− باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
□ حالىق گازەتىنىڭ شولۋشىسى
”وتانشىل بىرلىكساپ − جۇڭگو كوممۋنيستىك پارتياسىنىڭ ەل ءىشى - سىرتىنداعى بارلىق جۇڭحۋا ۇلاندارىن ىنتىماقتاستىرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋداعى ماڭىزدى اسىلى“. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا باس شۋجي شي جينپيڭ 100 جىلدان بەرى جۇڭگو كوممۋنيستىك پارتياسىنىڭ جۇڭگو حالقىن ىنتىماقتاستىرىپ، باستاپ جاراتقان ۇلى تابىسىن تەرەڭ سەزىممەن ەسكە الىپ: ” تاريحتى اينا ەتىپ، بولاشاق اشۋدا، ءسوز جوق، جۇڭحۋا ۇلاندارىنىڭ ۇلى ىنتىماعىن كۇشەيتۋ كەرەك“، - دەپ باسا دارىپتەدى.
جۇڭگو حالقى ۇلى ىنتىماق رۋحىنا يە حالىق. نەشە مىڭ جىلدىق تاريح ۇزاق كوشىندە جۇڭگو حالقى باستان - اياق ءبىر نيەتتە ىنتىماقتاسىپ، قيىندىقتى بىلەك بىرىكتىرە جەڭدى، اسىرەسە، تاياۋ زاماننان كەيىن، شەتەل شاپقىنشىلارى تىزەسىن قاتتى باتىرعان قاتاڭ جاعدايدا، ەلىمىزدەگى ءار ۇلت حالقى قول ۇستاسىپ، تىزە قوسىپ، ەرلىكپەن كۇرەس جاساپ، قاندى شايقاس جۇرگىزىپ، بارلىق سۇرقيا شاپقىنشىلاردى جەڭىپ، ۇلتتىڭ تاۋەلسىزدىگى مەن ەركىندىگىن قورعاپ، جۇڭحۋا ۇلتىنىڭ وتاندى قورعاۋداعى، شەتەل شاپقىنشىلارىنا قارسى تۇرۋداعى ايبىندى تاريحي ەپوسىن بىرگە جازدى. 100 جىلدان بەرى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن، جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ، باستاپ، ۇلى جول اشىپ، ۇلى ەڭبەكتەر ءسىڭىرىپ، ۇلى رۋح سومداپ، باعالى تاجىريبە توپتاپ، جۇڭحۋا ۇلتىنىڭ دامۋ تاريحى مەن ادامزات قوعامىنىڭ العا باسۋ تاريحىندا ايبىندى تاراۋ جازدى. باس شۋجي شي جينپيڭ بىلاي دەپ تەرەڭدەي اتاپ كورسەتتى: ”100 جىلدىق كۇرەس بارىسىندا جۇڭگو كوممۋنيستىك پارتياسى بىرلىكساپتى باستان - اياق ماڭىزدى ورىنعا قويىپ، ەڭ كەڭ كولەمدى بىرلىكساپتى ۇزدىكسىز بەكەمدەپ جانە دامىتىپ، ىنتىماقتاسۋعا بولاتىن بارلىق كۇشتەرمەن ىنتىماقتاسىپ، جۇمىلدىرۋعا بولاتىن بارلىق بەلسەندى فاكتورلاردى جۇمىلدىرىپ، تىزە قوسا كۇرەس جۇرگىزەتىن كۇشتى ەڭ جوعارى شەكتە ۇيىستىردى“. اماليات بىرلىكساپ جۇڭگو كوممۋنيستىك پارتياسىنىڭ جۇرت تىلەگىن ۇيىستىرۋداعى، كۇش - قۋات توپتاۋداعى ساياسي ابزالدىلىعى مەن ستراتەگيالىق باعىتى ەكەندىگىن، توڭكەرىستىڭ، قۇرىلىستىڭ، رەفورما ىستەرىنىڭ جەڭىسىنە قول جەتكىزۋدىڭ ماڭىزدى اسىلى ەكەندىگىن، پارتيانىڭ تاپتىق نەگىزىن كۇشەيتۋدىڭ، پارتيانىڭ بۇقارالىق نەگىزىن كەڭەيتۋدىڭ، پارتيانىڭ بيلىك جۇرگىزۋ ورنىن بەكەمدەۋدىڭ ماڭىزدى اسىلى ەكەندىگىن، جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ماڭىزدى اسىلى ەكەنىن تولىق دالەلدەدى.
