انار بۇلت / شينجياڭ گازەتىنىڭ ءتىلشىسى ليۋ ي، لۇي يحان 7 - ايدىڭ 12 - كۇنى ۇرىمجىدەن حابارلايدى. 7 - ايدىڭ 12 - كۇنى جۇڭگو عىلىم اكادەمياسىنان، جۇڭگو ينجەنەريا اكادەمياسىنان جانە بۇكىل ەلدىڭ ءارقايسى سالاسىنان كەلگەن 22 اكادەميك، مامان ۇرىمجىدە باس قوستى، سونىمەن 2021 - جىلعى ”عىلىم - تەحنيكادا جاڭالىق اشاتىن جۇڭگو“ اكادەميكتەردىڭ، مامانداردىڭ شينجياڭعا ساپارى قيمىلى باستالدى.
قيمىل مەزگىلىندە، اكادەميكتەر - ماماندار ءۇرىمجى قالاسى، بايىنعولين موڭعۇل اۆتونوميالى وبلىسى، ىلە قازاق اۆتونوميالى وبلىسى سياقتى جەرلەرگە ىشكەرىلەي بارىپ، قىزمەت تەكسەرىپ، تەكسەرۋ - زەرتتەۋ جۇرگىزىپ، جەرگىلىكتى ورىننىڭ تاڭداۋلى دارىندىلاردى، بايلىق، نىسان ەنگىزۋىنە دەم بەرىپ، عىلىم - تەحنيكا مەن ەكونوميكالىق دامۋدىڭ تەرەڭدەي توعىسۋىن جەبەپ، رايونىمىزدىڭ ەكونوميكاسىنىڭ، قوعامىنىڭ جوعارى ساپالى دامۋىنا ساپالى عىلىم - تەحنيكا بايلىعىن ازىرلەدى.
تانىستىرۋعا قاراعاندا، وسى رەتكى قيمىل جۇڭگو عىلىم - تەحنيكا قوعامىنىڭ جەرگىلىكتى ورىنعا باعىتتاپ ورىستەتكەن ”عىلىم - تەحنيكادا جاڭالىق اشاتىن جۇڭگو“ جەرگىلىكتى ورىنعا ساپار قيمىلىنىڭ قۇرامداس بولىكتەرىنىڭ ءبىرى ەكەن، تەكسەرۋ جۇرگىزىلەتىن ورىن بايىنعولين وبلىسى مەن موڭعۇلكۇرە اۋدانى جەكە - جەكە مەملەكەتتىك ”عىلىم - تەحنيكادا جاڭالىق اشاتىن جۇڭگو“ سىناق ءتۇيىن قالا (باقشا رايونى) جانە اۆتونوميالى رايوندىق ”عىلىم - تەحنيكادا جاڭالىق اشاتىن جۇڭگو @ شينجياڭ“ قىزمەتى بويىنشا سىناق ءتۇيىن اۋدان، قيمىل بارىسىندا ”عىلىم - تەحنيكادا جاڭالىق اشاتىن جۇڭگو @ شينجياڭ“ سىناق ءتۇيىن اۋدان قىزمەتى اڭگىمە ءماجىلىسى وتكىزىلەدى. اكادەميكتەر - ماماندار جەرگىلىكتى ورىننىڭ ەرەكشە كاسىپ سالاسىنىڭ دامۋى، عىلىم - تەحنيكا قاجەتى سياقتىلارعا ىشكەرىلەي تەكسەرۋ - زەرتتەۋ جۇرگىزەدى ءارى وزدەرى زەرتتەيتىن سالامەن ۇشتاستىرىپ، تەحنيكالىق كەڭەس بەرۋ، تەحنيكالىق قىزمەت وتەۋ، جەتىستىكتەردى وندىرگىش كۇشكە اينالدىرۋ، كادەگە جاراتۋ، دارىندىلاردى توپتاۋ سياقتى جاقتار بويىنشا قولداۋ جانە كومەك كورسەتىپ، سەلبەستىك جەتىستىكتەرىنىڭ الماسۋىن تياناقتانۋىن ىلگەرىلەتەدى.
”بۇل مەنىڭ تۇڭعىش رەت شيىنجياڭعا كەلىپ قىزمەت تەكسەرىپ، تەكسەرۋ - زەرتتەۋ جۇرگىزۋىم، وسى رەتكى قيمىل ارقىلى شينجياڭنىڭ عىلىم - تەحنيكادا جاڭالىق اشۋ قىزمەتىنە ءبىر كىسىلىك ۇلەسىمدى قوسۋدى ءۇمىت ەتەمىن“، - دەدى جۇڭگو ينجەنەريا اكادەمياسىنىڭ اكادەميگى، بەيجيڭ اۆياتسيا، عارىش داشۋەسىنىڭ پروفەسسورى ۋاڭ حۋاميڭ.
”عىلىم - تەحنيكادا جاڭالىق اشاتىن جۇڭگو“ − جۇڭگو عىلىم - تەحنيكا قوعامى تۇلعالاعان جاڭالىق اشۋ، شارۋاشىلىق قۇرۋ، قىزمەت وتەيتىن ماركا قۇرۋ، ماقساتى ءوندىرىس، وقىتۋ، زەرتتەۋ سياقتى كوپ جاقتىڭ كۇش - قۋاتىن شوعىرلاندىرىپ، عىلىم - تەحنيكالىق جەتىستىكتىڭ الماسۋىن، قولدانىلۋىن جەدەلدەتىپ، جەرگىلىكتى ەكونوميكانىڭ دامۋىن جەبەۋ. بيىل اۆتونوميالى رايوندىق عىلىم - تەحنيكا قوعامى « 2021 - جىلعى ”عىلىم - تەحنيكادا جاڭالىق اشاتىن جۇڭگو“ قىزمەت تۇيىندەرى» ورنالاستىرۋى مەن رايونىمىزدىڭ ”14 - بەسجىلدىق“ دامۋ ماڭىزدى ءتۇيىنىن ارقاۋ ەتىپ، ”عىلىم - تەحنيكادا جاڭالىق اشاتىن جۇڭگو @ شينجياڭ“ قىزمەت وتەۋ ماركاسىن تۇلعالاپ، عىلىم - تەحنيكا قوعامىنىڭ جۇيەلى ۇيىمدىق باسىمدىعىن، دارىندىلار باسىمدىعىن تولىق ساۋلەلەندىرىپ، رايونىمىز ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋگە عىلىم - تەحنيكالىق تىرەك ازىرلەيدى.
