□ شيحۋ قالاسى شيداگوۋ قالاشىعىنىڭ ماقتاشىسى تۇرداحۇن ابليميت
مەنىڭ ەسىمىم تۇرداحۇن ابليميت، شيحۋ قالاسى شيداگوۋ قالاشىعىنىڭ ماقتاشىسىمىن، وتباسىمىزدا 30 مۋ ماقتا اتىزى بار. 3 بالام وسى نەشە ون مۋ جەردىڭ ارقاسىندا ەسەيىپ - ەرجەتتى، بالالارىمنىڭ باقىتتى تۇرمىسىنا ءوزىم دە ءدان ريزامىن.
بۇرىن ماقتاعا ءدارى شاشۋ، سۋارۋ، ماقتا تەرۋ سياقتىلاردىڭ ءبارى ادام كۇشىمەن ورىندالاتىن. ماندىمدى كىرىس كىرگىزۋ ءۇشىن، ماقتا تەرۋدەن باسقا ەگىس جۇمىسىنىڭ ءبارىن ايەلىم ەكەۋىمىز بىرگە ىستەيتىنبىز، جاپالى بولعانىمەن، ءار جىلى جيىن - تەرىن كەزىندە ماقتادان ايتارلىقتاي تابىس تاپقاندا، ەڭبەگىمىز وتەلدى دەپ بىلەتىنبىز.
سوڭعى جىلدارى ماقتا ەگۋ جۇمىسىندا ماشينالاسۋدىڭ، كولەمدەنۋدىڭ بارعان سايىن جالپىلاسۋىنا ساي، مەن 30 مۋ جەرىمدى جالعا بەردىم، كاسىپتىك سەرىكتەستىك ءبىر تۇتاس ەگەتىن بولدى، مەن ءار جىلى جەردى اينالىمعا سالۋ اقىسىن الىپ تۇردىم. ءبىر ءدارى شاشۋ ماشيناسىن، ءبىر باعدارلى تۇقىم ءسىڭىرۋ ماشيناسىن، 2 تراكتور ساتىپ الىپ، ارناۋلى اۋىل شارۋاشىلىق ماشيناشىسىنا اينالدىم، قىستاق تۇرعىندارىنا قىزمەت وتەپ، جىلىنا ورتا ەسەپپەن 1000 مۋعا جەتەتىن ەگىستىك جەردە جۇمىس جۇرگىزەمىن، قىستاق تۇرعىندارى دا كومەكتەسۋگە مەنى قالاپ شاقىرادى. ايەلىم ۇيدە سيىر باعادى، ودان جىلىنا 100 نەشە مىڭ يۋان كىرىس كىرەدى.
جۋىقتا ءىشىنارا شەتەل كاسىپورىندارى ماقتا تەرۋ بارىسىندا ايتىلمىس ”زورلىقپەن ەڭبەككە سالۋ“ ءومىر ءسۇرىپ وتىر دەگەندى جەلەۋ ەتىپ شينجياڭ ماقتاسىن شەكتەدى، بۇل بارىپ تۇرعان جالا جاۋىپ، وسەك - اياڭ تاراتقاندىق.
مەن كەۋدەمدى قاعىپ تۇرىپ، ءبىز ەشقانداي زورلىق كورگەن ەمەسپىز، ماقتا ەكسەك، جەردى كوتەرمەگە الساق، سيىر، قوي باقساق، ءبارى دە كىرىستى كوبىرەك كىرگىزىپ، ءتىپتى دە جاقسى تۇرمىس كەشىرۋ ءۇشىن دەپ ايتامىن. ماقتانى قالاي ەگۋدەن حابارى جوقتاردىڭ، ماقتا تەرىپ كورمەگەندەردىڭ ءبىزدىڭ ماقتا اتىزىمىزعا كەلىپ ارالاپ كورىپ، كوز ايالارىن كەڭەيتۋىن قارسى الامىز. شينجياڭنىڭ ناقتى جاعدايى الدىندا ءارقانداي وسەك - اياڭ تويتارىسسىز - اق توزىپ جوعالادى.
