اۆتونوميالى رايون قىستاقتاردى تازارتۋ ارەكەتىن ىلگەرىلەتۋ ءماجىلىسىن اشىپ
اۋىل - قىستاقتىڭ قونىس ورتاسىن رەتتەۋ - جونگە سالۋ قىزمەتىن اناعۇرلىم ىلگەرىلەتتى
انار بۇلت / شينجياڭ گازەتىنىڭ ءتىلشىسى ليۋ شياڭ 7 - ايدىڭ 12 - كۇنى ۇرىمجىدەن حابارلايدى. 7 - ايدىڭ 11 - كۇنى اۆتونوميالى رايوننىڭ قىستاقتاردى تازارتۋ ارەكەتىن ىلگەرىلەتۋ ءماجىلىسى اشىلدى. ءماجىلىس باس شۋجي شي جينپيڭنىڭ اۋىل - قىستاقتاردىڭ قونىس ورتاسىن رەتتەۋ - جونگە سالۋ جونىندەگى ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇيرەنىپ، دايەكتىلەندىرىپ، مەملەكەتتىك قىستاقتاردى تازارتۋ ارەكەتى جۇمىس باسى ءماجىلىسىنىڭ رۋحىن دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، قىستاقتاردى تازارتۋ ارەكەتىنىڭ ءتۇرلى قىزمەتتەرىن ورنالاستىرىپ، قىستاقتىڭ تازا، رەتتى بولۋدان كوركەم، قونىسقا جايلى بولۋعا قاراي دارەجەسىن جوعارىلاتۋدى كۇش سالا ىلگەرىلەتىپ، اۋىل - قىستاقتى جاپپاي گۇلدەندىرۋ ءۇشىن قورشاعان ورتا نەگىزىن بەكەمدەدى.
اۆتونوميالى رايوندىق پارتكومنىڭ ورىنباسار شۋجيى جاڭ چۇنلين ماجىلىسكە قاتىناستى ءارى ءسوز سويلەدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ءماجىلىستى باسقاردى.
ءماجىلىس مىنالاردى اتاپ كورسەتتى: جاقىنعى جىلداردان بەرى، بۇكىل رايوننىڭ جەر - جەرى، قاتىستى تاراۋلار اۋىل - قىستاقتاردىڭ قونىستانۋ ورتاسىن رەتتەۋ - جونگە سالۋعا وسكەلەڭ ءمان بەرىپ، ”مىڭ قىستاقتا ۇلگى كورسەتۋ، 10 مىڭ قىستاقتى رەتتەۋ - جونگە سالۋ“ ارقىلى جەتەكشىلىك ەتىپ، قىستاقتاردى تازارتۋ ارەكەتىن جالپى بەتتىك ىلگەرىلەتىپ، قىستاق كەلبەتىن، قىستاق بەت - بەينەسىن كۇش سالا جاقسارتىپ، اۋىل سالتى وركەنيەتىن جوعارىلاتىپ، قالىڭ شارۋا بۇقارانىڭ تابىس سەزىمىن، باقىت سەزىمىن كورنەكتى جوعارىلاتتى.
ءماجىلىس مىنالاردى باسا دارىپتەدى: جەر - جەر، قاتىستى تاراۋلار قىستاقتاردى تازارتۋ ارەكەتىن پارتيا قۇرىلعاندىعىنىڭ 100 جىلدىعىن قۇتتىقتاپ، حالىق ءۇشىن ناقتى ءىس ىستەۋدىڭ ماڭىزدى ءبىر مازمۇنى ەتۋگە تاباندى بولىپ، شارۋا بۇقارانى قىستاقتاردى تازارتۋ ارەكەتىن ىشكەرىلەي ورىستەتۋگە ونان ارى ۇيىمداستىرىپ، اتتانىسقا كەلتىرىپ، تازا اۋىل - قىستاق، اقاۋسىز اۋىل - قىستاق، كورىكتى اۋىل - قىستاق، قونىسقا جايلى اۋىل - قىستاق قۇرۋ كەرەك. نىسانانى باعدار ەتۋگە تاباندى بولىپ، كورىكتى اۋىل - قىستاق قۇرىلىسىن توڭىرەكتەي وتىرىپ، قىستاقتاردى تازارتۋ ارەكەتىنىڭ مازمۇنىن تەرەڭدەتۋ، كەڭەيتۋ كەرەك. تۇلعالىق رولدى ساۋلەلەندىرىپ، قالىڭ شارۋا بۇقارانىڭ وركەنيەت ساپاسىن جوعارىلاتىپ، بۇقارا وڭاي تۇسىنەتىن، وڭاي