تيانشان تورى   ›   ۇيرەنۋ   ›   شولۋ

جاڭا ساپاردا، ءسوز جوق، كوپتەگەن جاڭا تاريحي ەرەكشەلىكتەرگە يە ۇلى كۇرەستەر جۇرگىزۋ كەرەك

− باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

□ حالىق گازەتىنىڭ شولۋشىسى

  ”ۇلى ارماندى جۇزەگە اسىرۋ ءۇشىن قايسارلىقپەن ايانباي شايقاسۋ، قاجىماي - تالماي كۇرەس جۇرگىزۋ كەرەك“. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا، باس شۋجي شي جينپيڭ ”بۇگىنگى تاڭدا ءبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا تاريحتاعى ءارقانداي مەزگىلدەگىدەن دە اناعۇرلىم تاياي تۇستىك، مۇنى جۇزەگە اسىرۋعا سەنىمىمىز ءتىپتى دە كامىل جانە قۋاتىمىز دا جەتەدى، سونىمەن بىرگە اناعۇرلىم جاپالى، اناعۇرلىم ماشاقاتتى قۇلشىنىستار جاساۋعا، ءسوز جوق، دايىندالۋىمىز كەرەك“ دەپ اتاپ كورسەتىپ، ”تاريحتى اينا ەتىپ، بولاشاق اشۋدا، ءسوز جوق، كوپتەگەن جاڭا تاريحي ەرەكشەلىكتەرگە يە ۇلى كۇرەستەر جۇرگىزۋ كەرەك “ دەپ باسا دارىپتەدى.

  ءبىزدىڭ پارتيامىز مەملەكەت ىشكى دۇربەلەڭ مەن سىرتقى شاپقىنشىلىققا ۇشىراعان، ۇلت حاۋىپ - قاتەر مەن قيىنشىلىقتا قالعان ساتتە دۇنيەگە كەلدى، دۇنيەگە كەلە سالىسىمەن كۇرەس جۇرگىزۋ تاڭباسى باسىلدى، باسىپ وتكەن جولىندا كۇرەس جۇرگىزۋ بارىسىندا تىرشىلىك كەشتى، دامۋعا يە بولدى، جەڭىسكە قول جەتكىزدى. جۇڭگو كوممۋنيستىك پارتياسىنىڭ قۇرىلۋى، جۇڭحۋا حالىق رەسپۋبليكاسىنىڭ قۇرىلۋى، رەفورما جاساۋ، ەسىك اشۋدى اتقارۋ، جاڭا داۋىردەگى جۇڭگوشا سوتسياليزم ءىسىن ىلگەرىلەتۋدىڭ بارلىعى كۇرەس بارىسىندا دۇنيەگە كەلدى، كۇرەس بارىسىندا دامىدى، كۇرەس بارىسىندا زورايىپ جەتىلدى. 100 جىلدان بەرى باستان - اياق دايەكتى ساباقتاسقان كۇرەس رۋحىنا تاباندى بولعاندىقتان عانا، پارتيامىز حالىقتى ىنتىماقتاستىرىپ، باستاپ ۇلى جول اشتى، ۇلى ۇلەس قوسىپ، جۇڭحۋا ۇلتىنىڭ دامۋ تاريحىن، ادامزات قوعامىنىڭ العا باسۋ تاريحىنداعى ادامدى ءتانتى ەتەرلىك كەرەمەتتەردى جاساپ، جۇڭحۋا ۇلتىنىڭ ەڭسە كوتەرۋدەن بايۋدان قۇدىرەتتەنۋگە دەيىنگى ۇلى شارىقتاۋىن قارسى الىپ، جۇڭحۋا ۇلتى ۇلى گۇلدەنۋىن جۇزەگە اسىرۋدا بوگەۋ بەرمەس تاريحي ۇردىسكە قادام تاستادى. 100 جىلدان بەرى ءتۇرلى قيىنشىلىقتارعا، سىن - سايىستارعا توتەپ بەرۋ بارىسىندا پارتيامىز ازۋلى جاۋدان جاسقانبايتىن، حاۋىپ - قاتەردەن قورىقپايتىن، ەرلىكپەن كۇرەس جۇرگىزەتىن، باتىلدىقپەن جەڭىسكە جەتەتىن ەرىك - جىگەر مەن قاسيەتتى شىڭدادى. ءدال باس شۋجي شي جينپيڭ ىشكەرىلەي اتاپ كورسەتكەندەي: ”باتىلدىقپەن كۇرەس جۇرگىزۋ، باتىلدىقپەن جەڭىسكە جەتۋ − جۇڭگو كوممۋنيستىك پارتياسىنىڭ جەڭىمپاز قۇدىرەتتى رۋحاني كۇشى“.

