تيانشان تورى   ›   ۇيرەنۋ   ›   شولۋ

جاڭا ساپاردا، ءسوز جوق، پارتيا قۇرىلىسىنىڭ جاڭا ۇلى ينجەنەرياسىن ۇزدىكسىز ىلگەرىلەتەيىك

− باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

□ حالىق گازەتىنىڭ شولۋشىسى

  ”وزىنە توڭكەرىس جاساۋعا باتىل بولۋ − جۇڭگو كوممۋنيستىك پارتياسىنىڭ باسقا ساياسي پارتيالاردان پارىقتالاتىن كورنەكتى بەلگىسى“. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا باس شۋجي شي جينپيڭ: ”100 جىلدىڭ الدىندا، جۇڭگو كوممۋنيستىك پارتياسى قۇرىلعان كەزدە نەبارى 50 نەشە پارتيا مۇشەسى عانا بار ەدى، بۇگىن 95 ميلليوننان استام پارتيا مۇشەسى بار، ءبىر ميلليارد 400 ميلليوننان استام حالقى بار ءىرى ەلگە باسشىلىق ەتكەن، الەمدە ماڭىزدى ىقپالعا يە دۇنيە جۇزىندەگى ءبىرىنشى ءىرى بيلىك باسىنداعى پارتياعا اينالدى“، - دەپ اتاپ كورسەتىپ بىلاي دەپ باسا دارىپتەدى: ”تاريحتى اينا ەتىپ، بولاشاق اشۋدا، ءسوز جوق، پارتيا قۇرىلىسىنىڭ جاڭا ۇلى ينجەنەرياسىن ۇزدىكسىز ىلگەرىلەتۋ كەرەك“.

  وزىنە توڭكەرىس جاساۋعا باتىل بولۋ، پارتيانى قاتاڭ باسقارۋ، قاتاڭ جونگە سالۋ پارتيامىزدىڭ ەڭ ايقىن قاسيەتى. 100 جىلدىق بوران - شاشىندا، 100 جىلدىق زور تولقىندا ەكشەلۋدە پارتيامىزدىڭ جاپا - ماشاقاتتى بارىنشا باستان كەشىرسە دە تولاسسىز تىڭ تىنىسقا يە بولۋىنىڭ، كەمەلىنە كەلۋىنىڭ، تالاي - تالاي قيىنشىلىقتاردى جەڭىپ، تالاي - تالاي جەڭىسكە قول جەتكىزۋىنىڭ تەتىگى باستان - اياق پارتيانى پارتيا باسقارۋدان، پارتيانى جاپپاي قاتاڭ جونگە سالۋدان بوساڭسىماۋعا تاباندى بولىپ، قوعامدىق توڭكەرىستى ىلگەرىلەتۋمەن بىرگە، وزىنە تۇبەگەيلى توڭكەرىس جاساۋىندا. باس شۋجي شي جينپيڭ تەرەڭ اتاپ كورسەتكەندەي: ”پارتيامىزدىڭ سان رەتكى شىڭدالۋدان ءوتىپ، ارىندى دا الىمدى بولىپ تۇرا الۋىنداعى اسا ماڭىزدى ءبىر سەبەپ − ءبىز باستان - اياق پارتيانى پارتيا باسقارۋعا، پارتيانى جاپپاي قاتاڭ جونگە سالۋعا تاباندى بولىپ، ءوزىمىز ءارقايسى تاريحي كەزەڭدەردە ءدوپ كەلگەن حاۋىپ - قاتەرلەر مەن سىندارعا ۇزدىكسىز ويداعىداي توتەپ بەرىپ، پارتيامىزدىڭ دۇنيە ءجۇزى جاعدايىندا تەرەڭ وزگەرىستەر تۋىلعان تاريحي ۇردىستە باستان - اياق ءداۋىردىڭ الدىڭعى لەگىندە جۇرۋىنە، ەل ءىشى - سىرتىنداعى ءتۇرلى حاۋىپ - قاتەرلەر مەن سىندارعا توتەپ بەرۋدىڭ تاريحي ۇردىسىندە باستان - اياق بۇكىل ەل حالقىنىڭ تىرەگى بولۋىنا شىنايى كەپىلدىك ەتكەندىگىمىزدەن!“. پارتيانىڭ حالىقتى ىنتىماقتاستىرىپ، باستاپ جۇرگىزگەن توڭكەرىس، قۇرىلىس، رەفورما امالياتى پارتيامىز قاي كەزدە قۋاتتى دا پارمەندى بولسا، سول كەزدە پارتيا مەن حالىق ىستەرىنىڭ تىنباي ىلگەرىلەپ، بارلىعىندا جەڭىسكە جەتەتىندىگىن دالەلدەدى. پارتيانىڭ قۇرىلىسىن ۇلى ينجەنەريا رەتىندە ىلگەرىلەتۋ پارتيامىزدىڭ زور جاسامپازدىعى، پارتيامىزدىڭ حالىققا باسشىلىق ەتىپ ۇلى قوعامدىق توڭكەرىس جۇرگىزۋىندەگى ماڭىزدى اسىلى.

