تيانشان تورى
تيانشان تورى   ›   جاڭالىقتار   ›   شينجياڭ حابارلارى

ينتەرنەت جەلىسىندەگى بۇلتتىق ساباقحانا، ينتەرنەت جەلىسىنەن سىرتقى ۇلكەن ساباقحانا

قارامايلى قالاسى قارامايلى رايونى كوپ ءتۇرلى تاسىلمەن دەمالىسقا، زەينەتكە شىققان كادرلاردىڭ، پارتيا مۇشەلەرىنىڭ پارتيا تاريحىن ۇيرەنۋىن ىلگەرىلەتتى

ينتەرنەت جەلىسىندەگى بۇلتتىق ساباقحانا، ينتەرنەت جەلىسىنەن سىرتقى ۇلكەن ساباقحانا

□ انار بۇلت / شينجياڭ گازەتىنىڭ قارامايلى تىلشىلەر پۋنكتىنەن جاڭ يۋە

  7 - ايدىڭ 1 - كۇنى قارامايلى قالاسى قارامايلى رايوندىق كوميتەتى قارت كادرلار مەكەمەسى دەمالىسقا، زەينەتكە شىققان كادرلاردى، پارتيا مۇشەلەرىن جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىنىڭ تىكە تاراتىلىم سالتاناتىن كورۋگە ۇيىمداستىرىپ، باس شۋجي شي جينپيڭنىڭ ماڭىزدى ءسوزىن مۇقيات تىڭدادى.

  باس شۋجي شي جينپيڭنىڭ ماڭىزدى ءسوزى دەمالىسقا، زەينەتكە شىققان كادرلاردى، پارتيا مۇشەلەرىن شەكسىز ماقتانىشقا جانە قۋانىشقا بولەدى. كوپشىلىك قارامايلى رايوندىق كوميتەتى قارت كادرلار مەكەمەسى قۇرعان جەلىدە ۇيرەنۋ تۇعىرى − ”التىن ساباقحانادا“ قىزۋ تالقى ورىستەتىپ، وزدەرىنىڭ تەبىرەنىستى كوڭىل كۇيلەرىن بەينەلەدى.

  ”مەن وتاننىڭ پارتيانىڭ باسشىلىعىندا ەڭسە كوتەرۋدەن بايۋعا، ودان قۇدىرەتتەنۋگە دەيىنگى بارىسىن باسىمنان كەشىردىم، ۇلى تابىس وڭاي - وسپاق قولعا كەلمەدى“، - دەدى زەينەتكە شىققان كادر جيا داۋحۇي.

  زەينەتكە شىققان كادر ۋاڭ شۋەيۋان بىلاي دەدى: ”پارتياعا كىرگەنىمە 30 جىل بولدى، وتاننىڭ وراسان زور وزگەرىسى ماعان تەرەڭ اسەر بەردى، جۇڭگو كوممۋنيستىك پارتياسى بولماسا، جاڭا جۇڭگو بولماق ەمەس، جۇڭحۋا ۇلتىنىڭ ۇلى گۇلدەنۋى دە بولماق ەمەس“.

  ”التىن ساباقحانا“ ”پارتيا قۇرىلىسى + ينتەرنەت“ جانە ”12+N“ ۇلگىسى ارقىلى ينتەرنەت جەلىسىندە، ينتەرنەت جەلىسىنەن تىس سايكەسە ارەكەتتەنىپ ۇيرەنۋ ورىستەتىپ، پارتيا تاريحىن ۇيرەنۋ تاربيەسىن جانداندىردى.