  پارتيامىز كۇرەسكە سۇيەنىپ بۇگىنگى كۇنگە جەتتى، سونداي - اق كۇرەسكە سۇيەنىپ بولاشاققا قول جەتكىزەتىنى داۋسىز. بۇگىنگى دۇنيە ءجۇزى 100 جىلدا بولماعان زور وزگەرىستى باستان كەشىرۋدە، ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى مەزگىلىندە تۇر. باس شۋجي شي جينپيڭ بىلاي دەپ قايتا - قايتا باسا دارىپتەدى: جۇڭحۋا ۇلتىنىڭ ۇلى گۇلدەنۋى استە جەڭىل - جەلپى ۇرانمەن، دابىل قاعىپ، بارابان سوعۋمەن جۇزەگە اساتىن نارسە ەمەس، ۇلى ارماندى جۇزەگە اسىرۋ ءۇشىن، ءسوز جوق، ۇلى كۇرەستەر جۇرگىزۋ كەرەك. العا باسۋ جولىندا ءبىز ءدوپ كەلەتىن حاۋىپ - قاتەرلەر، سىناقتار تەك بارعان سايىن كۇردەلىلەسە تۇسەدى، ءتىپتى، ويعا دا كەلمەيتىن اساۋ تولقىندارعا جولىعامىز. ءبىز ءدوپ كەلەتىن ءار ءتۇرلى كۇرەس قىسقا ۋاقىتتىق ەمەس، قايتا ۇزاق ۋاقىتقا جالعاسادى، بۇل كەم دەگەندە ءبىزدىڭ ەكىنشى 100 جىلدىق كۇرەس نىساناسىن جۇزەگە اسىرۋىمىزدىڭ جالپى بارىسىمەن بايلانىسىپ جاتادى. بۇكىل پارتيا وسى ۇلى كۇرەستىڭ ۇزاق ۋاقىتتىعىن، كۇردەلىلىگىن، جاپالىلىعىن تولىق تانىپ، كۇرەس رۋحىن ساۋلەلەندىرىپ، كۇرەس قابىلەتىن جوعارىلاتىپ، حالىقتى ءونىمدى تۇردە ەلەۋلى سىن - سايىستارعا توتەپ بەرۋگە، ەلەۋلى حاۋىپ - قاتەردەن قورعانۋعا، ەلەۋلى بوگەتتى جويۋعا، ەلەۋلى قايشىلىقتى شەشۋگە ىنتىماقتاستىرىپ، باستاپ ۇلى كۇرەستىڭ جاڭا جەڭىستەرىنە ۇزدىكسىز قول جەتكىزۋى كەرەك.