  جۇڭگونىڭ ىستەرىن جاقسى ىستەۋدىڭ تەتىگى پارتيادا، تەتىگى پارتيانى پارتيا باسقارۋعا، پارتيانى جاپپاي قاتاڭ جونگە سالۋعا تاباندى بولۋدا. جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ سىندى ۇلى قوعامدىق توڭكەرىستى ويداعىداي جۇرگىزۋ ءۇشىن، پارتيامىز، ءسوز جوق، وزىنە توڭكەرىس جاساۋعا باتىل بولىپ، پارتيانىڭ قۇرىلىسىن اناعۇرلىم قۋاتتى دا پارمەندى ەتۋ كەرەك. ءسوز جوق، مىنانى دا كورە ءبىلۋ كەرەك: جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ پارتيامىزدىڭ الدىنا بۇرىن بولىپ كورمەگەن جاڭا سىن - سايىستار مەن جاڭا تالاپتاردى قويدى، پارتيانىڭ ءوز قۇرىلىسىندا ءالى دە سايكەسپەيتىن، ۇيلەسپەيتىن تۇستار ءومىر سۇرۋدە. پارتيامىز 100 جىلدىق ءىرى پارتيا رەتىندە، العاباسارلىق پەن كىرشىكسىزدىكتى قالاي ماڭگى ساقتاۋ، جاستىق كوكتەم ومىرشەڭدىك كۇشىن قالاي ساقتاۋ، حالىقتىڭ قۋاتتاۋى مەن قولداۋىنا قالاي ماڭگى قول جەتكىزۋ، ۇزاق ۋاقىت بيلىك جۇرگىزۋدى قالاي جۇزەگە اسىرۋ ءبىز، ءسوز جوق، جاقسى جاۋاپ بەرۋگە، جاقسى شەشۋگە ءتيىستى ءتۇبىرلى سيپاتتى ماسەلە. تەك باتىلدىقپەن پىشاقتىڭ ءدۇزىن ىشىنە قاراتىپ، باتىلدىقپەن سۇيەكتى قىرىپ جاراقاتتى ەمدەپ، باتىلدىقپەن كەسكىن شەشىم جاساعاندا عانا، ءوزىن باستان - اياق شىڭداپ، باستان - اياق ءداۋىردىڭ اۆانگاردىنا، ۇلتتىڭ تىرەگىنە اينالۋعا بولادى، باستان - اياق ماركسيزمدىك بيلىك باسىنداعى پارتياعا اينالۋعا بولادى. جاڭا داۋىردە پارتيامىز، ءسوز جوق، پارتيانىڭ وزىنە توڭكەرىس جاساۋى ارقىلى پارتيانىڭ حالىققا باسشىلىق ەتىپ جۇرگىزەتىن ۇلى قوعامدىق توڭكەرىسىن ىلگەرىلەتۋى كەرەك. پارتيا 19 - قۇرىلتايىنىڭ بايانداماسىندا بىلاي دەپ باسا دارىپتەلدى: ”پارتيانى قاي - قاشان دا ءداۋىردىڭ الدىڭعى لەگىندە جۇرەتىن، حالىق شىن جۇرەكتەن قولدايتىن، وزىنە توڭكەرىس جاساۋعا باتىل، داۋىلدى تولقىنداردىڭ سىنىنان وتە الاتىن، كۇش - قايراتى تاسقىنداعان ماركسيزمدىك بيلىك باسىنداعى پارتيا ەتىپ قۇرىپ شىعۋ كەرەك“، بۇل ءارى پارتيامىزدىڭ حالىققا باسشىلىق ەتىپ ۇلى قوعامدىق توڭكەرىس جۇرگىزۋىنە قويىلعان وبيەكتيۆ تالاپ، ءارى پارتيامىزدىڭ ماركسيزمدىك ساياسي پارتيا رەتىندەگى قۇرىلىسى مەن دامۋىنىڭ ماندىك قاجەتى.

