تيانشان تورى
تيانشان تورى   ›   جاڭالىقتار   ›   شينجياڭ حابارلارى

ايتىلمىس ”زورلىقپەن ەڭبەككە سالۋ“ بارىپ تۇرعان ساندىراق

      □ ساۋان قالاسى قۇلجا جولى الەۋمەتتىك اۋماعىنىڭ ماقتاشىسى ايگۇل تۇرسىن

  جۋىقتا ءىشىنارا شەتەل كاسىپورىندارى شينجياڭ ماقتاسىن شەكتەدى، شينجياڭدا ايتىلمىس ”زورلىقپەن ەڭبەككە سالۋ“ ماسەلەسى ءومىر ءسۇرىپ وتىر دەپ پالە جاپتى، بۇل بارىپ تۇرعان بىلجىراق، شەكتەن اسقان وسەك - اياڭ!

  مەنىڭ وتباسىم ماقتا ەككەلى 20 نەشە جىل بولدى، 60 مۋ جەرگە ماقتا ەكتىك، ءار جىلى ماقتا ەگۋدەن 80 مىڭ يۋان اينالاسىندا تازا كىرىس كىرگىزەمىز. مەن ماقتا ەگۋ، تەرۋ، ساتۋ، مانەرلەۋ سياقتى بۇكىل بارىسقا ابدەن قانىقپىن، ءوزىم ماقتا ەگىپ قانا قويماي، اۋىلداستارىمنىڭ دا ماقتا ەگۋ ارقىلى تاماشا تۇرمىسقا كەنەلگەندىگىنە كۋا بولدىم.

  قازىر ماقتا ەگۋدە ءىرى تۇرپاتتى اۋىل شارۋاشىلىق ماشينا سايماندارىن پايدالانامىز، تۇقىم سەبۋ، سۋارۋ سياقتىلاردى كۇيەۋىم ەكەۋىمىز - اق ىستەي بەرەمىز. ءبىز ماقتا تۇقىمىن سەبۋدە زەردەلى اۋىل شارۋاشىلىق ماشينالارىن پايدالانامىز، 60 مۋ جەرگە ءبىر كۇندە - اق تۇقىم سىڭىرەمىز، قىرۋار ەڭبەككۇشتىڭ استە قاجەتى جوق، قىستاق تاعى مەرزىم سايىن بىزگە تەحنيكالىق قولداۋ كورسەتەدى، ماقتا ەگۋدەن كىرگەن كىرىسىمىز توتەنشە ورنىقتى. ماقتا تەرۋ - جيناۋ مەزگىلىندە بۇرىن ءبىز ادام شاقىرىپ ماقتا تەرگىزەتىنبىز، بازار باعاسىندا ولاردىڭ ەڭبەكاقىسىن بەرەتىنبىز. ماقتا تەرۋگە كومەكتەسەتىن اۋىلداستار ىرىقتى تۇردە كەلىپ تەرىسەدى، ەڭبەك ارقىلى كىرىسكە يە بولادى. ايتىلمىس ”زورلىقپەن ەڭبەككە سالۋ“ استە ءومىر سۇرگەن ەمەس. قازىر ماقتا تەرۋدە ماقتا تەرۋ ماشيناسىنان پايدالانامىز، ادام كۇشىمەن تەرۋ قاجەتسىز.

  ءبىزدىڭ ماڭىمىزداعى كوپتەگەن ماقتا ەگەتىن وتباسىلارى تۇگەلدەي قالادان ءۇي ساتىپ الدى، مەنىڭ وتباسىم دا بۇدان قاعىس قالعان جوق. ماقتا ەگۋ ارقىلى ءبىزدىڭ بۇكىل وتباسىمىزدىڭ تۇرمىسى كۇننەن - كۇنگە جاقسارۋدا، قىستاقتان دۇكەن اشتىم، قالادان ءۇي ساتىپ الدىم، ۇيدە تەلەۆيزور، توڭازىتقىش سياقتى كەرەكتى دۇنيەنىڭ ءبارى بار، تاعى 100 نەشە مىڭ يۋانعا ءبىر جەڭىل اۆتوكولىك ساتىپ الدىم، كوكتەمدە جەڭىل اۆتوكولىگىمدى جۇرگىزىپ قىستاققا قايتىپ ماقتا ەگەمىن، ماقتا تەرىلىپ بولعاننان كەيىن قالادا تۇرامىن، تۇرمىسىمنىڭ قانشالىقتى تاماشا ەكەنىن ايتىپ سۇراماڭىز.

  شىندىق الدىندا وسەك - اياڭ تويتارىسسىز - اق توزىپ جوعالادى، ايتىلمىس ”زورلىقپەن ەڭبەككە سالۋ“ بارىپ تۇرعان ساندىراق. ءبىزدىڭ باقىتتى تۇرمىسىمىز ءوزىمىزدىڭ قاجىرلى ەڭبەگىمىز ارقىلى كەلگەن، استە جات نيەتتى ادامدار جاعىنان قاساقانا كۇيە جاعىلۋعا ەمەس، قايتا قۇرمەت پەن القاۋعا يە بولۋعا ءتيىس. مەن ءبىزدىڭ شينجياڭداعى ءار ۇلت حالقىنىڭ تۇرمىسىنىڭ، ءسوز جوق، اناعۇرلىم تاماشا بولاتىندىعىنا سەنەمىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.