  باس شۋجي شي جينپيڭ بىلاي دەپ باسا دارىپتەدى: ”جاڭا ساپاردا ءبىز، ءسوز جوق، تاۋقىمەت تانىمىن كۇشەيتىپ، زەينەتتى كۇندە بەينەتتى كۇننىڭ بولارىن قاي - قاشان دا ويلاپ، جالپى تۇلعالىق مەملەكەت حاۋىپسىزدىگى كوزقاراسىن دايەكتىلەندىرىپ، دامۋ مەن حاۋىپسىزدىكتى ءبىر تۇتاس جوسپارلاپ، جۇڭحۋا ۇلتىنىڭ ۇلى گۇلدەنۋى ستراتەگياسى جالپى جاعدايى مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاپ، ەلىمىز قوعامىنداعى باستى قايشىلىقتىڭ وزگەرۋى الا كەلگەن جاڭا ەرەكشەلىكتەردى، جاڭا تالاپتاردى جەتە تانىپ، قىم - قۋىت، كۇردەلى حالىقارالىق ورتا الا كەلگەن جاڭا قايشىلىقتاردى، جاڭا سىن - سايىستاردى جەتە تانىپ، باتىلدىقپەن كۇرەس جۇرگىزىپ، شەبەرلىكپەن كۇرەس جۇرگىزىپ، تاۋ كەزىكسە جول اشىپ، سۋ جولىقسا كوپىر سالىپ، حاۋىپ - قاتەر مەن سىن - سايىس اتاۋلىنى باتىلدىقپەن جەڭۋىمىز كەرەك!“ العا باسۋ جولىندا، ايتەۋ جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك تۇزىمىنە حاۋىپ توندىرەتىن حاۋىپ - قاتەر، سىن - سايىستار بولسا، ايتەۋ ەلىمىزدىڭ يەلىك ۇقىعىنا، حاۋىپسىزدىگىنە، دامۋ مۇددەسىنە حاۋىپ توندىرەتىن حاۋىپ - قاتەر، سىن - سايىستار بولسا، ايتەۋ ەلىمىزدىڭ وزەكتى مۇددەسى مەن كەلەلى پرينسيبىنە حاۋىپ توندىرەتىن حاۋىپ - قاتەر، سىن - سايىستار بولسا، ايتەۋ ەلىمىز حالقىنىڭ ءتۇبىرلى مۇددەسىنە حاۋىپ توندىرەتىن حاۋىپ - قاتەر، سىن - سايىستار بولسا، ايتەۋ ەلىمىزدىڭ ەكىنشى 100 جىلدىق كۇرەس نىساناسىن جۇزەگە اسىرۋىنا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋىنا حاۋىپ توندىرەتىن ءتۇرلى حاۋىپ - قاتەر، سىن - سايىستار بولسا، كەلدى بولدى، ءبىز، ءسوز جوق، جەڭىسكە جەتكەنشە باتىل كۇرەس جۇرگىزۋىمىز، تيتتەي دە بوساڭسىماۋىمىز، تيتتەي دە شەگىنشەكتەمەۋىمىز كەرەك. ءبىزدىڭ وي - سانامىز ەرەكشە سەرگەك بولۋى، تۇرعىمىز ەرەكشە بەرىك بولۋى، دۇرىس كۇرەس بەتالىسىن مىقتى يگەرىپ، ەلەۋلى كۇرەستەر، سىناقتار الدىندا ”كوشپەلى بۇلت كوز الدىمدى توسار دەپ قورىقپاۋدى“، ”تۇيدەك بۇلتتار كوشسە دە قايىسپاي ەركىن تۇرۋدى“ ورىنداۋىمىز كەرەك. پارتيا قۇرىلعاندىعىنىڭ 100 جىلدىعى سىندى ماڭىزدى ءتۇيىندى مىقتى ۇستاپ، كوپتەگەن جاڭا تاريحي ەرەكشەلىككە يە ۇلى كۇرەستى شىعار ءتۇيىن ەتىپ، پارتيانىڭ تۇرلىشە تاريحي كەزەڭدەردەگى حاۋىپ - قاتەرگە، سىن - سايىستارعا ءساتتى توتەپ بەرۋدەگى مول تاجىريبەلەرىن قورىتىندىلاپ، پايدالانىپ، ءبىرشاما ۇزاق ۋاقىتتا سىرتقى ورتاداعى وزگەرىستەرگە توتەپ بەرۋدىڭ يدەيالىق دايىندىعى مەن قىزمەت دايىندىعىن ويداعىداي ىستەپ، حاۋىپ - قاتەرگە توتەپ بەرۋ، سىن - سايىستارعا ساقاداي سايلانۋ، حاۋىپتەن امان شىعۋ قابىلەت ورەمىزدى ۇزدىكسىز جوعارىلاتىپ، كۇرەس ەرىك - جىگەرىن بەكەمدەپ، جىگەردى مۇقالتپاي، تايسالماي شابۋىلداپ، باتىلدىقپەن شايقاسىپ، جەڭىسكە جەتۋ كەرەك!

  تاپتاپ ءوتىپ تار كەشۋدى، داڭعىل جولعا نىقتاپ قادام تاستادىق، تار جول، تايعاق كەشۋلەردى سىرىپ تاستاپ، جاڭا ساپار باستادىق. بۇگىن جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارى باستالدى، ەكىنشى 100 جىلدىق كۇرەس نىساناسىنا قاراي شەرۋ تارتۋدىڭ دابىلى قاعىلدى. زەينەتتى كۇندە بەينەتتى كۇننىڭ بولارىن ويلايتىن ساياسي سەرگەكتىكپەن، تاستاي بەرىك ستراتەگيالىق تاباندىلىقپەن، باتىلدىقپەن كۇرەس جاسايتىن ەكپىندەي ىلگەرىلەۋ كۇيىمەن، ەرلىكپەن سايىسىپ، قيىندىققا قارسى اتتانىپ، كەزەڭنەن اسىپ، قىساڭنان ءوتىپ، قامال الىپ، قورعان بۇزساق، ءبىز، ءسوزسىز، العا باسۋ جولىنداعى جاپا - ماشاقاتتاردى، حاۋىپ - كەدەرگىلەردى جەڭە الامىز، ”جۇڭگو“ الىپ كەمەسى، ءسوزسىز، ۇزدىكسىز تولقىن جارا العا ىلگەرىلەپ، جەلكەن جايا الىسقا ساپار شەگەدى!

  (شينحۋا اگەنتتىگىنىڭ 7 - ايدىڭ 10 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.