  باس شۋجي شي جينپيڭ بىلاي دەپ باسا دارىپتەدى: ”جاڭا ساپاردا ءبىز تەمىر سوقساڭ قۇرىش بول دەگەن قاعيدانى ەستە بەرىك ساقتاپ، پارتيانى جاپپاي قاتاڭ جونگە سالۋدى ماڭگى جالعاستىرۋ ساياسي سانالىلىعىن كۇشەيتىپ، پارتيانىڭ ساياسي قۇرىلىسىن ءبىر تۇتاس باسشىلىققا الىپ، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ۇزدىكسىز ىلگەرىلەتىپ، پارتيانىڭ ۇيىمدىق جۇيەسىن ۇزدىكسىز قاتايتىپ، ءمورالدى دا قابىلەتتى جوعارى ساپالى كادرلار قوسىنىن كۇش سالا قۇرىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن تاباندىلىقپەن ىلگەرىلەتىپ، پارتيانىڭ العاباسارلىعى مەن كىرشىكسىزدىگىنە زيان جەتكىزەتىن بارلىق فاكتورلاردى باتىل الاستاپ، پارتيانىڭ اقاۋسىزدىعىن بۇلدىرەتىن بارلىق ۆيرۋستاردى الاستاپ، پارتيانىڭ ساپاسىنىڭ وزگەرمەۋىنە، سيپاتىنىڭ وزگەرمەۋىنە، قاسيەتىنىڭ وزگەرمەۋىنە شىنايى كەپىلدىك ەتۋىمىز، پارتيانىڭ جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ تاريحي ۇردىسىندە باستان - اياق پارمەندى باسشىلىق ۇيتقى بولۋىنا شىنايى كەپىلدىك ەتۋىمىز كەرەك!“. پارتيانى جاپپاي قاتاڭ جونگە سالۋدى تەرەڭدەتىپ، وزىنە تۇبەگەيلى توڭكەرىس جاساۋ رۋحىن ۇزدىكسىز اسقاقتاتىپ، ”ەمتيحان تاپسىرۋ“ سەرگەكتىگىن ساقتاپ، پارتيانىڭ العاباسارلىعىن السىرەتەتىن، پارتيانىڭ كىرشىكسىزدىگىن بۇلدىرەتىن بارلىق ماسەلەلەرمەن باتىل كۇرەس جۇرگىزىپ، پارتيانىڭ ءوزىن كىرشىكسىزدەندىرۋىن، ءوزىن كەمەلدەندىرۋىن، ءوزىن جاڭارتۋىن، ءوزىن جوعارىلاتۋىن جۇزەگە اسىرىپ، پارتيانىڭ ساياسي باسشىلىق قابىلەتىن، يدەيالىق جەتەكشىلىك قابىلەتىن، بۇقارالىق ۇيىمداستىرۋ قابىلەتىن، قوعامدىق ۇندەۋ قابىلەتىن ۇزدىكسىز كۇشەيتىپ، پارتيانىڭ حالىق بۇقاراسىمەن ەتەنە بايلانىسىن ماڭگى ساقتاساق، پارتيامىز، ءسوز جوق، تاسقىنداعان ومىرشەڭدىك كۇشى مەن قۇدىرەتتى جاۋىنگەرلىك كۇشىن ماڭگى ساقتاپ، حالىقتى ىنتىماقتاستىرىپ، باستاپ، العا ىلگەرىلەۋ جولىنداعى بارلىق حاۋىپ - قاتەردى، سىن - سايىستى جەڭىپ، جاڭا دا ۇلى جەڭىستەردى ۇزدىكسىز قولعا كەلتىرەتىن بولادى.

  پارتيا قۇرىلىسىنىڭ جاڭا ۇلى ينجەنەرياسى − ۇلى كۇرەسكە، ۇلى ىسكە جەتەكشىلىك ەتىپ، اقىرىندا ۇلى ارماندى جۇزەگە اسىرۋدىڭ ءتۇبىرلى كەپىلى. جاڭا تاريحي باستامادا جاڭا داۋىردەگى پارتيانىڭ وزىنە توڭكەرىس جاساۋىمەن جاڭا ۇلى قوعامدىق توڭكەرىسكە جەتەكشىلىك ەتىپ، پارتيا قۇرىلىسىنىڭ جاڭا ۇلى ينجەنەرياسىن ۇزدىكسىز ىلگەرىلەتىپ، پارتيانى ءتىپتى دە قۋاتتى، پارمەندى ەتىپ قۇرساق، جۇڭگو حالقىنىڭ ۇلى ارمانىن تيەگەن كەمەمىز، ءسوز جوق، تولقىن جارا العا ىلگەرىلەپ، شۇعىلالى بولاشاقتى جەڭىسپەن بەتكە الاتىن بولادى!

  (شينحۋا اگەنتتىگىنىڭ 7 - ايدىڭ 12 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.