ىنتىماق − تەمىر، ىنتىماق − قۇرىش، ىنتىماق − كۇش. ىنتىماق − جۇڭگو حالقى مەن جۇڭحۋا ۇلتىنىڭ العا باسۋ جولىنداعى بارلىق قاتەرلەر مەن سىن - سايىستاردى جەڭىپ شىعۋىنىڭ، جەڭىستەن جاڭا جەڭىسكە ۇزدىكسىز جەتۋىنىڭ ماڭىزدى كەپىلى. 100 جىلدىق كۇرەس بارىسىنا قايىرىلا قاراساق، ءبىز ىنتىماقتى، ءبىر تۇتاس جۇڭحۋا ۇلتىنىڭ ەل ءىشى - سىرتىنداعى جۇڭحۋا ۇلاندارىنىڭ ورتاق تامىرى، دارقان دا شۇرايلى جۇڭحۋا مادەنيەتىنىڭ ەل ءىشى - سىرتىنداعى جۇڭحۋا ۇلاندارىنىڭ ورتاق رۋحى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ەل ءىشى - سىرتىنداعى جۇڭحۋا ۇلاندارىنىڭ ورتاق ارمانى ەكەندىگىن تولىق تانىپ جەتتىك. ورتاق تامىر ءبىزدىڭ سۇيىسپەنشىلىگمىزدى تەرەڭ توعىستىردى، ورتاق رۋح ءبىزدىڭ جۇرەگىمىزدى قاۋىشتىردى، ورتاق ارمان ءبىزدى ءبىر نيەتپەن جۇمىلدىردى. وتانشىلدىق، سوتسياليزم تۋىن بيىك ۇستاپ، سوتسياليستىك وزەكتى قۇن كوزقاراسىن ۇزدىكسىز جەتىلدىرىپ جانە امالياتتا ايگىلەپ، جۇڭحۋانىڭ تاڭداۋلى ءداستۇرلى مادەنيەتىن باستان - اياق جالعاستىرىپ جانە اسقاقتاتاتىن بولساق، ءبىز، ءسوز جوق، بۇكىل ەلدەگى ءار ۇلت حالقىنىڭ رۋحاني مەكەنىن ويداعىداي قۇرىپ، جۇڭحۋا ۇلاندارىنىڭ ىنتىماقتاسا ەكپىندەي ىلگەرىلەيتىن، العان بەتىنەن قايتپايتىن يدەيالىق نەگىزىن بەكەمدەپ، جۇڭحۋا ۇلتى دامۋىنىڭ داۋىرلىك جاڭا تاراۋىن بىرگە جازاتىن بولامىز.
باس شۋجي شي جينپيڭ بىلاي دەپ باسا دارىپتەدى: ”جاڭا ساپاردا ءبىز، ءسوز جوق، ۇلى ىنتىماققا، ۇلى بىرلىككە تاباندى بولىپ، بىركەلكىلىك پەن الۋان تۇرلىلىكتىڭ بىرلىگىنە تاباندى بولىپ، يدەيالىق - ساياسي جەتەكشىلىكتى كۇشەيتىپ، كەڭ كولەمدە ورتاق تانىم ۇيىستىرىپ، الەمدەگى دارىندىلاردى كەڭ كولەمدە توپتاپ، ەڭ ۇلكەن ورتاق بولگىش تابۋعا، ەڭ ۇلكەن سەنترلەس شەڭبەر سالۋعا قۇلشىنىپ، ەل ءىشى - سىرتىنداعى بارلىق جۇڭحۋا ۇلاندارى ءبىر باعىتتا ويلايتىن، ءبىر باعىتتا كۇش سالاتىن جالىندى جاعداي قالىپتاستىرىپ، ۇلتتىڭ گۇلدەنۋىن جۇزەگە اسىرۋدىڭ تەلەگەي كۇشىن ۇيىستىرۋىمىز كەرەك!