ۇيرەنەتىن تاسىلدەر ارقىلى اقاۋسىز وركەنيەت ۇستانىمىن كۇشەيتىپ، بۇقارانى قوجايىندىق تانىمدى كۇشەيتىپ، كورىكتى مەكەندى بىرگە قۇرۋعا جەتەكتەۋ كەرەك. جەرگىلىكتى جاعدايعا قاراي ىستەۋگە تاباندى بولىپ، تۇزىمدەنگەن، باياندى مەحانيزمدى اقاۋسىزداندىرىپ، قىستاقتىڭ تازالىعىن ساقتاۋ مەحانيزمىن ۇزدىكسىز كەمەلدەندىرىپ، قۋزاۋ - تەكسەرۋ، جالپى حابارلاندىرۋ ءتۇزىمىن اقاۋسىزداندىرىپ، ءونىمدى باقىلاۋ - قۋزاۋ تاسىلىندە جاڭالىق اشىپ، قىستاقتاردى تازارتۋ ارەكەتىن بوساڭسىتپاي ۇنەمىلىك يگەرىپ، ۇزاق ونىمدىلىگىن ساقتاۋعا شىنايى كەپىلدىك ەتۋ كەرەك. جۇيەلى ويلاۋعا تاباندى بولىپ، قىستاقتاردى تازارتۋ ارەكەتىن سەرپىلىس ءتۇيىنى ەتىپ، قىستاقتاردى تازارتۋ ارەكەتىن اۋىل - قىستاق دارەتحاناسىن جاڭالاۋمەن ورگانيكالى بىرلەستىرىپ، اۋىل - قىستاق نەگىزدىك قۇرىلعىلار قۇرىلىسىمەن ورگانيكالى بىرلەستىرىپ، اۋىل - قىستاقتارداعى كاسىپ سالاسىنىڭ دامۋىمەن ورگانيكالى بىرلەستىرىپ، وركەنيەتتى اۋىل سالتى قۇرىلىسىمەن ورگانيكالى بىرلەستىرىپ، شارۋالاردىڭ كىرىسىن ارتتىرۋىمەن ورگانيكالى بىرلەستىرىپ، اۋىل - قىستاقتى گۇلدەندىرۋدى جالپى بەتتىك سايكەستىرە ىلگەرىلەتىپ، اۋىل شارۋاشىلىعىنىڭ جوعارى ساپالى، جوعارى ءونىمدى، اۋىل - قىستاقتىڭ قونىسقا جايلى، كاسىپكە ىڭعايلى، شارۋالاردىڭ باي - باقۋاتتى بولۋىن جەبەۋ كەرەك.
ءماجىلىس مىنالاردى تالاپ ەتتى: جەر - جەر، قاتىستى تاراۋلار ۇيىمدىق قامتاماسىزدىقتى كۇشەيتىپ، 5 دارەجەلى شۋجيلەر اۋىل - قىستاقتى گۇلدەندىرۋدى مىقتى يگەرۋگە تاباندى بولىپ، ”اۆتونوميالى رايون جالپى جاۋاپتى بولۋ، ايماق، اۋداندار تياناقتاندىرۋدى يگەرۋگە، اۋىل - قىستاق تىڭعىلىقتى تياناقتاندىرۋدى يگەرۋگە“ مىزعىماي تاباندى بولىپ، باسشىلىقتى كۇشەيتىپ، جاۋاپكەرشىلىكتى قاتايتىپ، قىستاقتاردى تازارتۋ ارەكەتىن ناقتى تياناقتاندىرۋ كەرەك. ءار دارەجەلى پارتكومداردىڭ اۋىل شارۋاشىلىعى كەڭسەلەرى باستاماشىلدىقپەن يگەرۋ جالپىلىق رولىن ۇزدىكسىز ويداعىداي ساۋلەلەندىرىپ، ءار جاقتىڭ كۇش - قۋاتىن ۇيىمداستىرىپ، اتتانىسقا كەلتىرىپ، قىستاقتاردى تازارتۋ ارەكەتىن بىرگە ىلگەرىلەتىپ، قىزمەت بىرىككەن كۇشىن ءونىمدى ۇيىستىرۋ كەرەك. ستيل قۇرىلىسىن كۇشەيتىپ، پارتيانىڭ ساياسي ابزالدىلىعىن، ۇيىمدىق ابزالدىلىعىن جانە بۇقارامەن ەتەنە بايلانىس ورناتۋ ابزالدىلىعىن تولىق ساۋلەلەندىرىپ، بۇقارانىڭ تۇلعالىق رولىن ساۋلەلەندىرۋگە كوڭىل ءبولىپ، قىستاقتاردى تازارتۋ ارەكەتىنىڭ تىڭعىلىقتى تۇردە ونىمدىلىك كورسەتۋىنە شىنايى كەپىلدىك ەتۋ كەرەك.
اۆتونوميالى رايوننىڭ ورىنباسار ءتوراعاسى ياڭ فاسىن قاتارلىلار ماجىلىسكە قاتىناستى.
