□ باعراش اۋدانى باعراش اۋىلىنداعى ماقتاشى تۇرعۇن ابىلەز
تاياۋدا شەتەلدەگى ءىشىنارا كاسىپورىندار شينجياڭدا ايتىلمىس ”زورلىقپەن ەڭبەككە سالۋ“ ءومىر ءسۇرىپ وتىر دەگەندى سىلتاۋ ەتىپ، شينجياڭ ماقتاسىن شەكتەپ، شينجياڭعا كۇيە جاقتى. بۇل بارىپ تۇرعان بۇيرەكتەن سيراق شىعارعاندىق، شىلعي وتىرىك، مەن بۇعان باتىل قارسى تۇرامىن.
مەن 20 نەشە جىل ماقتا ەكتىم، ۇيىمدە 240 نەشە مۋ جەر بار. بۇرىن اۋىل شارۋاشىلىعىنىڭ ماشينالاسۋ دەڭگەيى تومەن بولعاندىقتان، ءار رەت ماقتا تەرۋ ماۋسىمى كەلگەندە، كوپتەگەن ماقتا تەرەتىن جۇمىسشى قاجەت بولاتىن. ماقتانى ۋاقىتىندا تەرىپ الۋ ءۇشىن، ءار جىلى ءبىز اقشا جۇمساپ جاقسى اسپاز ۇسىنىس ەتىپ، قولايلى جاتاق شارت - جاعدايىن ورنالاستىرىپ، ماقتا تەرەتىن جۇمىسشىلاردى ۇيىمىزگە كەلىپ ماقتا تەرۋگە باۋرايتىنبىز. ماقتا تەرۋ اقىسى دا ءبىرشاما جوعارى بولاتىندىقتان، اياق - قولى جەڭىل ادامدار قىسقا عانا 2 ايدا 20 مىڭ يۋانعا جۋىق اقشا تاباتىن، بۇل قاراپايىم وتباسى جونىنەن العاندا از كىرىس ەمەس. ءبىزدىڭ ۇيىمىزگە كەلىپ ماقتا تەرەتىن جۇمىسشىلاردىڭ بارلىعى بۇرىننان كەلىپ جۇرگەندەر، ءار رەت ماقتا تەرۋ ماۋسىمى كەلگەندە ولار وزدىكتەرىنەن مەنىمەن حابارلاساتىن. ماقتا تەرەتىن جۇمىسشىلارمەن ارامىزدا ءوزارا سەنىم قالىپتاسىپ، قويۋ دوستىق ورناعان بولاتىن.
كەيىن كەلە ماشينامەن تەرىلەتىن ماقتا بىرتىندەپ جالپىلاستى. مەن ىرىقتىلىقپەن ماشينامەن تەرىلەتىن ماقتا ەگۋ تەحنيكاسىن ۇيرەنىپ، سوڭىندا 200 نەشە مۋ جەرىمنىڭ بارىنە ماشينامەن تەرىلەتىن ماقتا ەكتىك. ماقتا تەرۋ ماشيناسىنىڭ ارقاسىندا، ماقتا تەرۋدىڭ وزىندىك قۇنى زور دارەجەدە تومەندەپ، ماقتا ەگۋدەن كىرگەن پايدا دا كوپ بولدى. بىلتىر ماقتا تەرۋ مەزگىلىندە، ءۇيىمىز نەبارى 2 كۇن ۋاقىتتا ماقتا تەرۋ جۇمىسىن ءبىتىرىپ بولدى.
ماقتا ەگۋ وتباسىمىزدىڭ تۇرمىسىن بارعان سايىن جاقسارتتى، مەن اۋدان قالاشىعىنان عيماراتتان ءۇي ساتىپ الدىم، تۇتاس وتباسىمىز بولىپ كەڭ دە جارىق ۇلكەن ۇيگە كوشىپ كىردىك، وسىزاماندانعان وتباسى ەلەكتر جابدىقتارىنان پايدالاندىق، مەن تاعى جەڭىل اۆتوكولىك ساتىپ الدىم. مەن ناعىز ماقتاشىمىن، ءبىزدىڭ ماقتا ەگۋىمىزدە ”زورلىقپەن ەڭبەككە سالۋ“ دەگەن مۇلدەم ءومىر سۇرگەن ەمەس. مەن وسەك - اياڭنىڭ شىندىقتىڭ الدىندا تويتارىسسىز - اق قۇرىپ جوعالاتىنىنا سەنەمىن.
