تاياۋدا تۇسىرىلگەن ءۇش قىساڭ ۇلكەن توسپاسى. سۋرەتتى جىڭ كۇن تۇسىرگەن (حالىق تورى سۋرەت قورىنان الىندى)
2021 - جىلى 7 - ايدىڭ 9 - كۇنىنەن 11 - كۇنىنە دەيىن، توجياڭ ارناسى، جياليڭجياڭ ارناسى، ءۇش قىساڭ ءوڭىر ارالىعى سياقتى جەرلەردە ورتاشا جانە قالىڭ جاڭبىر جاۋدى، ءىشىنارا وڭىرلەردە قالىڭ جاڭبىر جاۋىپ ارتى نوسەرگە اينالدى. وسى رەتكى قالىڭ جاۋىننىڭ اسەرىنەن، ءۇش قىساڭ سۋ قويماسىنا كىرەتىن سۋدىڭ اعىن مولشەرى 7 - ايدىڭ 11 - كۇنى ساعات 8دەن باستاپ كوتەرىلدى، 7 - ايدىڭ 13 - كۇنى تۇستەن بۇرىن ساعات 8 بولعاندا، ءۇش قىساڭ سۋ قويماسىنا كىرگەن سۋدىڭ اعىن مولشەرى سەكۋندتىنا 41 مىڭ 500 تەكشە مەترگە جەتتى، بۇل بيىل تاسقىن مەزگىلىنە كىرگەننەن بەرگى ءۇش قىساڭ سۋ قويماسىندا كورىلگەن قويماعا كىرگەن سۋدىڭ اعىن مولشەرىنىڭ ەڭ جوعارى كورسەتكىشى سانالادى.