“ بۇگىنگى دۇنيە ءجۇزى 100 جىلدا بولماعان زور وزگەرىستى باستان كەشىرۋدە، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ شەشۋشى مەزگىلدە تۇر. نىساناعا نەعۇرلىم جاقىنداعان سايىن، جاعداي نەعۇرلىم كۇردەلىلەسكەن سايىن، مىندەت نەعۇرلىم اۋىرلاعان سايىن، جۇڭگو كوممۋنيستىك پارتياسى باسشىلىعىنىڭ ساياسي ابزالدىلىعى مەن جۇڭگوشا سوتسياليزمنىڭ ءتۇزىم ابزالدىلىعىن سولعۇرلىم ساۋلەلەندىرىپ، ءار جاقتىڭ اقىل - پاراساتى مەن كۇش - قۋاتىن ۇيىستىرىپ، ەل ءىشى - سىرتىنداعى جۇڭحۋا ۇلاندارى ءبىر باعىتتا ويلايتىن، ءبىر باعىتتا كۇش سالاتىن قۋاتتى بىرىككەن كۇش قالىپتاستىرۋ كەرەك. جاپپاي سوتسياليستىك وسىزاماندانعان قۇدىرەتتى ەل ورناتۋدىڭ ەكىنشى 100 جىلدىق كۇرەس نىساناسىنا قاراي قادام باسقاندا، ءبىز بۇكىل مەملەكەتتەگى ءار ۇلت حالقىنىڭ ۇلى ىنتىماعىن بەكەمدەپ، ءارقايسى پارتيا - توپتىڭ، ءارقايسى ۇيىمنىڭ، ءار ۇلتتىڭ، ءارقايسى جىكتىڭ، سونداي - اق ءار جاقتىڭ ىنتىماعىن نىعايتىپ، مەملەكەتتىڭ تۇتاستىعى مەن قوعامنىڭ جاراسىمدىلىعىن، ورنىقتىلىعىن باتىل قورعاپ، بۇكىل حالىقتىڭ اقىل - پاراساتى مەن كۇش - قۋاتىن ۇيىستىرىپ، تۇتاس قوعامنىڭ جاسامپازدىق ومىرشەڭدىك كۇشى مەن دامۋ قوزعاۋشى كۇشىن تاسقىنداتىپ، بارلىق جۇڭحۋا ۇلاندارى ءبىر نيەتپەن ىنتىماقتاسا كۇرەس جاساعان تەلەگەي كۇشتى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ قۋاتتى قوزعاۋشى كۇشىنە اينالدىرۋىمىز كەرەك. جۇڭگو حالقىنىڭ اناعۇرلىم تاماشا تۇرمىستى جۇزەگە اسىرۋدا العا باسقان قادامى بوگەۋ بەرمەيدى، جۇڭحۋا ۇلتىنىڭ ۇلى گۇلدەنۋگە بەتتەگەن تاريحي قادامى بوگەۋ بەرمەيدى!
جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارى باستالىپ، ەكىنشى 100 جىلدىق كۇرەس نىساناسىنا قاراي جورىق جاساۋدىڭ دابىلى قاعىلدى. بۇل جۇڭگو حالقى مەن جۇڭحۋا ۇلتى ەكپىندەي ىلگەرىلەگەن جاڭا ءداۋىر، جۇڭحۋا وركەنيەتىنىڭ تىڭ شۇعىلالى تاراۋىن جازاتىن ۇلى ءداۋىر! جۇڭگو حالقىنىڭ ءار مۇشەسىنىڭ، جۇڭحۋا ۇلتىنىڭ ءار مۇشەسىنىڭ بارلىعى ءدال وسىنداي ۇلى داۋىردە بولعاندىعىن داڭق سەزىنۋى، ماقتانىش سەزىنۋى ءتيىس! ءبىر نيەتپەن جۇڭگو ارمانىن بىرگە سومداپ، جاڭا ءداۋىردىڭ جاڭا ۇزاق ساپارىندا قول ۇستاسا ەكپىندەي ىلگەرىلەۋدە، جۇڭحۋا ۇلاندارىنىڭ ۇلى ىنتىماعىن كۇشەيتىپ، ەڭ كەڭ كولەمدى وتانشىل بىرلىكساپتى بەكەمدەپ جانە دامىتىپ، ءۇرتىس ءبىر نيەتپەن ىنتىماقتاسا وتىرىپ قاجىرلىلىقپەن كۇرەس جاساپ، بوران - شاشىندا بوگەلمەي العا ىلگەرىلەيتىن بولساق، ءبىز، ءسوز جوق، ادامزاتتىڭ ۇلى ۋاقىت تاريحىندا جۇڭحۋا ۇلتىنىڭ ۇلى تاريح ۋاقىتىن ۇزدىكسىز جاراتا الامىز!
(شينحۋا اگەنتتىگىنىڭ 7 - ايدىڭ 11 - كۇنى بەيجيڭنەن بەرگەن حابارى)
