى؛ 79 جاستاعى شينجياڭ مۇراجايىنىڭ پەنسياعا شىقان كادرى سۇڭ چاڭباۋ ناعاشى جەزدەسى گان زۋچاڭنىڭ ىقپالىندا، ءوزىنىڭ قالاي بەلسەنە تالاپتانىپ، پارتياعا كىرۋ جىگەرى مەن بەكىمىن بەكەمدەگەنىن ەسكە الدى؛ كەزىندە مەملەكەتتىك ەڭبەك ەرى مەن مەملەكەتتىك 8 - ناۋرىز قىزىل تۋشى اتاعىن داڭقپەن يەلەگەن شينجياڭ وپەرا ۇيىرمەسىنىڭ بۇرىنعى ارتيسى پاتام راھىدىن ءوزىنىڭ ءتول كەشىرمەسى ارقىلى كوپشىلىكتى قىزمەت بارىسىندا العا قاراي ۇمتىلۋعا جىگەرلەندىردى؛ 56 جىلدىق پارتيا ستاجى بار سۇلتان توحتى جاس پارتيا مۇشەلەرىن ءىس جۇزىندىك ارەكەت ارقىلى كوممۋنيستەردىڭ ”وزىممەن ساناسپايمىن، حالىقتىڭ ءۇمىتىن اقتايمىن“ دەيتىن اسقاق ىنتا - ىقىلاسىن تۇسىنۋگە تاربيە بەردى؛ ساقا پارتيا مۇشەسى جوۋ شۇيحان مىنالاردى ءبىلدىردى: اۋەلگى ماقساتتى، بورىشتى ەستە بەرىك ساقتاپ، ساياسي قاسيەتتى ماڭگى ساقتاپ، پەنسياعا شىقساق تا قاسيەتىمىزدى جويماي، قىزمەتتەن كەتسەك تە پارتيادان قول ۇزبەي، پارتيا مەن حالىق ىستەرى ءۇشىن قالعان كۇشىمىزدى ارنايمىز...
تالاي جىلدىڭ الدىنداعى پارتياعا كىرگەن ساتتەرىن ەسكە العان كەزدە، ساقا پارتيا مۇشەلەرى تەرەڭ سۇيىسپەنشىلىككە شومدى؛ بۇگىنگى باقىتتى تۇرمىستى زەردەلەگەندە، ولار شىن جۇرەكتەن العىس ايتتى؛ الداعى نۇرلى بولاشاققا كوز سالعاندا، ولار نىق سەنىمگە يە. ساقا پارتيا مۇشەلەرىنىڭ تەرەڭ سۇيىسپەنشىلىكپەن ايتقان اڭگىمەلەرى مەن ادامدى ەكىپىندەي العا ىلگەرىلەۋگە جىگەرلەندىرەتىن سوزدەرى جاس پارتيالى كادرلاردى تەرەڭ اسەرلەندىردى.
”مەن پارتياعا كىرگەن كەزدەگى سەرتىمدى قاي - قاشان دا ەستە بەرىك ساقتاپ، اعا بۋىنداردى ۇلگى ەتىپ، پارتيانىڭ 100 جىلدىق بارىسىنان العا ىلگەرىلەۋدىڭ كۇش - قۋاتىن قابىلداپ، يدەيا مەن ارەكەتتى باس شۋجي شي جينپيڭنىڭ ’1 - شىلدەدەگى‘ ماڭىزدى ءسوزىنىڭ رۋحىمەن باتىل بىرلىككە كەلتىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن قۇلشىنا جازامىن“، - دەدى شينجياڭ كوركەمونەر تەاترى وپەرا ۇيىرمەسىنىڭ ارتيسى ابىلاجان ابدۇرەيىم.
اۆتونوميالى رايوندىق مادەنيەت - ساياحات مەڭگەرمەسى پارتيا باسشىلىق گرۋپپاسىنىڭ شۋجيى حوۋ حانمين بىلاي دەدى: ”ءبىز ساقا پارتيا مۇشەلەرىنىڭ بويىنداعى اسقاق ىنتا - ىقىلاسىنان، كۇرەس جاساۋ قاسيەتىنەن جانە كاسىپتى ارداقتاۋ پوزيتسياسىنان ۇيرەنىپ، باس شۋجي شي جينپيڭنىڭ ’1 - شىلدەدەگى‘ ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى پارتيا تاريحىن ۇيرەنۋ تاربيەسىمەن ۇشتاستىرىپ، ۇيرەنۋ جەتىستىگىن مادەنيەت - ساياحات كاسىبىنىڭ شينجياڭنىڭ جوعارى ساپالى دامۋىنداعى ستراتەگيالىق تىرەكتى كاسىپ سالاسى مەن حالىقتى بايىتۋ كاسىپ سالاسىنا اينالۋىن ىلگەرىلەتۋدەگى ءىس جۇزىندىك ارەكەتكە اينالدىرامىز“.
پارتيا تاريحىن ۇيرەنۋ تاربيەسى ورىستەتىلگەننەن بەرى، اۆتونوميالى رايوندىق مادەنيەت - ساياحات مەڭگەرمەسى شينجياڭدى مادەنيەتپەن نارلەندىرۋ ينجەنەرياسىن، شينجياڭدى ساياحاتپەن گۇلدەندىرۋ ستراتەگياسىن پارتيا تاريحىن ۇيرەنۋ تاربيەسىمەن ىشكەرىلەي توعىستىرىپ، پارتيا تاريحىن ۇيرەنۋ تاربيەسى بويىنشا نەگىزگى تاقىرىپتا 6 ءتۇرلى 38 قيمىلدى ۇيىمداستىرىپ ورىستەتىپ، پارتيالى كادر جانە بۇقارادان 4 ميلليون 900 مىڭ ادام - رەت قامتىپ، پارتيا تاريحىن ۇيرەنۋ تاربيەسىنىڭ تەرەڭدەۋىن، ناقتىلانۋىن جوعارى ساپامەن ىلگەرىلەتتى.