  قارامايلى رايوندىق كوميتەتى قارت كادرلار مەكەمەسىنىڭ باستىعى ليۋ شيڭ بىلاي دەدى: ”دەمالىسقا، زەينەتكە شىققان كادرلاردىڭ، پارتيا مۇشەلەرىنىڭ ’التىن ساباقحانادان‘ويداعىداي پايدالانۋى ءۇشىن ءبىز رايوندىق كوميتەت قارت كادرلار پارتيا مەكتەبى جەلىدەن تىسقى شەبى مەن ’التىن ساباقحانا‘ جەلىدەگى تۇعىرىندا ءبىر ۋاقىتتا پارتيا تاريحىن ۇيرەنۋ تاربيەسىن ورىستەتتىك. قازىرگە دەيىن ’التىن ساباقحانا‘ جيىنى 14 رەت نەگىزگى تاقىرىپتىق ۇگىت لەكسيا جۇرگىزىپ، 1000نان استام دەمالىسقا، زەينەتكە شىققان كادرلار مەن پارتيا مۇشەلەرى ۇيرەنۋگە قاتىناستى“.

  قارامايلى قالالىق پارتكوم پارتيا مەكتەبىنىڭ وقىتۋشىلارىن ”التىن ساباقحانادا“ ساباق سويلەۋگە ۇسىنىس ەتۋدەن تىس، قارامايلى رايوندىق كوميتەتى قارت كادرلار مەكەمەسى تاعى قىزمەتتەگى پارتيالى كادرلاردى، دەمالىسقا، زەينەتكە شىققان كادرلاردى، پارتيا مۇشەلەرىن جانە ۇلگىلى ادامداردى ”التىن ساباقحانادا“ ”قىزىل جۇرگىزۋشى“ بولۋعا شابىتتاندىرىپ، وزدەرىنىڭ قىزمەت جانە ۇيرەنۋ بارىسىندا العان اسەرلەرىن، تابىستارىن ”التىن ساباقحانادا“ كوپشىلىكپەن ءبولىسىپ، ”بارلىق ادام ۇگىت لەكسياشى بولۋ، بارلىق جەردە جاقسى ءۇن تاراتۋ“ ورتاسىن قالىپتاستىرىپ، كوپشىلىكتى تاريحتى ءبىلىپ پارتيانى سۇيۋگە، تاريحتى ءبىلىپ وتاندى سۇيۋگە تاربيەلەدى، جەتەكتەدى.

  ساقا پارتيا مۇشەسى ۋاڭ دۇڭ ”قىزىل جۇرگىزۋشىنىڭ“ ءبىر مۇشەسى. ول بىلاي دەدى: ”’قىزىل جۇرگىزۋشى‘ بولعانىمدى ايرىقشا ماقتانىش سەزىنەمىن، كوپشىلىككە اعا بۋىن كوممۋنيستىك پارتيا مۇشەلەرىنىڭ قايىسپاس قايسارلىعىن، ۇدەرە العا باسقان كۇرەسكەر رۋحىن تەرەڭ سەزىندىرۋدەن ءبىز باس تارتپايمىز“.

  پارتيا تاريحىن ۇيرەنۋ تاربيەسى جۇرگىزىلگەننەن بەرى قارامايلى رايوندىق كوميتەتى قارت كادرلار مەكەمەسى دەمالىسقا، زەينەتكە شىققان كادرلاردىڭ، پارتيا مۇشەلەرىنىڭ ەرەكشەلىگىن تياناق ەتىپ، پارتيا تاريحىن ۇيرەنۋ تاربيەسىنىڭ ۇلگىسىن بەلسەنە قاراستىرىپ، ”التىن ساباقحانادان“ تىس تاعى ”اۋەن، ولەڭ، سۋرەت“ پارتيا قۇرىلىسى زالىن ورنالاستىرىپ، ساقا پارتيا مۇشەلەرىن جۇڭگو حيكاياسىن، قىزىل ەستەلىكتەردى اڭگىمەلەۋگە ۇسىنىس ەتىپ، قىزىل كينولاردى، وتانشىلدىق اندەردى قويىپ، توڭكەرىستىك ولەڭ سياقتىلاردى سارالاپ، مانەرلەپ وقىدى. مۇنان تىس، تاعى پارتيا مۇشەلەرىنە پارتيا تاريحىن ۇيرەنۋ كىتاپتارىن تاراتىپ، پارتيا تاريحىن ۇيرەنۋ تاربيەسىن ىشكەرىلەي، ويداعىداي جۇرگىزۋگە پارمەندى كەپىلدىك ازىرلەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.